མཁན་རིན་པོ་ཆེ་བཀྲ་ཤིས་ཚེ་རིང་མཆོག་གི་འཁྲུངས་སྐར་ལ་བཀྲ་ཤིས་བདེ་ལེགས་ཞུ།

རྩོམ་པ་པོ། གོ་འཇོ་བུ་ཆུང་།

རུས་ཀྱི་དྭངས་མ་གངས་རིའི་འདབས་ལ་ཟུག།

སྐུ་ཡི་མཚན་དཔེ་ནུབ་རིའི་ལྗོངས་སུ་བཞད།།

མཁྱེན་བརྩེའི་གཤོག་ཟུང་རྣམ་གྲོལ་གླིང་ནས་རྒྱས།།

དྲིན་ལྡན་གཤེས་གཉེན་མཆོག་ལ་གུས་ཕྱག་འཚལ།།

༄༅། །འགྲོ་དོན་ཕྲིན་ལས་ཀྱིས་ཆེ་བའི་དཔལ་འབྲི་གུང་༧སྐྱབས་མགོན་སུམ་ཅུ་སོ་བདུན་པ་མཆོག་ལ་བསྟོད་པ་འབའ་ཐང་པི་ཝང་དཀྲོལ་བའི་འགྱུར་ཁུགས།

རྩོམ་པ་པོ། འཆམ་ར་དྲི་མེད་རྒྱལ་མཚན།

སྟོང་ཆེན་མཁའ་ལ་འཕགས་པའི་ནམ་མཁའ་ནས།།

འོད་ཟེར་སྒོ་བརྒྱ་འབྱེད་བའི་ཀླུ་སྒྲུབ་པ།།

ཁ་བ་ཅན་ནས་འཇིག་རྟེན་གསུམ་མགོན་ཞེས།།

སྒྲུབ་བརྒྱུད་བསྟན་པའི་ཉི་མ་གང་དེར་འདུད།།

འབྲོག་མོའི་སྐོར་གྱི་སྙན་ངག་ཚན་པ་གསུམ། སེང་རྡོར།

འབྲོག་མོ་ངོ་མ། ཁག་སྔོན་མ།

 

ཤ་ཁ་ཅུང་ཟད་སྩོམ་པའི། །

འོག་དྲི་བག་ཙམ་ཁ་བའི། །

རྐང་སྣམ་ཁ་འདིག་ཞན་པའི། །

འབྲོག་མོ་ངོ་མ་ཨེ་མཚར། །

བརྩི་བཀུར་གྱིས་ང་ཚོ་ཕན་ཚུན་ཡར་རྒྱས་གཏོང་ཐུབ།

རྩོམ་པ་པོ། འོད་ཟེར་དཀར་པོ།

དང་པོ།

མི་ཚེའི་གོ་རིམ་ཁྲོད་དུ་ང་ཚོས་ནུས་པ་ཅི་ལྕོགས་ཀྱིས་འབད་འབུང་ཆེར་བསྐྱེད་དོན། མ་འོངས་པར་རང་ཉིད་ཁྱད་ནུས་ལྡན་པའི་སྐྱས་བུ་ཞིག་བྱ་བའི་སླད་དུ་ཁོ་ན་ཡིན། ཤེས་རིག་འགྲན་རྩེད་ཀྱི་དུས་རབས་འདིར་ཅིས་ཀྱང་རང་ལམ་ཞིག་འཚོལ་བཏུབ་དགོས་པ་སྨོས་མེད་ཀྱི་སྐད་ཆ་ཞིག་རེད། རང་ཉིད་གང་ལ་འཇོན་ནུས་བདོག་པ་དེར་འབད་བརྩོན་གྱི་རྒྱུན་མ་ལྷོད་པར་འབྲས་རྟགས་ཤིག་གྲུབ་ན། རང་ཉིད་གང་དུ་གནས་པའི་ཁོར་ཡུག་དེར་གོ་ཆོད་པ་ཡིན་ལ་དྲིན་བཟོས་པའང་ཡིན། བྱ་བ་ལ་བཟང་ངན་དང་གྲུབ་འབྲས་ལ་མཆོག་དམན་ཡོད་མོད། ང་ཚོས་རེ་བ་ཆེ་ས་ནས་བཟུང་སྟེ་བྱ་བ་ཆུང་ས་ནས་སྒྲུབ་བཞིན། སྔར་གྱི་རང་ཉིད་ལས་ཡར་རྒྱས་གཏོང་བའི་ཕྱོགས་སུ་འབད་ན། ང་ཚོ་གཞོན་སྐྱེས་དག་ལ་རེ་བ་ཡོད་པ་དང་ཡར་རྒྱས་བདོག་པ་ནི་བཤད་པ་ཙམ་མ་ཡིན་པར་ཆོས་ཉིད་ཀྱིས་ཐག་བཅད་པ་ཞིག་རེད་དོ།།

དོལ་སྨྱོན་ལགས་ཀྱི་སྙན་ངག་ཚན་པ་གསུམ།

1. ཁུ་ནག་འཐུང་ཞོར།

 

ང་རང་རླུང་བུ་ལ་ཕྲག་དོག་ལངས་པར་གྱུར།

རླུང་བུས་ཁྱེད་ཀྱི་སྐྲ་ལོ་བྱུང་རྒྱལ་དུ་གཡུགས་པར་བྱེད།

ང་རང་སྦྲང་མ་ལ་ཁོང་ཁྲོ་ལངས་པར་གྱུར།

སྦྲང་མས་ཁྱེད་རང་སུན་པོ་བཟོས་པ་ལན་ཅིག་མིན།

༸མཁན་ཆེན་དམ་པ་ཚུལ་ཁྲིམས་བློ་གྲོས་ཀྱི་རྗེས་དྲན་ལྷུག་རྩོམ་ཕྱོགས་བསྒྲིགས། ༣༽

___________________________

ཚུལ་ཁྲིམས་བློ་གྲོས་སུ་ཞིག་རེད།

རྩོམ་པ་པོ། སྡེ་དགེ་སྐལ་བཟང་། སེར་བྱེས།

བོད་གངས་ཅན་གྱི་ཆབ་དཔལ་རིག་གསུམ་མཐོ་སྒང་གི་ཚེ་བླ་སྲོག་གསུམ་དུ་འཛིན་ཞིང་། སྐད་ཡིག་གི་རིན་ཐང་རེ་གླེང་ཡོང་དུས་མི་སུས་བལྟས་ཀྱང་སྡོད་མི་ཚུགས་པའི་ངང་ཚུལ་ཞིག་སྤྲོད་ཐུབ་མཁན་གྱི་གསེར་ཐང་བླ་རུང་གི་གྲྭ་རྐྱང་ཞིག་རེད།

༸མཁན་ཆེན་དམ་པ་ཚུལ་ཁྲིམས་བློ་གྲོས་ཀྱི་རྗེས་དྲན་བསྟོད་རྩོམ་ཕྱོགས་བསྒྲིགས། ༢༽

__________________________

ངེས་པ་དོན་གྱི་བཤེས་གཉེན་ཆེན་པོ།

རྩོམ་པ་པོ། ཚེ་དགའ་དབང་རྒྱལ། རྣམ་གྲོལ་གླིང་།

བསྟན་ལ་ཕན་ན་གང་ཡང་སྒྲུབ་པར་བྱེད།།

འགྲོ་ལ་གནོད་ན་ཅི་ཡང་འགོག་པ་ཕོད།།

ཡོད་ཚད་བསྟན་འགྲོ་དོན་ལས་གཞན་མེད་པས།།

རྒྱལ་སྲས་སྤྱོད་པ་རྫོགས་པའི་ཁྱེད་ལ་འདུད།།

༸མཁན་ཆེན་དམ་པ་ཚུལ་ཁྲིམས་བློ་གྲོས་ཀྱི་རྗེས་དྲན་བསྟོད་རྩོམ་ཕྱོགས་བསྒྲིགས། ༡༽

____________________________

«གསེར་གྱི་བ་དན་སེར་པོ།» མགྱོགས་བྲིས་མ།

རྩོམ་པ་པོ། གངས་སེང་དཀར་མོ།

 

ཉི་ཟླ་འོད་དུ་བཞུས་པའི་མར་ཁུའི་རྒྱ་མཚོ།།

ཚེ་འབར་ཀོང་བུའི་ཁ་ཡི་སྡོང་དཀྲིས་འོད་ཆེན།།

མུན་པ་མགོ་རྟིང་སློག་པའི་གྱད་ཆེན་ངོ་མ།།

རང་བཅུན་གཟབ་ནན་ཅན་གྱི་སྐྱེས་བུ་ཁེར་མ།།

ཨོ་རྒྱན་རིན་པོ་ཆེ་མངལ་སྐྱེས་སུ་འདོད་པ་ལ་དོགས་དཔྱོད།

རྩོམ་པ་པོ། ལྷ་རྩེ་དབོན་སྤྲུལ་པདྨ་རིག་འཛིན།

དང་པོ་ང་ཚོའི་དམིགས་འདུན་ནི། དུས་རབས་ཉེར་གཅིག་པའི་སྐབས་འདིར་འཛམ་གླིང་ཡུལ་གྲུ་ཀུན་ཏུ་འགྲོ་བ་མིའི་རིགས་རྣམས་ཤེས་ཡོན་ཅན་ཤ་སྟག་ཏུ་འགྱུར་བཞིན་པའི་དུས་འདིར། རང་བྱུང་ཁམས་ཀྱི་སྤྱི་ཚོགས། ཚང་ལས། དངོས་རྫས། དཔལ་འབྱོར། ལོ་རྒྱུས། རིག་གཞུང་། ཆོས་ལུགས། འགྲིམ་འགྲུལ། བསམ་བློ་སོགས་ཕྱི་ནང་གི་ཆོས་རྣམས་སྡེ་ཚན་སོ་སོར་དབྱེ་ཞིབ་བྱེད་ནས། ཚན་རིག་རང་བཞིན་ཅན་གྱི་དུས་རབས་ཞིག་ཏུ་འགྱུར་བཞིན་ཡོད་པར་བསྟེན། རང་རེ་ཁ་བ་གངས་ཅན་པ་རྣམས་ལ་ཆོས་དང་རིག་གཞུང་གང་གི་ཐད་ནས་ཀྱང་བཀའ་དྲིན་ཤིན་ཏུ་ཆེ་བ་ཨོ་རྒྱན་སངས་རྒྱས་གཉིས་པ་སློབ་དཔོན་པདྨ་འབྱུང་གནས། འཇིག་རྟེན་འདིར་ཕེབས་པའི་ཚུལ་ལ་ཐུན་མིན་ནང་གི་སྣང་ཚུལ་དུ་བྱས་པའི་བརྫུས་སྐྱེས་ཀྱི་རྣམ་ཐར་དང་། ཐུན་མོངས་ཕྱིའི་སྣང་ཚུལ་དུ་བྱས་པའི་མངལ་སྐྱེས་ཀྱི་རྣམ་ཐར་གཉིས་སུ་གསུངས་ཡོད་པ་ལས། སྐབས་འདིར་མངལ་སྐྱེས་རྩལ་འདོན་བྱས་ནས་བཤད་པ་ཡིན། 

གནམ་ས་འབྱར་བའི་རེ་བ།

རྩོམ་པ་པོ། དོལ་པོ་པ་སྐུ་བ་པདྨ་རྒྱལ་མཚན།

ཇི་ཙམ་བལྟས་ཀྱང་ངོམ་མེད་འཛུམས་མདངས་དེས།།

སྙིང་འདི་བཤགས་པའི་ཚད་གཅིག་མི་འདུག་སྟེ།།

ད་དུང་སེམས་འདི་ཉེ་སར་བཅར་རྐྱང་བྱེད།།

ང་ལ་བསམས་ན་རེ་བ་ཡོད་དམ་ཅི།།

བློ་བཟང་སྒྲོལ་མས་བོད་སྐད་ཡིག་ལ་བཅངས་པའི་སེམས་གཏམ།

ཡིག་འགོད་པ། གླིང་ལོ་མ་སེར་པོ།

བཀྲ་ཤིས་བདེ་ལེགས། ལྷན་རྒྱས་སྐུ་ཁམས་བཟང་། ཉིན་ཤས་རིང་ནས་ང་ལ་ཚོར་བ་ཤུགས་ཆེན་པོ་ཞིག་བྱུང་བས་དེ་རིང་ཧ་ཅང་ཤུགས་ཆེ་བའི་ཚོར་བ་དེ་ཁྱེད་རྣམས་ལ་བཤད་ན་བསམ་བྱུང་། སྔོན་ཆད་ང་རང་ཉིད་ལ་བོད་པ་ཡིན་བསམ་པའི་ང་རྒྱལ་དང་སྤོབས་སེམས་ཧ་ཅང་ཆེན་པོ་ཡོད་མཁན་ཞིག་ཡིན། ཡིན་ནའང་ད་ལྟ་བསམ་བློ་ཞིབ་ཕྲ་གཏོང་སྐབས་རང་ཉིད་ཀྱིས་བཤད་པའི་ཕ་སྐད་ནི་ར་མ་ལུག་ཅིག་ཡིན་པར་མ་ཟད། བོད་ཡིག་ཀྱང་ཡིག་རིགས་གཞན་པ་བཞིན་ཡག་པོ་དེ་ཙམ་མི་ཤེས་པས། སྔོན་ཆད་ང་བོད་པ་ཡིན་བསམ་པའི་ང་རྒྱལ་དང་སྤོབས་སེམས་དག་ལ་ལྗིད་ཚད་དེ་ཙམ་མི་འདུག

ཧར་བཤད་ལྕགས་ཀྱུ་མ།

རྩོམ་པ་པོ། སློབ་དཔོན་བཀྲ་ཤིས་དོན་གྲུབ།

རྫུན་དང་ལྷན་དུ་འུད་བརྗོད་འདྲེས་པ་ཡིས།།

མི་རྣམས་མགུ་བའི་ཞར་ལ་མགོ་བསྐོར་བའི།།

ཧར་བཤད་ལུགས་ཀྱི་ས་བཅུ་མཐར་སོན་པའི།།

ཧར་གྱི་ལྷ་ཚོགས་རྣམས་ལ་ཧར་ཕྱག་འཚལ།།

བེ་རི་རྒྱལ་སྲས་རྩེ་ཕུད་དང་པོ་ལས་ངེས་པར་འབྱུང་བའི་གཏམ།

རྩོམ་པ་པོ། བེ་རི་རྒྱལ་སྲས།

གྲྭ་དམངས་སྟོང་ཕྲག་འཚོགས་པའི་དཀྱིལ་དུ། མཁན་རིན་པོ་ཆེ་དབུས་ནས་ཞལ་མར་འཁོར་ཞིང་། ཡོད་ཚད་ཀྱིས་ཅི་ཞིག་ལ་སྒུག་བཞིན་པ་ལྟར། མགོ་བོ་ཀྲོང་ངེར་བྱས་ནས་མཁན་པོའི་ཕྱོགས་སུ་ཅེར་བཞིན་པ་ན། རྒྱུགས་སྤྲོད་དོ་དམ་པས། “གཞུང་གསར་པའི་འཛིན་གྲྭའི་རྩེ་ཕུད་དང་པོ། ཏྲེ་ཧོར་དཔལ་ལྡན་རྣམ་རྒྱལ།” ཞེས་འབོད་པ་ན། གྲྭ་དམངས་ཡོད་ཚད་ཀྱིས་སུ་ཞིག་ཡིན་ནམ། སྙམ་སྟེ། མགོ་བོ་ཡར་མར་བཅུས་ནས་ལྟ་བཞིན་པ་ན། རང་ལོ་བཅུ་དྲུག་ལ་སོན་པའི་ཤ་སྐམ་ཞིང་རིད་པའི་གཞོན་ནུ་ཞིག་བྱ་འཕུར་བ་ལྟར་གྲལ་གཤམ་ཞིག་ནས་མཁན་པོའི་དྲུང་དུ། གཟེངས་རྟགས་ལེན་པར་བསྐྱོད་སོང་།

«འབྲུག་སྒྲ་»བཀླགས་པའི་ཟིན་ཐོ།

རྩོམ་པ་པོ། འདྲེ་ཡེ་ལྡན།

ཉེ་ཆར་«འབྲུག་སྒྲ། ཆོས་རྒྱམ་དྲུང་པ་དང་ལྷན་དུ་བསྐྱལ་བའི་ངའི་མི་ཚེ།»ཞེས་པའི་དེབ་གཅིག འགོ་ནས་མཇུག་བར་ཆ་ཚང་བཀླགས་པ་ཡིན།   དེ་ནི་དྲུང་པ་སྐུ་ཕྲེང་བཅུ་གཅིག་པའི་གསང་ཡུམ་གཙོ་བོར་གྱུར་པ་དབྱིན་ཇིའི་བུ་མོ་“ཌ་ཡ་ན་ཇེ་སྨུག་པོས་”བརྩམས་པ་ཞིག་རེད་འདུག  ང་རང་སྔར་ནས་རགས་ཙམ་གོ་ཐོས་བྱུང་མྱོང་བའི་ནང་པའི་བླ་མ་གལ་གནད་ཆེ་ཤོས་ཆོས་རྒྱམ་དྲུང་པ་རིན་པོ་ཆེའི་ (1940–1987) མཛད་རྣམ་ཁ་ཅིག་མཇལ་བས། འཇིག་རྟེན་གཞན་ཞིག་ཏུ་བསླེབས་པ་ལྟ་བུའི་ཚོར་སྣང་བྱུང་སོང་།  ང་ཚོ་དྲུང་པ་རིན་པོ་ཆེ་ལྟར་གནས་སྐབས་ཀྱི་ཡིན་མིན་དང་བདེན་རྫུན་གྱི་འཆིང་ཐག་ལས་གྲོལ་ཏེ། རང་ཉིད་ཇི་ལྟ་བུ་ཞིག་ཡིན་ན་དེ་ལྟར་ཡིན་ཆོག་པའི་ཕྱི་གསལ་ནང་གསལ་ཞིག་ཡོང་བར་ཅི་འདྲའི་དཀའ་ཚེགས་ཆེ་བ་ཞིག་རེད་ཨང་སྙམ།

«གྱེས་ཁའི་གྱེས་གཏམ།»

རྩོམ་པ་པོ། གངས་སེང་དཀར་མོ། 

སྙན་ངག་གླིང་བུ་འབུད་སའི་རི་དེའུ་འབུར་འབུར།།

མེ་ཏོག་སིལ་མ་དགྲམ་སའི་མཆོད་སྟེགས་ཙོག་ཙོག།

རྒྱང་རིང་ཕ་ཡུལ་འཚོལ་སའི་དེབ་ཐེར་སྲབ་སྲབ།།

དེ་རིང་གྱེས་ཁ་ཡིན་ཡང་ང་ལ་ཐུག་རོགས།།

སློབ་ཆུང་སློབ་མར་བོད་སྐད་ཡིག་ཇི་ལྟར་བསླབ་ཚུལ་གྱི་བསམ་གཞིག

རྩོམ་པ་པོ། ཉི་ཕན་ནས། (བོད་ནང་། རྒྱལ་རྩེ་རྫོང་སློབ་ཆུང་གཉིས་པ།) 

རང་ལྗོངས་ཀྱི་སློབ་ཆུང་སློབ་མའི་བོད་སྐད་ཡིག་གི་སློབ་ཁྲིད་ཀྱི་སྤུས་ཚད་ཡག་ཐོག་ཡག་བརྩེགས་ཡོང་བ་བྱ་རྒྱུ་ནི་ཤ་ཁ་ཚ་དགོས་གཏུགས་ཀྱི་གནད་དོན་ཞིག་ཡིན། བོད་སྐད་ཡིག་གི་སློབ་ཁྲིད་ནུས་པ་མཐོ་རུ་གཏོང་ཐུབ་ན་སློབ་མའི་ཀུན་སྤྱོད་དང་ཤེས་རིག རིན་ཐང་ལྟ་བ། མཛེས་དཔྱོད་ཀྱི་རིན་ཐང་སོགས་ཕྱོགས་གང་ཅིའི་ཐད་ནས་ཡར་ཐོན་གྱི་ནུས་པ་ལེགས་པོ་ཞིག་ཐོན་ཐུབ་ངེས་ལ། རྩིས་རིག་དང་རྒྱ་ཡིག བསམ་བློ་ཆབ་སྲིད། ལོ་རྒྱུས། དབྱིན་ཇི་སོགས་ཀྱི་རིག་ཚན་རྣམས་སྦྱོང་བར་ཡང་གཞོགས་འདེགས་ཀྱི་ནུས་པ་ཞིག་ཐོན་ངེས་པ་ནི་སྨོས་མེད་ཀྱི་གཏན་ཚིགས་ཤིག་རེད། འདིར་ཁོ་མོས་ལོ་ཉི་ཤུ་ལྷག་ཙམ་རིང་ཞིང་འབྲོག་ཁུལ་དུ་སློབ་ཆུང་བོད་སྐད་ཡིག་བསླབ་ཚན་གྱི་སློབ་གསོ་དང་སློབ་ཁྲིད་བྱས་པའི་མྱོང་བ་རྣམས་ལྷུག་པོར་གླེང་བར་འདོད།

འཁྲུངས་སྐར་གྱ་ལྔ་པ་བསུ་བའི་ཤིས་ཚིག་དགེ་ལེགས་ཆར་འབེབས།

པོ་བསྟོད། བཅུ་བཞི་ཕྱི་དྲན།

རྩོམ་པ་པོ། ཆབ་མདོ་ཤེས་རབ།

གང་སྐུ་དུང་གི་ལྷུན་པོ་ལྟར་དཀར་མཐོང་བའི་མོད་ལ་ཀུན་ནས་དྭངས་བ་འདྲེན་པ་པ་པོ།།

གང་གསུང་ན་ཆུང་གླུ་ལྟར་སྙན་པ་ཐོས་པའི་མོད་ལ་ཀུན་ནས་དགའ་བ་སྐྱེད་པ་པོ།།

གང་ཐུགས་རྒྱ་མཚོ་ཆེ་ལྟར་ཟབ་པ་དྲན་པའི་མོད་ལ་ཀུན་ནས་ཞི་བར་བྱེད་པ་པོ།།

གང་ལ་བརྟེན་ན་ཀུན་ཏུ་དགེ་བ་བོད་ཀྱི་ལྷ་སྐལ་སྤྱན་རས་གཟིགས་ཞེས་གྲགས་པ་པོ།།

རྨི་ལམ་ཞིང་གི་ལྗོན་པ།

རྩོམ་པ་པོ། སྒོ་ཤེས་རབ་རྒྱ་མཚོ།

སྤྲིན་པ་ལྷོ་རུ་ལྡང་བའི་ཕར་ངོགས་ན། །

རི་བོ་ནགས་ཀྱིས་དཀྲིས་པའི་གཙུག་ཏོར་ན། །

ལེགས་བྱས་འདབ་བརྒྱ་རྫོགས་པའི་ལྗོན་པ་ཞིག །

བདག་ཡིད་བྱེའུ་ཆུང་ངལ་གསོའི་འབབ་སྟེགས་ཉིད། །

སྤྲིན་གྱི་རོལ་མོ་འཁྲོལ་བ།

རྩོམ་པ་པོ། གངས་སེང་དཀར་མོ། (སློབ་དཔོན་ཚུལ་ཁྲིམས་ནོར་བུ། རྣམ་གྲོལ་གླིང་།)

བཅུ་དྲུག་ལང་ཚོས་སྒེག་པའི་མཚོ་བྱུང་ལྷ་མོ།།

མགྲིན་པ་འོ་མའི་མཚོ་ལ་བདེ་བར་བཞུགས་དང་།།

དེ་རིང་དབྱངས་ལ་སྒྲིབ་པ་རྡུལ་ཙམ་མེད་པའི།།

བསྟོད་པ་སྤྲིན་གྱི་རོལ་མོ་ང་ལ་འཁྲོལ་རོགས།།

ས་ཆེན་པོ་འོད་ཀྱིས་འགེབས་མཁན།

རྩོམ་པ་པོ། སློབ་དཔོན་ཚུལ་ཁྲིམས་ཟླ་བ། རྣམ་གྲོལ་གླིང་།

ལོ་བརྒྱད་ཅུ་ཡི་སྔ་རོལ་སྔ་རོལ།།

གྲོང་ལྷིང་འཇགས་ཀྱི་ཁང་ཁུག་ཅིག་ན།།

ཁྱིམ་འཁོས་ཆུང་གི་ཆུང་མའི་པང་ནས།།

གསང་མཐོན་པོ་ཡི་ངུ་སྐད་གྲགས་སོང་།།

༢༠༢༠ ལོའི་རྒྱལ་བ་རིན་པོ་ཆེའི་ཁྲུངས་སྐར།

རྩོམ་པ་པོ། དོལ་པོ་ནམ་སྟོད་པ་ཤེས་རབ་རྒྱལ་མཚན། (སྔ་འགྱུར་མཐོ་སློབ་ཆེན་མོ། ལོ་རིམ་དྲུག་པ།)

ཉིས་སྟོང་ཉི་ཤུའི་ལོ་ལ།།

དགུང་གྲངས་གྱ་ལྔར་ཕེབས་པའི།།

དབུ་ནག་བོད་ཀྱི་ལྷ་སྐལ།།

༧རྒྱལ་བ་ཡིད་བཞིན་ནོར་བུ།།

ནོར་བུ་དོན་ལྡན།

རྩོམ་པ་པོ། དོལ་པོ་ས་འདང་བ་པདྨ་རྒྱལ་མཚན། (སྔ་འགྱུར་མཐོ་སློབ་ཆེན་མོ། ལོ་རིམ་གཉིས་པ།)

གསེར་ཞལ་འཛུམ་མདངས་ཀྱིས་ཁེངས་པའི།།

ཐུགས་སྟོབས་རི་རབ་ལས་ཆེ་བ།།

གཞན་ཕན་སྙིང་རྗེ་དེ་ཟབ་པ།།

མ་ཕམ་གཡུ་མཚོ་ལས་ཟབ་སོང་།།

གཉན་ཆེན་པོ་ཐང་ལྷའི་གསོལ་སྐུལ།

(སྔར་བཙོན་ཁང་དུ་སེམས་ཤིན་ཏུ་སྐྱོ་སྐབས་ཤིག་ལ།)

རྩོམ་པ་པོ། རྫ་ཚེ་རིང་བཀྲ་ཤིས།

རན་ལ་འཚམས་པའི་གདངས་དབྱངས་ཤིག་གི་ཆེད་དུ་ཚིགས་བཅད་རེའི་མཚམས་སུ་ཀྱེ་རེ་རེ་ཡོད་ཀྱང་། སྤྱིར་བཏང་ཀློག་སྐབས་མ་བཀླགས་ན་ཡང་འགྲིགས།

ཀྱེ།  སྲིད་པའི་ལྷ་ཆེན་ནི། །ཟུར་ཕུད་ལྔ་པ་སོགས། །

བོད་སྐྱོང་ལྷ་རབས་རྣམས། །དགོངས་ཤིག་བདག་ལ་དགོངས། །

ཡིག་ནོར་གྱི་ན་ཚ་དྲག་ཐབས།

རྩོམ་པ་པོ། སློབ་དཔོན་བཀྲ་ཤིས་དོན་གྲུབ།

བོད་ཀྱི་སྐད་ཡིག་ལ་དགའ་ཞེན་ཡོད་པའི་བདག་གི་དྲྭ་གྲོགས་རྣམ་པ་ལགས། ཁྱེད་རང་གི་བོད་ཡིག་ཆུ་ཚད་མཐོན་པོ་མེད་ཙང་ཁྱེད་རང་བོད་ཡིག་བྲི་རྒྱུར་འཚེར་སྣང་སྐྱེ་གི་འདུག་གམ། དྲྭ་གྲོགས་ཚོས་ཡིག་ནོར་ཐེར་འདོན་བྱས་ཤིང་སྐྱོན་བརྗོད་བྱས་ཡོང་དུས་ཁྱེད་རང་ལ་སུན་སྣང་སྐྱེ་གི་འདུག་གམ། འོན་ཀྱང་ངས་ནི་ཁྱེད་རང་ལ་མུ་མཐུད་ནས་སུན་སྣང་སྐྱེ་རུ་འཇུག་འདོད་འདུག་མོད། ཁྱེད་རང་བོད་ཡིག་འབྲི་བར་འཚེར་སྣང་སྐྱེ་རུ་འཇུག་འདོད་རྩ་བ་ནས་མི་འདུག་པའི་ཁར། ད་དུང་ཁྱེད་རང་བོད་ཡིག་བྲི་རྒྱུར་སྤྲོ་སྣང་སྐྱེ་རུ་འཇུག་འདོད་འདུག 

«ག་ལས་འཇིགས་མེད་»ཀླུ་སྒྲུབ་ཀྱིས་བརྩམས་མིན་ལ་དཔྱད་པ།

རྩོམ་པ་པོ། ཐར་ཤུལ་འཇམ་དཔལ་བསྟན་འཛིན།

 

ན་མོ་གུ་རུ་མཉྫུ་གྷོ་ཥཱ་ཡ།

མཁྱེན་བརྩེ་གཏིང་མཐའ་བྲལ་བའི་གཏེར།།

རྟེན་འབྱུང་གཏམ་གྱི་མཛོད་ཆེན་པོ།།

ས་གསུམ་འགྲོ་བའི་གཉེན་གཅིག་པུ།།

སྟོན་མཆོག་མཚུངས་པ་མེད་དེར་འདུད།།

དེ་ལ་འདིར་བཅོམ་ལྡན་འདས་གསུང་གི་དབང་ཕྱུག་དམ་པ་དེས་ཤེར་ཕྱིན་གྱི་མདོ་སྡེ་རིན་པོ་ཆེ་ཇི་སྙེད་ཅིག་གསུངས་ཤིང་། དེའི་དགོངས་པ་འགྲེལ་བའི་བསྟན་བཅོས་མང་དུ་བྱུང་བ་ལས། དངོས་བསྟན་སྟོང་པ་ཉིད་ཀྱི་དོན་གཙོ་བོར་འགྲེལ་བ་ལ་བདག་ཉིད་ཆེན་པོ་ཀླུ་སྒྲུབ་ཀྱིས་རིགས་ཚོགས་མཛད་པ་དང་། སྦས་དོན་མངོན་རྟོགས་ཀྱི་རིམ་པ་གཙོ་བོར་འགྲེལ་བ་ལ་བཅོམ་ལྡན་འདས་མགོན་པོ་བྱམས་པས་བསྟན་བཅོས་མངོན་པར་རྟོགས་པའི་རྒྱན་མཛད་དོ། །དེ་ལ་འདིར་རིགས་ཚོགས་ཀྱི་གྲངས་ངེས་འདོད་ཚུལ་ལ་རིགས་ཚོགས་ལྔར་བཞེད་པ་དང་དྲུག་གི་གྲངས་ངེས་འདོད་པ་སོགས་དུ་མ་ཞིག་ཡོད་པ་ལས། ཁ་ཅིག་«ག་ལས་འཇིགས་མེད་»བསྣན་ནས་རིགས་ཚོགས་དྲུག་ཏུ་འདོད་ལ། དེ་ནི་«ག་ལས་འཇིགས་མེད་»རང་འགྲེལ་དུ་འདོད་པའི་ལུགས་དག་སྟེ་འདི་ལ་ཕྱོགས་སྔ་མ་འགོད་པ་དང་། གསེར་ཕྲེང་སོགས་སུ་དེ་མི་འདོད་པའི་ཚུལ་བཤད་པ་གཉིས་ནི་སྐབས་འདིར་དཔྱད་པར་བྱ་བའི་གཞིར་གཟུང་བར་བྱ་བ་ཡིན་ནོ།།