དཔེ་ཀློག་གི་འདམ་གསེས་ལ་ནན་གྱིས་ཞུགས་རྗེས།

སྒོ་ཤེས་རབ་རྒྱ་མཚོ།

ཡོང་ཁུངས། ཀུན་ཕན་ཁ་བའི་འཕྲིན་སྟེགས། 

དཔེ་ཆར་ལྟ་སྟངས་ལེགས་པོ་ཞིག་ཤེས་དགོས་པ་ཡིན་ཏེ། གནས་གཅིག་དང་དུས་གཅིག་ཏུ། དཔེ་ཆ་གཅིག་ལ་མི་གཉིས་ཀྱིས་ཐུན་མོང་དུ་བལྟས་ན་ཡང་། དེ་གཉིས་ཀྱིས་དཔེ་ཆར་བལྟས་པའི་གྲུབ་འབྲས་ཀྱི་ཐད་ནས་ཡོངས་སུ་མི་མཚུངས་པ་ཞིག་བྱུང་གི་ཡོད་པ་རེད། དེ་ནི་ལྟ་མཁན་གཉིས་ཀའི་དབང་པོ་རྣོ་རྟུལ་ཁོ་ནས་ཡིན་པར་སྨྲས་ན། དོན་དངོས་དང་མི་མཐུན་པའི་བསམ་ཚུལ་ཞིག་སྟེ། ལྟ་མཁན་སོ་སོས་དཔེ་ཆར་ལྟ་སྟངས་མ་འདྲ་བ་ནི། དཔེ་ཀློག་གི་གྲུབ་འབྲས་ཐ་དད་པ་དེ་གཉིས་ཀྱི་འབྱུང་རྐྱེན་གཙོ་བོ་ཞིག་ཏུ་འཇོག་འོས། 

རང་གི་སློབ་བུ་དག་ལ་དཔེ་ཀློག་སྐོར་ནས་ཁ་བརྡ་བྱས་པ།

གུན་གནང་སྐབས་སུ་རང་གི་སློབ་བུ་དག་ལ་དཔེ་ཀློག་སྐོར་ནས་ཁ་བརྡ་ཉུང་ཙམ་བྱེད་སྐབས་སུ་དྲན་ཐོར་བྲིས་པ།

རྩོམ་པ་པོ། དྷཱི་ལྷ་ལྡན།

ཡོང་ཁུངས། འོད་འཛིན་རྩོམ་སྟེགས།

གཅིག ང་ཚོ་ལ་རྙེད་དཀའ་བའི་དཔེ་ཀློག་གི་ཆ་རྐྱེན་འཛོམས་ཡོད་པ་ཤེས་དགོས།

༡. དབང་པོ་ཀུན་ཚང་གི་ཆ་རྐྱེན་ཚང་བ།

     སྤྱི་ཚོགས་སྒང་གི་མིག་དང་རྣ་ལྕེ་སོགས་མེད་པའི་མི་དང་། སྨྱོན་པ་དང་ལྐུགས་པ་སོགས་དབང་པོ་མི་ཚང་བའི་མི་དག་ལ་བལྟས་ན། ང་ཚོ་ནི་སློབ་སྦྱོང་དང་དཔེ་ཀློག་བྱས་ཏེ། མི་ཚེ་རིན་ཐང་དང་ལྡན་པར་བྱེད་པའི་ཆ་རྐྱེན་གཞལ་དུ་མེད་པ་དེ་ཚང་ནས་ཡོད། རང་གིས་རང་ཉིད་ལ་རྙེད་དཀའ་བའི་ཆ་རྐྱེན་འདི་དག་ཚང་ཡོད་པ་ངོས་ཟིན་པ་ནི་ཤིན་ཏུ་གལ་ཆེ། དེ་ཡི་རང་བཞིན་ནི་དཔེར་ན་ཡ་ཧུ་ད་པའི་གཏམ་རྒྱུད་ལས་«སྒོར་ས་ཡ་གཅིག་གི་བདག་པོ་»ཞེས་པ་ལྟ་བུ་རེད།

དཔེ་ཀློག་དང་སློབ་ཆེན།

ཆིན་ལེ་ཆོན་གྱིས་བརྩམས། 

ཨ་རིན་གྱིས་བསྒྱུར།

གངས་རྒྱན་འཕྲིན་སྟེགས་ལས་བཤུས།

༡. དཔེ་ཀློག་ཇི་ལྟར་བྱེད་དགོས།

      མཚམས་འདི་ནས་ཤེས་བྱ་ཇི་ལྟར་འཚོལ་བ་དང་། དཔེ་ཀློག་ཇི་ལྟར་བྱེད་པའི་གནད་དོན་གླེང་བར་བྱ། དེ་ཡང་དཔེ་ཀློག་ལ་ལུའུ་ཞུན་དང་ཀྲོའུ་ཙུའོ་རེན་སྤུན་མཆེད་གཉིས་ཀྱིས། བསམ་ཡུལ་ལས་འདས་ཤིང་ནང་དོན་གྱིས་ཕྱུག་པའི་དཔེ་ཞིག་བླངས་ཡོད་དེ། ལུའུ་ཞུན་ན་རེ། དཔེ་ཀློག་ནི་ཤོ་རྩེ་བ་དང་འདྲ་ཞེས་ཟེར། དེ་ནི་དེ་རིང་གི་ཤོ་རྩེ་བར་དགའ་བའི་མི་དང་འདྲ་སྟེ། ཉིན་མཚན་རེ་རེར་དང་། ཉིན་མཚན་འཕྲོར་མཐུད་ནས་བསྟུད་མུར་རྩེ་ཞིང་། མཚམས་རེར་སྤྱི་བདེ་མི་སྣས་བཟུང་ནའང་། གློད་བཀྲོལ་བཏང་རྗེས་མུ་མཐུད་དུ་ཤོ་རྩེ། དེ་ལས་ཤོ་རྩེ་བའི་ངོ་མཚར་ནི་ཤོ་སྦག་རེ་རེའི་འགྱུར་ལྡོག་སྣ་ཚོགས་ཤིང་། དཔེ་ཀློག་ཀྱང་དེ་དང་འདྲ་བར། ཤོག་གྲངས་རེ་རེའི་ངོས་སུ་རོལ་མྱོང་གི་བྲོ་བ་ཕུན་སུམ་ཚོགས་པ་ཡོད་པ་དེའོ། །དོན་དམ་པའི་ཤོ་རྩེ་མཁན་ཞིག་ཡིན་ཚེ། ཤོ་ཡི་རྒྱལ་ཕམ་ལ་སྣང་དོགས་མི་བྱེད་ཅིང་། གལ་ཏེ་སྒོར་མོའི་ཆེད་དུ་ཤོ་རྩེ་བ་ཡིན་ན། རྒྱན་པོ་འགྱེད་མཁན་ཁྲོད་ཀྱི་“ཐ་མར་”བརྩི། དེ་བས་རྒྱན་པོ་འགྱེད་མཁན་ནང་གི་ཤོ་རྩེ་མཁན་ནི། ཤོ་ཡི་ཆེད་དུ་ཤོ་རྩེ་བ་སྟེ། ཆེད་དུ་ཤོ་རྩེ་སར་སོང་ནས། དེའི་ཁྲོད་ཀྱི་བདེ་བ་རོལ་མྱོང་བྱེད་པ་དེ་ཡིན། དཔེ་ཀློག་ཀྱང་དེ་དང་འདྲ་སྟེ། དཔེ་ཀློག་གི་ཆེད་དུ་དཔེ་ཀློག་བྱེད་ཅིང་། ཁེ་ཕན་ལས་འདའ་འགོངས་བྱེད་དགོས། དེ་བས་དཔེ་ཀློག་དེ་ཡང་རྩེད་མོ་སྐྱིད་པོ་ཞིག་ཏུ་བསམ་ན དཔེ་ཀློག་གི་སྨྲ་བསམ་བརྗོད་འདས་ཀྱི་རོལ་མྱོང་གི་ཆ་དེ་སྙེག་པའོ།།

དཔེ་ཀློག་གི་ཕན་ནུས་དང་དགོས་མཁོ།

གསུང་བ་པོ། མཁན་པོ་ཚུལ་ཁྲིམས་བློ་གྲོས།

ཡོང་ཁུངས། ཤེས་བྱ་སྣ་འཛོམས་ཀྱི་སྤྱི་སྟེགས།

སྤེལ་ཉིན། ༢༠༢༡/༠༤/༢༣

དེ་རིང་གི་ཉི་མ་ལ་མཚོན་ན་འཛམ་བུ་གླིང་གི་ཐོག་ནས་དཔེ་ཆ་ཀློག་པའི་ཉི་མ་ཡིན་ཟེར་ནས་གཏན་ཁེལ་བྱས་ཡོད་པས། དཔེ་ཆ་དང་འབྲེལ་བའི་ཉི་མ་དམིགས་བསལ་བ་ཞིག་རེད། དེ་རིང་ཉི་མ་གཅིག་ལོགས་སུ་བཀར་ཏེ་དཔེ་ཆ་ཀློག་པའི་ཉི་མ་ཡིན་ཟེར་དགོས་པའི་རྒྱུ་མཚན་གང་རེད་ཟེར་ན། གཙོ་བོ་མི་རྣམས་ལ་དཔེ་ཆ་ཀློག་པའི་སྐུལ་མ་དང་། དྲན་སྐུལ་བྱེད་པའི་ཆེད་རེད།

«དཔེ་ཀློག་གི་རྒྱུན་ཤེས།» དཔེ་ཀློག་གི་ཉིན་མོ་རྗེས་དྲན་བྱེད་པ།

ཨ་འདུས་སྐལ་བཟང་རྒྱ་མཚོ།

ཉིན་རེ་བཞིན་དཔེ་མཛོད་ནས་ལས་ཀ་ཚར་རྗེས་ནང་དུ་ཐོན་པ་དང་། ཁ་པར་བསྔོགས་རྒྱུ་ནི་ཉེ་ཆར་ངའི་འཚོ་བའི་གྲུབ་ཆ་ཞིག་ཏུ་གྱུར་ཡོད། འོན་ཀྱང་། ངའི་སྡོད་ཤག་ཏུ་དྲ་ཤུགས་ཀྱིས་མི་སྙོབས་པས་ལས་དོན་ཆུང་ཙག་རིགས་ཀྱི་སྐབས་ང་སྡོད་ཤག་གི་ཁྱམས་རིའི་ངོགས་སུ་དྲ་ལམ་འཚོལ་བར་འགྲོ་བཞིན་ཡོད། ངའི་སྡོད་ཤག་ནི་ཐོག་བརྩེགས་བཞི་བའི་སྒང་ཡོད་པས། དེ་ནས་རྒྱབ་མདུན་གྱི་ཕྱོགས་མང་པོ་ཞིག་སྒེའུ་ཁུངས་བརྒྱུད་ནས་ཐད་ཀར་མཐོང་ཐུབ། ང་སྒེའུ་ཁུངས་འགྲམ་དུ་ལངས་ཏེ་དྲ་ལམ་བཙལ། དེ་རིང་ཡང་སྔར་རྒྱུན་བཞིན་དྲ་ཤུགས་མྱུར་པོ་ཞིག་མི་འདུག་པས་ང་ཡིད་ཐང་ཆད་ཆད་བར་དུ་ངང་སྒུག་བྱས། 

དཔེ་དེབ་ཀློག་སྟངས་སྐོར་གྱི་ཉམས་མྱོང་ཐོར་རེ་བ།

བསྟན་འཛིན་ཆོས་འཕེལ། སྔ་འགྱུར་མཐོ་སློབ་ཆེན་མོ།

༡༽ སྔོན་དུ་འགྲོ་བ།

ཉིན་ཤས་སྔོན་དུ་ངའི་དཔེ་ཀློག་གི་བརྒྱུད་རིམ་སྐོར་ལ་སྐད་ཆ་ཁ་ཤས་བཤད་པ་དེར། དྲ་གྲོགས་ཤིག་གིས་དཔེ་དེབ་ཇི་ལྟར་ཀློག་སྟངས་སྐོར་ལ་ལབ་རོགས་ཟེར་ནས་མཆན་ཞིག་བྲིས་འདུག་པས། ཐེངས་འདིར་དེའི་སྐོར་ལ་སྐད་ཆ་ཐུང་ངུ་ཞིག་བཤད་རྒྱུ་ཡིན།

ངའི་དཔེ་ཀློག་གི་བརྒྱུད་རིམ།

སློབ་དཔོན་བསྟན་འཛིན་ཆོས་འཕེལ།

༡༽ ཐོག་མའི་གཏམ།

དེང་སང་ཅུང་ཁོམ་པ་ཡོད་པའི་དུས་ཚོད་འདིར། རང་ཉིད་ཀྱི་སྒེར་དོན་འབའ་ཞིག་གི་ཆེད་དུ་དུས་ཚོད་བཀོལ་རྒྱུ་མིན་པར། སྐབས་རེར་ཁྱེད་དྲ་གྲོགས་རྣམས་ལའང་སྐད་ཆ་ཚིག་འགའ་བཤད་ན་ཅུང་དགེ་ཕན་རེའང་ཡོད་སྙམ་ནས། ཐེངས་འདིར་དཔེ་ཀློག་གི་སྐོར་ལ་ཁ་བརྡ་ཐུང་ཐུང་ཞིག་བྱེད། 

དཔེ་ཆར་ཇི་ལྟར་བལྟ་བའི་སྐོར་གྱི་གླེང་མོལ།

རྩོམ་པ་པོ། དགེ་རྒན་ཆེན་མོ་རྒྱ་ཡེ་བཀྲ་བྷོ།

ཚོགས་བཤད་ལ་དབྱེ་ན་གཉིས་ཡོད་དེ།

       ① རིག་གཞུང་ཚོགས་བཤད།

       ② སྤྱིར་བཏང་ཚོགས་བཤད།

དེང་གི་དུས་འདི་ནི་དཔེ་ཆར་བལྟས་ནས་སྡུག་མྱོང་དགོས་པའི་དུས་ཤིག་ཡིན།

དཔེ་ཆ།

       1. སྔོན་ཆེད་གང་དག་ལ་བལྟས་ཟིན་པ།

       2. ད་ལྟ་གང་དག་ལ་བལྟ་བཞིན་པ།

       3. མ་འོངས་པར་གང་དག་ལ་བལྟ་དགོས་པ།

གཞུང་ལུགས་སློབ་སྟངས།

རྩོམ་པ་པོ། གོ་ཆ།

• _མཐུན་རྐྱེན་བདུན།

དང་པོ་ནད་མེད་བདེ་ཐང་ལུས་སེམས་དགོས། །

གཉིས་པ་བརྡ་སྤྲོད་གཞུང་གི་རྨང་གཞི་དགོས། །

གསུམ་པ་སྦྱང་བྱའི་གནས་ལ་སྤྲོ་བ་དགོས། །

བཞི་བ་སྦྱོང་དུས་གཙོ་ཕལ་དབྱེ་འབྱེད་དགོས། །

འཛམ་གླིང་དཔེ་ཀློག་ཉིན་མོའི་ནང་གཞོན་ནུ་རྣམས་ལ་འབོད་སྐུལ་ཞུ་བ།

ལྷོ་ནུབ་མི་རིགས་སློབ་གྲྭ་ཆེན་མོའི་སློབ་དཔོན་ཆེན་མོ། 

འབུམ་རམས་པའི་མཛུབ་སྟོན་པ། ཐུབ་བསྟན་ཕུན་ཚོགས། 

བཀྲ་ཤིས་བདེ་ལེགས། དེ་རིང་ངས་སི་ཁྲོན་བོད་སྐད་རླུང་འཕྲིན་གྱི་འཕྲིན་ཕྲན་སྤྱི་སྟེགས་འདི་བརྒྱུད་ནས་འཛམ་གླིང་དཔེ་ཀློག་གི་ཉིན་མོ་འདི་ལ་བོད་རིགས་གཞོན་ནུ་རྣམས་ལ་དཔེ་ཆ་ཡག་པོ་ཀློགས་རོགས་གྱིས་ཟེར་ནས་འབོད་སྐུལ་ཞིག་ཞུ་བཞིན་ཡོད། གཞོན་ནུ་ཚོ་ལ་འབོད་སྐུལ་ཞུ་དགོས་པའི་རྒྱུ་མཚན་ག་རེ་རེད་ཟེར་ན། མ་འོངས་པའི་བོད་ཀྱི་སྲིད་འབྱོར་རིག་གསུམ་གྱི་དམིགས་ཡུལ། སྲིད་འབྱོར་རིག་གསུམ་གྱི་བདག་པོ་འདྲ་བོ་དེ་ཁྱོད་རང་ཚོ་ཆགས་བསྡད་ཡོད་རེད། བྱས་ཙང་། ཁྱོད་རང་ཚོས་དཔེ་ཆ་མང་ཙམ་ཀློགས། ཀླད་པ་དེ་སྒོ་ཡག་པོ་ཞིག་ཕྱེས། ལྟ་རྒྱ་དང་མཐོང་རྒྱ་ཆེན་པོ་ཆགས་ཡོང་ན། མི་རིགས་ཡར་རྒྱས་གཏོང་ཡས།  ལུང་པ་ཡར་རྒྱས་གཏོང་ཡས། མི་དམངས་ཀྱི་འཚོ་བ་ཡར་རྒྱས་གཏོང་ཡས།  ཚང་མ་ལ་ཕན་ཐོགས་ཡག་པོ་ཞིག་ཡོད་རེད། འཛམ་གླིང་གི་ལུང་པ་ཡར་རྒྱས་འགྲོ་ཡས་དེ།  ཚང་མ་དཔེ་ཆ་མང་པོ་བལྟས། འཛམ་གླིང་གི་གནས་ལུགས་གནས་ཚུལ་མང་པོ་ཞིག་ཕར་ཚུར་ཧ་གོ་བ་བྱས་ནས་མི་སྤྱང་པ་གྲུང་པོ་མང་པོ་ཞིག་ཡོང་ནས་ཡར་རྒྱས་ཕྱིན་བསྡད་པ་རེད། ང་རང་ཚོ་དེའི་མཉམ་པོ་ལ་ཡར་རྒྱས་འགྲོ་དགོས་ཀྱིན་ཡོད་རེད། ང་ཚོ་ད་བར་དུ་ཞེ་དྲག་འགྲོ་ཐུབ་ཡོད་མ་རེད། སྔོན་མ་ཡིན་ན་དཔེ་ཆ་རྐྱང་རྐྱང་རེད། དེང་སང་དཔེ་ཆ་དེ་ཤོག་བུ་གཅིག་པོའི་དཔེ་ཆ་མ་རེད། བརྙན་འཕྲིན་གྱི་དཔེ་ཆ་ལྟ་ཆོག་གིན་ཡོད་རེད། ཁ་པར་གྱི་དཔེ་ཆ་ལྟ་ཆོག་གིན་ཡོད་རེད། དཔྱད་རྩོམ་དག་དག་གི་ནང་དུ་ལྟ་ནས། དཔེ་ཆ་ལྟ་ཟེར་ཡས་དེ་ཡང་དམིགས་ཡུལ་དང་བཅས་པའི་ལྟ་དགོས་རེད། དཔེ་ཆ་ལྟ་དུས་ངས་དཔལ་འབྱོར་གྱི་ཐད་ལ། འཛུགས་བསྐྲུན་གྱི་ཐད་ལ། ཡང་ན་སོ་སོའི་བློ་གྲོས་ཀྱི་སྒོ་མོ་འབྱེད་པའི་ཆེད་དུ་དཔེ་ཆ་གང་དང་གང་དེ་ལྟ། འཛམ་བུ་གླིང་གི་གནས་ཚུལ་ག་འདྲ་ཡོང་གི་འདུག་དེའི་སྐོར་ལ་དཔེ་ཆ་བལྟ་དགོས་དྲན་ནས་དཔེ་ཆ་གཅིག་དམིགས་ཡུལ་ཡོད་པའི་སྒོ་ནས་བལྟ་དགོས་རེད་མ་གཏོགས། ང་ཚོ་བོད་ཀྱི་ཨ་མཆོད་འདོན་སྟངས་བྱས་ནས་དཔེ་ཆ་ཁ་ནས་མར་ཐག་ཐག་ཟེར་ནས་ཀློག་བསྡད་ན་ཕན་ཐོགས་ཡོད་མ་རེད། དཔེ་ཆ་མང་པོ་ཀློག་ན་བློ་གྲོས་ཀྱི་སྒོ་མོ་འབྱེད་པའི་ཕན་ཐོགས་ཡོད་རེད།

དཔེ་ཀློག་དང་ཁ་མ་བྲལ་བའི་འཛམ་གླིང་གི་ཁེ་ལས་པ་གྲགས་ཅན་འགའ།

པེར་ཡ་གྷེ་ཚི།

འཛམ་གླིང་གི་མི་ལོ་ཉེར་བཞི་ལྷག་ལ་མིའི་རིགས་ཀྱི་ཕྱུག་བདག་གི་གོ་གནས་བཟུང་བའི་པེར་ཨེ་ཡ་གྷེ་ཚི་ལགས། ལོ་ན་གཉིས་ལ་སོན་དུས་ནས་ཡི་གེ་ངོས་འཛིན་གྱི་ལས་ལ་ཞུགས་ཤིང་། ཆུང་དུས་ནས་«འཛམ་གླིང་ཤེས་བྱ་ཀུན་བཏུས།»ཆ་ཚང་ཀློག་ཡོད་པར་གྲགས། ད་ལྟ་ད་རུང་ཡང་ལོ་གཅིག་ལ་དཔེ་ཆ་བརྒྱ་ཀློག་པའི་གོམས་གཤིས་རྒྱུན་འཁྱོངས་བྱེད་བཞིན་ཡོད་ཅིང་།  “དཔེ་ཆ་རེ་རེ་ནི་འཚོལ་ཞིབ་གྱི་ལམ་ཆེན་འབྱེད་པའི་ལྡེ་མིག ” ཡིན་པར་ཁོང་གིས་འདོད་དོ།།

དཔེ་ཀློག་གི་ཉིན་མོར་དཔེ་ཆ་ཅི་ཞིག་བཀླག

རྩོམ་པ་པོ། གྱི་ལིང་འཇིགས་མེད།

    སང་ཉིན་འཛམ་གླིང་དཔེ་ཀློག་གི་ཉིན་མོ་རེད། དེ་ནི་འཛམ་བུ་གླིང་གི་མི་རྣམས་ལ་དཔེ་ཆ་ནི་བདེ་སྐྱིད་ཀྱི་ནོར་བུ་སྤུངས་པའི་བང་མཛོད་ཅིག་དང་འདྲ་བའི་རྒྱུ་མཚན་དེ་ཤེས་སུ་འཇུག་ཕྱིར་ཡིན་པ་ལས། ལོ་གཅིག་གི་ནང་ནས་གཏན་འཁེལ་གྱི་ཉིན་གཅིག་བུར་དཔེ་ཆ་བཀླགས་པ་ཞིག་གིས་ཅི་ཞིག་འཁྱོངས། དཔེ་ཆ་ནི་ང་ཚོའི་ཉིན་རེའི་འཚོ་བ་དང་ཁ་འབྲལ་ཐབས་མེད་པའི་ལོངས་སྤྱོད་ཅིག་སྟེ། ལུས་གསོ་བ་ལ་ཉིན་རེ་བཞིན་ཟས་ཟ་དགོས་པ་བཞིན་ནང་བསམ་བློ་གསོ་བ་ལ་ཉིན་རེ་བཞིན་མིག་དཔེ་ཆ་དང་འབྲལ་མི་རུང་། དེ་བས་དཔེ་ཀློག་གི་ཉིན་མོ་ནི་དྲན་སྐུལ་གྱི་ཉིན་མོ་ཞིག་ཡིན། 

དཔེ་ཀློག་བརྗེད་བྱང་། ༤༽ གླ་བོ་དྲིན་དུ་བཅགས་པ།

དཔེ་ཀློག་དང་ཁ་པར་རྩེ་བ།

མ་གསང་དྲང་མོར་སྨྲས་པའི་སེམས་ཚོར་ངོས་གཉིས་མ།

རྩོམ་པ་པོ། ཚྭ་ནག་གདུང་སེལ།

 དཔེ་ཆ་ཀློག་པ། 

དེ་རིང་གི་ངལ་གསོར་ང་རང་གིས་རང་ཤག་ཏུ་དཔེ་ཆ་རེ་ཀློག་ཁུལ་གྱིས་འདུག་ཡོད། ངས་འདི་ལྟར་བསམ། ཁྱོད་ཀྱིས་ཐོག་མར་དཔེ་ཆ་ཀློག་པའི་དགོས་པ་དང་དགེ་མཚན་མང་པོ་ཞིག་མ་ཤེས་ཀྱང་མི་སྐྱོན། གདམ་གསེས་མ་ནོར་བར་རིན་ཐང་ལྡན་པའི་དཔེ་ཆ་མང་པོ་རེ་རང་ནུས་ཅི་ལྕོགས་ཀྱིས་ཀློགས་དང་། ཉི་མ་ཞིག་ལ་ཁྱོད་རང་གིས་དཔེ་ཆ་ཀློག་པའི་དགོས་པ་དང་དགེ་མཚན་མང་པོ་ཞིག་བཤད་ཐུབ་པའི་ངག་སྒོ་ངང་གིས་གྲོལ་ཡོང་། དེ་དུས་ཁྱོད་རང་གིས་གནས་ལུགས་མང་པོ་ཞིག་རྟོགས་ཡོང་ལ་དཔེ་ཆ་ལ་འབྲལ་མི་འདོད་པའི་བརྩེ་སེམས་ཤིག་ཀྱང་ཤུགས་ཀྱིས་རྒྱུད་ལ་འཁྲུངས། ཁྱོད་རང་གིས་དཔེ་ཆ་མང་དུ་ཀློགས་དང་སེམས་ལ་སྤྲོ་སྣང་ཞིག་འཕེལ་མི་ཡོང་ངམ། དོན་ཆེ་བའི་བྱ་བཞག་ཅིག་འགྲུབ་སོང་སྙམ་པའི་སེམས་ཚོར་སྐྱིད་པོ་ཞིག་མི་འདུག་གམ། དཔེ་ཆ་མང་དུ་བཀླགས་པའི་ངལ་བ་ནི་བདེ་སྐྱིད་ཅིག་ཡིན།

སྐྱོར་སྦྱང་བྱེད་སྐབས་སུ་མེད་དུ་མི་རུང་བའི་གནད་དོན་དྲུག

རྩོམ་པ་པོ། ཆོས་རྗེ་དགོན་ཡོན་ཏན་འཛིན།

གཤིས་ལུགས་ཇི་ལྟར་མཁྱེན་པ་འཇམ་དབྱངས་ལྷ།།

གདམས་ངག་ཅི་དགར་གནང་བ་ཉི་མའི་མཚན།།

ལྟ་བ་མ་ནོར་ལམ་སྟོན་དངོས་གྲུབ་མཚན།།

གདམས་ངག་འཐུང་འདོད་བློ་ཡིད་ཚིམས་པར་ཤོག།

གཅིག  སློབ་ཁྲིད་ཉན་པའི་གནས་སྐབས་སུ་དགེ་རྒན་ལ་དད་གུས་མེད་པ། སློབ་ཁྲིད་ཉན་པའི་གནས་སྐབས་སུ་དགེ་རྒན་ལ་དད་གུས་མེད་ཚེ་སྐབས་ཀྱི་བརྗོད་བྱ་ལ་ལེགས་པར་ཉན་མི་འདོད་པར་ཆགས་འགྲོ། ལེགས་པར་མ་ཉན་ཚེ། སྐབས་ཀྱི་བརྗོད་བྱ་ལེགས་པར་ཤེས་པ་དང་ཁོང་དུ་ཆུད་པའི་རེ་བ་མེད། དེའི་ཕྱིར་སློབ་ཁྲིད་ལ་ཉན་སྐབས་དགེ་རྒན་ལ་དད་གུས་ལེགས་པོར་ཡོད་དགོས་པ་འདི་གནད་དམ་པའོ།།

དཔེ་ཀློག་ལ་ཟིན་བྲིས་བརྗེད་མི་རུང་།

རྩོམ་པ་པོ། བཞག་སྲས།

འབུམ་ལྷ་སྲས་བོད་ཡིག་འཕྲིན་སྟེགས་ལས་བཤུས།

“དཔེ་ཆ་ནི་མིའི་རིགས་ཡར་རྒྱས་ཀྱི་ཐེམ་སྐས་ཡིན།” འཚོ་བའི་ནང་དུ་དཔེ་ཆ་མེད་ན། ས་ཆེན་པོར་ཉི་འོད་མེད་པ་དང་འདྲ་ཞིང་། བྱེའུ་ཆུང་ཞིག་ལ་གཤོག་ཟུང་མེད་པ་དང་མཚུངས། དཔེ་དེབ་བཟང་པོ་དེ་བཤེས་གཉེན་དམ་པ་ཡིན།   ཁོས་ང་ཚོའི་ཤེས་རིག་འཕེལ་རྒྱས་དང་གོ་རྟོགས་ཇེ་ཟབ་ཏུ་གཏོང་བ་མ་ཟད། ང་ཚོ་ལ་རྣམ་ཤེས་གསར་བ་ཞིག་བཞེངས་སྐྲུན་བྱེད།

དཔེ་ཆ་ཀློག་སྐབས་ཟིན་བྲིས་འདེབས་རྒྱུ་བརྗེད་མི་རུང་། ཟིན་བྲིས་འདེབས་པ་དེ་དཔེ་ཀློག་གི་ཐབས་ཤེས་གལ་ཆེན་ཞིག་ཡིན་ལ། དཔེ་ཀློག་སྐབས་སུ་མེད་མི་རུང་བའི་ཆ་ཤས་ཞིག་ཀྱང་ཡིན། 

སློབ་གཉེར་པ་ཞིག་ལ་མཚོན་ན། ཟིན་བྲིས་འདེབས་པ་དེ་དཔེ་ཀློག་ལ་དགོས་ངེས་ཀྱི་གོ་རིམ་ཞིག་ཡིན་ཏེ། དཔེ་ཀློག་སྐབས་སུ། མིང་ཚིག་དང་སྦྱོར་བ་ལེགས་པར་འཕྲད་ཚེ་འཕྲལ་དུ་བཤུ་འབྲི་བྱེད་ཅིང་། སྐབས་དེའི་སེམས་ཀྱི་འགྱུར་བ་ཅི་ཡོད་ཟིན་བྲིས་སུ་བཏབ་ན། བག་ཆགས་ཟབ་མོ་འཇོག་ཐུབ་པ་དང་། ཤེས་རིག་གསོག་འཇོག་བྱ་བར་སྨན་པ་མ་ཟད། རྗེས་ཆར་དཔྱད་གཞི་སྟབས་བདེ་རུ་གྱུར་ཏེ། གསར་རྩོམ་སློབ་གཉེར་ལ་རྨང་གཞི་བརྟན་པོ་འདིང་ངོ་།། གནའ་བོའི་དཔེ་ཀློག་པ་རྣམས་ལ་ཟིན་བྲིས་མང་དུ་འདེབས་པའི་གོམས་སྲོལ་ཡོད་ཅིང་། རིག་གནས་ཡོན་ཏན་ཀྱང་ནམ་རྒྱུན་ཟིན་བྲིས་ཀྱི་ཀློང་ནས་རྙེད་དོ།།