ལྷ་སྲས་གཞོན་ནུ།

རྩོམ་པ་པོ། དོལ་པོ་ས་འདང་བ་པདྨ་རྒྱལ་མཚན། (སྔ་འགྱུར་མཐོ་སློབ་ཆེན་མོ།)

ཤར་ཕྱོགས་རི་བོའི་རྩེ་ནས།།

སེམས་ཀྱི་ཟླ་བ་བཞད་བྱུང་།།

མ་བཅོས་ཟླ་བའི་རང་མདངས།།

རྒྱལ་ཁམས་ཡོངས་ལ་ཁྱབ་སོང་།།

མཛེས་པའི་ལྡུམ་རའི་ནང་ནས།།

མེ་ཏོག་སྣ་ཚོགས་སྐྱེས་བྱུང་།།

དྲི་མེད་པདྨའི་རང་གཟུགས།།

ཀུན་གྱི་མིག་ལ་མཛེས་སོང་།།

སྐར་ཚོགས་འབུམ་གྱི་གསེང་ནས།།

པ་སངས་བཞིན་ཏུ་མཚར་བྱུང་།།

གངས་ཅན་ལྷ་ཡི་ཡུལ་ནས།།

ལྷ་སྲས་གཞོན་ནུ་གཟིགས་བྱུང་།།

དྲིན་ཆེན་རྩ་བའི་བླ་མར།།

དད་པའི་ཨ་ལོང་སྒོར་མོས།།

སྟོད་ཚིག་མེ་ཏོག་ཆུན་པོ།།

སེམས་ཀྱི་དཀྱིལ་ནས་འབུལ་ལོ།།

༢༨/༡༠/༢༠༢༠

རྩོམ་ཁུངས། རྩོམ་པ་པོའི་ངོ་དེབ་དྲྭ་བ་ལས་བཏུས།