རང་སེམས་བདེ་བའི་གླུ།

གཙང་ཐ་མཁའ་འགྲོ་བསམ་གཏན་ཆོས་སྒྲོན།

གླུ་ཨ་ལ་ཐ་ལའི་དབྱངས་རྟ་འདིས། །

སྐྱབས་དྲིན་ཆེན་རྩ་བའི་བླ་མ་དང་། །

གྲོགས་སྣང་སྲིད་དགྲ་བླ་ཝེར་མ་འབོད། །

བློ་ཆོས་དང་འདྲེས་པའི་སྡོངས་གྲོགས་མཛོད། །

གནས་མཆོག་ལ་ཕྱི་གངས་རར་བསྟོད་པ་དད་ལྡན་གནས་མཇལ་ལ་བསྐུལ་བ་ཞེས་བྱ་བ་བཞུགས་སོ།།

འབྲི་གུང་སྤྲོ་ཚེས་བརྩམས།

༡

སྲིད་པའི་བྲག་རི་དགུང་སྔོན་དབྱིངས་སུ་ཟུག།

ཆད་མེད་ཆུ་ཆེན་གཡས་གཡོན་གཉིས་ནས་བཞུར།།

རྐང་འཐུང་སྣ་ཚོགས་འདབས་ནས་རྒྱས་ཤིང་སྟུག།

རང་བཞིན་ལྷུན་གྱིས་གྲུབ་པའི་གནས་འདི་མཛེས།།

སྤྲུལ་སྐུ་པདྨ་ཚེ་མཆོག་རྡོ་རྗེའི་སྙན་ངག་གསུམ་ཆེད་བསྒྲིགས།

⊰ ཉིན་རེར་རྒྱུན་དུ་མནར་བའི་ན་ཟུག ⊱

གང་གི་མཛད་བཟང་ལྷུན་པོའི་ཏོག་དཀར་པོ།།

དྲན་ཞིང་དྲན་ཞིང་མིག་ཟུང་གཤེར་ཁུས་བརླན།།

མཛད་འཕྲོ་མེད་ཀྱང་མཛད་འཕྲོ་སྐྱོང་མཁན་དེར།།

ཐུགས་རྗེ་མ་ཆུང་ཡིད་ཀྱི་པདྨོར་བཞུགས།།

བཀའ་ཐང་སྡེ་ལྔའི་ཡ་རྒྱལ་ལོ་པཎ་བཀའ་ཐང་ལས། རྒྱལ་བའི་གསུང་རབ་བཀའ་བསྟན་ཇི་ལྟར་ཀློག་པའི་ཚུལ་བསྟན་པ།

༈ ཐོག་མར་དགེ་བའི་རང་བཞིན་དཀོན་མཆོག་གསུམ་ལ་སྐྱབས་སུ་འགྲོ་ཞིང་། སྨོན་འཇུག་གི་སེམས་བསྐྱེད་གཉིས་པོ་ལེགས་པར་བླངས་པའི་མཐར། སྙིང་རྗེ་དང་སྤྲོ་བ་རྒྱ་ཆེན་པོས་ཀློག་དགོས་ཚུལ་གསུངས་པ། དེ་ནས་འཇུག་པའི་སྡོམ་པ་བཅུ་བླངས་ནས༔ མཁས་པས་ཙོག་པུར་རས་ཀྱི་སྟེང་དུ་ནི༔ ཐལ་སྦྱར་གུས་པས་གླེགས་བམ་བཞག་ནས་སུ༔ སྙིང་རྗེ་དང་ནི་སྤྲོ་བ་རྒྱ་ཆེན་བསྐྱེད༔ སུས་ཐོས་གྲོལ་བར་བྱ་ཕྱིར་བཀླག་པར་བྱ༔

ཐོག་མར་རྩོམ་ཡིག་འབྲི་ཚུལ་གྱི་སྒོ་ནས་གསལ་བཤད་གནང་བ།

མཛངས་མ་ཚེ་རིང་སྐྱིད་ཀྱིས་བརྩམས།

༡། ཉིན་ཐོ་འབྲི་བ་ནས་འགོ་བརྩམ་དགོས།

       ཉིན་ཐོ་ཞེས་པ་ནི། རང་གི་ཉིན་རེའི་འཚོ་བའི་ཁྲོད་ཀྱི་མཐོང་ཐོས་མྱོང་གསུམ་བྱུང་བ་གང་དག་ཟིན་ཐོར་བཀོད་པ་ལ་ཟེར་ཞིང་། དེ་ལྟ་བུའི་ཉིན་ཐོ་འབྲི་བ་ལ་བརྗོད་བྱའི་དོན་དང་རྗོད་བྱེད་ཀྱི་རྣམ་པ་གང་གི་ཐད་ལ། གུ་དོག་པའི་སྒྲིག་འཛུགས་ལྟ་བུའི་འཆིང་རྒྱ་གང་ཡང་མེད་པར། རང་གིས་གང་བརྗོད་འདོད་པ་དེའི་རྗེས་སུ་འབྲངས་ནས་ཅི་དགར་བྲིས་ཆོག་ལ། བྲི་བྱའི་ཡིག་འབྲུའི་མང་ཉུང་དང་།  རྗོད་བྱེད་ཚིག་གི་རྩོམ་ལུས་ལའང་ཚད་བཀག་ཅི་ཡང་མེད་པར།  ཚིགས་བཅད་དང་ཚིག་ལྷུག བཅད་ལྷུག་སྤེལ་མ་གང་སྤྱད་ཀྱང་ཆོག དེ་ལྟ་ནའང་། ཐོག་མཐའ་བར་གསུམ་དུ་ཉིན་ཐོ་འབྲི་བ་ལ་བརྗོད་དོན་གྱི་སྙིང་པོ་ཡོད་པ་ཞིག་བྲི་རྒྱུ་གལ་ཆེ་བར་སྙམ། 

ཤེས་རབ་རྒྱལ་མཚན་གྱི་སྙན་རྩོམ་ཆེད་བསྒྲིགས།

⊰ ཉིན་ཐོ་ནི་ཅི་ཞིག་རེད། ⊱

རེག་ཟིག ~ ཟིན་ཐོ།

དབྱངས་དང་གསལ་བྱེད་གཉིས་ཀྱི་རྩིག་པ་བརྩིགས་པའི།།

ཉིན་ཐོའི་ཕ་མཁར་མཐོན་པོའི་ནང་ལོགས་བསྔོགས་ནས།།

འདི་ཕྱིའི་འཕྲལ་ཕུགས་ཀུན་ནས་ཀུན་ཏུ་ཕན་པའི།།

སྔོན་བྱོན་མཁས་གྲུབ་དུ་མའི་གླེགས་བམ་མཇལ་བྱུང་།།

དཔེར་བརྗོད་ཀྱིས་འཁྲུངས་སྐར་བསུས་པ།

པདྨ་རྒྱལ་མཚན། སྔ་འགྱུར་མཐོ་སློབ་ཆེན་མོ།

སྐུ་ལ་མཚན་དང་དཔེ་བྱད་རྒྱན་གྱིས་སྤྲས།།

གསུང་ལ་འགག་མེད་གསུང་དབྱངས་དྲུག་བཅུ་ལྡན།།

ཐུགས་ལ་མཁྱེན་བརྩེ་ནུས་པ་ཡོངས་གང་བའི།།

རྩ་བའི་བླ་མའི་ཞབས་ལ་གསོལ་བ་འདེབས།།

བཅོས་མིན་ཡིད་ཀྱི་གསོལ་འདེབས།

འཇིགས་མེད་རྣམ་རྒྱལ།(རོང་ཕྲུག) སྔ་འགྱུར་མཐོ་སློབ་ཆེན་མོ།

གཞི་ལ་གཞི་སྣང་ཤར་བའི་དུས་དེ་རུ།།

འཁྲུལ་བའི་དབང་གིས་རང་སྣང་མ་ཤེས་ཏེ།།

ཁམས་གསུམ་སྲིད་པ་འདི་ན་འཛད་མེད་དུ།།

སྐྱེ་འཆི་བུམ་ནང་སྦྲང་འབུ་བཞིན་དུ་འཁོར།།

སྐྱེ་འཆི་མེད་པའི་དབྱིངས་སུ་འཐིམ་པར་ཤོག།