རླངས་པ་རྔུབ་ན་ཁྱེད་རང་ཏོག་དབྱིབས་གཉན་སྲིན་ལས་སྐྱོབ་ཐུབ་བམ།

དགེ་བཤེས་ཡར་ལོངས།

༄༅། །ཆབ་སྐོལ་ཚ་པོ་བཞེས་པ་དེས་ཁྱེད་རང་གི་མིད་པ་ལ་ཕན་ཐོགས་ཧ་ཅང་ཆེན་པོ་ཡོད། འོན་ཀྱང་ཏོག་དབྱིབས་གཉན་སྲིན་ནི་ཁྱེད་རང་གི་སྣ་རུས་ཀྱི་རྒྱབ་ཏུ་ཉིན་བཞི་ནས་ལྔ་བར་གབ་ནས་སྡོད་ཀྱི་ཡོད་སྟབས། ཆབ་སྐོལ་ཚ་པོ་བཞེས་པ་དེ་གནས་དེར་སླེབས་ཐུབ་ཀྱི་མེད། ཏོག་དབྱིབས་གཉན་སྲིན་སྣ་རུས་ཀྱི་རྒྱབ་ཏུ་ཉིན་བཞི་ནས་ལྔའི་བར་གབ་ནས་བསྡད་རྗེས་གློ་བའི་ནང་སླེབ་ཀྱི་ཡོད། དེས་དབུགས་འབྱིན་རྔུབ་བྱེད་པར་འགོག་རྐྱེན་བཟོ་ཡི་ཡོད། དེར་བརྟེན་རླངས་པ་རྔུབ་རྒྱུ་དེ་ཧ་ཅང་གལ་ཆེན་པོ་ཆགས་ཀྱི་ཡོད། རླངས་པ་དེ་ཁྱེད་རང་གི་སྣ་རུས་ཀྱི་རྒྱབ་ཏུ་ཡང་སླེབ་ཐུབ་ཀྱི་ཡོད།

     གལ་ཏེ་ཁྱེད་རང་གིས་ཏོག་དབྱིབས་གཉན་སྲིན་རྩ་མེད་གཏོང་འདོད་ཡོད་ན། ཁྱེད་ཀྱིས་རླངས་པ་རྔུབ་རྒྱུ་འགོ་འཛུགས་དགོས། འདིས་སྣ་རུས་རྒྱབ་ཏུ་གབ་པའི་ཏོག་དབྱིབས་གཉན་སྲིན་གསོད་ཐུབ། ཆུའི་ཚ་ཚད་ 50'C ཡིས་ཏོག་དབྱིབས་གཉན་སྲིན་གྱི་ནུས་པ་བཅོམས་ཏེ་གཟའ་རོ་ལྟ་བུ་བཟོ་ཐུབ་ཀྱི་ཡོད། ཆུའི་ཚ་ཚད་60'c ཡིས་ཏོག་དབྱིབས་གཉན་སྲིན་ནུས་པ་ཧ་ཅང་ཞན་པོར་གཏོང་ཐུབ་ཀྱི་ཡོད་སྟབས། མི་ཡོད་ཚད་ཀྱི་ནད་འགོག་མ་ལག་གིས་ཁ་གཏད་གཅོག་ཐུབ་ཀྱི་ཡོད། ཆུའི་ཚ་ཚད་ 70'C ཡིས་ཏོག་དབྱིབས་གཉན་སྲིན་རྩ་མེད་གཏོང་ཐུབ་ཀྱི་ཡོད། འདི་ནི་རླངས་གདུག་གི་དགེ་མཚན་རེད། 

     མི་མང་འཕྲོད་བསྟེན་ལྷན་ཁང་ཕལ་མོ་ཆེས་གནས་ལུགས་འདི་ཤེས་ཀྱི་ཡོད། མི་ཚང་མས་ནད་ཡམས་ལས་གྲོལ་བའི་ཁེ་ཕན་ཐོབ་འདོད་ཡོད་ཀྱང་། མི་མང་འཕྲོད་བསྟེན་ལྷན་ཁང་དེ་དག་གིས་གནས་ལུགས་འདི་ཚང་མར་ཤེས་སུ་འཇུག་གི་མེད། སུ་རུང་ཁྱིམ་དུ་དལ་སྡོད་བྱེད་ཀྱི་ཡོད་ན་ཉིན་རེར་རླངས་གདུག་ཐེངས་རེ་གནང་དགོས། གལ་སྲིད་ཁྱེད་རང་ཁྲོམ་ལ་བཟའ་བཅའ་དང་ཚལ་སོགས་ཉོ་བར་ཕེབས་དགོས་ཀྱི་ཡོད་ན། ཉིན་རེར་རླངས་པ་གདུག་ཐེངས་གཉིས་རེ་བྱོས། སུ་རུང་སྤྱི་ཚོགས་ཞབས་ཞུ་སོགས་ཀྱི་ལས་དོན་ལ་མ་ཕེབས་ཐུ་མེད་གྱུར་ཚེ། ངེས་པར་དུ་ཉིན་རེར་རླངས་པ་ཐེངས་གསུམ་རེ་རྔུབ་དགོས། 

     སྨན་པའི་ལམ་སྟོན་ལྟར་ན། ཁ་སྣ་གཉིས་བརྒྱུད་དེ་རླངས་པ་རྡུབ་པ་ཡིན་ན་ཏོག་དབྱིབས་གཉན་སྲིན་རྩ་མེད་གཏོང་ཐུབ་ཟེར། གཟའ་འཁོར་གཅིག་རིང་མི་ཚང་མས་དུས་མཉམ་དུ་རླངས་གདུག་བྱེད་ཐུབ་པ་ཡིན་ན། རིང་པོར་མ་ཐོགས་པར་ཏོག་དབྱིབས་གཉན་སྲིན་རྩ་མེད་གཏོང་ཐུབ། བསམ་ཚུལ་ཞུ་རྒྱུ་ཞིག་ལ་ང་ཚོ་ཚང་མས་གཟའ་འཁོར་གཅིག་རིང་སྔ་དགོང་གཉིས་ལ་སྐར་མ་ལྔ་རེ་རླངས་གདུག་བྱ་རྒྱུ་ལག་ལེན་ལ་འགེལ་ཐུབ་ན། ཏོག་དབྱིབས་གཉན་སྲིན་རྩ་མེད་གཏོང་ཐུབ་ལ་འདིར་ཞོགས་སྐྱོན་ནམ་ཟུར་ཕོག་རྩ་བ་ནས་མེད་པ་མ་ཟད་འགྲོ་སོང་གཏོང་དགོས་ཀྱི་མེད། 

     གནས་ཚུལ་འདི་རང་གི་དགའ་ཉེ་སྤུན་མཆེད་དང་། གྲོགས་པོ་གྲོགས་མཆེད། ཁྱིམ་མཚེས་སོགས་ཚང་མ་ལ་རྒྱ་གང་ཆེར་འགྲེམ་སྤེལ་གནང་རོགས། དེ་ལྟར་བྱུང་ན་འཛམ་གླིང་འདིའི་སྟེང་ནས་ཏོག་དབྱིབས་གཉན་སྲིན་རྩ་མེད་གཏོང་ཐུབ་པ་མ་ཟད། སླར་ཡང་འཛམ་གླིང་འདི་མཛེས་སྡུག་ལྡན་པའི་ཁོར་ཡུག་ཅིག་ལ་སླར་གསོ་བྱེད་ཐུབ།

     སྨན་པ་ཨན་ཨན་ཀ་ནབ་པ་ཡིས་རྒྱ་གར་གྱི་གྲོང་ཁྱེར་བཅོམ་བརླག་གམ་མ་ཐུ་རའེ་ནས། །དགེ་བཤེས་ཡར་ལོངས་ནས་ཕྱི་ལོ་ ༢༠༢༡ ཟླ་ ༠༤  ཚེས་ ༡༨ ལ་ཕབ་སྒྱུར་ཞུས་པ་འདིས་འགྲོ་ལ་ཕན་པའི་རྒྱུར་གྱུར་ཅིག།

བསྒྱུར་གཞིའི་ཡིག་ཆ།

ཏོག་དབྱིབས་གཉན་སྲིན་དང་འཐབ་འདོད་ན།

ཆུ་འཁོལ་མང་ཙམ་བཞེས་ལ། 

སྨན་སྦྱོར་བྱས་པའི་ཆུ་འཁོལ་གྱི་རླངས་པ་མུ་མཐུད་རྔུབས།

དེ་བཞིན་སྔ་དགོང་རྒྱུན་དུ་ཉི་མར་ལྡེ་རྒྱུའང་གལ་ཆེ།

_______________

རྩོམ་ཁུངས།: མཚོ་བྱུང་ཨུཏྤལ་ནེའུ་གསིང་ཟིན་བྲིས་དྲྭ་བ།

ཐུགས་སྣང་།: འདི་གའི་རྩོམ་ཡིག་བཤུ་སྤེལ་བྱེད་ཚེ་རྩོམ་ཁུངས་ངེས་པར་འགོད་རོགས་གནང།

རྩོམ་འདིའི་དྲྭ་ཐག: མཚོ་བྱུང་ཨུཏྤལ་ནེའུ་གསིང་།-རླངས་པ་རྔུབ་ན་ཁྱེད་རང་ཏོག་དབྱིབས་གཉན་སྲིན་ལས་སྐྱོབ་ཐུབ་བམ།

࿐ སྐུ་ཉིད་ནས་ངེད་དྲྭ་བར་རྩོམ་ཡིག་ཡག་པོ་རེ་བསྐུར་གནང་མཛད་པར་ཐུགས་རྗེ་ཆེ་ཞུའོ།།