“འོར་ཆེ་”ཞེས་པའི་བརྡ་ཆད་ཀྱི་སྐོར་ལ་དཔྱད་པ།

རྩོམ་པ་པོ། འབུམ་རམས་པ་དགེ་བཤེས་ཆོས་འཁོར་ཚང་རིན་པོ་ཆེ།

མིང་ཚིག་གཙོ་བོ། ཧི་མ་ལ་ཡའི་བོད་རིགས། དོལ་པོ། བརྡ་རྙིང་།

འོར་ཆེ། སྐུ་མཁྱེན། ཐུགས་རྗེ་ཆེ། ཤ་འབེ་འཇུ། ཨོག་མ་འཇུ། ཨ་འཇུ།

འགོ་ཡི་ངོ་སྤྲོད་ཚིག་གསུམ།

བལ་ཡུལ་རྒྱལ་ཁབ་ཀྱི་མངའ་ཁོངས་སུ་གཏོགས་པའི། ཧི་མ་ལ་ཡའི་བོད་རིགས་དག་གི་གནས་ཡུལ་ཕལ་ཆེ་བ་ནི། བགྲོད་པར་དཀའ་བའི་ཡུལ་ཁམས་ཏེ། ལ་ཆེན་གྱི་སུལ་དང་ལུང་རིང་གི་མཐིལ་དུ་ཆགས་ཡོད། དེས་ན་ཡུལ་གྲུ་དེ་དག་གནའ་བོའི་དུས་ནས་བཟུང་། ཕྱི་རོལ་གྱི་ཡུལ་ལུང་གཞན་དང་འབྲེལ་འདྲིས་དེ་ཙམ་མེད་པར་ཁེར་ལོགས་སུ་ལྷག ཁེར་ལུས་དེ་ལ་བརྟེན་ནས་ཡུལ་ཕྱོགས་དེ་དག་གི་ཁ་སྐད་ལ། སྐད་རིགས་གཞན་གྱི་ཤུགས་རྐྱེན་ཡང་དེ་ཙམ་མ་ཐེབས་པས། རང་སྐད་རྣམས་འགྱུར་བ་མེད་པར། སྔར་ལུགས་ཀྱི་རང་འགྲོས་སུ་གནས་ཡོད་པ་ནི་སྨོས་ཅི་དགོས། དེ་བས་ཡུལ་སྐད་དེ་དག་ནང་གི་མིང་ཚིག་ཕལ་མོ་ཆེ་རྣམས་བརྡ་རྙིང་རང་དུ་མཆིས།

མཁས་དབང་དགེ་འདུན་ཆོས་འཕེལ་གྱི་ཕལ་སྐད་རྩོམ་རིག་གི་འདུ་ཤེས་དང་མཛེས་དཔྱོད་ཁྱད་ཆོས།

རྩོམ་པ་པོ། བུ་བཞི་བསམ་པའི་དོན་གྲུབ།

ཡོང་ཁུངས། ཀྲུང་གོའི་བོད་ལྗོངས་དྲྭ་བ།

[ནང་དོན་གནད་བསྡུས།] དགེ་འདུན་ཆོས་འཕེལ་ནི། བོད་ཁམས་སུ་“ཕལ་སྐད་རྩོམ་རིག་”གི་འདུ་ཤེས་དང་བསམ་བློ་ཐོག་མ་སྒྲོག་སྤེལ་དང་། ལག་ལེན་བྱེད་པའི་རྩོམ་རིག་མཁས་པ་ཡིན། ཁོང་གིས་རྩོམ་རིག་གསར་རྩོམ་སྐོར་གྱི་སློབ་ཁྲིད་དང་གཏམ་གླེང་། མཛུབ་སྟོན་དང་བསླབ་བྱ་གང་མང་ཁྲོད་དུ། ཕལ་སྐད་དང་སྤྱི་སྐད་གཙོ་བོར་བཟུང་ནས་གསར་རྩོམ་བྱེད་དགོས་པའི་དགོངས་པ་ཡང་ཡང་བཏོན། ཁོང་གི་སྙན་ངག་མཛེས་དཔྱོད་ཐད་ཀྱི་ལྟ་བ་ལ། ཐོག་མའི་ཆ་རྐྱེན་ནི་དཔེ་རྒྱན་དང་གཟུགས་རྒྱན། རང་བཞིན་བརྗོད་པའི་རྒྱན་སོགས། དམངས་ཁྲོད་རྒྱུན་སྤྱོད་ཀྱི་རྒྱན་རྣམས་རྨང་གཞིར་བྱས་ཤིང་། འཁྱོག་བརྗོད་དང་མངོན་བརྗོད་བརྡ་རྙིང་ཉུང་དུ་སྤྱོད་པ། ཚད་ལྡན་གྱི་སྤྱི་སྐད་དང་རྒྱུགས་ཆེ་བའི་ཕལ་སྐད་རྒྱ་ཆེར་སྤྱོད་པ། ཚིག་སྙན་ཞིང་གོ་བདེ་བ་ལ་བརྟེན་ནས། བརྗོད་འདོད་ཀྱི་སྲོག་གམ་དགོངས་དོན་གཏིང་ཟབ་ཅིང་། སྣང་བརྙན་གཟེངས་སུ་ཐོན་པར་མཚོན་པའི་ཚད་གཞི་ཐེངས་གཅིག་མ་ཡིན་པར་གསལ་འདོན་བྱས། ཁོང་གི་བརྩམས་ཆོས་ལས་ཀྱང་«ཕལ་སྐད་གསོང་བོར་བརྗོད་པའི་ཀ་རྩོམ།»སོགས་བརྩམས་ནས། རྩོམ་རིག་གི་མི་རིགས་རང་བཞིན་དང་དམངས་ཚོགས་རང་བཞིན། ཁ་སྐད་རང་བཞིན་དང་དེང་རབས་རང་བཞིན་གྱི་འཕེལ་རྒྱས་ཁ་ཕྱོགས་ལ་སྐུལ་འདེད་བཏང་། ཁོང་གི་བརྩམས་ཆོས་རྣམས་སྐྱེ་བོ་རྒན་གཞོན་བར་མ་དང་། ཡི་གེའི་བྱང་ཚད་དམའ་བའི་གསར་སློབ་པ་རྣམས་ཀྱིས་ཀྱང་གོ་ཐུབ་པར་མ་ཟད། ཁོང་གིས་བོད་ལ་བསྒྱུར་བའི་ཆོས་དང་སྙན་ངག་གི་ཚིག་སྦྱོར་མཐའ་དག་ལའང་། ཚིག་སྙན་ཞིང་གོ་བདེ་བའི་མང་ཚོགས་ཕལ་སྐད་ཀྱི་ཁྱད་ཆོས་གཙོ་བོར་བཟུང་ཡོད་པ་ཡིན།

[གནད་ཚིག] དགེ་འདུན་ཆོས་འཕེལ། ཕལ་སྐད། སྙན་ངག གསར་རྩོམ།

རྟོག་གེ་འབར་བ་མཛད་པ་པོ་དོན་དངོས་སུ་ཞིག་ཡིན་ནམ།

ལྷ་རམས་པ་ཏྲེ་ཧོར་ཟླ་བ་ཚེ་རིང་གིས་བརྩམས།

ཡོང་ཁུངས། ཀུན་ཕན་ཁ་བའི་འཕྲིན་སྟེགས།

ལྷོ་ནས་གྲགས་ཚད་ཁུ་བྱུག་གསུང་སྙན་དང་།། 

བྱང་ནས་འབྱིན་ཚད་འུག་པའི་ཐན་སྐད་དུ།། 

ལྟ་བའི་རིས་ཆད་དུག་བཞིན་སྤངས་པ་ན།། 

ངེས་དོན་སྙན་པའི་ཉམས་འགྱུར་ད་གཟོད་ཚོར།།

བསྐལ་ཆེན་གྲངས་མེད་གསུམ་གྱི་རྣམ་གཞག་བརྫུན་པོར་གདའ།

རྩོམ་པ་པོ། ར་སེ་དཀོན་མཆོག་རྒྱ་མཚོ།

ནང་པའི་ཆོས་འབྱུང་འཆད་སྐབས་སྟོན་པའི་ཆེ་བ་བརྗོད་པ་ལ། “བསྐལ་བ་གྲངས་མེད་གསུམ་དུ་ཚོགས་བསགས།” ཞེས་གསུངས་པ་དང་། འདུལ་བ་ལུང་དུ་གྲངས་མེད་དང་པོ་དག་ལ་ནི། །ཞེས་ཚོགས་གསོག་ཚུལ་བསྟན་ཡོད་པ་ནས་བཟུང་། ཐེག་པ་ཆེ་ཆུང་མདོ་སྔགས་ཀྱི་གཞུང་ཀུན་ལ་གྲགས་ཆེ་ཞིང་། དགོངས་འགྲེལ་བསྟན་བཅོས་ཀུན་ན་ཡང་གལ་པོ་ཆེར་བརྩིས་ཡོད་ལ། སྟོན་པའི་བསྟོད་པ་རྣམས་སུ་ཡང་ཡང་བསྔགས་པའི་གཞི་རུ་མཛད་ཡོད་པས། སངས་རྒྱས་ཀྱི་གོ་འཕང་དེ་ཉིད་བསྐལ་པ་གྲངས་མེད་གསུམ་དང་། དེ་ལས་དུས་རིང་བ་ལ་འབད་པ་རྒྱུན་ཆགས་པ་ལས་བྱུང་བའི་ངེས་པ་བསྟན་ཡོད་པས་ན། ཕྱིས་སུ་ཆོས་བྱེད་ཕལ་མོ་ཆེའི་བློ་ངོར་ཡང་རྒྱང་ཐག་ཧ་ཅང་རིང་པོ་ཅིག་ཡིན་པའི་ཚོར་བ་བྱིན་ཡོད་སྟབས། འབད་བརྩོན་གྱི་སྦྱོར་བའང་སྨོན་ལམ་ཁོ་ན་ཚོགས་ཤིང་། སྒྱིད་ལུག་གམ་ལྷོད་ལྷོད་པོར་གྱུར་པའི་ཁོར་ཡུག་འདི་བྱུང་བར་མངོན་ནོ།།

དོན་སྤྱི་ཤེས་པ་ཡིན་པར་བཤད་པ་ཀུན་མཁྱེན་བརྒྱུད་པའི་ཞལ་ལུང་།

ཐུབ་བསྟན་རིན་ཆེན་མཚུངས་མེད། (བོད།)

གངས་ལྡན་མུན་པས་དཀྲིགས་པའི་གྲོང་ཁྱེར་དུ། །

གཙུག་ལག་ཆོས་ཀྱི་ཉི་མའི་སྣང་བ་ཡིས། །

འདི་དང་ཕྱི་མའི་ལམ་བཟང་གསལ་མཛད་པ། །

ལོ་པཎ་སྐྱེས་མཆོག་རྣམས་ལ་དད་ཕྱག་བརྩེགས། །

ཚུལ་གསུམ་གཏན་ཚིགས་རིགས་པའི་སྤོ་ན་འཛེགས། །

མདོ་སྔགས་ཉི་ཟླ་གཉིས་ཀྱི་ཕྱང་འཕྲུལ་མཛེས། །

གངས་ལྗོངས་མཁས་རྒུའི་གཙུག་གི་རྒྱན་གྱུར་པ། །

སྔ་འགྱུར་ཤིང་རྟ་རོང་ཀློང་མི་ཕམ་རྒྱལ། 

ཐུབ་དབང་མ་དྲོས་པ་ཡི་མཚོ་ཆེན་ལས། །

འོང་བའི་ཁ་འབབ་བཞི་ཡི་གྲུབ་མཐའི་ཀླུང་། །

དུ་ཁའི་སྐོམ་གདུང་སེལ་ལ་ཁྱད་མེད་ཀྱང་། །

ལས་སྐལ་ཆབ་ཀྱི་ཟེགས་མ་འཐུང་ལ་སྤྲོ། །

དེ་ལ་འདིར་ཀུན་མཁྱེན་རྒྱལ་བའི་དབང་པོ་ཀློང་ཆེན་རབ་འབྱམས་དང་། འཇམ་མགོན་མི་ཕམ་རྒྱ་མཚོ་སོགས་ཀྱི་ལུགས་ལ། དོན་སྤྱི་ཤེས་པ་ཡིན་པར་ཁས་ལེན་མིན་གྱི་ཐད་དུ་སྨྲ་བ་སྣ་ཚོགས་བྱུང་བས། སྐབས་སུ་དེའི་དོན་རང་བློ་ལ་འཆར་ཚུལ་ལྟར་ཞུས་ན།

ཀུན་མཁྱེན་རོང་ཟོམ་པ་དང་རྗེ་མི་ལའི་བླ་མ་རོང་སྟོན་ལྷ་དགའ་གཉིས་གཅིག་ཡིན་མིན་ལ་དཔྱད་པ།

རྩོམ་པ་པོ། ཀུན་ཏུ་རྒྱུ། 

སྔ་འགྱུར་བརྒྱུད་པའི་བླ་མ་རྣམས་ལ་ཕྱག་འཚལ་ཞིང་

ཚེ་རབས་ཀུན་ཏུ་སྐྱབས་སུ་བསྙེན་ནོ།།

     དེ་ཡང་ལོ་སྔོན་མའི་ནང་དུ་སྔ་འགྱུར་རྙིང་མའི་ཞིབ་འཇུག་གི་དེབ་དང་པོ། རོང་ཟོམ་ཆོས་ཀྱི་བཟང་པོའི་རྣམ་ཐར་དང་། ཐེག་ཆེན་ཚུལ་འཇུག་ཞིབ་དཔྱད་ཞུ་དག དེའི་བརྗོད་བྱ་བརྗོད་བྱེད་ལ་བརྟག་པ། ཞེས་པའི་རྣམ་གྲོལ་གླིང་གི་མཁན་པོ་དང་སློབ་དཔོན་སློབ་དཔོན་མ་དག་གིས་མཛད་པ། དེའི་འགྲེམ་སྤེལ་བརྡ་འབྱོར་བ་ནས་བཟུང་ངང་སྒུག་བྱས་མོད། དེབ་དངོས་ནི་ད་དུང་ཡང་ལག་ཏུ་མ་འབྱོར། ཉིན་ཤས་སྔོན་འཕྲུལ་དེབ་(གློག་རྡུལ་དཔེ་དེབ།)ཅིག་བརྙེད་ཅིང་། དབུ་ནས་རོང་ཟོམ་གྱི་རྣམ་ཐར་ལ་བརྟགས་པ་ཆ་ཚང་མཇལ་བ་ཡིན་ལ། དོགས་སྣང་ཕྲན་བུ་རེ་ཡང་བྱུང་། དེའི་ནང་ནས་ཁོང་རྣམས་ཀྱི་ཞིབ་འཇུག་གི་གྲུབ་དོན་ཞིག་ཡང་དག་མིན་ངེས་སུ་འདུག་སྙམ་པ་ཡང་བྱུང་། དེ་ནས་རྒྱུ་ཆ་འགའ་ཡང་བཀླགས་ཤིང་། དེ་དག་གི་གྲུབ་དོན་ཞིག་ཡི་གེའི་ལམ་ནས་སྤེལ་འདོད་བྱུང་ངོ་།།

བོན་གསར་མ་ཞེས་པའི་མིང་གི་གོ་དོན་དང་དེའི་བྱུང་འཕེལ་སྐོར་ལ་དཔྱད་པ།

རྩོམ་པ་པོ། ཚེ་རིང་རྡོ་རྗེ།

ཡོང་ཁུངས།: འོད་འཛིན་རྩོམ་སྟེགས།

རྩ་བའི་མ་ཁུངས།: བོད་རིག་པའི་དེབ།

 

ནང་དོན་གནད་བསྡུས།: དཔྱད་རྩོམ་འདིར་བན་བོན་གཉིས་ཀྱི་ལོ་རྒྱུས་ཡིག་ཆ་ལ་ཁུངས་བཅོལ་ཏེ། བོན་གསར་མ་ཞེས་པའི་མིང་གི་གོ་དོན་དང་། དེ་ཉིད་དུས་རབས་བརྒྱད་པའི་བན་བོན་རྩོད་གླེང་ཁྲོད་ཇི་ལྟར་བྱུང་ཚུལ། དེ་ནས་བེེ་རོ་ཙ་ན་དང་སྤྲུལ་སྐུ་རྣམ་བཞིའི་སྐབས། ཤར་རྫ་བཀྲ་ཤིས་རྒྱལ་མཚན་གྱི་སྐབས་བཅས་སུ། རིམ་བཞིན་འཕེལ་རྒྱས་སུ་ཕྱིན་ཏེ་ཡང་རྩེར་སོན་པ་བཅས་ལ་དཔྱད་དེ། བོན་གསར་མར་ཆོས་བརྒྱུད་རིས་མེད་ཀྱི་བསམ་བློ་དང་། བན་བོན་གཅིག་སྒྲིལ། དཀྱེལ་ཡངས་པའི་རིག་གཞུང་གི་ལྟ་ཚུལ་གྲུབ་ཡོད་པ་བཅས་ལ། དོན་སྙིང་ཆེས་ཆེར་ལྡན་པ་བརྗོད་ཡོད།
 
གནད་ཚིག: བོན་གསར་མ། བྱུང་འཕེལ། དྲན་པ་ནམ་མཁའ། པདྨ་འབྱུང་གནས།

ཀུན་མཁྱེན་རོང་ཟོམ་པའི་ཆོས་འབྱུང་གསར་དུ་རྙེད་པ།

གོ་མུ་ཏིག་གམ་ཨོ་རྒྱན་བསྟན་འཛིན།

ཡོང་ཁུངས།: བོད་ཁུལ་འཕྲིན་སྟེགས།

ཀུན་མཁྱེན་རོང་ཟོམ་མ་ཧཱ་པཎྜི་ཏས་མཛད་པའི་ཆོས་འབྱུང་ཚིགས་བཅད་མ་ཞིག་ཡོད་པར། བོད་ཀྱི་མཁས་པ་སྔ་མ་དག་ལ་ཡོངས་གྲགས་སུ་གྱུར་འདུག་ཀྱང་། བར་སྐབས་ཤིག་ལ་རྒྱུ་རྐྱེན་སྣ་ཚོགས་པའི་དབང་གི གཞུང་དེ་ཉིད་འཇིག་བརྟེན་འདིར་ཡོད་མེད་དང་། ཡོད་རུང་གཞུང་གང་ཞིག་ལ་ངོས་འཛིན་དགོས་ཆ་མི་འཚལ་བའི་གནས་སུ་གྱུར་ཡོད། ཡིན་ཡང་བཙུན་པ་ཡོན་ཏན་ལྷུན་གྲུབ་དང་སོག་བཟློག་པ་སོགས་ཀྱི་ལོ་རྒྱུས་ཡིག་ཆ་རྣམས་སུ། རོང་ཟོམ་ཆོས་འབྱུང་གི་ཚིག་འགའ་རེ་ལུང་འདྲེན་བྱས་ཡོད་པ་དེ་དག་ལས་རྗེས་སུ་དཔག་ན། ཀུན་མཁྱེན་རོང་ཟོམ་པའི་ཆོས་འབྱུང་ཚིགས་བཅད་མར་གྲགས་པ་དེ་ནི། ལྡེའུ་ཆོས་འབྱུང་རྒྱས་པའི་རྩ་བ་འདི་ཉིད་ཡིན་པར་ར་འཕྲོད་ཐུབ་པར་སྣང་ཞིང་། དེའི་ཤེས་བྱེད་གཙོ་བོ་དེ་ཡང་ཡོན་ཏན་ལྷུན་གྲུབ་ཀྱི་ཆོས་འབྱུང་དེ་ཆགས་འདུག་པས། དེའི་སྐོར་ནས་རགས་ཙམ་ཞིག་གླེང་ན།

༄༅། །ངར་འཛིན་ལྷན་སྐྱེས་ང་ཡིན་པའི་ལྟ་གྲུབ།

རྩོམ་པ་པོ། རྨིས་པ། བོད།

ཡོང་ཁུངས།: འོད་འཛིན་རྩོམ་སྟེགས།

དང་པོ། ང་ཞེས་པའི་ངོས་འཛིན་གཞན་ལ་དོགས་སློང་།

     ང་ཟེར་བ་གང་ཡིན་ནམ་ཞེས་པའི་དྲི་བ་དེའི་ལན་དུ། བོད་ཀྱི་མཚན་ཉིད་རིག་པའི་ཁྲོད་ཀྱི་རིགས་སྨྲ་བ་མང་ཙམ་ཞིག་གིས། ཕལ་ཆེར་མགྲིན་གཅིག་ཏུ་ཕུང་པོ་བཞི་དང་ཡང་ན་ལྔ་ཡི་ཚོགས་པ་འདི་ཉིད་ང་ཡིན་ནོ་ཞེས་པའི་ལྟ་གྲུབ་འཇོག་པར་བྱེད་ལ། ཕུང་པོ་བཞིའམ་ལྔའི་ཚོགས་པ་ཟེར་ན་ཡང་། དོན་དུ་གདོས་བཅས་ཀྱི་ལུས་པོ་དང་སེམས་གཉིས་ཀྱི་ཚོགས་པ་ཞིག་ལ་ངོས་འཛིན་མཛད་ཀྱིན་ཡོད། དེ་ལྟར་བྱས་ན། སྐྱེ་བ་འདིའི་ངར་འཛིན་དང་འབྲེལ་ཏེ། ང་ལ་དོགས་པ་འདི་འདྲ་ཞིག་འོང་སྟེ། གདོས་བཅས་ཀྱི་ལུས་སེམས་གཉིས་ཀྱི་ཚོགས་པ་འདི་མེད་ན་ང་མེད་དགོས་པ་དང་། འདི་འདྲའི་ཚོགས་པ་དེ་ལ་ངར་མི་འཛིན་ན་ངར་འཛིན་མི་འབྱུང་དགོས་པར་ཐལ། ང་ཞེས་པ་ནི་གདོས་བཅས་ཀྱི་ལུས་སེམས་གཉིས་ཚོགས་འདུག་པ་འདི་ཡིན་པ་དང་། ངར་འཛིན་གྱིས་ཀྱང་འདི་ཉིད་ང་ཡིན་པར་འཛིན་བཞིན་ཡོད་པས་སོ།།

༄༅། །ཇོ་ནང་དང་ཀམ་ཚང་གི་འབྲེལ་བ།

རྩོམ་པ་པོ། རྩིས་ཆེ་ལེགས་མཐོང་།

ཡོང་ཁུངས།: འོད་འཛིན་རྩོམ་སྟེགས།

ང་ལ་མཚོན་ན། མེ་ཏོག་གང་ལ་ཕོག་པའི་ལྷ་སྐལ་ལྟ་བུར་གྱུར་པའི་ཆོས་བརྒྱུད་ནི། སྒྲུབ་བརྒྱུད་ཀརྨ་ཀམ་ཚང་ཡིན་ན་ཡང་། ཇོ་ནང་པའི་ཆོས་བརྒྱུད་དང་ཀརྨ་ཀམ་ཚང་གཉིས་ཀྱི་ཆོས་དང་དམ་ཚིག་གི་འབྲེལ་བ་ནི་ཆེས་སྔ་མོ་ནས་ཡོད་པ་ཞིག་རེད། ངས་བསམས་ན་ཇོ་ནང་དང་ཀམ་ཚང་གི་འབྲེལ་བ་དང་ཤོས་ནི། བྱང་སེམས་རྒྱལ་བ་ཡེ་ཤེས་ལ་བརྟེན་ནས་བྱུང་བར་མངོན་ཏེ། བྱང་སེམས་རྒྱལ་བ་ཡེ་ཤེས་ནི་གྲུབ་ཐོབ་ཆེན་པོ་ཀརྨ་པཀྵིས་དགོས་པ་ཆེན་པོ་ཡོད་པར་གསུངས་ནས། ཡབ་ཀྱི་ས་ནས་བསླངས་ནས་ཆོས་སྒོར་བཅུག ཀརྨ་པཀྵིའི་གསོལ་ཇ་བ་ཡུན་རིང་གནང་བའི་རིང་། ཀརྨ་པཀྵིས་ཕ་ཡི་བུ་བཞིན་དུ་བསྐྱངས་ཏེ། ཀརྨ་ཀམ་ཚང་གི་ལུགས་གཙོ་བོར་གྱུར་པའི་དབང་དང་མན་ངག་མང་པོ་ཞིག་གནང་བའི་རྗེས་སུ་རྟེན་འབྲེལ་ཁྱད་པར་ཅན་ཡོད་གསུངས་ནས། ཀུན་སྤངས་ཐུགས་རྗེ་བརྩོན་འགྲུས་ཀྱིས་གསར་དུ་ཕྱག་བཏབ་པའི་ཇོ་ནང་གི་གདན་སར་མངགས་པས། ཇོ་ནང་གི་ཁྲི་རབས་གཉིས་པ་དང་། ཡོངས་གྲགས་སུ་ཇོ་ནང་གི་ཐོག་མའི་བླ་རབས་གསུམ་དུ་གྲགས་པའི་གཅིག་ཏུ་གྱུར། དེར་བརྟེན་བྱང་སེམས་རྒྱལ་བ་ཡེ་ཤེས་ནི་ཀརྨ་ཀམ་ཚང་གིས་གསོ་སྐྱོང་གནང་སྟེ། ཆོས་བརྒྱུད་གཞན་ལ་ཕུལ་བའི་ནང་ནས་མི་སྣ་རླབས་ཆེ་ཤོས་ཤིག་ཏུ་གྱུར་པའོ། །སྐབས་དེ་ནས་བཟུང་ཇོ་ནང་དང་ཀམ་ཚང་གཉིས་ཀྱི་འབྲེལ་བ་བྱུང་བས། ད་ལྟ་ཀམ་ཚང་གི་བརྒྱུད་པ་ལ་དུས་འཁོར་གྱིས་མཚོན་པའི་ཇོ་ནང་གི་ཆོས་ཡོད་ཅིང་། ཇོ་ནང་གི་བརྒྱུད་པ་ལ་ཀམ་ཚང་གི་བླ་མ་ཡང་བཞུགས་པ་དེས་འདི་གཉིས་ཀྱི་འབྲེལ་བ་ནི་དམ་ཚིག་གཙང་ཞིང་ཕན་ཚུན་ཤན་ཞུགས་ཐལ་མ་དྲགས་པའི་འབྲེལ་བ་བཟང་པོ་ཞིག་གོ།

བཀའ་བསྟན་ཁྲོད་ནས་རྫོགས་ཆེན་གྱི་ཐ་སྙད་བཞུགས་ཚུལ་གླེང་བ།

ར་སེ་དཀོན་མཆོག་རྒྱ་མཚོས་བརྩམས།

བོད་ནང་གི་འཕྲིན་སྟེགས་ཤིག་ལས་བཤུས།

རྒྱལ་བ་འབྲི་གུང་པའི་མཁས་དབང་ར་སེ་དཀོན་མཆོག་རྒྱ་མཚོ།

   བོད་ཀྱི་བཀའ་འགྱུར་དང་བསྟན་འགྱུར་ཞེས་པ་ནི། རྒྱ་གར་སྐད་དུ་བཞུགས་པ་གཙོ་བོར་བྱས་པ་བོད་སྐད་དུ་བསྒྱུར་བས། བོད་ཡིག་ཏུ་འགྱུར་བའི་འཕགས་ཡུལ་བའི་ཡིག་ཆ་ཤ་སྟག་དང་། དེ་ཡང་དུས་རབས་རིམ་བྱུང་དུ་དག་བསྒྲིགས་བྱས་པ་ཤ་སྟག་ཡིན་ཞིང་། དཔར་གཞི་ཡང་མི་འདྲ་བ་འགའ་ཤས་བྱུང་མྱོང་ཡོད། རང་རེའི་ཡུལ་དུ་དར་བའི་ལྟ་གྲུབ་ལ་དབུ་ཕྱག་རྫོགས་གསུམ་མམ། ཕྱག་རྫོགས་དབུ་གསུམ་གྱི་ཡ་གྱལ་རྫོགས་པ་ཆེན་པོ་ཞེས་པ་འདི་ཉིད་ཀྱི་ཐ་སྙད་ནི། སྔ་དུས་སུ་མཁས་པ་འགའ་ཡིས་རང་རེའི་བཀའ་བསྟན་གཞུང་ན་མ་གྲགས་པར་བཤད་པ་དང་། བོད་ཀྱི་རང་བཟོ་ཡིན་པར་འདོད་པ་དང་། རྒྱ་ནག་ནས་བྱུང་བར་འདོད་པ་སོགས་ཅི་རིགས་པ་ཡོད་ནའང་། ད་ཡོད་ཀྱི་བཀའ་བསྟན་གྱི་གཞུང་ན་ཐ་སྙད་གསལ་བར་བཞུགས་པ་འགའ་གླེང་བར་འདོད་དོ།།

ཤེར་ཕྱིན་བཀླགས་པའི་ཉིན་རེའི་བརྗེད་བྱང་།

དོལ་པོ་ཚེ་དབང་ནོར་བུས་བརྩམས།

ཡོང་ཁུངས། རྩོམ་པ་པོའི་ངོ་དེབ་དྲྭ་བ།

དོལ་པོ་ཚེ་དབང་ནོར་བུ། སྔ་འགྱུར་མཐོ་སློབ་ཆེན་མོའི་སློབ་གཉེར་བ།

གཙོ་བོ་སངས་རྒྱས་ཆོས་དང་འཕགས་པའི་དགེ་འདུན་སྡེ།།

ཁྱད་པར་རྨད་བྱུང་རྒྱ་བོད་པཎ་གྲུབ་བརྒྱ་རྩ་སོགས།།

ལྷག་པར་འདི་ཕྱིའི་སྐྱབས་གནས་གྲུབ་དབང་བླ་མ་རྗེ།།

དུས་ཀུན་མཆོད་དོ་བློ་དམན་བདག་ལ་དགེ་ལེགས་སྩོལ།།

འདི་ནས་ཡར་ལ་རྩིས་པའི་ལོ་ངོ་བདུན་ཙམ་གྱི་རིང་ལ། ༸གྲུབ་དབང་བླ་མའི་ཐུགས་རྗེའི་གྲིབ་བསིལ་ཉག་ཅིག་གི་འོག་ཏུ། ནང་ཆོས་ལ་སྤྱོད་པའི་གོ་སྐབས་བླ་མེད་རེག་ཀྱང་། ཕྲན་ནས་ད་དུང་ཤུན་ལྤགས་ཙམ་ལས་མ་མྱོང་བའི་བདེན་རྟགས་སུ། རང་སེམས་འདི་ནི་ཉོན་མོངས་སྡུག་གསུམ་ཇེ་ཆེར་ལས་ཉུང་དུ་བུད་མེད་པ་དེས་ཤེས། ད་དུང་ཞིབ་ཅིང་བསམ་ན། དྲྭ་ངོས་སུ་གྲུབ་དབང་བླ་མའི་བཀའ་སློབ་བཤམས་སུ་ཟིན་ཀྱང་། རང་གི་བྱེད་སྟངས་ནི་འགལ་བ་ཇེ་མང་དུ་སོང་འདུག་པས་ན། ད་ནི་གནོང་འགྱོད་དྲག་པོས་ཐོལ་ཞིང་བཤགས་ཏེ། དེ་རིགས་གང་ཐུབ་ཇེ་ཉུང་གཏོང་བ་དང་མ་ཟད། ངའི་བར་སེང་གི་དུས་ཚོད་དེ་ཚོའང་སྐབས་བབ་གཞུང་གི་བརྗེད་བྱང་འབྲི་རྒྱུ་ལ་ཕྱོགས་པར་བྱེད་སྙིང་འདོད། ༠༨/༠༦/༢༠༢༠

༄༅། །ངེས་ཤེས་རིན་པོ་ཆེའི་སྒྲོན་མེ་དགུང་ལོ་བདུན་གྱི་ཐོག་བརྩམས་པ་ཡིན་མིན་ལ་དཔྱད་པའི་རྩོད་སྤོང་གཟུ་བོའི་ཐལ་ངག

རྩོམ་པ་པོ། འཆི་མེད་རིག་འཛིན།

ཡོང་ཁུངས། འོད་འཛིན་རྩོམ་སྟེགས།

སྤེལ་ཉིན། ༢༠༢༡/༠༦/༢༠

ནང་དོན་གནད་བསྡུས།: མཁན་ཆེན་བླ་མ་དམ་པ་པདྨ་མཁྱེན་རབ་ཞབས་ཀྱིས། «ངེས་ཤེས་སྒྲོན་མེ་མི་ཕམ་དགུང་ལོ་བདུན་གྱི་ཐོག་བརྩམས་པ་ཡིན་མིན་ལ་དཔྱད་པ།» ཞེས་པའི་དཔྱད་བརྗོད་ཅིག་སྤེལ་བ་ལ། འགའ་ཞིག་གིས་དེ་ནི་ལུང་རིགས་གང་དང་ཡང་མི་མཐུན་པའི་ལྟ་ཚུལ་ཞིག་ཏུ་བརྩིས་ཏེ་དགག་པ་བསྐྱོན་པ་ལ་བརྟེན་ནས། འོག་ཏུ་ངས་དེ་ལ་སྐྱོན་སྤོང་གི་ཚབ་མཚོན་དུ་དགག་སྒྲུབ་ཅུང་ཙམ་བྱས་ཡོད།

༄༅། །འཇུ་མི་ཕམ་པའི་ལྟ་གྲུབ་ཀྱི་ཁ་ཕྱོགས།

རྨིས་པ། (བོད།)

ནང་པ་སངས་རྒྱས་པའི་ཆོས་ལུགས་འདི་ནི། སྟོན་པ་ཤཱཀྱ་ཐུབ་པ་སྐུ་མྱ་ངན་ལས་འདས་པའི་རྗེས་སུ། དང་ཐོག་བཀའ་བསྡུ་མཛད་པ་དང་། བར་དུ་ཐེག་པ་ཆེན་པོ་གསར་དུ་དར་བའི་གནས་བབས་དེ་གཉིས་ཀྱིས་གཙོས་པའི་རྐྱེན་བྱས་ཏེ། རྩོད་ཉོག་སྣ་མང་གི་འཕེལ་ཁ་རྒྱུན་ཆད་མ་མྱོང་བའི་ཆོས་ལུགས་ཤིག་ཡིན་ཏེ། དཔེར་ན། རྒྱ་གར་ལྟ་བུ་ལ་མཚོན་ན། སྟོན་པ་སྐུ་འདས་པའི་རྗེས་སུ་ཉན་ཐོས་སྡེ་པ་བཅོ་བརྒྱད་དུ་གྱེས་ནས། སོ་སོའི་བར་དུ་ལྟ་གྲུབ་མི་འདྲ་བའི་གླེང་གཞི་བྱུང་བ་དང་། དེ་ནས་སྟོན་པ་མྱ་ངན་འདས་ནས་ལོ་དྲུག་བརྒྱ་བདུན་བརྒྱའི་སྐབས། ཐེག་ཆེན་གསར་དུ་དར་ནས་ཐེག་པ་ཆེ་ཆུང་གི་རྩོད་གཞི་དང་། ཐེག་པ་ཆེན་པོ་ལ་ཡང་བཀའ་བར་མཐའའི་རྩོད་གཞི། བཀའ་བར་པ་ལ་ཡང་ཐལ་རང་གི་རྩོད་གཞི་སྟེ། འདི་འདྲའི་ནང་ཁུལ་དུ་ཡང་བརྗོད་ཚུལ་མི་འདྲ་བའི་གླེང་གཞི་རེའི་སྟེང་ནས་ཀྱང་། ཉིན་དང་མཚན་དུ་རྩོད་པའི་ཁུལ་ལེན་མཁན་གྱི་ཕྱོགས་ཁག་ཀྱང་མང་དུ་རྒྱས་པ་རེད། དེ་དང་བསྟུན་ནས་བོད་ཁམས་སུ་ཡང་སངས་རྒྱས་ཆོས་ལུགས་དར་བ་ནས་བཟུང་སྟེ། ཧྭ་ཤང་དང་རང་རྒྱུད་པའི་རྩོད་པ། ཐལ་འགྱུར་པ་དང་ཇོ་ནང་པའི་བར་གྱི་རྩོད་པ་སོགས་བོད་ཀྱི་ཆོས་བརྒྱུད་ཆེན་མོ་དྲུག་ཏུ་མ་གྱེས་པ་དང་གྱེས་པའི་དུས་སྐབས་དེ་དག་ལ་ལྟ་གྲུབ་སྣ་ཚོགས་ཀྱི་འཐེན་འཁྱེར་རྒྱུན་ཆད་མ་མྱོང་བར་བྱུང་དང་འབྱུང་བཞིན་པ་རེད། དེ་ལྟར་ལྟ་གྲུབ་སྣ་ཚོགས་ཀྱིས་མགོ་ཉོག་ཅིང་རང་ལམ་གསལ་ཐག་ཆོད་པ་ཞིག་མི་རྙེད་པའི་དུས་ཚོད་འདི་འདྲ་ལ། བོད་ཀྱི་སངས་རྒྱས་ཆོས་ལུགས་ཀྱི་གྲུབ་མཐའ་སྨྲ་བའི་ཁྲོད་ནས་འཇུ་མི་ཕམ་པའི་ལྟ་གྲུབ་ཀྱི་ཁ་ཕྱོགས་ནི། སྤྱི་ལ་ཕན་པའི་ལམ་ལུགས་ལྟ་བུ་ཞིག་ཏུ་འདུག་ཨང་སྙམ་ནས། འདིར་ཁོང་གི་ལྟ་གྲུབ་ཁ་ཤས་ཀྱི་སྐོར་ཉུང་ཙམ་ཞུ་བར་འདོད།

༄༅། །གསལ་འདེབས་ལུང་རིགས་གློག་སྒྲོན།

ཇོ་ནང་དགེ་བཤེས་དངོས་གྲུབ་དཔལ་གྱིས་བརྩམས་པའི་«ཀུན་མཁྱེན་ཀློང་འཇུ་རྣམ་གཉིས་ཀྱི་དགོངས་བཞེད་»ཅེས་པའི་ལན་དུ་བྲིས་པ།

བླ་རུང་མཁན་པོ་མུ་ར་ཀུན་བཟང་།

 དྷཱི༔ཡིག་དམར་སེར་འོད་དུ་ཞི་བའི་དཔྱིད།།

སྙིང་གི་མུན་སེལ་འོད་དུ་སྦྲུམ་པའི་ལྷ།།

གཟུངས་སྤོབས་བློ་ཡི་འོད་སྣང་བཀྱེ་བའི་གཉེན།།

ལེགས་བཤད་དབྱངས་ཀྱི་འོད་སྟོང་དེང་འདིར་སྤྲོས།།

ཡིག་ནོར་དུ་བརྩི་མི་རིགས་པའི་གནའ་དཔེའི་ཁྲོད་ཀྱི་འབྲི་ལུགས་སྦྱོར་སྲོལ།

འོད་འཛིན། བོད།

གནའ་བོའི་དཔེ་རྙིང་ནང་ན་མིང་བརྡ་འགའ་རེ་དང་། ཚིག་ཕྲད་ཁ་ཤས། བྱ་ཚིག་རེ་འགའ་དིང་སང་གི་འབྲི་ལུགས་སྦྱོར་སྲོལ་དང་ཅུང་ཟད་མི་འདྲ་བས། མང་པོ་ཞིག་གིས་ཡིག་ནོར་ཁོ་ནར་བརྩིས་ཏེ་བཟོ་བཅོས་གཏོང་བཞིན་མཆིས་མོད། དེ་དག་ནི་གནའ་དིང་གི་སྐད་ཡིག་གི་འགྱུར་བ་ཙམ་དུ་ཟད་པས་ཡིག་ནོར་ཁོ་ནར་བརྩི་མི་རིགས་ལ། བཟོ་བཅོས་ཀྱང་ཇི་དགར་མ་གཏོང་ན་ཡག བརྒྱ་ལ་གོ་བདེ་བའི་སླད་ཏོག་ཙམ་པ་རེ་ངེས་པར་དུ་བཅོས་དགོས་པའི་དབང་དུ་ན། མཆན་རྟགས་ཀྱི་ཚུལ་དུ་བཅོས་པ་ལས་རྩད་བཅོས་མ་བྱས་ན་དགེ་མཚན་ཆེ་བར་མཐོང་། སྐད་ཡིག་དང་ལོ་རྒྱུས་སོགས་རིག་ཚན་དེ་རིགས་ཀྱི་ཆེད་ཞིབ་པ་དག་གིས་ཐ་སྙད་རེ་རེའི་གསེང་ནས་དཔྱད་འབྲས་ཅི་རིགས་མཆིས་པའི་དཔྱད་གཞི་རེ་ལོན་སྲིད་ཅིང་། ཁོ་ཚོར་མཚོན་ན་གནའ་དིང་གི་མིང་ཚིག་རྗོད་པ་རེ་རེ་ཡི་འབྲི་ལུགས་སྦྱོར་སྲོལ་རེ་རེ་གནད་འགངས་ཨ་ཅང་ཆེ་བས། བཟོ་བཅོས་མཁན་པོ་དག་གིས་གང་དགར་སྙུག་རྩེ་བསྐོར་ཏེ་ཆོ་མེད་པའི་བསྒྱུར་བཅོས་ཀྱི་གྲུང་མདོག་མ་བསྟན་ན་ལེགས་སྙམ་མོ།།

འཛམ་གླིང་ཞི་བདེར་སྨན་པའི་ཆོས་ལུགས་ལ་མ་བརྟེན་པའི་བཟང་སྤྱོད།

དིལླཱི་བོད་ཁང་ནས་གཉེར་བའི་«༸གོང་ས་སྐུ་ཕྲེང་བཅུ་བཞི་པ་ཆེན་པོའི་བཀའ་དྲིན་རྗེས་དྲན་གྱི་ལོ་»ཞེས་འདི་ལོར་སྲུང་བརྩི་ཞུ་རྒྱུའི་ཆེད། རྒྱལ་ཡོངས་བཙན་བྱོལ་བོད་པའི་སློབ་གྲྭ་ཡོངས་ནས་«འཛམ་གླིང་ཞི་བདེར་སྨན་པའི་ཆོས་ལུགས་ལ་མ་བརྟེན་པའི་བཟང་སྤྱོད་»ཅེས་པའི་བརྗོད་གཞིའི་ཐོག་དཔྱད་རྩོམ་འགྲན་སྡུར་ཁྲོད་རྩེ་ཕུད་ཨང་དང་པོར་སོན་པའི་རྩོམ་ཡིག 

 

རྩོམ་པ་པོ། དོལ་པོ་ཉི་བསམ་མམ་ངག་དབང་བསམ་གྲུབ། (སེར་བྱེས་སློབ་གྲྭ།)

འགྲོ་བ་ཡོངས་ལ་བུ་གཅིག་ལྟར་དགོངས་པའི།།

འགྲོ་བའི་མུན་སེལ་བྱམས་བརྩེའི་བདག་ཉིད་ཅན།།

འགྲོ་ལ་འཚེ་མེད་ཞི་བདེ་ལེགས་སྩོལ་བའི།།

འགྲོ་བའི་མགོན་པོ་༸རྒྱལ་མཆོག་བཅུ་བཞིར་འདུད།།

བརྡ་ཆད་གཙོ་བོ། ཆོས་ལུགས་ལ་མ་བརྟེན་པ། བཟང་སྤྱོད།

ཀུན་མཁྱེན་ཇོ་ནང་པའི་དགོངས་རྫོགས་ལ་འདྲ་སྐུ་ང་འདྲ་མ་གླེང་ན།

རྩོམ་པ་པོ། སྤོས་ཁང་སྒྲོལ་བཟང་།

དེ་རིང་ནི་བོད་ཟླ་བཅུ་པའི་ཚེས་དྲུག་རེད། ཀུན་མཁྱེན་ཇོ་ནང་པ་ཆེན་པོའི་དགོངས་རྫོགས་ཀྱི་དུས་མཆོད་རེད། དེས་ན་ཁོང་གི་འདྲ་སྐུ་ང་འདྲ་མ་རྩ་ཆེན་དེའི་སྐོར་རགས་ཙམ་གླེང་ན། དེ་ཡང་རང་རེ་ནང་བསྟན་པའི་ལོ་རྒྱུས་སྟེང་བླ་མའི་སྐུ་འདྲ་བཞེངས་པའི་ལུགས་སྲོལ་ཡོད་ལ་བླ་མ་ཞལ་བཞུགས་པའི་དུས་ལ་བཞེངས་པའི་སྐུ་འདྲར་དེ་བས་དད་མོས་ཆེ་བ་བྱེད་ཀྱིན་ཡོད། དཔེར་ན་ཁ་ཆེ་པཎ་ཆེན་གྱི་འདྲ་སྐུ་དང་རྗེ་བླ་མའི་འདྲ་སྐུ་རྡོ་ཁ་མ་སོགས། དེས་ན་ཇོ་ནང་ཀུན་མཁྱེན་དོལ་པོ་པའི་འདྲ་སྐུ་ཐོག་མ་འདི་གང་དང་གང་དུ་བཞུགས་ཡོད་མེད་ཀྱི་ལོ་རྒྱུས་མདོ་ཙམ་བརྗོད་ན། བོད་ཡུལ་གྱི་ལྷ་ཁང་རྣམས་ཀྱི་གཙུག་གི་རྒྱན་དུ་གྱུར་བ་ར་ས་འཕྲུལ་སྣང་གཙུག་ལག་ཁང་ངམ་ཡོངས་མིང་ལ་ལྷ་སའི་གཙུག་ལག་ཁང་ངམ་མདོ་སྨད་ཚོས་འབོད་པའི་ཇོ་ཁང་ཞེས་པར་བཞུགས་ཡོད།

བོད་ཀྱི་ཡུལ་སྐད་དང་རིག་གནས་ལོ་རྒྱུས་ཀྱི་འབྲེལ་བའི་སྐོར་རགས་ཙམ་བརྗོད་པ།

རྩོམ་པ་པོ། སུམ་བྷ་དོན་གྲུབ་ཚེ་རིང་།

ནང་དོན་གནད་བསྡུས། མི་རིགས་ཤིག་གི་རིག་གནས་ལ་བྱེ་བྲག་ཏུ་ལེ་ལག་གྱེས་སྟངས་མི་འདྲ་བ་བྱུང་བ་དང་བསྟུན་ནས། སྐད་བརྡ་ལའང་བྱེ་བྲག་ཏུ་ཡུལ་ལུང་གི་སྐད་ཀྱི་དབྱེ་བའམ་ཁྱད་པར་ཇི་སྙེད་ཅིག་བྱུང་ལགས་ན། འདིར་ཡུལ་སྐད་དང་རིག་གནས་ལོ་རྒྱུས་ཀྱི་སྤྱིའམ་བྱེ་བྲག་པའི་འབྲེལ་བ་དང་། རིག་གནས་དང་འབྲེལ་བའི་ཡུལ་སྐད་ཀྱི་སྣང་ཚུལ་དང་། དེའི་བརྟག་ཐབས་སོགས་ཞིབ་རྒྱས་སུ་སྤྲོས་ནས། བོད་ཀྱི་རིག་གནས་ཀྱི་ལེ་ལག་དང་ཡུལ་སྐད་དབར་གྱི་ལྟོས་གྲུབ་ཀྱི་འབྲེལ་བའི་སྐོར་ལ་དཔྱད་ཞིབ་བྱས་ཡོད།

བརྡ་ཆད་གཙོ་བོ། བོད་རིགས། རིག་གནས་ཀྱི་ལེ་ལག ཡུལ་སྐད། འབྲེལ་བ།

ལོ་རྒྱུས་བརྟག་ཞིབ་ཀྱི་ངོས་ནས་ཧི་མ་ལ་ཡའི་ལྷོ་རྒྱུད་བལ་ཡུལ་གློ་དོལ་ཕྱོགས་ཀྱི་བོན་གྱི་ཤེས་རིག་སྐོར་གླེང་བ།

རྩོམ་པ་པོ། རྨེ་རུ་ཡུལ་ལྷ་ཐར།

    ནང་དོན་གནད་བསྡུས། གློ་བོ་དང་དོལ་པོའི་ཕྱོགས་འདི་གནའ་བོའི་དུས་སུ་བོད་ཀྱི་ཤེས་རིག་ཁྱབ་ཁོངས་དང་བོད་ཀྱི་རྒྱལ་རབས་རིམ་བྱུང་གི་མངའ་ཁོངས་ངོས་གཙང་ཡིན་པའི་སྟེང་།  བལ་པོའི་མངའ་ཞབས་སུ་བསྡད་རྗེས་ཀྱང་སྟོད་མངའ་རིས་ཕྱོགས་དང་འབྲེལ་ལམ་མང་ཙམ་བྱུང་སྟེ་དུས་ད་ལྟ་ལ་ཐུག  དེ་སྔ་ཡུལ་འདིར་བོན་གྱི་ཤེས་རིག་དར་ནུབ་བྱུང་བའི་བརྒྱུད་རིམ་ཁག་ལོ་རྒྱུས་ཡིག་ལམ་དུ་འཁོད་པ་ཕུད།  གནའ་ཤུལ་ངག་རྒྱུན་དང་དེང་དུས་ཡུལ་མིའི་འཚོ་བའི་ཁྲོད་ཀྱང་མང་དུ་མཐོང་རྒྱུ་མཆིས།  ཡུལ་དངོས་རྟོག་ཞིབ་ཀྱི་རྒྱུ་ཆ་གཞིར་བཟུང་ཞིང་གནའ་བོའི་ལོ་རྒྱུས་ཡིག་ཚང་ལ་ཁུངས་བཅོལ་ཏེ་བལྟས་ན།  གློ་དོལ་ཕྱོགས་ཀྱི་བོན་པོའི་ཤེས་རིག་གི་ལོ་རྒྱུས་དང་གནས་སྟངས་ལ་ངེས་ཤེས་རོབ་ཙམ་འདྲོངས་ནུས་ཤིང་།  དེ་ལ་བརྟེན་ནས།  བོན་གྱི་ཤེས་རིག་གིས་ཧི་མ་ལ་ཡའི་རི་རྒྱུད་མི་རིགས་ཁག་དང་བོད་གཉིས་བར་ལ་གཅོད་ཐབས་མེད་པའི་ལོ་རྒྱུས་རིག་གནས་ཀྱི་འབྲེལ་བ་གྲུབ་ལུགས་ཀྱང་རྟོགས་ཐུབ་བོ།།

བརྡ་ཆད་གཙོ་བོ།  ཧི་མ་ལ་ཡ།  བལ་ཡུལ།  གློ་དོལ།  བོན།