སྤྱི་ཟླ་ ༠༥ ཚེས་ ༢༧ ཉིན་ནས་བཟུང་བལ་ཡུལ་གྱི་གློག་བརྙན་ཁང་ཁག་ཏུ། «ཀ་བཌྜི་བཞི་པ་»ཞེས་པའི་བརྩེ་སྒྲུང་དང་འབྲེལ་བའི་དགོད་བྲོའི་ཟློས་གར་རང་བཞིན་ཅན་གྱི་གློག་བརྙན་གསར་པ་ཞིག་སྤྱི་ཚོགས་མདུན་སར་བཤམས་སྟོན་བྱས་ཡོད་ཅིང་། གློག་བརྙན་དེ་ནི་མུ་འབྲེལ་གློག་བརྙན་ཞིག་ཡིན་པ་མ་ཟད། ད་ཐེངས་ཀྱི་གློག་བརྙན་དེ་ཉིད་འཁྲབ་ཚན་བཞི་པ་རེད་འདུག་ལ་མཐའ་མ་དེ་ཡང་རེད་འདུག གློག་བརྙན་དེ་ཉིད་བཤམས་སྟོན་བྱེད་འགོ་ཚུགས་ནས་བཟུང་བལ་ཡུལ་ནང་ཧ་ཅང་གི་གྲགས་པས་ཁྱབ་ཅིང་། ཡོང་འབབ་ལ་བསམ་ན་ཉིན་འགའ་ཤས་ནང་ཐོག་མའི་མ་རྩ་ལས་གསུམ་ལྡབ་བཞི་ལྡབ་ཀྱིས་ཡོངས་སུ་བརྒལ་བ་བྱུང་ཞིང་། བལ་ཡུལ་ནང་ད་བར་དེ་ལྟར་ཡོང་འབབ་བྱུང་མྱོང་མེད་པར་གྲགས།
