མཁན་ཆེན་ཚུལ་ཁྲིམས་བློ་གྲོས་ཀྱིས་དྲུག་གཅིག་བྱིས་པའི་དུས་ཆེན་ལ་ཕུལ་བའི་ལེགས་སྐྱེས།

མཁས་དབང་ཚུལ་ཁྲིམས་བློ་གྲོས།

རྒྱལ་སྤྱིའི་དྲུག་གཅིག་བྱིས་པའི་དུས་ཆེན་ལ་རྟེན་འབྲེལ་ཞུ།

དང་པོ། སློབ་མ་རྣམས་ཀྱིས་དགེ་རྒན་ལ་གུས་པ་དང་བཀུར་བསྟི་ལེགས་པོ་དགོས་ཏེ། དགེ་རྒན་བཟང་པོ་ནི་སློབ་མ་རྣམས་ལ་བླང་དོར་གྱི་མིག་འབྱེད་པ་དང་། ཤེས་རབ་ཀྱི་ནོར་སྟེར་བ་མདུན་ལམ་གྱི་སར་འཁྲིད་པ་པོ་ཡིན་པས་བཀའ་དྲིན་ཤིན་ཏུ་ཆེ་བ་ཡིན། དགེ་རྒན་ལ་གུས་ན་རང་རྒྱུད་ལ་ཡོན་ཏན་འགོ་ཞིང་ཡ་རབས་ཀྱི་སྤྱོད་པ་མཚོན། ཆོས་དང་འཇིག་རྟེན་གྱི་ལུགས་དང་མཐུན་པ་ཡིན། དགེ་རྒན་ལ་བཀུར་སྟི་ཞེས་པ་ནི་གཙོ་བོ་དགེ་རྒན་གྱི་ཞལ་ལ་ཉན་ནས་སྤྱོད་པ་བཟང་པོ་ལ་གནས་ཤིང་རིག་གནས་ལ་སློབ་སྦྱོང་ནན་ཏན་བྱེད་པ་དེ་ཡིན་ནོ།།

དྲ་ཐོག་ནས་དབང་བསྐུར་ན་ཐོབ་མི་ཐོབ་ཀྱི་རྩོད་གླེང་བྱ་རྒྱུ་མིན་པར་དྲ་ཐོག་དབང་བསྐུར་ལམ་ལུགས་དེས་མ་འོངས་པའི་ཁེ་ཉེན་ལ་ཞིབ་མདངས་རྒྱབ་དགོས།

གསུང་བ་པོ། རྫ་ཚེ་རིང་བཀྲ་ཤིས།

ངས་འདི་ནས་དྲ་ཐོག་ནས་དབང་བསྐུར་ན་ཐོབ་མི་ཐོབ་སྐོར་གླེང་བར་མི་སྤྲོ། ཅིའི་ཕྱིར་ན་ཐོབ་མཁན་ཡང་ཡོད་སྲིད་ལ་མི་ཐོབ་མཁན་ཡང་ཡོད་སྲིད། དབང་ཐོབ་མ་ཐོབ་དེ་དད་པ་ཡོད་མེད་ཙམ་གྱིས་མི་འགྲིག་པར་དགེ་བཤེས་བློ་བཟང་ཟླ་བ་ལགས་ཀྱིས་ཡང་ཡང་ནན་ཏན་བྱས་ནས་གསུངས་སོང་། རྒྱལ་བ་རིན་པོ་ཆེ་ནས་ཀྱང་དུས་རྒྱུན་དུ་དབང་ཐོབ་པ་ལ་དད་པ་ཙམ་གྱིས་མི་འགྲིག་པར་གཡོ་བ་མེད་པའི་དད་པ་དགོས་ཞེས་གསུང་གིན་ཡོད་པ་རེད། དེ་ཧ་ཅང་གིས་གནད་འགག་ཆེན་པོ་རེད།

མཆོད་རྟེན་རྣམ་དག་གི་དོན་གསལ་པོར་བཤད་པ།

མཆོད་རྟེན་རྣམ་དག་གི་དོན་གསལ་པོར་བཤད་པ་དོལ་པོ་བླ་མ་ཤཱཀྱ་རིན་པོ་ཆེས་མཛད་པ་བཞུགས།

ཀ༽ སྤྱིར་མཆོད་རྟེན་གྱི་རྣམ་བཞག་བཤད་པ།

མཆོད་རྟེན་ཞེས་པ་འདི་ནི་གཙོ་བོ་སངས་རྒྱས་ཀྱི་ཐུགས་ལ་གོ་དགོས། དེའང་ཆོས་སྐུ་དང། ལོངས་སྐུ་དང། སྤྲུལ་སྐུ་བཅས་ཀྱི་རྟེན་གསུམ་དུ་དབྱེ་བ་ལྟར་ན། སྤྱི་མིང་བྱེ་བྲག་ལ་བཏགས་པའི་དབང་དུ་བྱས་པ་སྟེ། དེ་ཡང་བསྐལ་བཟང་རྣམ་འདྲེན་བཞི་པའི་བསྟན་པ་རིན་པོ་ཆེ་འདི་ལ་དེ་བཞིན་གཤེགས་པའི་སྐུ་གསུང་ཐུགས་ཀྱི་རྟེན་གསུམ་གྱི་ནང་ནས། འགྲོ་བའི་དོན་དུ་བྱོན་པར་མངའ་བའི་རྟེན་འདི་ཉིད་ལའང། ནང་གསེས་ཀྱི་སྒོ་ནས་སྒྲས་བརྗོད་རིགས་ཀྱི་དབྱེ་ན། རྣམ་གྲངས་ལྔ་ཙམ་ཀྱི་ཁོངས་སུ་འདུ་ལ། དེ་ལ་དང་པོ་རང་བཞིན་ལྷུན་གྲུབ་ཀྱི་མཆོད་རྟེན་དང་གཅིག བླ་ན་མེད་པའི་མཆོད་རྟེན་དང་གཉིས། བྱིན་གྱིས་བརླབས་པའི་མཆོད་རྟེན་དང་གསུམ། དངོས་གྲུབ་འབྱུང་བའི་མཆོད་རྟེན་དང་བཞི། ཐེག་པ་སོ་སོའི་མཆོད་རྟེན་དང་ལྔ་ཡོད་པ་ལས། 

སྨྱུག་སྡེས་ཆབ་བྲག་ལྷ་མོ་སྐྱབས་ལ་བཅར་འདྲི་བྱས་པ།

ཆབ་བྲག་ལྷ་མོ་སྐྱབས་ནི། ༡༩༦༣ ལོར་མདོ་སྨད་རྨ་ལྷོ་སོག་རྫོང་དུ་སྐྱེས། ལོ་བཅུ་ནས་བོད་ནང་གི་སློབ་གྲྭ ཆུང་འབྲིང་ཆེ་གསུམ་བརྒྱུད ༡༩༨༥ ལོར་རྨ་ལྷོ་སོག་རྫོང་དུ་དགེ་རྒན་གྱི་ཕྱག་ལས་གནང་། ༡༩༨༩ ལོར་རྒྱ་གར་དུ་སྐྱབས་བཅོལ་དུ་འབྱོར་ཞིང་། སྔ་ཕྱིར་རྡོ་རྗེ་གླིང་ཁར་ཤང་སློབ་ཆུང་དང་། སཱ་ར་བོད་ཀྱི་མཐོ་སློབ་ཏུ་ལོ་བཅུ་དགུར་བོད་ཡིག་དང་བོད་ཀྱི་རྩོམ་རིག་སློབ་ཁྲིད་བྱས། ༡༩༨༨ ལོ་ནས་གསར་རྩོམ་གྱི་ལས་སུ་ཞུགས་ཤིང་བོད་ཕྱི་ནང་གི་དུས་དེབ་སོགས་སུ་སྙན་ངག་དང་འབོལ་རྩོམ། བརྩམས་སྒྲུང་དང་། དཔྱད་རྩོམ་སོགས་མང་པོ་ཞིག་སྤེལ་ཡོད། ༡༩༩༧ ལོར་བཙན་བྱོལ་བོད་ཀྱི་རྩོམ་པ་པོའི་དཔྱད་རྩོམ་འགྲན་བསྡུར་ཁྲོད་ཨང་དང་པོ་དང་། ༢༠༠༠ ལོར་བོད་རྒྱལ་ཡོངས་རྩོམ་པ་པོའི་ཕུལ་བྱུང་མཚན་རྟགས་བཞེས། ༢༠༠༩ ལོ་ནས་ཧྥ་རན་སིའི་ཤར་ཕྱོགས་སྐད་ཡིག་སློབ་གླིང་ཁང་དུ་བོད་ཀྱི་རྩོམ་རིག་དང་སྐད་ཡིག་སློབ་ཁྲིད་གནང་བཞིན་བཞུགས་ཡོད། བརྩམས་ཆོས་ལ། དབྱངས་ཅན་སྤྲུལ་པའི་གླེགས་བམ་དེབ་བརྒྱད། སྙན་རྩོམ་ཕྱོགས་སྒྲིག་དེབ་གཅིག་བརྩམས་སྒྲུང་ཕྱོགས་སྒྲིག་དེབ་གཅིག འབོལ་རྩོམ་ཕྱོགས་སྒྲིག་དེབ་གཉིས། ཟློས་གར་འཁྲབ་གཞུང་དེབ་གཅིག ཆབ་སྲིད་དང་སློབ་གསོའི་སྐོར་གྱི་དེབ་གཉིས། རྩོམ་རིག་དཔྱད་བརྗོད་ཀྱི་དེབ་གཅིག་བཅས་སོ།།

ནད་ཡམས་ཞི་རྗེས།

རྩོམ་པ་པོ། དོལ་སྨྱོན།

ནད་ཡམས་ཞི་རྗེས།

རྒྱ་གར་ནང་རྐང་ཆག་ལག་ཆག་མང་བ་འབྱུང་རྒྱུ་དང་།

ནུབ་ཕྱོགས་སུ་སྦྲུམ་མའི་གྲངས་ཁ་འཕར་བའི་ཚོད་དཔག་བྱེད་ཀྱིན་འདུག

དཔེ་ཆ་བ་རྣམས་ཀྱིས་མཁྱེན་དགོས་པ།

རྩོམ་པ་པོ། སློབ་དཔོན་ཆོས་འཕེལ་རྟ་རབ།

སངས་རྒྱས་ཉིད་ཀྱིས་ངའི་བཀའ་ལ་ཆ་བཞག་པའི་སྒོས་དད་མོས་མི་བྱེད་པར་དཔེར་ན།  གསེར་བརྟག་པ་ལ།  བསྲེགས། བཅད། བདར་བ་བཞིན་རིགས་པ་རྣམ་པ་གསུམ་གྱིས་ངེས་ཤེས་རྙེད་པའི་ཐོག་ནས་རྗེས་སུ་འབྲང་དགོས་པར་གསུངས་ཀྱང་། དེང་སང་གི་བོད་བརྒྱུད་ནང་བསྟན་འཛིན་མཁན་ཕལ་ཆེ་བ་དེ་ལས་ལྡོག་ནས། རང་གི་བླ་མ་ག་གེ་མོ་ཞིག་གིས་གཞུང་དེ་བཀའ་བསྟན་གཉིས་ལས་ལྷག་པ་དང་། གསུང་ཚད་མ་ཡིན་ཤག་ཤག་གི་ཆ་འཇོག་ཁོ་ན་ལས་རིགས་པས་བརྟག་བཤེར་སོང་པའི་སྒོ་ནས་འཇུག་པ་ཤིན་ཏུ་དཀོན།

དི་ཝེཤ་པོཁ་རེལ་ལམ་ཨར་ཐར་གྷན་ལགས་ཨ་མི་རི་ཀན་ཨཱའི་ཌོལ་གྱི་རྩེ་ཕུད་རྒྱལ་ཁ་ལོན་མཁན་བལ་ཡུལ་བ་དང་པོ་ཆགས་ཏེ་ལོ་རྒྱུས་གསར་པ་བསྐྲུན་སོང་།

སྤྱི་ལོ་ ༢༠༡༤ ལོར་མཐོ་རིམ་སློབ་སྦྱོང་སྦྱོང་དུ་ཨ་མི་རི་ཀར་འབྱོར་བའི་བལ་ཡུལ་གྱི་ན་གཞོན་ཕོ་གསར་དི་ཝེཤ་པོཁ་རེལ་ཁོང་། འཛམ་གླིང་ནང་གཞན་ལས་ཁྱད་དུ་འཕགས་པའི་གླུ་གཞས་འགྲན་རྩེད་ཐད་གཏོང་འཁྲབ་སྟོན་དུ་བརྩི་བའི་ཨ་མི་རི་ཀན་ཨཱའི་ཌོལ་[1]གྱི་རྩེ་ཕུད་རྒྱལ་ཁ་ལོན་མཁན་ཆགས་ནས་ལོ་རྒྱུས་གསར་སྐྲུན་བྱས་ཡོད་པ་རེད། ཐེངས་ ༡༨ ཐམ་པའི་ཨཱའི་ཌོལ་འདི་དག་གི་ནང་དི་ཝེཤ་པོཁ་རེལ་ནི་མཐའ་མའི་འགྲན་སྡུར་ཁྲོད་དུ་སླེབས་མཁན་བལ་ཡུལ་བ་ཐོག་མ་ཡིན། འདི་ནི་དངོས་གནས་ལོ་རྒྱུས་ཅན་གྱི་གྲུབ་འབྲས་ཞིག་རེད། འོས་འཕེན་གྱི་བརྒྱུད་དུས་ཚོད་ཉུང་ཉུང་རེའི་ཕ་རོལ་དུ་བརྒལ་ནས་འགྲན་རྩེད་པ་ཕུལ་བྱུང་གི་གོ་གནས་ཤིག་བླངས་པ་རེད།

དེ་རིང་གི་དཔེ་ཀློག་བརྗེད་བྱང་དགག་པའི་ཚ་རླབས།

 རྩོམ་པ་པོ། ཚེ་དབང་ནོར་བུ། (རྣམ་གྲོལ་གླིང་མཐོ་སློབ།)

དེ་རིང་མངོན་རྟོགས་རྒྱན་གྱི་དཔེ་ཁྲིད་དངོས་གཞི་དབུ་བཙུགས་རྗེས། ཤེར་ཕྱིན་གྱི་ཞོར་འཕྲོས་ཤིང་རྟའི་སྲོལ་འབྱེད་ལས་རིགས་ཚོགས་སུ་འཕྲོས་ནས་དེའི་སྐོར་གྱི་འགགས་གནད་འགའ་ཞིག་གླེང་ན།  སྤྱིར་རང་ལུགས་ལ་རིགས་ཚོགས་ཀྱི་གྲངས་ངེས་འདི་དང་འདི་ཞེས་དངོས་སུ་གསུངས་པ་མེད་མོད། འོན་ཀྱང་མི་ཕམ་པས་ས་སྐྱའི་དྲིས་ལན་དུ་ལྔ་འདོད་པ་དོན་ལ་གནས་ཤིང་གསུངས་པ་དེ་དཔྱད་གཞི་ཡིན། 

སློབ་ཆུང་སློབ་མའི་རྩོམ་འབྲིའི་རྒྱུ་ཆ་འཚོལ་སྟངས་དང་རྩོམ་འབྲིའི་དཀའ་ངལ་སེལ་ཐབས་སྐོར་གླེང་བ།

རྩོམ་པ་པོ། གཞིས་རྩེ་གྲོང་ཁྱེར་པ་སྣམ་རྫོང་སྒ་གདོང་སློབ་ཆུང་གི་དགེ་རྒན་སྤེན་པ་བུ་ཁྲིད།

རྩོམ་ཡིག་འབྲི་རྒྱུ་ནི་ལོ་ཆུང་སློབ་མས་ཆེས་དཀའ་ངལ་ཆེ་ཤོས་སུ་བརྩི་བཞིན་ཡོད་ལ། ལྷག་དོན་དུ་ཞིང་ཁུལ་གྱི་སློབ་མའི་ངོས་ནས་བརྗོད་ན་ཤིན་ཏུ་དཀའ་བ་ཞིག་ཡིན་པ་སྨོས་མེད་རེད། གང་ལགསཤེ་ན་མི་ཚོགས་མང་ལ་འཁྲུག་ཆ་དོད་པོའི་གྲོང་ཁྱེར་གྱི་སློབ་མ་དང་བསྡུར་ན་ཁོ་ཚོའི་ལྟ་རྒྱ་མཐོང་རྒྱ་ཆུང་བ་ཡོད་པ་དང་། སློབ་གྲྭ་གནས་སའི་ཁོར་ཡུག་གྲོང་ཁྱེར་དུ་ཡོད་ཚེ་རྩོམ་འབྲིའི་རྒྱུ་ཆ་ཧ་ཅང་མང་པོ་ཡོད་པ་སྟེ་མིག་མངས་ལྟ་བུའི་སྣུམ་ནག་གཞུང་ལམ་དང་། འ་འུར་སྒྲ་ཡིས་ཁེངས་པའི་བཟོ་གྲྭ མྱུར་ཚད་མགྱོགས་ལ་བརྗོད་ཀྱིས་མི་ལངས་པའི་རླངས་འཁོར་ཆེ་འབྲིང་ཆུང་གསུམ། སྤྲོ་གསེང་ཁང་དང་། སྤྱི་གླིང་། རིག་གནས་ཐང་ཆེན། ཚོང་གྲོང་ཁང་ཆེན། དེ་བཞིན་ལས་རིགས་ཁག་གི་ལས་ཁུངས་དང་སློབ་གྲྭ་ཆེ་འབྲིང་ཆུང་གསུམ་གྱི་གཞུང་ལས་ཁང་ཆེན་དང་སློབ་ཁྲིད་ཁང་ཆེན་སོགས་ཚང་མ་ནི་སློབ་ཕྲུག་གི་རྩོམ་འབྲིར་མཁོ་བའི་རྒྱུ་ཆ་ཡིན་ཞིང་། དེ་དག་གྲོང་གསེབ་ན་ཧ་ཅང་འཚོལ་དཀའ་བ་ཡོད། ཁོ་ཚོའི་རྩོམ་འབྲིའི་རྒྱུ་ཆ་ནི་རི་ཆུ་ཀླུང་གསུམ་གྱི་རང་བྱུང་ཁོར་ཡུག་ཁོ་ནར་ཟད། འདིར་ཞིང་གྲོང་གི་སློབ་ཆུང་སློབ་མའི་རྩོམ་འབྲིའི་རྒྱུ་ཆ་འཚོལ་སྟངས་དང་རྩོམ་ཡིག་འབྲི་བའི་བརྒྱུད་རིམ་ཁྲོད་ཀྱི་དཀའ་ངལ་སེལ་ཐབས་སྐོར་རགས་ཙམ་གླེང་བར་བྱ།

མགོན་པོ་ཀླུ་སྒྲུབ་ཀྱི་རིགས་ཚོགས་དང་འབྲེལ་བའི་སྐད་ཆ་འགའ།

རྩོམ་པ་པོ། ཁ་བའི་བུ་ལོ།

དེ་ཡང་དཔལ་མགོན་འཕགས་པ་ཀླུ་སྒྲུབ་ནི། སངས་རྒྱས་ཐུགས་རྗེ་ཅན་གྱིས་མདོ་རྒྱུད་དུ་མ་ནས་ལུང་བསྟན་པའི་སྐྱེས་བུ་ཞིག་ཡིན་ཞིང་། འཕགས་ཡུལ་གྱི་ནཱ་ལེནྡྲར་མཁས་གྲུབ་ཀྱི་གོ་འཕང་མཐོན་པོར་གཤེགས་ཏེ་དབུ་སྔགས་ཀྱི་བསྟན་པའི་སྙིང་པོ་འཛིན་པར་སུས་ཀྱང་ཟླར་མི་འོས་པ་ཞིག་ཀྱང་ཡིན། དགུང་གྲངས་དྲུག་བརྒྱར་བཞུགས་(དགུང་གྲངས་ཆིག་སྟོང་དུ་བཞུགས་དང་། སུམ་བརྒྱར་བཞུགས་ཟེར་བ་སོགས་བཤད་ཚུལ་མི་འདྲ་བ་ཡོད།)ནས་བསྟན་འགྲོའི་དོན་རྒྱ་ཆེན་པོ་མཛད་པ་ཡིན་ནོ།ཁོང་གིས་མཛད་པའི་བསྟན་བཅོས་དུ་མ་སྣང་བ་ལས་རིགས་པའི་ཚོགས་དང་འབྲེལ་བའི་སྐད་ཆ་ཉུང་ཙམ་ཞིག་བྲི་བར་འདོད། 

གཞོན་ནུ་དོན་གྲུབ།

རྩོམ་པ་པོ། དོལ་པོ་ཚྭ་དགའ་བ་ཚེ་རིང་བསམ་གྲུབ།

འགྲན་གྱི་ཟླ་མེད་ཟས་གཙང་རྒྱལ་གཞིས་ཀྱི་དབང་ཐང་གིས་ཀྱང་།

ཚིམ་པར་མ་ནུས་པའི་འདོད་པ་དེ།

མཛེས་མ་འབུམ་གྱི་ཕུལ་བྱུང་ས་འཚོ་མའི་མཛེས་སྡུག་གི་ལང་ཚོས་ཀྱང་།

སྐོང་བར་མ་ནུས་པའི་འདོད་པ་དེ།

ཕོ་བྲང་གི་གསེར་ཁྲི་ནས་བབས་ཏེ།

དབེན་པའི་ནགས་ཁྲོད་ལ་གཤེགས་སོང་།

བོད་ཀྱི་ཀླུ་སྒྲུབ་དང་རྒྱ་ནག་གི་ཀླུ་སྒྲུབ།

རྩོམ་པ་པོ། ཁ་བ་འབོནད་མྱི།

སྤྱིར་བཏང་བོད་ཀྱི་བཤད་སྟངས་བྱས་ན་ཀླུ་སྒྲུབ་ནི་མི་ཡ་མཚན་ཅན་དང་རྟགས་དང་ཚད་མས་གྲུབ་པ་སོགས་བཤད་ནས་སངས་རྒྱས་གཉིས་པའི་མཚན་གཞི་ཡང་འཇོག་པར་བྱས་འདུག

གཞུང་ལུགས་སློབ་སྟངས།

རྩོམ་པ་པོ། གོ་ཆ།

• _མཐུན་རྐྱེན་བདུན།

དང་པོ་ནད་མེད་བདེ་ཐང་ལུས་སེམས་དགོས། །

གཉིས་པ་བརྡ་སྤྲོད་གཞུང་གི་རྨང་གཞི་དགོས། །

གསུམ་པ་སྦྱང་བྱའི་གནས་ལ་སྤྲོ་བ་དགོས། །

བཞི་བ་སྦྱོང་དུས་གཙོ་ཕལ་དབྱེ་འབྱེད་དགོས། །

རྒྱལ་བས་ལུང་བསྟན་པའི་གནས་ཆེན་ཀ་ཡོ་རི།

རྩོམ་པ་པོ། བེ་རི་རིག་རྡོར།

གནས་ཆེན་དོལ་པོ་པན་ཚང་ཀ་ཡོ་རི་ཞེས་གྲགས་པ་དེ་ནི། བོད་སྟོད་ཕྱོགས་མངའ་རིས་སྐོར་གསུམ་གྱི་ནང་ཚན་སྤུ་རངས་གངས་ཀྱིས་བསྐོར་བའི་སའི་ཆ་ཤས། སྟོན་པ་སངས་རྒྱས་བཅོམ་ལྡན་འདས་སྐུ་བལྟམས་པའི་གནས་ཆེན་ལིམ་བི་ནིའི་ནུབ་ཕྱོགས། དོལ་པོ་པན་ཚང་ལུང་བའི་སྤོས་མདོའམ་ཀ་ཡོ་རི།  དེང་དུས་སྤོས་ཀ་ཡོ་ཞེས་གྲགས་པ། ད་ལྟ་བལ་བོའི་རྒྱལ་ཁོངས་སུ་གཏོགས་པ་དེ་ཡིན་ལ། གནས་མཆོག་དེ་ནི་རྒྱལ་བའི་ལུང་གིས་གསལ་བར་བསྟན་པའི་ཁམས་གསུམ་ཆོས་ཀྱི་རྒྱལ་པོ་ཀུན་མཁྱེན་དུས་གསུམ་སངས་རྒྱས་དོལ་པོ་པ་སྐུ་བལྟམས་པའི་གནས་རེད།

ཆོས་པ་ཡང་དག་གི་ཚད་གཞི།

མཛད་པ་པོ། ཀོང་སྤྲུལ་ཡོན་ཏན་རྒྱ་མཚོ།

བཀའ་བརྒྱུད་བླ་མ་རྒྱལ་བ་སྲས་བཅས་དང༌། །

སྤྱན་རས་གཟིགས་དབང་རྗེ་བཙུན་སྒྲོལ་མ་དགོངས། །

འཆི་བ་མ་དྲན་ཚེ་འདི་སྒྲུབ་པ་ཡི། །

དལ་འབྱོར་སྟོང་ཟད་ང་ལ་ཐུགས་རྗེས་ཟུང༌། །

«ཧཱར་ཝཱརཌ་གཙུག་ལག་སློབ་ཆེན་གྱི་ཐོ་རེངས་ཆུ་ཚོད་བཞི་དང་ཕྱེད་ཀ»ཞེས་པའི་དཔེ་དེབ་སྙན་སྒྲོན་འོས་སྦྱོར་དང་འབྲེལ་དཔེ་ཀློག་ཡར་སྐུལ།

༡. ཧཱར་ཝཱརཌ་གཙུག་ལག་སློབ་ཆེན་གྱི་ཐོ་རེངས་ཆུ་ཚོད་བཞི་དང་ཕྱེད་ཀ

༢. ཧཱར་ཝཱརཌ་གཙུག་ལག་སློབ་ཆེན་གྱི་ཐོ་རེངས་ཆུ་ཚོད་བཞི་དང་ཕྱེད་ཀ

༣. ཧཱར་ཝཱརཌ་གཙུག་ལག་སློབ་ཆེན་གྱི་ཐོ་རེངས་ཆུ་ཚོད་བཞི་དང་ཕྱེད་ཀ

༤. ཧཱར་ཝཱརཌ་གཙུག་ལག་སློབ་ཆེན་གྱི་ཐོ་རེངས་ཆུ་ཚོད་བཞི་དང་ཕྱེད་ཀ

༥. ཧཱར་ཝཱརཌ་གཙུག་ལག་སློབ་ཆེན་གྱི་ཐོ་རེངས་ཆུ་ཚོད་བཞི་དང་ཕྱེད་ཀ

༦. ཧཱར་ཝཱརཌ་གཙུག་ལག་སློབ་ཆེན་གྱི་ཐོ་རེངས་ཆུ་ཚོད་བཞི་དང་ཕྱེད་ཀ

༧. ཧཱར་ཝཱརཌ་གཙུག་ལག་སློབ་ཆེན་གྱི་ཐོ་རེངས་ཆུ་ཚོད་བཞི་དང་ཕྱེད་ཀ

སྙན་སྒྲོན་པ། དབྱངས་ཅན།

ཧཱར་ཝཱརཌ་གཙུག་ལག་སློབ་ཆེན་གྱི་ཐོ་རེངས་ཆུ་ཚོད་བཞི་དང་ཕྱེད་ཀ

དཔེ་ཀློག་བྱས་ན་ཤེས་ཡོན་འཕེལ། ཤེས་ཡོན་ཕྱུག་ན་རྣམ་དཔྱོད་ཡངས།

གལ་སྲིད་ཁྱེད་རང་དཔེ་ཀློག་ལ་དད་ཞེན་ཡོད་པའི་སྐྱེ་བོ་ཞིག་བྱེད་རྒྱུའི་ཆོད་སེམས་དྭངས་མ་ཞིག་ཡོད་ན། རྒན་དར་གཞོན་གསུམ་སུ་ཞིག་ཡིན་ནའང་། དེ་རིང་ནས་འགོ་བརྩམས་ན་འཕྱིས་སོང་ཟེར་བའི་འགྱོད་པ་འདི་སྐྱེ་མི་དགོས་པ་ཡོང་ངེས་རེད། རིག་གནས་མགྱོགས་ཟས་ཀྱི་དུས་རབས་འདིར་ན་གཞོན་མང་པོ་ཞིག་སློབ་སྦྱོང་གི་གནོན་ཤུགས་ཀྱིས་རྐྱེན་པས་དཔེ་ཀློག་བྱེད་པའི་ཁོམ་པ་བྲལ་ངེས་ལ། དེ་བས་གུས་མོའི་ཨ་མ་ལགས་ལྟ་བུའི་ཞིང་གྲོང་གི་མང་ཚོགས་རྣམ་པས་དཔེ་དེབ་ལྟ་ཀློག་བྱེད་འདོད་རུང་ཡིག་ངོ་མི་ཆོད་པ་དང་དུས་ཁོམ་མེད་པའི་རྒྱུ་རྐྱེན་མང་པོར་བརྟེན་དཔེ་ཀློག་བྱེད་པའི་གོ་སྐབས་དེ་བས་མེད། གུས་མོའི་རེ་བར་སྒྲ་ལྡན་དཔེ་དེབ་འདི་ཉིད་ལས་བྲེལ་ཆེ་བའི་དར་མ་དང་སློབ་སྦྱོང་གི་ཁུར་པོ་ལྕི་བའི་གཞོན་ནུ། ཡིག་ངོ་མི་ཆོད་པའི་རྒན་གྲས་རྣམས་ཀྱི་མི་ཚེར་ཡར་སྐུལ་དང་དྲང་ནུས་གང་མང་སྦྱིན་ཐུབ་པའི་མཆོག་འགྱུར་ལམ་རོགས་ཏུ་གྱུར་ཐུབ་པས་མ་ཚད། དམངས་ཡོངས་དཔེ་ཀློག་ལ་སྐུལ་མ་གཏོང་ཐུབ་པའི་འདུན་པ་བཟང་པོ་འཆང་བཞིན་ཡོད། གལ་སྲིད་ནང་དོན་དང་གྱེར་ཀློག་བྱེད་སྟངས་ཐད་ལ་མི་འཐད་པ་ཡོད་ཕྱིན། ལྷན་རྒྱས་ནས་དགོངས་འཆར་གང་མང་འདོན་རྒྱུའི་རེ་བ་ཡོད།   

མི་སུ་འདྲ་ཞིག་ཡིན་རུང་། རང་ཉིད་སྐྱེས་ཐོབ་ཤེས་རབ་ཅན་ཞིག་ཡིན་པར་འདོད། དོན་ངོ་མར་སྐྱེས་ཐོབ་ཤེས་རབ་ཅན་ཁོ་ནས་ང་ཚོའི་མི་ཚེར་ཁ་ལོར་བསྒྱུར་ཐབས་བྲལ། གལ་སྲིད་ཁྱེད་རང་སྐྱེས་ཐོབ་ཤེས་རབ་ལྡན་པའི་མི་ཞིག་ཡིན་ཡང་ནམ་ཡང་སྒྱིད་ལུག་དང་འགྲོགས་ཚེ། ཁྱེད་རང་གི་མི་ཚེ་འདི་ཉིད་སྔར་བཞིན་སྐྱེ་བོ་ཕལ་པ་ཞིག་གི་མི་ཚེ་ལས་མ་འདས། དེ་བས་སྐྱེ་བོ་ཕལ་པ་ཞིག་གིས་ལྡབ་གྱུར་གྱི་འབད་བརྩོན་ལྷོད་མེད་ལ་མ་བསྟེན་ན་དེ་བས་ཐོབ་ཆ་གང་ཡང་ཡོང་མི་སྲིད། དེར་བརྟེན། སྐྱེས་ཐོབ་ཤེས་རབ་ལྡན་ཡོད་དམ་མེད་ཀྱང་རུང་། ངེས་པར་དུ་བརྩོན་འགྲུས་འགྲོགས་སུ་བསྟེན་པ་དང་། ལག་ལེན་གདམས་པར་འཁྱོལ་ཞིང་། སྒྱིད་ལུག་དང་རིང་དུ་འགྱངས་ན། གྲུབ་འབྲས་ཀྱང་ཁྱེད་དང་ཉེ་བར་བཅར་སྲིད། 

དབྱངས་ཅན་སྒྲ་ལྡན་དཔེ་དེབ་འཕྲིན་སྟེགས་ལས་བཤུས།

རྙིང་བོན་ཐེག་པ་རིམ་དགུ་ལས་འཕྲོས་པའི་གཏམ།

མཛད་པ་པོ། དོལ་པོ་སྤྲུལ་སྐུ་ཨོ་རྒྱན་ཆོས་དབྱིངས་ཡེ་ཤེས།

༈ ཀུན་རྫོབ་བསླུ་བ་མེད་པའི་རྟེན་འབྲེལ་དང་།།

དོན་དམ་སྤྲོས་པ་བྲལ་བའི་བདེན་པ་གཉིས།།

བརྩེ་བས་འདོམས་ལ་ཁྱད་པར་མ་མཐོང་བས།།

ཆོས་བོན་སྟོན་པ་གཉིས་ལ་སྙིང་ནས་དད།།

འདིར་ཏྲེ་ཧོར་དགེ་བཤེས་སོགས་མདོ་སྔགས་བཤད་གྲྭ་ཆེན་མོར་རྙིང་བོན་གཉིས་ཀྱི་ཐེག་པ་རིམ་དགུ་དང་འབྲེལ་བའི་དྲི་བ་རྣམས་སྟབས་ཅིག་ཏུ་དྲིལ་ཏེ་ཞུས་ན།

པད་འབྱུང་རྗེས་སུ་དྲན་པ།

རྩོམ་པ་པོ། རྨེ་སྤྲུལ་བསྟན་འཛིན་རྒྱ་མཚོ།

༡ ༽

ཀྱཻ། ཀྱཻ། ཀྱཻ།

དཔལ་ལྡན་རྫོགས་པའི་སངས་རྒྱས་པདྨ་སྐྱེས།  །

སྐྱེ་འཆི་མི་མངའ་ཟག་བྲལ་རྡོ་རྗེའི་སྐུ།  །

མ་ཧཱ་གུ་རུ་མཚོ་སྐྱེས་རྡོ་རྗེ་ཉིད།

བུ་སྡུག་གདུང་བའི་དབྱངས་ཀྱིས་དེ་རིང་འབོད།  །

༢ ༽

ཉག་ཐག་ཡུས་ཀྱིས་བསྣངས་པའི་སེམས་ཁོང་དུ།  །

ཁྱེད་སྐུ་སྲིན་ཡུལ་གཤེགས་ཁའི་སྣང་བརྙན་དེ།  །

སྐྱོ་སྣང་ཡད་ཡུད་ཅིག་གི་ངོ་ཁ་ན།  །

མདང་སུམ་རྨི་ལམ་བཞིན་དུ་གསལ་སྙམ་བགྱིད།  །

གློག་བརྙན་«ཧི་མ་ལ་ཡ།»བལྟས་པའི་མྱོང་ཚོར་གླེང་བ།

རྩོམ་པ་པོ། ཁྲི་སྨྱུག་དགའ།

སྔོན་གླེང་།

གློག་བརྙན་ཡག་པོ་ཞིག་བལྟ་བ་ནི་དཔེ་དེབ་ཡག་པོ་ཞིག་ཀློག་པ་དང་མཚུངས་ལ། སྐབས་རེར་དཔེ་དེབ་ལས་ཀྱང་གློག་བརྙན་གྱིས་མིའི་རིགས་ལ་ཤེས་རབ་སྟེར་བ་དང་བསམ་གཞིག་གི་སྟོང་ཆ་བསྐྲུན་ཆེ་ཞིང་། གློག་བརྙན་གྱིས་གཟུགས་དབྱིབས་དང་ཚོན་མདོག མི་སྣའི་ཁ་བརྡ་དང་རོལ་དབྱངས། གློག་འོད། འཁྲབ་ཆས། མཛེས་སྤྲས། རྒྱབ་ལྗོངས་རི་མོ། འཁྲབ་སྟོན་པའི་ཉམས་རྩལ་སོགས་ཐབས་ཕུན་སུམ་ཚོགས་པ་སྤྱད་དེ་མི་རྣམས་ལ་ཤེས་བྱ་སྣ་ཚོགས་སྤྲད་བཞིན་ཡོད། དེ་བཞིན་ལེགས་ཉེས་དང་སྐྱོན་ཡོན་སོགས་ལ་དབྱེ་ཞིབ་བྱ་སྟེ། གཞོན་རབས་རྣམས་ལ་ལམ་སྟོན་བྱེད་བཞིན་ཡོད་པར་མ་ཟད། གློག་བརྙན་ལ་ཆེས་ཕུལ་དུ་བྱུང་བའི་རྩལ་ཤུགས་ཤིག་ཡོད་པ་ནི་མི་སེམས་ཐད་ཀར་འགུལ་དུ་འཇུག་ཐུབ་ཅིང་མི་སེམས་ཀྱི་ཟབ་སར་རྙབ་ཐུབ་པ་དེ་རེད།

བསྟན་པ་གཙང་སེལ་བྱེད་ཕྱོགས་སྐོར་གྱི་རེ་ཞུ།

རྩོམ་པ་པོ། མཁན་རིག་དར།

གྲུབ་མཐའ་དང་ཆོས་རྒྱུན་རིས་མེད་ཀྱི་ཚོགས་འདུའི་སྐབས་སུ་གྲོས་ཆོད་བྱུང་བའི་དོན་ཚན་བརྒྱད་ལས། དོན་ཚན་ལྔ་པ་ཕམ་པ་འཆབ་བཅས་ཀྱིས་གོས་པའི་གང་ཟག་རྣམས་གནས་དབྱུང་བྱ་རྒྱུའི་ལག་ལེན་ཡོད་པའི་དགོན་པ་རྣམས་ཀྱིས་སྔར་བཞིན་རྒྱུན་སྐྱོང་གནང་རྒྱུ་དང་། དེ་འདྲའི་ལག་ལེན་མེད་པའི་དགོན་པ་དག་གིས་ད་ཕྱིན་ཕམ་པ་འཆབ་བཅས་བྱུང་ཚེ་དམ་ཆོས་འདུལ་བའི་གཞུང་བཞིན་གནས་དབྱུང་གི་ལས་ལ་སྦྱར་རྒྱུ། ཞེས་གྲོས་ཆོད་བྱུང་བའི་ནང་བཞིན་ད་སྔོན་བསླབ་པ་ཉམས་པའི་བླ་གྲྭ་སུ་ཡིན་ཡང་དགག་སྒྲུབ་ཀྱི་སྐད་ཆ་གང་ཡང་ཞུ་གི་མེད། གཙོ་བོ་མ་འོངས་པར་བསླབ་པ་ཉམས་འགྲོ་མཁན་ཡོད་རིགས་རྣམས་ཆོས་རྗེ་དམ་པ་འཇིགས་མེད་ཕུན་ཚོགས་ཀྱི་འབྱམས་ཡིག་ཏུ་རྒྱུ་སྐར་གྱི་དབུས་ན་རི་བོང་འཛིན་པ་ལྟ་བུ་ཞེས་གསུངས་པ་ལྟར་གྱི་གང་ཟག་ཁྱད་པར་བ་མིན་ན་འདུལ་གཞུང་བཞིན་ལམ་ཁ་གཞན་དུ་འགྲོ་རོགས་ཞེས་འབོད་སྐུལ་གཏོང་གི་ཡོད་ལ། དེ་བཞིན་དུ་རབ་བྱུང་གི་སྡོམ་པ་རྒྱུད་ལ་བླངས་མེད་ཀྱང་གོས་ངུར་སྨྲིག་བགོས་ལ། དོན་ལ་རབ་སྔགས་གང་དུའང་མི་གཏོགས་པ་མང་པོ་འདུག་པས་དེ་དག་ཀྱང་རབ་སྔགས་གང་རུང་གི་ལམ་ཁར་འགྲོ་རོགས་ཞེས་འབོད་སྐུལ་གཏོང་གི་ཡོད།