སྐྱབས་རྗེ་བདེ་བར་གཤེགས་པ་བླ་མ་དམར་སྒོམ་ཚེ་རིང་བཀྲ་ཤིས་མཆོག་གི་རང་བཞིན་བརྗོད་པ།

ཨ་ཞང་ཚེ་རིང་བཀྲ་ཤིས་སམ་དམར་སྒོམ་མཆོག་གི་རང་བཞིན་བརྗོད་པ་ཚ་བོ་མི་གནས་རང་བྱུང་རྡོ་རྗེ་དྲག་པོ་རྩལ་གྱི་མངོན་རྟོགས་ཞེས་བྱ་བ།

དོལ་པོ་ལྷོ་རི་བ་ཀརྨ་དབང་རྒྱལ།

ཇི་སྐད་དུ། རྒྱལ་བ་ཀློང་ཆེན་གྱིས་ཞལ་མངའ་ནས། ཐུབ་དབང་སྲས་ཀྱིས་བསྐོར་བའི་མགོན་པོ་རྣམས། །དངས་བའི་མཁའ་ལ་སྔོན་མེད་རི་བོང་འཛིན། །རྒྱུ་སྐར་ཕྲེང་བ་རྣམས་ཀྱིས་བསྐོར་བ་བཞིན། །ལྷམ་མེ་ལྷང་ངེ་ལྷན་ནེར་གསལ་བ་ཡང་། །མི་རྟག་མྱང་ངན་འདའ་ཚུལ་སྟོན་མཛད་ཅིང་། །ཞེས་གསུངས་པ་ལྟར། དེ་ཡང་བལ་བོད་ཀྱི་ས་མཚམས་སྟོད་གངས་དཀར་ཏི་སེ་དང་རབ་ཏུ་ཉེ་བའི་ཡུལ་ཉི་གསལ་དུ་སྐུ་འཁྲུངས་པ། མི་ངའི་ཨ་ཞང་དམ་པ། བླ་མ་ཚེ་རིང་བཀྲ་ཤིས་སམ་དམར་སྒོམ་རིན་པོ་ཆེ་ཁོང་རེ་ཞིག་སྐུ་མྱ་ངན་ལས་འདས་སོ།།

དུས་གསུམ་སངས་རྒྱས་བྱོན་རུང་མ་བྱོན་རུང་།།

སྣང་བའི་ཆོས་རྣམས་རང་བཞིན་འགག་པར་འགྱུར།།

འགགས་ཀྱང་བསླུ་བ་མེད་པར་རྟེན་འབྲེལ་གྱིས།།

སྒྱུ་འཕྲུལ་རོལ་བའི་ཚོགས་རྣམས་ཅིར་ཡང་འཆར།།

སློབ་གྲྭ་ཆུང་འབྲིང་གི་སློབ་མར་རྩོམ་ཡིག་ཁྲིད་ཐབས།

རྡོ་སྦིས་ཟླ་བ་ཚེ་རིང། དཔེ་སྟོན་སློབ་གྲྭའི་དགེ་རྒན།

ཡོང་ཁུངས།: རྩོམ་པ་པོའི་སྒེར་གྱི་དྲྭ་ཚིགས། 

དཔེ་སྟོན་སློབ་གྲྭའི་དགེ་རྒན། རྡོ་སྦིས་ཟླ་བ་ཚེ་རིང། 

སྔོན་དུ་གླེང་བའི་གཏམ།

སྤྱིར་གནའ་དེང་གཉིས་ཀྱི་སློབ་ཁྲིད་ཐབས་ལམ་ལ་དགོས་དམིགས་དང་། གནས་ལུགས་གང་མང་ཞིག་གི་རྒྱབ་ལྗོངས་ངེས་ཅན་རེ་ཡོད་པས། འདི་ཡག་དང་དེ་བཙོག་གི་རིན་ཐང་འཇལ་བྱེད་ཀྱི་གཏན་འཁེལ་རང་བཞིན་གྱི་རྒྱ་མ་ཞིག་མེད་པས་ན། གཙོ་བོ་སློབ་ཕྲུག་གི་ཁམས་དང་མོས་པ་ལ་དམིགས་ཏེ་སློབ་ཁྲིད་ཐབས་ལམ་བེད་སྤྱོད་རྒྱུ་ནི། དགེ་རྒན་ཞིག་ཡིན་པའི་ཆ་ནས་ཤེས་དགོས་པའི་གནད་དོན་དང་པོ་དེ་རེད། རྒྱུ་མཚན་ཅིའི་ཕྱིར་ཞེ་ན། ནད་རིགས་འདྲ་མིན་ལ་སྨན་རྫས་སྣ་གཅིག་གིས་རྔོ་མི་ཐོགས་པའི་རྒྱུན་ཤེས་འདིས། སློབ་ཕྲུག་འདྲ་མིན་ལ་ཐབས་ལམ་ཆིག་རྐྱང་ཅན་གྱིས་ཕན་མི་ཐོགས་པ་མཁྱེན་དགོས་ངེས་རེད། དེ་བཞིན་དུ་སྤྱི་སེམས་ཅན་གྱི་དགེ་རྒན་ཞིག་ཡིན་ཚེ། ཁོའི་ལས་འགན་ནི་གནའ་དང་དེང་ཟེར་ནས་སློབ་གསོ་ཕྱོགས་རིས་ཅན་གྱི་རྗེས་སུ་འབྲངས་ཏེ། གང་ཟག་ཕུང་གསུམ་པ་ཞིག་བྱ་རྒྱུ་དེ་མ་ཡིན་པར། གཙོ་བོ་སློབ་ཕྲུག་གི་རྒྱུད་ཀྱི་ཤེས་ཡོན་དང་བཟང་སྤྱོད། བསམ་བློ་དང་ཤེས་རྒྱ། ནུས་པ་དང་འཇོན་ཐང་། བཅས་ཀྱི་ཚོར་ཤེས་སྔོག་འདོན་གྱི་ཆེད། གནའ་དེང་ཟུང་འབྲེལ་གྱི་ཐབས་ལམ་དེ་ཞི་དྲག་གཉིས་ལྡན། འཇམ་རྩུབ་ཟུང་འབྲེལ། མངོན་ལྐོག་དབྱེ་མེད་ཀྱི་དྲང་བདེན་སྤྱད་དེ། རང་ཉིད་ཀྱི་ལས་འགན་ལ་ངོ་གནོངས་མི་དགོས་པ་ཞིག་བྱ་ངེས། གང་ཡིན་ཟེར་ན། དགེ་རྒན་ཚོ་ནི་མི་རིགས་ཤིག་གི་བདེ་སྡུག་ལ་འགྱུར་བཅོས་གཏོང་མཁན་གྱི་ཆེད་ལས་པ་དེ་ཡིན་པས། དགེ་རྒན་ཚོ་ནི་མི་རིགས་ཤིག་གི་རྨོངས་པའི་མུན་པ་ལས་བསལ་མཁན་གྱི་སྒྲོན་མེ་དེ་ཡིན་པས། དགེ་རྒན་ཚོ་ནི་མི་རིགས་ཤིག་གི་སོན་རྩ་ཚོའི་མདུན་ལམ་སྟོན་མཁན་གྱི་ལམ་ཁྲིད་དེ་ཡིན་པས་ན། དགེ་རྒན་ཚོས་ཀྱང་རང་ངོ་རང་ཟིན་གྱིས་ངང་ནས། རང་ཉིད་ཀྱི་ལས་འཁུར་འདི་ལ་བརྩི་མཐོང་དང་ལྷག་བསམ་རྣམ་དག་གིས་ཕྱག་ལས་གནང་རྒྱུ་ནི། མི་རིགས་འདིས་དགེ་རྒན་ཚོར་བཅངས་པའི་རེ་བ་ཡིན་ཟེར་བའི་བསམ་བློ་སྔོན་དུ་སོང་བའོ།།

བལ་ཡུལ་རྒྱལ་གླུ། [བོད་འགྱུར་མ།]

རྩོམ་པ་པོ། པྲ་དཱིཔ°ཀུ་མཱར°རཱའི།

སྒྱུར་བ་པོ། སློབ་སྤྲུལ་འཆི་མེད་ཚེ་དབང་།

सयौं थूंगा फूलका हामी, एउटै माला नेपाली

མཛེས་པའི་མེ་ཏོག་ཕྲེང་བ་དང་མཚུངས་རང་ཅག་ཐམས་ཅད་བལ་པོ་སྟེ།།

सार्वभौम भइ फैलिएका, मेची-महाकाली।

མངའ་ཁོངས་ས་ཁྱོན་མེ་ཅཱི་ནས་བཟུང་ནུབ་ཕྱོགས་མ་ཧཱ་ཀཱ་ལིའི་བར།།

ཀུན་མཁྱེན་རོང་ཟོམ་པའི་ཆོས་འབྱུང་གསར་དུ་རྙེད་པ།

གོ་མུ་ཏིག་གམ་ཨོ་རྒྱན་བསྟན་འཛིན།

ཡོང་ཁུངས།: བོད་ཁུལ་འཕྲིན་སྟེགས།

ཀུན་མཁྱེན་རོང་ཟོམ་མ་ཧཱ་པཎྜི་ཏས་མཛད་པའི་ཆོས་འབྱུང་ཚིགས་བཅད་མ་ཞིག་ཡོད་པར། བོད་ཀྱི་མཁས་པ་སྔ་མ་དག་ལ་ཡོངས་གྲགས་སུ་གྱུར་འདུག་ཀྱང་། བར་སྐབས་ཤིག་ལ་རྒྱུ་རྐྱེན་སྣ་ཚོགས་པའི་དབང་གི གཞུང་དེ་ཉིད་འཇིག་བརྟེན་འདིར་ཡོད་མེད་དང་། ཡོད་རུང་གཞུང་གང་ཞིག་ལ་ངོས་འཛིན་དགོས་ཆ་མི་འཚལ་བའི་གནས་སུ་གྱུར་ཡོད། ཡིན་ཡང་བཙུན་པ་ཡོན་ཏན་ལྷུན་གྲུབ་དང་སོག་བཟློག་པ་སོགས་ཀྱི་ལོ་རྒྱུས་ཡིག་ཆ་རྣམས་སུ། རོང་ཟོམ་ཆོས་འབྱུང་གི་ཚིག་འགའ་རེ་ལུང་འདྲེན་བྱས་ཡོད་པ་དེ་དག་ལས་རྗེས་སུ་དཔག་ན། ཀུན་མཁྱེན་རོང་ཟོམ་པའི་ཆོས་འབྱུང་ཚིགས་བཅད་མར་གྲགས་པ་དེ་ནི། ལྡེའུ་ཆོས་འབྱུང་རྒྱས་པའི་རྩ་བ་འདི་ཉིད་ཡིན་པར་ར་འཕྲོད་ཐུབ་པར་སྣང་ཞིང་། དེའི་ཤེས་བྱེད་གཙོ་བོ་དེ་ཡང་ཡོན་ཏན་ལྷུན་གྲུབ་ཀྱི་ཆོས་འབྱུང་དེ་ཆགས་འདུག་པས། དེའི་སྐོར་ནས་རགས་ཙམ་ཞིག་གླེང་ན།

ཤག་ཤག་ཏུ་འཁྲོལ་བའི་རང་བྱུང་གི་རོལ་དབྱངས།

དོལ་པོ་ཤེས་རབ་རྒྱལ་མཚན། སྔ་འགྱུར་མཐོ་སློབ་ཆེན་མོ།

ཀླུ་དབང་རྒྱལ་པོས་རྒྱ་མཚོའི་རོལ་མོ་ཞིག་དཀྲོལ་ལམ།།

ཚངས་པའི་སྲས་མོས་མགྲིན་པའི་རྫ་རྔ་ཞིག་བརྡུངས་སམ།།

ཅིར་ཡང་མ་ངེས་ཅིར་ཡང་སྣ་ཚོགས་སུ་ཐོས་པ།།

ཤག་ཤག་ཤག་ཏུ་གྲག་པའི་རང་བྱུང་གི་རོལ་དབྱངས།།