རྗེ་བླ་མ་མཁྱེན་ནོ།།

སློབ་དཔོན་པདྨ་རྒྱལ་མཚན་དོལ་པོ།

རྗེ་བླ་མ་མཁྱེན་ནོ།

མུན་པའི་ལྭ་བ་དགུ་རྩེགས་གཡོགས་པའི་དུས།།

ཤེས་རིག་ཉི་མའི་འོད་མདངས་འཕྲོས་ན་ཡང་།།

འདི་ཕྱི་ཀུན་གྱི་ལམ་སྟོན་སྣང་བའི་སྒོ།།

ཐོག་མར་འབྱེད་པའི་བདག་གི་མིག་གཅིག་ཡིན།།

༄༅། །ཕ་ཨོ་རྒྱན་གུ་རུ་རྗེས་སུ་དྲན་ཞིང་གདུང་བའི་སེམས་ཀྱི་སྨོན་ལམ། [གླུ་གཞས།]

ཚིག: ཁྲི་ཏོ་རེ།
གདངས།: སྐལ་བཟང་གཡུ་སྒྲོན།
དབྱངས་ལེན་མཁན།: སྐལ་བཟང་གཡུ་སྒྲོན།

རང་བྱུང་ཁམས་འདི་ང་ཚོ་ཚང་མའི་བདེ་སྐྱིད་ཁྱིམ་གཞིས་ཡིན།།

བྱ་དང་རི་དྭགས་ཚང་མ་ང་ཚོའི་གྲོགས་པོ་གྲོགས་མོ་ཡིན།།

ཕན་ཚུན་བརྩེ་སེམས་ཕན་ཚུན་བྱམས་བརྩེའི་འོད་མདངས་ཀྱིས་ཁྱབ་པར།།

གུ་རུ་ཁྱེད་ལ་གསོལ་བ་སྙིང་ནས་འདེབས་སོ་བྱིན་གྱིས་རློབས།།

ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ།

ཀུན་མཁྱེན་རོང་ཟོམ་པ་དང་རྗེ་མི་ལའི་བླ་མ་རོང་སྟོན་ལྷ་དགའ་གཉིས་གཅིག་ཡིན་མིན་ལ་དཔྱད་པ།

རྩོམ་པ་པོ། ཀུན་ཏུ་རྒྱུ། 

སྔ་འགྱུར་བརྒྱུད་པའི་བླ་མ་རྣམས་ལ་ཕྱག་འཚལ་ཞིང་

ཚེ་རབས་ཀུན་ཏུ་སྐྱབས་སུ་བསྙེན་ནོ།།

     དེ་ཡང་ལོ་སྔོན་མའི་ནང་དུ་སྔ་འགྱུར་རྙིང་མའི་ཞིབ་འཇུག་གི་དེབ་དང་པོ། རོང་ཟོམ་ཆོས་ཀྱི་བཟང་པོའི་རྣམ་ཐར་དང་། ཐེག་ཆེན་ཚུལ་འཇུག་ཞིབ་དཔྱད་ཞུ་དག དེའི་བརྗོད་བྱ་བརྗོད་བྱེད་ལ་བརྟག་པ། ཞེས་པའི་རྣམ་གྲོལ་གླིང་གི་མཁན་པོ་དང་སློབ་དཔོན་སློབ་དཔོན་མ་དག་གིས་མཛད་པ། དེའི་འགྲེམ་སྤེལ་བརྡ་འབྱོར་བ་ནས་བཟུང་ངང་སྒུག་བྱས་མོད། དེབ་དངོས་ནི་ད་དུང་ཡང་ལག་ཏུ་མ་འབྱོར། ཉིན་ཤས་སྔོན་འཕྲུལ་དེབ་(གློག་རྡུལ་དཔེ་དེབ།)ཅིག་བརྙེད་ཅིང་། དབུ་ནས་རོང་ཟོམ་གྱི་རྣམ་ཐར་ལ་བརྟགས་པ་ཆ་ཚང་མཇལ་བ་ཡིན་ལ། དོགས་སྣང་ཕྲན་བུ་རེ་ཡང་བྱུང་། དེའི་ནང་ནས་ཁོང་རྣམས་ཀྱི་ཞིབ་འཇུག་གི་གྲུབ་དོན་ཞིག་ཡང་དག་མིན་ངེས་སུ་འདུག་སྙམ་པ་ཡང་བྱུང་། དེ་ནས་རྒྱུ་ཆ་འགའ་ཡང་བཀླགས་ཤིང་། དེ་དག་གི་གྲུབ་དོན་ཞིག་ཡི་གེའི་ལམ་ནས་སྤེལ་འདོད་བྱུང་ངོ་།།

མཁན་ཆེན་པདྨ་ཤེས་རབ་རིན་པོ་ཆེ་མཆོག་ནས་གདན་ས་ཆེན་མོ་རྣམ་གྲོལ་གླིང་དུ་བསྐྱངས་གནང་བའི་མཛད་ཕྲིན་ཁག་ཕྱོགས་བསྡུས།

སྔ་འགྱུར་མཐོ་སློབ་ཆེན་མོའི་ངོ་དེབ་དྲྭ་བ་ལས་བཤུས།

༈ རིགས་ཀུན་གྱི་ཁྱབ་བདག་དཔལ་ལྡན་བླ་མ་དམ་པ། ༸སྐྱབས་རྗེ་གྲུབ་དབང་ཡིད་བཞིན་ནོར་བུའི་ཕྲིན་ལས་ཀྱི་བྱེད་པོ། སྡོམ་གསུམ་སྡེ་སྣོད་འཛིན་པ། ཡོངས་ཀྱི་དགེ་བའི་བཤེས་གཉེན། མཁན་རིན་པོ་ཆེ་པདྨ་ཤེས་རབ་མཆོག བོད་རབ་རྒྱན་ཆུ་ཕོ་སྟག ཕྱི་ལོ་ ༢༠༢༢ ལོར་ཡབ་རྗེ་གྲུབ་དབང་བླ་མའི་གདན་ས་འདིར་མཛད་རིམ་བཀའ་དྲིན་བསྐྱངས་པ་རྣམས་ཀྱི་ངོ་སྤྲོད།

བོད་རབ་རྒྱན་ཆུ་ཕོ་སྟག་གི་སྣྲོན་ཟླ་བའི་ཚེས་ ༡༦ གི་ཕྱི་དྲོ། འདི་གར་ཐེག་མཆོག་རྣམ་གྲོལ་བཤད་སྒྲུབ་དར་རྒྱས་གླིང་དུ་ཞབས་སོར་བདེ་བར་འཁོད། ཚེས་ ༡༧ གྱི་ཕྱི་དྲོ་ཆུ་ཚོད་ ༥:༠༣ ཐོག སྔ་འགྱུར་མཐོ་སློབ་མདོ་སྔགས་རིག་པའི་འབྱུང་གནས་གླིང་གི་རྒྱུན་ལས་རྣམ་པ། མཁན་རིན་པོ་ཆེ་མཆོག་གི་སྐུ་མདུན་མཇལ་བཅར་གྱིས། མཐོ་སློབ་ཆེན་མོའི་སོང་ཟིན་སྙན་སེང་དང་འབྱུང་འགྱུར་བཀའ་སློབ་ལམ་སྟོན་ཞུས། 

གློ་བོ་ལྷུན་འགྲུབ་ཀྱི་སྙན་ངག་ཚན་པ་གཉིས།

ཞིང་ལས་བྱེད་བཞིན་པའི་སྐབས་འཁོར་བའི་ལས་ཀྱི་གསེབ་ནས་བླ་མ་ལ་གསོལ་བ་བཏབས་པ།

སྟོན་པ་བཀའ་དྲིན་ཅན་གྱི་བསྟན་པ་ལ།།

དད་དམ་གཡོ་བ་མེད་པའི་ངང་ཚུལ་ཅན།།

ཡབ་རྗེ་༸གྲུབ་དབང་པདྨ་ནོར་བུ་ལ།།

སྙིང་ནས་འདུད་དོ་ཐུགས་རྗེ་མ་ཆུང་ཞིག།

ས་བཀའ་རྙིང་གསུམ་ཡོངས་ཀྱིས་བཀའ་དྲིན་དྲན་དགོས་པའི་ཆོས་གྲྭ་ཞིག

སློབ་སྤྲུལ་འཆི་མེད་ཚེ་དབང་དོལ་པོ།

གངས་ལྗོངས་མཁས་པའི་འབྱུང་གནས་རྫོགས་ཆེན་ཤྲཱི་སེང་ནང་བསྟན་སློབ་གླིང་།

རྫོགས་ཆེན་ཤྲཱི་སིངྷ་དཔལ་གྱི་ཆོས་གྲྭ་ཆེན་པོ་འདི་ཉིད། ༸སྐྱབས་རྗེ་རྫོགས་ཆེན་སྐུ་ཕྲེང་བཞི་པའི་བཀའ་ལུང་ལྟར། དུས་ཕྱིས་སྔ་འགྱུར་བསྟན་པ་ལ་བཀའ་དྲིན་གཞལ་ཟླ་དང་བྲལ་བ་དགེ་མང་རྒྱལ་སྲས་གཞན་ཕན་མཐའ་ཡས་(༡༨༠༠-༡༨༥༥)ཀྱིས། ཕྱི་ལོ་ ༡༨༤༨ ལོར་ཕྱག་བཏབ་ཅིང་། རྗེ་ཉིད་མཁན་རབས་གཉིས་པའི་ཁྲིར་བཞུགས། དེ་ནས་བཟུང་སྔ་འགྱུར་བ་ཕལ་ཆེ་བ་བཤད་གྲྭ་འདིར་སློབ་གཉེར་གནང་དུ་ཕེབས་སྲོལ་བྱུང་སྟེ། སྟོད་དབུས་གཙང་ནས་ཀུན་གཟིགས་བོད་པ་སྤྲུལ་སྐུ་དང་། སྨད་ཨ་མདོ་ནས་དགུ་རོང་སྤྲུལ་སྐུ། སྨན་ལྗོངས་འབྲུག་ཡུལ་ནས་མཁན་པོ་བསྟན་པ་རིན་ཆེན་སོགས། ཆོས་སྡེ་འདིར་དཀའ་བ་ཁྱད་སད་ཀྱིས་ཤུལ་ལམ་རིང་མོ་བཅད་ནས་ཕེབས་པ་མང་།

བོན་གསར་མ་ཞེས་པའི་མིང་གི་གོ་དོན་དང་དེའི་བྱུང་འཕེལ་སྐོར་ལ་དཔྱད་པ།

རྩོམ་པ་པོ། ཚེ་རིང་རྡོ་རྗེ།

ཡོང་ཁུངས།: འོད་འཛིན་རྩོམ་སྟེགས།

རྩ་བའི་མ་ཁུངས།: བོད་རིག་པའི་དེབ།

 

ནང་དོན་གནད་བསྡུས།: དཔྱད་རྩོམ་འདིར་བན་བོན་གཉིས་ཀྱི་ལོ་རྒྱུས་ཡིག་ཆ་ལ་ཁུངས་བཅོལ་ཏེ། བོན་གསར་མ་ཞེས་པའི་མིང་གི་གོ་དོན་དང་། དེ་ཉིད་དུས་རབས་བརྒྱད་པའི་བན་བོན་རྩོད་གླེང་ཁྲོད་ཇི་ལྟར་བྱུང་ཚུལ། དེ་ནས་བེེ་རོ་ཙ་ན་དང་སྤྲུལ་སྐུ་རྣམ་བཞིའི་སྐབས། ཤར་རྫ་བཀྲ་ཤིས་རྒྱལ་མཚན་གྱི་སྐབས་བཅས་སུ། རིམ་བཞིན་འཕེལ་རྒྱས་སུ་ཕྱིན་ཏེ་ཡང་རྩེར་སོན་པ་བཅས་ལ་དཔྱད་དེ། བོན་གསར་མར་ཆོས་བརྒྱུད་རིས་མེད་ཀྱི་བསམ་བློ་དང་། བན་བོན་གཅིག་སྒྲིལ། དཀྱེལ་ཡངས་པའི་རིག་གཞུང་གི་ལྟ་ཚུལ་གྲུབ་ཡོད་པ་བཅས་ལ། དོན་སྙིང་ཆེས་ཆེར་ལྡན་པ་བརྗོད་ཡོད།
 
གནད་ཚིག: བོན་གསར་མ། བྱུང་འཕེལ། དྲན་པ་ནམ་མཁའ། པདྨ་འབྱུང་གནས།

རོང་ཟོམ་མ་ཧཱ་པཎྚི་ཏ་དྲན་པའི་གླུ།

རྫ་ཚེ་རིང་བཀྲ་ཤིས། 

བླ་མ་ལ་ཕྱག་འཚལ་ལོ།།

དེ་རིང་འདི་ནས་རོང་ཟོམ་ཆེན་པོ་དྲན། །

ལེགས་བཤད་གསུང་གི་ཆེ་བ་ལྷག་ཏུ་དྲན། །

རྣམ་ཐར་བསམ་མི་ཁྱབ་པའི་ཡང་དག་མཐའ། །

བདག་གི་ཡིད་ཀྱི་ནམ་མཁར་འོད་དུ་འཁྱིལ། །

མཁན་ཆེན་མཆོག་གི་རང་བཞིན་ཅུང་ཟད་བརྗོད་པ།

དོལ་པོ་ལྷོ་རི་བ་ཀརྨ་དབང་རྒྱལ། ཧྥ་རན་སི།

ཕྱི་ལོ་ ༡༩༩༢ ཕྱི་ཟླ་ ༡༡ པའི་ནང་དེ་བ་ལ། གུས་པས་བླ་མ་དགེ་སློང་གནས་བརྟན་འདུལ་བ་འཛིན་པ་འདི་ཐོག་མར་མཇལ་མྱོང་། དུས་དེ་ནས་ད་བར་ཕལ་ཆེར་མི་ལོ་སུམ་ཅུ་ལྷག་ཙམ་སོང་འདུག

མི་ཡི་སེངྒེ་རྐང་གཉིས་ཡོངས་ཀྱི་མགོན།།

ཆོས་བརྒྱད་དྲི་བྲལ་ཤཱཀྱའི་རྒྱལ་ཚབ་ཁྱེད།།

ངེས་དོན་བསྟན་པའི་ཀ་ཆེན་ཚུལ་དུ་བཞུགས།།

དེ་ནི་བདག་སོགས་འགྲོ་བའི་བསོད་ནམས་ཆེ།།

མི་ཡི་མིང་འདོགས་སྟངས་ལ་འགྱུར་ལྡོག་ཕྱིན་པའི་མཐོང་ཚུལ་ཞིག

སློབ་སྤྲུལ་འཆི་མེད་ཚེ་དབང་དོལ་པོ།

དེང་སང་ཨ་མདོའི་ཕྱོགས་ན་ཚེག་ཁྱིམ་གསུམ་ཅན་གྱི་མིང་ཧ་ཅང་མང་སྟེ། བུ་ལ་དོན་གྲུབ་རྒྱལ། སྨན་བླ་སྐྱབས། པདྨ་འབུམ་དང། བུ་མོ་ལ་ཀླུ་མོ་མཚོ། ལྷ་ལུང་མཚོ། བསོད་ནམས་སྐྱིད་ལྟ་བུའོ། །མིང་འདི་དག་ཨ་མདོ་ཕྱོགས་དང་ཁམས་ཀྱི་མཐའ་མཚམས་ས་ཆ་འགར་མ་གཏོགས། དེང་སང་དབུས་གཙང་གཉིས་དང་། མངའ་རིས། དེ་བཞིན་ཧི་མ་ལ་ཡའི་རི་གསེང་དུ་འཚོ་བའི་བོད་རིགས་རྣམས་ཀྱིས་འདོགས་སྲོལ་མེད་སྟབས། མང་པོ་ཞིག་གིས་མིང་འདོགས་སྟངས་འདི་ཨ་མདོའི་ཐུན་མིན་སྲོལ་རྒྱུན་ཞིག་ཡིན་པར་སེམས་ཀྱི་ཡོད། ཡིན་ནའང་རང་རེའི་ལོ་རྒྱུས་ཡིག་ཚང་ཁག་བསྔོགས་ན། དབུས་གཙང་དང་མངའ་རིས་སོགས་སུའང་ཚེག་ཁྱིམ་གསུམ་ཅན་གྱི་མིང་ཧ་ཅང་མང་པོ་མཐོང་རྒྱུ་ཡོད། དཔེར་ན་བཙན་པོའི་རྒྱལ་རབས་སྐབས་ཆོས་རྒྱལ་སྲོང་བཙན་གྱི་སྐུ་མཆེད་སྲས་མོ་སད་མ་ཀར་དང་། བཙུན་མོ་ཞང་ཞུང་བཟའ་ལི་ཐིག་སྨན། ཁྲི་སྲོང་གི་བཙུན་མོ་ཚེ་སྤོང་བཟའ་མེ་ཏོག་སྒྲོན་དང་། སྲས་མོ་པདྨ་གསལ། ཤེལ་དཀར་རྡོ་རྗེ་མཚོ་སོགས་ནི་རང་རེ་ལ་ཡོངས་སུ་གྲགས།