[ཝཱ་ཎཱ་གཙུག་ལག་སློབ་གྲྭ་ཆེན་མོའི་གསར་ཞུགས་འཛིན་གྲྭའི་དབྱར་ཆོས་ཟབ་སྦྱོང་གི་གཏམ་བཤད།]
|
རྟོག་འཆར་བློ་ཡིས་བསྐྲུན་པའི་རི་མོ་དང་།།
ལོ་འདིའི་གསར་ཞུགས་མཐོ་སློབ་ཀྱི་སློབ་མ་ཚོར། ཆེས་ཐོག་མར་འཚམས་འདྲི་དང་བཀྲ་ཤིས་བདེ་ལེགས་གྲངས་མེད་ཞུ་བ་དང་སྦྲགས། ཟབ་སྦྱོང་གོ་སྒྲིག་པའི་རེ་དགོངས་བཞིན། ལྷན་རྒྱས་རྣམ་པར་གུས་པས། «རྩོམ་ཡིག་འབྲི་ཐབས་དང་དེའི་ཕན་འབྲསསྐོར་»རགས་ཙམ་ཞིག་ཞུ་འདོད་བྱུང་།
རྩོམ་པ་པོ།
ལྷ་ལུང་འཚོ། (བོད་མཚོ་སྔོན་རྩེ་ཁོག་རྫོང་།)
སློབ་ཆུང་སློབ་མ་ཞིག་ལ་མཚོན་ན། རྩོམ་ཡིག་འབྲི་བ་དེ་ནི་ཧ་ཅང་དཀའ་ཁག་ཆེ་བའི་ངལ་རྩོལ་ཐེངས་ཤིག་ཡིན། རྩོམ་ཡིག་འབྲི་བ་དེ་ལ་གོ་རིམ་ལྡན་པའི་སློབ་གསོ་དང་སྤྱི་ཚོགས་འཚོ་བའི་སྦྱོང་བརྡར་ཡོད་དགོས་པར་མ་ཟད། རང་ཉིད་ཀྱི་བརྩོན་འགྲུས་དང་བློ་གྲོས་ཀྱི་འཇོན་ཐང་ཡང་ངེས་པར་དུ་ཡོད་དགོས། ཁོ་མོས་བལྟས་ན་སློབ་ཆུང་སློབ་མའི་རྩོམ་འབྲིའི་ནུས་པ་དེ་མཐོར་འདེགས་སུ་གཏོང་བ་ལ། གཤམ་གསལ་གྱི་དོན་ཚན་འགའ་ནས་མགོ་འཛིན་དགོས་སྙམ།
རྩོམ་པ་པོ། ཉི་ཕན་ནས། (བོད་ནང་། རྒྱལ་རྩེ་རྫོང་སློབ་ཆུང་གཉིས་པ།)
རང་ལྗོངས་ཀྱི་སློབ་ཆུང་སློབ་མའི་བོད་སྐད་ཡིག་གི་སློབ་ཁྲིད་ཀྱི་སྤུས་ཚད་ཡག་ཐོག་ཡག་བརྩེགས་ཡོང་བ་བྱ་རྒྱུ་ནི་ཤ་ཁ་ཚ་དགོས་གཏུགས་ཀྱི་གནད་དོན་ཞིག་ཡིན། བོད་སྐད་ཡིག་གི་སློབ་ཁྲིད་ནུས་པ་མཐོ་རུ་གཏོང་ཐུབ་ན་སློབ་མའི་ཀུན་སྤྱོད་དང་ཤེས་རིག རིན་ཐང་ལྟ་བ། མཛེས་དཔྱོད་ཀྱི་རིན་ཐང་སོགས་ཕྱོགས་གང་ཅིའི་ཐད་ནས་ཡར་ཐོན་གྱི་ནུས་པ་ལེགས་པོ་ཞིག་ཐོན་ཐུབ་ངེས་ལ། རྩིས་རིག་དང་རྒྱ་ཡིག བསམ་བློ་ཆབ་སྲིད། ལོ་རྒྱུས། དབྱིན་ཇི་སོགས་ཀྱི་རིག་ཚན་རྣམས་སྦྱོང་བར་ཡང་གཞོགས་འདེགས་ཀྱི་ནུས་པ་ཞིག་ཐོན་ངེས་པ་ནི་སྨོས་མེད་ཀྱི་གཏན་ཚིགས་ཤིག་རེད། འདིར་ཁོ་མོས་ལོ་ཉི་ཤུ་ལྷག་ཙམ་རིང་ཞིང་འབྲོག་ཁུལ་དུ་སློབ་ཆུང་བོད་སྐད་ཡིག་བསླབ་ཚན་གྱི་སློབ་གསོ་དང་སློབ་ཁྲིད་བྱས་པའི་མྱོང་བ་རྣམས་ལྷུག་པོར་གླེང་བར་འདོད།
རྩོམ་པ་པོ། གཞིས་རྩེ་གྲོང་ཁྱེར་པ་སྣམ་རྫོང་སྒ་གདོང་སློབ་ཆུང་གི་དགེ་རྒན་སྤེན་པ་བུ་ཁྲིད།
རྩོམ་ཡིག་འབྲི་རྒྱུ་ནི་ལོ་ཆུང་སློབ་མས་ཆེས་དཀའ་ངལ་ཆེ་ཤོས་སུ་བརྩི་བཞིན་ཡོད་ལ། ལྷག་དོན་དུ་ཞིང་ཁུལ་གྱི་སློབ་མའི་ངོས་ནས་བརྗོད་ན་ཤིན་ཏུ་དཀའ་བ་ཞིག་ཡིན་པ་སྨོས་མེད་རེད། གང་ལགསཤེ་ན་མི་ཚོགས་མང་ལ་འཁྲུག་ཆ་དོད་པོའི་གྲོང་ཁྱེར་གྱི་སློབ་མ་དང་བསྡུར་ན་ཁོ་ཚོའི་ལྟ་རྒྱ་མཐོང་རྒྱ་ཆུང་བ་ཡོད་པ་དང་། སློབ་གྲྭ་གནས་སའི་ཁོར་ཡུག་གྲོང་ཁྱེར་དུ་ཡོད་ཚེ་རྩོམ་འབྲིའི་རྒྱུ་ཆ་ཧ་ཅང་མང་པོ་ཡོད་པ་སྟེ་མིག་མངས་ལྟ་བུའི་སྣུམ་ནག་གཞུང་ལམ་དང་། འ་འུར་སྒྲ་ཡིས་ཁེངས་པའི་བཟོ་གྲྭ མྱུར་ཚད་མགྱོགས་ལ་བརྗོད་ཀྱིས་མི་ལངས་པའི་རླངས་འཁོར་ཆེ་འབྲིང་ཆུང་གསུམ། སྤྲོ་གསེང་ཁང་དང་། སྤྱི་གླིང་། རིག་གནས་ཐང་ཆེན། ཚོང་གྲོང་ཁང་ཆེན། དེ་བཞིན་ལས་རིགས་ཁག་གི་ལས་ཁུངས་དང་སློབ་གྲྭ་ཆེ་འབྲིང་ཆུང་གསུམ་གྱི་གཞུང་ལས་ཁང་ཆེན་དང་སློབ་ཁྲིད་ཁང་ཆེན་སོགས་ཚང་མ་ནི་སློབ་ཕྲུག་གི་རྩོམ་འབྲིར་མཁོ་བའི་རྒྱུ་ཆ་ཡིན་ཞིང་། དེ་དག་གྲོང་གསེབ་ན་ཧ་ཅང་འཚོལ་དཀའ་བ་ཡོད། ཁོ་ཚོའི་རྩོམ་འབྲིའི་རྒྱུ་ཆ་ནི་རི་ཆུ་ཀླུང་གསུམ་གྱི་རང་བྱུང་ཁོར་ཡུག་ཁོ་ནར་ཟད། འདིར་ཞིང་གྲོང་གི་སློབ་ཆུང་སློབ་མའི་རྩོམ་འབྲིའི་རྒྱུ་ཆ་འཚོལ་སྟངས་དང་རྩོམ་ཡིག་འབྲི་བའི་བརྒྱུད་རིམ་ཁྲོད་ཀྱི་དཀའ་ངལ་སེལ་ཐབས་སྐོར་རགས་ཙམ་གླེང་བར་བྱ།
