སྐྱོན་བརྗོད་ལ་མི་བཟོད་ན་གྲག་འགུལ་མེད་པར་སྡོད།‍

ཕྱི་ལོ་ ༢༠༢༢ ཟླ་བ་ ༦ ཚེས་ ༡༧ ཉིན་བསླབ་པ་ཀུན་བཏུས་ཀྱི་བཀའ་ཆོས་ཀྱི་ཞོར་འཕྲོས།

གསུང་བ་པོ།: མཁན་ཆེན་ཚུལ་ཁྲིམས་བློ་གྲོས།

ཟིན་ཕབ་པ།: ཚྭ་ནག་གདུང་སེལ།

ཅི་ཞིག་འཇིག་རྟེན་གྱི་ཆོས་ཉིད་ཡིན་པ་རེད་ཟེར་ན།  རྒྱ་བོད་ཧོར་གསུམ་གྱི་ས་ཆ་སྟོད་སྨད་གང་ཞིག་ལ་ཡོད་པ་ཡིན་ན།  ཚོགས་པ་ཞིག་ཡིན་ན་འདྲ། མི་སྒེར་ཞིག་ཡིན་ན་འདྲ། ཡང་ན་ཆོས་སྡེ་ཞིག་ཡིན་ན་འདྲ།  མདོར་ན་གང་ཞིག་ཡིན་ན་གྲག་འགུལ་རྩ་བ་ནས་མེད་པ་ཞིག་ཡིན་ན། དེའི་ཐོག་ལ་སྐྱོན་བཤད་ཡོང་མཁན་གཅིག་ཀྱང་ཡོད་མ་རེད།

“ང་ཚོས་རང་རྒྱུད་གྲོལ་ཐུབ་པ་ཞིག་ངེས་པར་དུ་བྱེད་དགོས།”

སྔ་འགྱུར་ཐུན་མིན་ལྟ་གྲུབ་བགྲོ་གླེང་ཐེངས་དགུ་པའི་དབུ་འབྱེད་མཛད་སྒོར་གནང་བའི་གསུང་བྱིན་ཅན། 

གསུང་པ་པོ།: མཁན་ཆེན་པདྨ་ཤེས་རབ་རིན་པོ་ཆེ། 

ཡིག་འབེབས་པ།: ཤེས་རབ་འོད་འབར། (དོལ་སྨྱོན།) 

གསུང་ས།: སྔ་འགྱུར་མཐོ་སློབ་ཆེན་མོར། 

གསུང་དུས།: ༢༠༢༣-༡༠-༡༧ ཉིན། 

དེ་རིང་གི་དུས་ཚོད་ཁྱད་པར་ཅན་འདི་ལ། ང་རང་གི་ངོས་ནས་དུས་བཟང་འདིར་བཅར་ཐུབ་པར་ཧ་ཅང་གིས་དགའ་བོ་བྱུང་། འདས་པའི་ལོ་རྒྱུས་སོགས་མང་པོ་ཞིག་ཞུས་ན་ཞུ་རྒྱུ་ཡོད་པ་འདྲ་རེད་མོད། ཕལ་ཆེར་བརྗེད་ངས་ཀྱི་དབང་དུ་གྱུར་ནས་ད་ལྟ་མང་པོ་ཞིག་དྲན་གྱི་མེད་དུས་ང་ལ་མང་པོ་ཞུ་རྒྱུ་གང་ཡང་མེད། 

དོལ་པོ་སྤྲུལ་སྐུས་སློབ་སྦྱོང་ཇི་ལྟར་བྱ་ཚུལ་སྐོར་གསུངས་པ།

ཡོང་ཁུངས། ཀུན་ཕན་ཁ་བའི་འཕྲིན་སྟེགས།

༡. སློབ་སྦྱོང་གི་སེམས་ཁམས།

     རང་ཉིད་ནང་ཆོས་ལ་སློབ་སྦྱོང་རྒྱུན་རིང་པོ་ཞིག་བྱས་པ་དང་། སློབ་སྦྱོང་ཚར་པའི་རྗེས་ལ་མི་རིགས་འདྲ་མིན་གྱི་སྤྱི་ཚོགས་དང་། རིག་གཞུང་མི་འདྲ་བ་མང་པོར་ཐོས་རྒྱུ་དང་མཐོང་རྒྱུའི་གོ་སྐབས་བཟང་པོ་བྱུང་། བརྒྱུད་རིམ་དེའི་འོག་ནས་སློབ་སྦྱོང་སྐོར་བསམ་ཚུལ་བྱུང་བ་རྣམས་ཞུ་རྒྱུ་ཡིན། དང་པོ་རང་ཉིད་སློབ་མ་ཞིག་ཡིན་པ་ནས་བཟུང་སྟེ། གུ་ཡངས་པོའི་སེམས་ཁམས་དགོས་པ་ནི། ཆ་རྐྱེན་ཨང་དང་པོ་དེ་ཡིན། གང་ཡིན་ཟེར་ན། རང་གི་ལྟ་བ་དང་རིག་གཞུང་ལུགས་སྲོལ་སོགས་ལ་ཞེན་ཆགས་ཀྱི་དབང་གིས། དངོས་ཡོད་གནས་སྟངས་མང་པོ་ཞིག་ཤེས་མི་ཐུབ་པའི་དཀའ་ངལ་ཡོང་གི་ཡོད། དང་པོ་ནས་ཚད་དང་བཅས་པ་ཞིག་ཡིན་ན། ཚད་དེའི་ཕྱི་ལོགས་ན་ཡོད་པའི་གནས་ཚུལ་མང་པོ་ཞིག་ཤེས་ཐུབ་ཀྱི་མ་རེད། ཚད་ཀྱི་ནང་ལ་ཡོད་པའི་སློབ་ཚན་རྣམས་ལ་མཁས་པ་ཡོང་སྲིད་ཀྱང་། ཡོན་ཏན་དེ་དག་མཐའ་གཅིག་ཏུ་དངོས་ཡོད་གནས་ཚུལ་ཡིན་པའི་ངེས་པ་མེད། མ་ཟད་དེའི་ནང་དུ་མགོ་འཁོར་རྒྱུ་མང་དྲགས་ན། རིག་གནས་གཞན་མང་པོ་ཞིག་ཤེས་པར་བགེགས་བྱེད་ཀྱི་རེད།

དུས་ཚོད་སྐར་ཆ་གཅིག་གི་རིན་ཐང་།

འཛམ་གླིང་གི་སློབ་གསོའི་བསྟན་བཅོས་གྲགས་ཅན་བོད་འགྱུར་དཔེ་ཚོགས་ལས། «ཡ་ཧུ་དཱ་པའི་སློབ་གསོའི་མན་ངག»ལས་བཏུས།

ཡོང་ཁུངས། གོ་ཐེ་གེའི་རྩོམ་རིག་འཕྲིན་སྟེགས།

བྱ་སྤུས་ཕབ་བཤུས་བྱས།

"ཡ་ཧུ་དཱ་པ་རྣམས་ཀྱིས། དུས་ཚོད་འཕྲོ་བརླག་ཏུ་གཏོང་བ་ནི། ཆེས་ཆེ་བའི་ཉེས་དམིགས་སུ་བརྩི་བ་རེད།  དུས་ཚོད་སྐར་ཆ་རེ་རེའི་རིན་ཐང་ནི། གསེར་ལས་ལྷག་པ་ཡིན་ཞེས་སྨྲ། དེ་ལྟར་སྨྲ་བས་མི་ཚད། སྤྱི་ཚོགས་འཚོ་བའི་ལག་ལེན་ཁྲོད་དུ། དུས་ཚོད་སྐར་ཆ་རེ་རེ་སྒོར་མོས་གོང་ཐང་གཅོད་པར་བྱེད།"

ཡ་ཧུ་དཱ་པའི་ཁྱིམ་ཚང་སློབ་གསོའི་མན་ངག་བཅུ།

ཡོང་ཁུངས། མ་རྙེད།

ཡ་ཧུ་དཱ་པའི་བླ་ཆེན་དང་མི་སེར།

དང་པོ། དཔེ་ཀློག 

དཔེ་ཀློག་ནི་བྱིས་པའི་ལས་ཀྱི་སྡིག་སྒྲིབ་ཞི་ཞིང་། མི་གཞི་ལ་བཙོ་སྦྱང་བྱེད་པའི་ཐབས་ཤེས་གལ་ཆེན་ཞིག་ཡིན། ཡ་ཧུ་དཱ་པས་ལོ་རེར་ཆ་སྙོམས་ཀྱིས་དེབ་ ༦༤ ཡན་ལ་ལྟ་ཞིང་། འཛམ་གླིང་དུ་ཆ་སྙོམས་ཀྱིས་མི་རེས་དཔེ་དེབ་ཉར་ཚགས་བྱས་ཚད་དང་། བཀླགས་ཚད་ཆེས་མཐོ་བའི་མི་རིགས་ཡིན། ཡ་ཧུ་དཱ་པའི་མི་འབོར་གྱིས་མང་ཤོས་ཟིན་པའི་ཨི་ཟི་རེལ་ཡང་། འཛམ་གླིང་དུ་རྒྱལ་དམངས་ཆ་སྙོམས་ཀྱིས་དཔེ་དེབ་ཉར་ཚགས་བྱས་ཚད་དང་། བཀླགས་ཚད་ཆེས་མཐོ་བའི་རྒྱལ་ཁབ་ཡིན།