རྩོམ་འབྲི་སྦྱོང་དགོས་པའི་གལ་ཆེའི་རང་བཞིན།

བོད་ལྗོངས་སློབ་གྲྭ་ཆེན་མོའི་བོད་དགེ་ཟུར་པ་

བྱམས་པ་ཚུལ་ཁྲིམས་ཀྱིས་བརྩམས།

སློབ་དཔོན་ཙནྡྲ་གོ་མིས། གང་ཕྱིར་མཁས་པའི་ལས་གསུམ་ལས། །རྩོད་འཆད་ངག་ལ་མ་ངེས་པ། །སྲིད་ཕྱིར་མི་འཁྲུལ་རྩོམ་པ་སྟེ། །ལེགས་ངག་མཆོག་ནི་རྩོམ་པར་གསུངས། ། ཞེས་དང། «དཔག་བསམ་འཁྲི་ཤིང་»ལས། མཁས་པ་རྣམས་ནི་མེད་ན་བློ་གྲོས་རྣམས་ཉམས་འཚོ་བ་དོན་ཡོད་མིན། །མཚུངས་མེད་རྒྱས་པའི་སྙན་ངག་མེད་ན་མཁས་པ་རྣམས་ནི་ནེ་ཙོའི་ཀློག་དང་མཚུངས། །ཞེས་མཁས་པའི་ཚད་གཞི་དཔོག་བྱེད་གཙོ་བོ་རྩོམ་གྱིས་བྱེད་པ་བསྟན་ལ། དེ་བཞིན་བསེ་ཚང་བློ་བཟང་དཔལ་ལྡན་གྱིས་«ཚངས་སྲས་བཞད་པའི་སྒྲ་དབྱངས་»ནང་། "མ་མཐའ་འཕྲིན་ཡིག་ཙམ་ལའང་སྙན་ངག་གི་ཚིག་འདི་ལས་མ་འདས་པས། འདི་ནི་རིག་གནས་ཀུན་ལ་ཁྱབ་པའི་མིག་ཏུ་འགྱུར་བ་ཡིན།" ཞེས་གསུངས་པ་ལྟར། དེ་དག་ལས་མཐོང་གསལ་གནའ་བོའི་བོད་རྒྱའི་མཁས་པ་རྣམས་ཀྱིས་ཀྱང་། རྩོམ་འབྲི་རྒྱུར་མཐོང་ཆེན་དང་གཙིགས་ཆེར་འཛིན་པ་རྟོགས་ཐུབ།

ཁ་བྱང་མེད།

སློབ་སྤྲུལ་ཚེ་རིང་དབང་འདུས།

འཁོར་བ་ནི་སྡུག་བསྔལ་རང་བཞིན་ཟེར།།

བདག་ཉིད་ནི་བདེན་འཛིན་བཅིངས་དྲགས་ནས།།

སྡུག་བསྔལ་དུ་མ་ཤེས་ཡུན་རིང་འཁྱམས།།

གློ་བུར་གྱི་བདེ་བ་འབའ་ཞིག་དྲན།།

དོལ་པོ་སྤྲུལ་སྐུས་སློབ་སྦྱོང་ཇི་ལྟར་བྱ་ཚུལ་སྐོར་གསུངས་པ།

ཡོང་ཁུངས། ཀུན་ཕན་ཁ་བའི་འཕྲིན་སྟེགས།

༡. སློབ་སྦྱོང་གི་སེམས་ཁམས།

     རང་ཉིད་ནང་ཆོས་ལ་སློབ་སྦྱོང་རྒྱུན་རིང་པོ་ཞིག་བྱས་པ་དང་། སློབ་སྦྱོང་ཚར་པའི་རྗེས་ལ་མི་རིགས་འདྲ་མིན་གྱི་སྤྱི་ཚོགས་དང་། རིག་གཞུང་མི་འདྲ་བ་མང་པོར་ཐོས་རྒྱུ་དང་མཐོང་རྒྱུའི་གོ་སྐབས་བཟང་པོ་བྱུང་། བརྒྱུད་རིམ་དེའི་འོག་ནས་སློབ་སྦྱོང་སྐོར་བསམ་ཚུལ་བྱུང་བ་རྣམས་ཞུ་རྒྱུ་ཡིན། དང་པོ་རང་ཉིད་སློབ་མ་ཞིག་ཡིན་པ་ནས་བཟུང་སྟེ། གུ་ཡངས་པོའི་སེམས་ཁམས་དགོས་པ་ནི། ཆ་རྐྱེན་ཨང་དང་པོ་དེ་ཡིན། གང་ཡིན་ཟེར་ན། རང་གི་ལྟ་བ་དང་རིག་གཞུང་ལུགས་སྲོལ་སོགས་ལ་ཞེན་ཆགས་ཀྱི་དབང་གིས། དངོས་ཡོད་གནས་སྟངས་མང་པོ་ཞིག་ཤེས་མི་ཐུབ་པའི་དཀའ་ངལ་ཡོང་གི་ཡོད། དང་པོ་ནས་ཚད་དང་བཅས་པ་ཞིག་ཡིན་ན། ཚད་དེའི་ཕྱི་ལོགས་ན་ཡོད་པའི་གནས་ཚུལ་མང་པོ་ཞིག་ཤེས་ཐུབ་ཀྱི་མ་རེད། ཚད་ཀྱི་ནང་ལ་ཡོད་པའི་སློབ་ཚན་རྣམས་ལ་མཁས་པ་ཡོང་སྲིད་ཀྱང་། ཡོན་ཏན་དེ་དག་མཐའ་གཅིག་ཏུ་དངོས་ཡོད་གནས་ཚུལ་ཡིན་པའི་ངེས་པ་མེད། མ་ཟད་དེའི་ནང་དུ་མགོ་འཁོར་རྒྱུ་མང་དྲགས་ན། རིག་གནས་གཞན་མང་པོ་ཞིག་ཤེས་པར་བགེགས་བྱེད་ཀྱི་རེད།

ཨ་ཅེ°ཨ་ནུ°རཱ་དྷཱ°ཀོའི་རཱ་ལཱ།

འཇམ་དབྱངས་དཀར་པོ།

སྤྱི་ལོ་ ༢༠༢༡ ཟླ་ ༡༡ ཚེས་ ༢༢ ཉིན།

     འཇུད་མཐུན་མ་ནི་དེང་སང་གི་ཚིག་ལྟར་ན། གཞང་ཚོང་མ་དང་སྨད་ཚོང་མའི་དོན་རེད། མིའི་སྤྱི་ཚོགས་དེ་ཕོ་མོ་གཉིས་ཀྱིས་གྲུབ་པ་ནས། འཚོ་བ་ལ་བཟང་ངན་ཤོར་བ་དང་། བྱ་བའི་ལམ་འགྲོ་ལ་ཡག་ཉེས་ཤོར་བ་ནས། འཚོ་ཚིས་ཞན་པའི་བུད་མེད་མང་པོ་ཞིག་རིམ་གྱིས་འཇུད་མཐུན་མའི་ལས་ལ་ཞུགས།

     འཇུད་མཐུན་མ་རྣམས་ཀྱིས་གཡོ་ཐབས་སྣ་ཚོགས་ལ་བརྟེན་ནས། སྐྱེས་པ་རྣམས་ལ་སྒྲོད་དུ་བཅུག་སྟེ་གླ་ལེན་པས། བཅོམ་ལྡན་འདས་ཀྱིས་དགེ་སློང་རྣམས་ལ། “འཇུད་མཐུན་མའི་ཁྱིམ་”ནི་རབ་བྱུང་འགྲོ་སའི་གནས་མིན་པ་དང་། ཚོང་པ་རྣམས་ཀྱང་ཕྱི་ལ་དོན་ཆེན་སྒྲུབ་ཏུ་འགྲོ་སྐབས། “ཆང་མའི་ཁྱིམ་དང་། འཇུད་མཐུན་མའི་གནས། རྒྱན་པོ་འགྱེད་པའི་གནས་”བཅས་ལ། འཛེམས་ཟོན་བྱེད་དགོས་པའི་སློབ་སྟོན་གནང་བ་རེད།

༈ ཆོས་རྗེ་ཀུན་མཁྱེན་དོལ་པོ་ལ་བསྔགས་པ་གཞོམ་མེད་སྒྲ་དབྱངས་ཞེས་བྱ་བ།

འཇམ་མགོན་ཀོང་སྤྲུལ་བློ་གྲོས་མཐའ་ཡས།

མཁྱེན་པ་གཉིས་ལྡན་ལྟ་ངན་མུན་པ་བསལ། །

དོན་གཉིས་ལྷུན་གྲུབ་རྫོགས་ལྡན་ཆོས་འཁོར་བསྐོར། །

ཕྱོགས་དུས་རྒྱལ་བ་སྲས་བཅས་ཕྲིན་ལས་བསྒྲུབས། །

ཀུན་མཁྱེན་ཆོས་ཀྱི་རྗེ་ལ་ཕྱག་འཚལ་ལོ། །

༄༅། །རྒྱ་གར་ཤེས་རིག་ལོ་རྒྱུས་ཀྱི་སྤྱི་ཆིངས།

(མར་རྔོག་དབྱར་ཆོས་ཆེན་མོ་ལས་གསང་སྔགས་ཀྱི་བྱུང་བ་ཞེས་པའི་རེག་ཟིན།)

སྟོང་དཔོན་བསོད་ནམས་ཡར་འཕེལ་གྱིས་བརྩམས།

ཡོང་ཁུངས།: འོད་འཛིན་རྩོམ་རིག་འཕྲིན་སྟེགས།

འུ་ཅག་གི་ནང་བསྟན་ཤེས་རིག་གི་མ་ཡུལ་རྒྱ་གར་ཡིན་པས། རྒྱ་གར་ཤེས་རིག་གི་ལོ་རྒྱུས་དང་ཡུལ་སྲོལ་གོམས་གཤིས་རྣམས་ནི། ནང་བསྟན་ཤེས་རིག་གི་ལོ་རྒྱུས་དང་ཁ་འབྲལ་ཐབས་མེད་པར་ཆགས་ཡོད། དེར་བརྟེན་རྒྱ་གར་ཤེས་རིག་ལོ་རྒྱུས་ཀྱི་སྤྱི་སྡོམ་ཞིག་བློ་ལ་ངེས་པ་ཤིན་ཏུ་གལ་འགངས་ཆེ་བར་བསམ་སྟེ། ཐེངས་འདིར་རྒྱལ་དབང་ཀརྨ་པ་མཆོག་གིས་«གསང་སྔགས་ཀྱི་བྱུང་བ་»ཞེས་པའི་གསུང་ཆོས་ཀྱི་སྤྱི་ཆིངས་ལ། རྒྱ་གར་ཤེས་རིག་གི་ལོ་རྒྱུས་རྣམས་དུས་རབས་ཆེན་པོ་བཞི་ཡི་ཁུངས་སུ་བསྡུས་ནས་བཀའ་ཁྲིད་མཛད་ཡོད་པ་དེ། ཡིག་ཐོག་ཏུ་རེག་ཟིན་ཞིག་འགོད་ཐུབ་ན་རང་གཞན་གཉིས་ལ་སྨན་པར་དྲན།

ངོ་མཚར་བའི་སྐྱེད་མ་ཞིག་གི་བཟོད་སྒོམ།

འཇམ་དབྱངས་དཀར་པོ།

སྤྱི་ལོ་ ༢༠༢༡ ཟླ་ ༡༡ ཚེས་ ༡༠ ཉིན།

     ལོབ་ཕྱོགས་ཤིག་གིས་ཁ་པར་ལ་རེག་རེག་ཐུག་ཐུག་མ་བྱས་ན་ཞེ་བློ་བདེ་ལ་མི་འབབ་ཅིང་། ཅི་ཞིག་ཚང་མེད་པའི་ཚོར་སྣང་ཞིག་གིས་སེམས་ཀྱི་ཟུར་ཞིག་ལ་སྟོང་ཆ་ཞིག་རང་བཞིན་གྱིས་ཡོང་གི་འདུག་པར་བལྟས་ན། ཁ་པར་ནི་ངའི་མི་ཚེའི་ཆ་ཤས་གལ་ཆེན་ཞིག་ཏུ་གྱུར་ཡོད་པ་འདྲ། ཕྱོགས་གཅིག་ནས་གྲོང་ཁྱེར་ཆེན་པོ་འདིར་ཙི་གུ་བཞིན་ས་འོག་ནས་ས་ཁ། ས་ཁ་ནས་ས་འོག་ལ་འཛུལ་ཏེ། མི་ཚེ་འཁོར་ལམ་ནས་སྐྱེལ་དགོས་པའི་ཁེར་འགྲོ་བ་ཞིག་ལ་མཚོན་ན། ཁ་པར་ནི་སྒེར་སེམས་མེད་པའི་འགྲོ་རོགས། འདུག་རོགས། སྐྱིད་རོགས། སྐྱོ་རོགས་ཟླ་མེད་ཅིག་རེད།

མཚན་གཞུང་གི་སྡོང་ལོ་སྐམ་པོའི་ཧྲག་སྒྲ།

ཤེས་རབ་རྒྱལ་མཚན། སྔ་འགྱུར་མཐོ་སློབ་ཆེན་མོ།

རླུང་དམར་དྲག་ཏུ་འཚུབ་པའི་ལུང་སྟོང་ཞིག་ན།།

ཐལ་རྡུལ་མཁའ་ལ་འཕུར་བའི་འུར་སྒྲ་ཚ་བ།།

ཕྱེ་མ་ཟུམ་གྱི་མིག་གཉིས་གང་དུ་བལྟས་ཀྱང་།།

གསལ་བའི་དངོས་པོ་ཅི་ཡང་མཐོང་ཐབས་མི་འདུག།

ལམ་འགྲོ་དང་། འབད་བརྩོན།

དབྱངས་གསལ་གྱི་སྨྲ་ལྕེ།

འདི་ལྟར་མི་སུ་ཞིག་གིས་བྱ་བ་གང་ཞིག་བསྒྲུབས་ན་ཡང་། རང་གི་འདོད་ཐོག་ལྟར་གྲུབ་འབྲས་འཐོན་མ་འཐོན་ཅི་རིགས་ཡོང་གི་ཡོད་པ་ནི། རྒྱུན་ལྡན་གྱི་གནས་ཚུལ་ཞིག་རེད། དེ་ཡང་ལ་ལ་ཞིག་གིས་བྱ་བ་གང་ཞིག་རྩོམ་པར། མཚན་ལ་ཉལ་ཁོམ་དང་ཉིན་ལ་ཟ་ཁོམ་མེད་པར་འབད་པ་དྲག་པོས་བརྩོན་ན་ཡང་། རང་གིས་བསམས་པ་ལྟར་དུའམ་འབད་པ་ནང་བཞིན་འདོད་བློ་ཚིམ་པའི་གྲུབ་འབྲས་ཤིག་ལག་ཏུ་ལོངས་ཀྱི་མེད་པ་རེད། ཡང་ལ་ལས་ནི་གོང་བཞིན་ཤ་ཐང་རུས་ཐང་དུ་མ་འབད་ཀྱང་། རང་གི་འདོད་པ་ལས་ཀྱང་ལྷག་པའི་གྲུབ་འབྲས་གཡུར་དུ་ཟ་བ་འབྱུང་གི་ཡོད།

༈ ཆོས་ལྡན་དོལ་པོའི་ཕ་ཆོས་རིག་འཛིན་གྲུབ་བརྙེས་ཁོ་ན་ལས་བརྒྱུད་པའི་ཉང་གཏེར་གུ་རུ་དྲག་པོ།

དོལ་པོ་སྒོམ་ཆེན།

ཟབ་ཆོས་འདི་ནི་ཆོས་སྐུ་སྣང་བ་མཐའ་ཡས།  ལོངས་སྐུ་ཐུགས་རྗེ་ཆེན་པོ།  སྤྲུལ་སྐུ་པདྨ་འབྱུང་གནས་ཏེ། རྒྱུད་སྡེ་སྤྱི་དང་མཐུན་པར་དགོངས་བརྡ་སྙན་བརྒྱུད་ཀྱི་བརྒྱུད་པ་ཟབ་མོ་གསུམ་གྱི་སྟེང་དུ། གུ་རུ་རིན་པོ་ཆེས་ཉང་རལ་ཉི་མ་འོད་ཟེར་ལ་སྨོན་ལམ་བཏབ་ཅིང་དབང་བསྐུར།  དུས་སུ་བབས་ན་གཏེར་ཆེན་གང་གིས་འདོན་པར་ལུང་དུ་བསྟན་ཅིང་།  གཏེར་སྲུང་བདུད་བཙན་ཀླུ་གསུམ་ལ་སོགས་པར། ཡེ་ཤེས་དང་འཇིག་རྟེན་པའི་མཁའ་འགྲོ་ཆོས་སྲུང་རྣམས་ལ་བཅོལ་ཏེ། མ་འོངས་པ་ན་གཏེར་ཆེན་ཁོང་ལ་གཏོད་ཅིག་པར་གདམས་པའི། གཏེར་བརྒྱུད་གསུམ་དང་བརྒྱུད་པ་དྲུག་ལྡན་གྱི་ཟབ་ཆོས་བླ་ན་མེད་པ་ཞིག་ཡིན། 

༄༅། །གུ་རུའི་གསོལ་འདེབས་རྡོ་རྗེའི་ཚིག་ཕྲེང་བཞུགས།

༸སྐྱབས་རྗེ་དིལ་མགོ་མཁྱེན་བརྩེས་མཛད།

 

མཆོག་གི་དང་པོ་སྐུ་གསུམ་འཆང་། །

སངས་རྒྱས་ཐམས་ཅད་བསྐྱེད་པ་པོ། །

འོད་ཆེན་རྣམ་པར་སྣང་བར་བྱེད། །

ཚེ་མཐའ་ཡས་པ་ལ་ཕྱག་འཚལ། །

ཡལ་བཞིན་པའི་སེམས་ཀྱི་འོད་སྣང་།

བསྟན་འཛིན་ལེགས་གྲུབ། སྔ་འགྱུར་མཐོ་སློབ་ཆེན་མོ།

མི་ཚེ་ཟེར་བ།

མི་ལོ་དྲུག་ཅུའི་ཚད་དུ་བཏང་ན།

ད་ཚོད་ང་ཡི་མི་ཚེ་ཕྱེད་ཀ་རྫོགས་ཟིན་ཐལ་ཏེ།

འདས་ཟིན་མི་ཚེ་ཕྱེད་ཀའི་མི་ལོ་དགུ་ཡི་རིང་ཕ་མ་སྤུན་ཟླ་འཛོམས་སར།

གཞན་ལ་འཛེམ་དོགས་མེད་པའི་ང་རང་བྱིས་པ་ཡིན་དུས་རེད།

དེ་དུས་ཀྱི་སེམས་པ། དྭངས་ཤིང་གཙང་བའི་འོ་མ་འདྲ་བ།

དེ་དུས་ཀྱི་ང་རང་། འཛུམ་གྱིས་ཁེངས་པའི་མེ་ཏོག་འདྲ་བ།

མི་ཚེ་བདེ་སྐྱིད་ངང་བསུས་ཤིང་།

མི་ཚེ་སེམས་ཀྱིས་འཚོ་བའི་དུས་ཤིག་རེད།

བོད་སྐད་བཤད་ཤེས་པའི་ཀོ་རི་ཡ།

དྲེད་པོ་ཧོར། 

ཁ་སང་མཆོད་རྟེན་བྱ་རུང་ཁ་ཤོར་ནས་ཡང་ལེ་ཤོད་ལ་ཡོང་བའི་ལམ་དུ། ཀོ་རི་ཡའི་ཨ་ཅག་ལོ་ན་ཅུང་རྒན་པ་ཞིག་དང་གླ་འཁོར་གཅིག་གི་ནང་དུ་ཁེལ། ངས་དང་པོ་མོ་གླ་འཁོར་དུ་འཛུལ་དུས་རྒྱ་མོ་ཞིག་རེད་བསམ་ནས། རྒྱ་སྐད་ཐོག་ནས་"ཁྱེད་རང་མདུན་ལ་བསྡད་ན་འགྲིག་གི་རེད་"ཅེས་ལབ་པ་ཡིན། ཡིན་ཡང་ཡ་མཚན་པ་ཞིག་ལ། མོས་ཐད་ཀར་བོད་སྐད་ཐོག་ནས། "བླ་མ་ལགས་མདུན་ལ་བཞུགས་རོགས་"ཟེར།

རྗེ་གུང་ཐང་བསྟན་པའི་སྒྲོན་མའི་རང་རྣམ་ཚིགས་བཅད་ཉུང་ངུ་བདེན་གཏམ་དེ་ཉིད་གསལ་བའི་མེ་ལོང་།

༄༅། །བདེན་གཏམ་དེ་ཉིད་གསལ་བའི་མེ་ལོང་

ཞེས་བྱ་བ་བཞུགས་སོ།། 

མཛད་པ་པོ། གུང་ཐང་བསྟན་པའི་སྒྲོན་མེ།

ཤིང་ཕག་ཟླ་ཚེས་ལ། ཚ་ཁོ་སོ་མང་རྒྱལ་མོ་བསོད་ནམས་སྒྲོལ་མས། དཔག་བསམ་འཁྲི་ཤིང་གི་དོན་འགྲེལ་དང་། རྗེ་ཉིད་ཀྱི་རྣམ་ཐར་བཀའ་རྩོམ་གནང་དགོས་ཞེས་ནན་གྱིས་ཞུས་པའི་ལན་དུ་གནང་བའི་ཆབ་ཤོག་གི་བར་སྐབས་ཚིགས་བཅད་ནི།

བསྟན་པའི་ལྕགས་རི་ཚ་བ་ཁ་གསུམ་གྱི། །

གཙོ་བོར་གྱུར་པའི་སོ་མང་རྒྱལ་ཁབ་ནས། །

གསེར་བཟང་ཁྲི་ཕྲག་འཐག་རིས་ལྷ་དར་གྱི། །

སྐྱེས་བཅས་མི་སྣ་ཆེད་དུ་མངགས་པའི་གདོང་། །

མགོན་མེད་ཟས་སྦྱིན་ཞིག་ཞི་བར་གཤེགས་པ།

(གློག་བརྙན་ཁྲབ་མཁན་དང་སྤྱི་ཚོགས་ཞབས་ཞུ་བ་པུ་ནཱིཏ°རཱཇ་ཀུ་མཱར་ལ་མྱ་ངན་ཞུ།)

འཇམ་དབྱངས་དཀར་པོས་བརྩམས།

བོད་ཁ་བ་གངས་ཅན་པའི་ལོ་ལོན་རྒན་རྒོན་ཚོས། རྒྱ་གར་རྡོ་རྗེ་གདན་ནས་སྐྱེ་བར་ཤོག་ཅེས་རྟག་ཏུ་སྨོན་ལམ་འདེབས་ཀྱང་། རྒྱ་གར་རྡོ་རྗེ་གདན་གྱི་ཉེ་འཁོར་ཐེངས་གཅིག་མཐོང་ཚེ། སྔར་གྱི་འདུ་ཤེས་འགྱུར་ནས་“ས་ཆ་འདི་འདྲ་ཞིག་ཏུ་ནམ་ཡང་མི་སྐྱེ་བར་ཤོག་”ཅེས་གོ་ལྡོག་ནས་སྨོན་ལམ་འདེབས་སྲིད། ཡིན་ན་ཡང་རྒྱ་གར་ནི་ཆོས་ལུགས། ལྟ་གྲུབ། རོལ་མོ། ཟློས་གར། ལག་ཤེས། སྒྱུ་རྩལ། བཟོ་ལས་སོགས་ཀྱི་རྫོང་ཧ་ཅང་མཐུག་པའི་ཡུལ་གྲུ་ཞིག་ཡིན་པས། ཡུལ་ལུང་གཞན་དང་གཞན་ན་མེད་པའི་ངོ་མཚར་བའི་ཤེས་བྱ་སྣ་ཚོགས་པ་ཞིག་རྒྱ་གར་ན་རིག་རྒྱུ་ཡོད། ཐོས་རྒྱུ་ཡོད། མྱོང་རྒྱུ་ཡོད། དཔེར་ན། ཉིན་གསུམ་གྱི་གོང་གསར་ལམ་ཁག་ཏུ་གློག་བརྙན་ཁྲབ་མཁན་ཞིག་གྲོངས་པའི་གནས་ཚུལ་ཐོན་པ་ནས། "རྒྱ་གར་ན་རླབས་ཆེན་གྱི་མི་ལྟ་བུ་ཡང་འདུག་ཨང་"སྙམ་དུ་ངོ་མཚར་བར་བྱེད།

བཀྲ་ཤིས་དཔལ་འབྱོར་གྱིས་རྩོམ་འབྲི་ལས་དང་པོ་བ་ཁག་ལ་དམིགས་ཏེ་བྲིས་པའི་ཉིན་ཐོ་ཚན་པ་ལྔ་ཆེད་བསྒྲིགས།

ཡོང་ཁུངས།: ཉིན་ཐོ་ཕྱིར་གསལ། (ངོ་དེབ་ཚོམས།)

⊰ ཉིན་ཐོ་ལགས། ⊱

ཉིན་ཐོ་ལགས། རང་ལ་ཤེས་རིག་གི་ནུས་པ་མེད་ཀྱང་། ཁྱེད་ཀྱིས་བརྐྱངས་པའི་ལམ་བུ་དེ་ནས། ནུས་པ་གང་ཡོད་ཀྱིས་སོང་སོང་བའི་བདུན་གཉིས་དེར། ཁོ་བོར་འབྲི་རྩལ་གྱི་སྤོབས་པ་བྱིན་སོང་། མི་ནུས་མི་ལམ་ཟེར་བའི་ལོ་མང་དེ་དག་ལས་ཀྱང་ཨེ་ནུས་གང་ནུས་བྱས་པའི་ཉིན་གྲངས་བཅུ་ཕྲག་འདི་ཡིས་འབྲས་བུ་མོད་པ་བྱིན་སོང་། དེ་ནི་གསང་བ་ཤོད་མི་ཆོག་པའི་ཉིན་ཐོ་འདི་ནས་ཀྱང་དྲང་པོར་བཤད་པ་ཡིན་ནོ།།