བོད་ཀྱི་ཡིག་གཟུགས་དུས་ཆེན་ནི། སྤྱི་ཟླ་ ༠༤ ཚེས་ ༣༠ ཉིན་གཏན་འཁེལ་བྱུང་བ་རེད།

ཁ་བརྡ་དྲ་བ་ལས་བཏུས།

སྤྱི་ཟླ་ ༠༤ ཚེས་ ༣༠ ཉིན་བོད་ཀྱི་ཡིག་གཟུགས་དུས་ཆེན་དུ་གཏན་འཁེལ་བྱུང་དོན་ནི། བོད་ཀྱི་ཡི་གེར་དབྱངས་ ༤ དང་གསལ་བྱེད་ ༣༠ ཡོད་པས་ཡིན། ཞེས་བརྗོད་འདུག

འདི་ག་གསར་ཁང་གིས་གནས་ཚུལ་རྒྱུས་ལོན་བྱས་པ་ལྟར་ན། ༢༠༡༧ ལོའི་ཟླ་ ༠༤ པའི་ཚེས་ ༡༥ ཉིན་ནས་ཚེས་ ༡༦ བར་མཚོ་སྔོན་མི་རིགས་སློབ་ཆེན་དུ་རྒྱལ་ཡོངས་བོད་ཀྱི་ཡིག་གཟུགས་བགྲོ་གླེང་ཚོགས་འདུ་སྐབས་དང་པོ་འཚོགས་ཡོད་པ་དང་།  ཚོགས་ཐོག་ནས་ལོ་རེའི་ཟླ་བ་ ༠༤ པའི་ཚེས་ ༣༠ ཉིན་དེ་བོད་ཀྱི་ཡིག་གཟུགས་དུས་ཆེན་དུ་གཏན་འཁེལ་བྱས་གནང་བའི་གནས་ཚུལ་ལོན་སོང་།

དོལ་པོ་བ་ལྷག་པ་རྡོ་རྗེ་བླ་མ་དང་ཁོང་གི་ཡིག་གཟུགས་མཛེས་རྩལ།

བཞི་པའི་སུམ་ཅུའི་ཉིན་མོ་སྟེ། བོད་ཀྱི་ཡིག་གཟུགས་དུས་ཆེན་བསུ།

ཡིག་གཟུགས་མཛེས་རྩལ་བ་དོལ་པོ་བ་ལྷག་རྡོར་བླ་མ་ནི། སེར་བྱེས་འབྲིང་རིམ་སློབ་གྲྭ་མཐར་ཕྱིན་ཅིང་། ཝཱ་ཎ་མཐོ་སློབ་ཏུ་སློབ་གཉེར་བྱེད་བཞིན་པ་ཡིན་ལ། མཐོ་སློབ་དེ་གར་ཉེ་ཆར་ཝཱ་ཎ་བོད་ཀྱི་གཞོན་ནུ་ནང་ཆོས་མཐུན་ཚོགས་དང་ཝཱ་ཎ་བདེ་དོན་ལྷན་ཚོགས་ཟུང་འབྲེལ་གྱིས་གོ་སྒྲིག་གནང་བའི་འོག སྤྱི་ཟླ་ ༠༤ ཚེས་ ༢༥ སྟེ། པཎ་ཆེན་རིན་པོ་ཆེའི་སྐུའི་འཁྲུངས་སྐར་ཉིན་མོ་དང་བསྟུན་ནས་ཡིག་གཟུགས་འགྲན་སྡུར་གྱི་ལས་འགུལ་སྤེལ་བའི་སྐབས་རྩེར་སོན་ཨང་གཉིས་པའི་བྱ་དགའ་བླངས་འདུག 

སྔ་འགྱུར་རྙིང་མའི་ལྟ་གྲུབ་སྐོར་གྱི་ཟིན་བྲིས་གནད་ཀྱི་ལྡེ་མིག

གསུང་མཁན། བླ་རུང་མཁན་ཆེན་ཆོས་ཐོ།

མཁན་སློབ་ཆོས་རྒྱལ་སྤྲུལ་པའི་ལོ་པཎ་དང་། །བཀའ་གཏེར་རིག་འཛིན་རྒྱུད་པའི་ཡི་དམ་ལྷ། །མ་མགོན་གཟའ་རྡོར་བརྒྱུད་གསུམ་དྲེགས་པའི་ཚོགས། །སྔ་འགྱུར་རྩ་གསུམ་ལྷ་ཚོགས་དགོངས་སུ་གསོལ། །ཐུབ་བསྟན་མདོ་དང་སྔགས་ཀྱི་ཚུལ་མཐའ་དག །གངས་ཅན་ལྗོངས་སུ་བརྩེ་བས་དྲངས་གྱུར་པ། །ཆེས་ཆེར་སྤེལ་བའི་རྡོ་རྗེའི་དམ་དགོངས་ནས། །མཚོ་སྐྱེས་རྒྱལ་བའི་བསྟན་པ་རྒྱས་གྱུར་ཅིག །

འོ་ལགས་སོ། །སྔ་འགྱུར་རྙིང་མའི་ཆོས་སྡེ་དྲུག་གི་ཡ་གྱལ་དཔལ་རྒྱལ་བ་ཞེ་ཆེན་དགོན་པའི་བཤད་གྲྭ་འདིའི་ནང་གི་དགེ་འདུན་པ་ཡོངས་དང་ཕྱོགས་སོ་སོར་ནས་ཕེབས་པའི་བསྟན་འཛིན་གྱི་སྐྱེས་བུ་རྣམ་པ་ཡོངས་ལ་གུས་འདུད་སྔོན་དུ་བཏང་ནས་ཞུ་བ་བྱ་བ་ནི། འདི་ན་གོ་སྒྲིག་པ་རྣམ་པས་སྔ་འགྱུར་རྙིང་མའི་ལྟ་གྲུབ་ཀྱི་སྐོར་ནས་སྐར་མ་བཞི་བཅུའི་ཡུན་ལ་ཤོད་གསུང་གིན་ཡོད་འདུག དེ་འདྲ་ཡིན་དུས་རང་ངོས་ནས་བསམ་བློ་བཏང་ན། སྐྱེས་སྟོབས་དང་སྦྱངས་སྟོབས་ཕྱོགས་གང་ཐད་ནས་ཧ་ཅང་དབུལ་པོ་དབུལ་རྐྱང་ཡིན་པའི་རྒྱུ་མཚན་དེའི་དབང་གིས། སྐར་མ་བཞི་བཅུ་ཐམ་པའི་ཡུན་ལ་སྔ་འགྱུར་རྙིང་མའི་ལྟ་གྲུབ་ཅིག་བཤད་དགོས་ནི་ཡིན་ན། གཅིག་ན་དུས་ཚོད་དང་གཉིས་ན་རྣམ་དཔྱོད་ཀྱི་སྒོ་ནས་མི་འདང་པས། དེའི་ཕྱོགས་ནས་འཇོན་ཐང་མེད་ནི་དེ་འདྲ་ཞིག་རེད། ཡིན་ན་ཡང་། ཁ་སང་ཡང་འདིའི་མཚམས་ན་སྔ་འགྱུར་རྙིང་མའི་བླ་མ་མང་ཙམ་ཞིག་བྱོན་ཡོད་འདུག དེའི་ཕྱོགས་ནས་ཁོང་ཚོས་གསུངས་ན་ཞེས་རེ་བ་འདྲ་ཕུལ་ནི་ཡིན་ན་ཡང་། ད་ཁྱེད་ཀྱིས་བཤད་རོགས་ཀྱིས་ཞེས་དེ་འདྲ་གསུངས་སོང་། དེ་འདྲ་ཡིན་དུས་འདིའི་ཕྱོགས་ནས་སྐད་ཆ་ཉུང་ཉུང་ཞིག་ཨེ་འཁྱོང་བལྟ་རྒྱུ་དེ་ཡིན། སྤྱིར་ན་སྔ་འགྱུར་རྙིང་མའི་བསྟན་པ་འདི་ལ་བསམ་བློ་བཏང་སོང་ནི་ཡིན་ན་ཀུན་མཁྱེན་རོང་ཟོམ་ཆེན་པོས་སྔ་འགྱུར་རྙིང་མ་པ་ལ་ཁྱད་ཆོས་རྣམ་པ་དྲུག་གསུངས་ཡོད་པ་རེད།

བལ་ཡུལ་ནང་པའི་ཚོགས་ཆེན་ནས་ལོ་འདིར་སྟོན་པའི་དུས་ཆེན་བརྩི་སྲུང་བྱ་རྒྱུ་མིན་པའི་སྐོར་ཐག་གཅོད་གནང་འདུག

ད་ལམ་ཀོ་རོ་ན་ནད་ཡམས་འདིའི་རྐྱེན་གྱིས་བལ་ཡུལ་ཚུད་པའི་འཛམ་གླིང་ཁྱོན་ཡོངས་འུ་ཐུག་ཐབས་ཟད་གནས་ལ་གྱར་དུས། ལོ་འདིར་སྟོན་པའི་དུས་ཆེན་དེ་སྲུང་བརྩི་བྱ་རྒྱུ་མ་ཡིན་པ་ཆགས་འདུག བལ་ཡུལ་ནང་པའི་ཚོགས་ཆེན་ནས་སྟོན་པའི་དུས་ཆེན་སྲུང་བརྩི་མུ་མཐུད་རྒྱུན་སྐྱོང་གནང་བའི་བརྒྱུད། འདི་ལོར་སྟོན་པའི་དུས་ཆེན་ ༢༥༦༤ པ་དེ་རྒྱས་སྟོན་ཆེན་པོའི་ཚུལ་དུ་བཀོད་སྒྲིག་བྱ་རྒྱུ་མིན་པའི་སྐོར་ཐག་གཅོད་བྱས་པ་རེད། ཀོ་རོ་ན་ནད་དུག་གི་ནད་ཡམས་ཚབས་ཆེན་འདིའི་གནས་སྟངས་ལས་གྲོལ་ཆེད་རྒྱལ་ཡོངས་ཀྱི་ས་ཕྱོགས་ཕལ་ཆེ་བར་ཐེམ་སྤང་བཀའ་རྒྱ་བྱས་ཡོད་པ་དང་། དེ་བཞིན་བལ་ཡུལ་གཞུང་གི་ཁྲིམས་གཞི་རྩ་འཛིན་གཞིར་བཟུང་ཕན་ཚུན་འཛོམས་འདུ་བྱས་ནས་ཚོགས་པ་འཚོག་རྒྱུར་བཀག་རྒྱ་བྱས་ཡོད་པའི་རྐྱེན་གྱིས་དང་། ཚབས་ཆེན་ནད་ཡམས་འདི་འཕེལ་བར་མི་འགྱུར་བའི་ཆེད། བལ་ཡུལ་ནང་པའི་ཚོགས་ཆེན་ནས་ད་ལམ་སྟོན་པའི་དུས་ཆེན་ཉིན་མོར་དམིགས་བསལ་མཛད་སྒོ་འཚོག་རྒྱུ་མིན་པ་བྱས་པ་རེད།

འཛམ་གླིང་དཔེ་ཀློག་ཉིན་མོའི་ནང་གཞོན་ནུ་རྣམས་ལ་འབོད་སྐུལ་ཞུ་བ།

ལྷོ་ནུབ་མི་རིགས་སློབ་གྲྭ་ཆེན་མོའི་སློབ་དཔོན་ཆེན་མོ། 

འབུམ་རམས་པའི་མཛུབ་སྟོན་པ། ཐུབ་བསྟན་ཕུན་ཚོགས། 

བཀྲ་ཤིས་བདེ་ལེགས། དེ་རིང་ངས་སི་ཁྲོན་བོད་སྐད་རླུང་འཕྲིན་གྱི་འཕྲིན་ཕྲན་སྤྱི་སྟེགས་འདི་བརྒྱུད་ནས་འཛམ་གླིང་དཔེ་ཀློག་གི་ཉིན་མོ་འདི་ལ་བོད་རིགས་གཞོན་ནུ་རྣམས་ལ་དཔེ་ཆ་ཡག་པོ་ཀློགས་རོགས་གྱིས་ཟེར་ནས་འབོད་སྐུལ་ཞིག་ཞུ་བཞིན་ཡོད། གཞོན་ནུ་ཚོ་ལ་འབོད་སྐུལ་ཞུ་དགོས་པའི་རྒྱུ་མཚན་ག་རེ་རེད་ཟེར་ན། མ་འོངས་པའི་བོད་ཀྱི་སྲིད་འབྱོར་རིག་གསུམ་གྱི་དམིགས་ཡུལ། སྲིད་འབྱོར་རིག་གསུམ་གྱི་བདག་པོ་འདྲ་བོ་དེ་ཁྱོད་རང་ཚོ་ཆགས་བསྡད་ཡོད་རེད། བྱས་ཙང་། ཁྱོད་རང་ཚོས་དཔེ་ཆ་མང་ཙམ་ཀློགས། ཀླད་པ་དེ་སྒོ་ཡག་པོ་ཞིག་ཕྱེས། ལྟ་རྒྱ་དང་མཐོང་རྒྱ་ཆེན་པོ་ཆགས་ཡོང་ན། མི་རིགས་ཡར་རྒྱས་གཏོང་ཡས།  ལུང་པ་ཡར་རྒྱས་གཏོང་ཡས། མི་དམངས་ཀྱི་འཚོ་བ་ཡར་རྒྱས་གཏོང་ཡས།  ཚང་མ་ལ་ཕན་ཐོགས་ཡག་པོ་ཞིག་ཡོད་རེད། འཛམ་གླིང་གི་ལུང་པ་ཡར་རྒྱས་འགྲོ་ཡས་དེ།  ཚང་མ་དཔེ་ཆ་མང་པོ་བལྟས། འཛམ་གླིང་གི་གནས་ལུགས་གནས་ཚུལ་མང་པོ་ཞིག་ཕར་ཚུར་ཧ་གོ་བ་བྱས་ནས་མི་སྤྱང་པ་གྲུང་པོ་མང་པོ་ཞིག་ཡོང་ནས་ཡར་རྒྱས་ཕྱིན་བསྡད་པ་རེད། ང་རང་ཚོ་དེའི་མཉམ་པོ་ལ་ཡར་རྒྱས་འགྲོ་དགོས་ཀྱིན་ཡོད་རེད། ང་ཚོ་ད་བར་དུ་ཞེ་དྲག་འགྲོ་ཐུབ་ཡོད་མ་རེད། སྔོན་མ་ཡིན་ན་དཔེ་ཆ་རྐྱང་རྐྱང་རེད། དེང་སང་དཔེ་ཆ་དེ་ཤོག་བུ་གཅིག་པོའི་དཔེ་ཆ་མ་རེད། བརྙན་འཕྲིན་གྱི་དཔེ་ཆ་ལྟ་ཆོག་གིན་ཡོད་རེད། ཁ་པར་གྱི་དཔེ་ཆ་ལྟ་ཆོག་གིན་ཡོད་རེད། དཔྱད་རྩོམ་དག་དག་གི་ནང་དུ་ལྟ་ནས། དཔེ་ཆ་ལྟ་ཟེར་ཡས་དེ་ཡང་དམིགས་ཡུལ་དང་བཅས་པའི་ལྟ་དགོས་རེད། དཔེ་ཆ་ལྟ་དུས་ངས་དཔལ་འབྱོར་གྱི་ཐད་ལ། འཛུགས་བསྐྲུན་གྱི་ཐད་ལ། ཡང་ན་སོ་སོའི་བློ་གྲོས་ཀྱི་སྒོ་མོ་འབྱེད་པའི་ཆེད་དུ་དཔེ་ཆ་གང་དང་གང་དེ་ལྟ། འཛམ་བུ་གླིང་གི་གནས་ཚུལ་ག་འདྲ་ཡོང་གི་འདུག་དེའི་སྐོར་ལ་དཔེ་ཆ་བལྟ་དགོས་དྲན་ནས་དཔེ་ཆ་གཅིག་དམིགས་ཡུལ་ཡོད་པའི་སྒོ་ནས་བལྟ་དགོས་རེད་མ་གཏོགས། ང་ཚོ་བོད་ཀྱི་ཨ་མཆོད་འདོན་སྟངས་བྱས་ནས་དཔེ་ཆ་ཁ་ནས་མར་ཐག་ཐག་ཟེར་ནས་ཀློག་བསྡད་ན་ཕན་ཐོགས་ཡོད་མ་རེད། དཔེ་ཆ་མང་པོ་ཀློག་ན་བློ་གྲོས་ཀྱི་སྒོ་མོ་འབྱེད་པའི་ཕན་ཐོགས་ཡོད་རེད།

རང་ལ་གྲོས་འདྲིའི་གཏམ།

རྩོམ་པ་པོ། སྤྲུལ་སྐུ་ཚེ་རིང་དབང་འདུས།

སྒྱུ་ལུས་གོག་པོ་མལ་ཁྲི་སྟེང་ནས་ལྷག།

སེམས་ཀྱི་རྟ་ཕོ་རྒྱལ་ཁམས་ཀུན་དུ་བསྐོར།།

ལུས་སེམས་གཉིས་ཀྱིས་འདུར་བརྒྱུགས་བྱེད་སྟངས་འདི།།

དོན་དངོས་རྨི་ལམ་ནང་གི་འཆར་ཡན་ཞིག།

བཟང་པོར་འཛིན་པའི་བསྟོད་ལུགས་ཏོག་ཏུ་བསྒྲེངས།།

ངན་ན་འཕྱ་སྨོད་འདམ་རྫབ་ཁྲོད་དུ་འཕེན།།

བསྟོད་སྨད་བར་ཀྱི་གསང་གཏམ་རིང་མོ་འདི།།

དོན་དངོས་གང་ཞིག་ཡིན་མིན་འཕྱང་མོ་ཉུག།

དོལ་གྱི་མི་གསུམ་གྱི་སྙན་ངག

ཚོགས་དྲུག་སྣང་བ་དྲི་ཟའི་གྲོང་ཁྱེར་ནང་།།

བདེན་འཛིན་སྨིག་རྒྱུའི་སྐོམ་ལ་སྲེད་པ་བདག།

ཡུད་ཙམ་རིང་གི་འཆར་ཡན་མིག་འཁྲུལ་དེས།།

འབྱུང་རྔུབ་རྒྱུན་འདི་བསླུས་པར་ངལ་བ་སྐྱེས།།

ཨོ་དོན་པས།།

བལ་ཡུལ་ཧི་མཱ་ལ་ཡའི་རི་མོའི་སྒྱུ་རྩལ་བ་འགའ་དང་ཁོང་ཅག་གི་རི་མོ།

བསྟན་འཛིན་ནོར་བུ། ཝང་བླ་མ། ཚེ་རིང་བསམ་འགྲུབ། སྲིད་ཐར། ང་ཚོ་ནི་རི་མོ་ལ་དགའ། ང་ཚོ་ནི་སྒྱུ་རྩལ་ལ་གདུང་། ང་ཚོའི་ལས་དབང་པིར་རྩེ་ནས་ཤར། ང་ཚོའི་ཚོར་བ་ཚོན་མདོག་ནས་གཞུར། ང་ཚོས་ཅི་ཡང་རི་མོས་སྔོག་འདོད། སྔར་མེད་ཀྱི་ཟབ་སར་བསྙེག་འདོད།

༡. དོལ་པོའི་རི་མོ་བ་གྲགས་ཅན་བླ་མ་བསྟན་འཛིན་ནོར་བུ།

དཔེ་ཀློག་དང་ཁ་མ་བྲལ་བའི་འཛམ་གླིང་གི་ཁེ་ལས་པ་གྲགས་ཅན་འགའ།

པེར་ཡ་གྷེ་ཚི།

འཛམ་གླིང་གི་མི་ལོ་ཉེར་བཞི་ལྷག་ལ་མིའི་རིགས་ཀྱི་ཕྱུག་བདག་གི་གོ་གནས་བཟུང་བའི་པེར་ཨེ་ཡ་གྷེ་ཚི་ལགས། ལོ་ན་གཉིས་ལ་སོན་དུས་ནས་ཡི་གེ་ངོས་འཛིན་གྱི་ལས་ལ་ཞུགས་ཤིང་། ཆུང་དུས་ནས་«འཛམ་གླིང་ཤེས་བྱ་ཀུན་བཏུས།»ཆ་ཚང་ཀློག་ཡོད་པར་གྲགས། ད་ལྟ་ད་རུང་ཡང་ལོ་གཅིག་ལ་དཔེ་ཆ་བརྒྱ་ཀློག་པའི་གོམས་གཤིས་རྒྱུན་འཁྱོངས་བྱེད་བཞིན་ཡོད་ཅིང་།  “དཔེ་ཆ་རེ་རེ་ནི་འཚོལ་ཞིབ་གྱི་ལམ་ཆེན་འབྱེད་པའི་ལྡེ་མིག ” ཡིན་པར་ཁོང་གིས་འདོད་དོ།།

སྤྲང་པོ་ལྟར་འཚོ་ཞིང་། གླེན་པ་ལྟར་གནས་དགོས།

འདི་ནི་ཀུ་ཤུ་སྤྱི་གཉེར་ཁང་གི་འགན་འཛིན་དང་གསར་བཏོད་པ་ (Steve Jobs) ཀྱིས། ཕྱི་ལོ་༢༠༠༥ ལོའི་ཟླ་ ༦ པའི་ནང་སྚེན་ཧྥོརཌ་སློབ་ཆེན་ (Stanford University) མཐར་ཕྱིན་མཛད་སྒོའི་ཐོག་གནང་བའི་གཏམ་བཤད་གྲགས་ཅན་ཞིག་རེད།

ནང་ཆེན་བཀྲ་ཤིས་དཔལ་སྒྲོན་གྱིས་དབྱིན་ཡིག་ནས་བསྒྱུར།

ད་ཐེངས་འཛམ་གླིང་ཐོག་ཆེས་གྲགས་ཆེ་བའི་མཐོ་སློབ་ཅིག་གི་མཐར་ཕྱིན་མཛད་སྒོར་ཞུགས་ཐུབ་པ་དེ། ང་རང་ཉིད་ཀྱི་སྤོབས་པ་དང་གཟི་བརྗིད་ཡིན་བསམ་གྱི་ཡོད། དྲང་པོར་བཤད་ན། སློབ་ཆེན་ནས་སློབ་མཐར་ཕྱིན་མ་མྱོང་མཁན་གྱི་མི་ཞིག་ལ་ཆ་མཚོན་ན། ཚུལ་འདི་ནི་མི་ཚེའི་ནང་ཆེས་རླབས་ཆེ་ཞིང་བློ་ཐག་ཉེ་བའི་མཐར་ཕྱིན་མཛད་སྒོ་ཞིག་རེད། དེ་བས་ཚང་མར་བཀའ་དྲིན་ཆེ་ཞུ། དེ་རིང་འདིར་ངས་ཁྱེད་ཚོར་ངའི་མི་ཚེ་དང་འབྲེལ་ནས་སྒྲུང་གསུམ་བཤད་ཀྱི་ཡིན། ཡིན་ན་ཡང་དེ་ནི་གལ་འགངས་ཆེན་པོ་དེ་འདྲ་མིན་པར་སྒྲུང་སྤྱིར་བཏང་བ་ཞིག་རེད།

༸སྐྱབས་རྗེ་གྲུབ་དབང་པདྨ་ནོར་བུ་མཆོག་ལ་རྗེས་སུ་ཕྱོགས་པའི་བསྟོད་སྨོན།

སྔ་འགྱུར་བསྟན་པའི་སྲོག་མཐུད་སྐྱབས་རྗེ་གྲུབ་པའི་དབང་ཕྱུག་པདྨ་ནོར་བུ་མཆོག་ལ་རྗེས་སུ་ཕྱོགས་པའི་བསྟོད་སྨོན་ཞབས་བརྟན་ཟུང་འབྲེལ་དོན་མཐུན་མདོང་མཐའ་དགའ་བའི་ཟློས་གར་ཞེས་བྱ་བ།

མཛད་པ་པོ། རྫོགས་ཆེན་པདྨ་སྐལ་བཟང་།

    

གྲངས་མེད་སྐལ་པའི་སྔོན་ནས་སངས་རྒྱས་ཀྱང་།།

བརྩེ་ཆེན་སྙིང་རྗེས་ལྔ་བརྒྱ་ཐ་མའི་འགྲོར།།

བྱང་ཆུབ་ཞི་བ་དམ་པའི་ལམ་སྟོན་པ།།

རྒྱལ་བ་དོན་ཀུན་གྲུབ་པ་ལ་ཕྱག་འཚལ།།

རབ་འབྱམས་རྒྱལ་བ་ཀུན་གྱི་གསང་གསུམ་འཕྲུལ།།

སིནྡྷུའི་དྭངས་མཚོར་འཕོས་པའི་ཡ་མཚན་གར།།

འཆི་མེད་རྟག་པ་དམ་པའི་སྐུ་འཆང་བ།།

པད་འབྱུང་རྒྱལ་བ་གཉིས་པ་རྒྱལ་གྱུར་ཅིག།

མ་ལུས་ཕྱོགས་དུས་རྒྱལ་བའི་ཡེ་ཤེས་དཔྱིད།།

ཀུན་ཁྱབ་མཁའ་ཡི་རྡོ་རྗེ་སྒྱུ་མའི་འཕྲུལ།།

མི་ཟད་བློ་གྲོས་གཏེར་འཆང་གཞོན་ནུའི་གཟུགས།།

འཇམ་དཔལ་སྨྲ་བའི་ཉི་མས་དགེ་ལེགས་སྩོལ།།

ཁ་བྱང་མེད་པའི་སྙན་ངག

ཕ་ཡུལ་གཅིག་པའི་གྲོགས་ཚེ་དབང་ནོར་བུའི་ངོ་དེབ་སྟེང་འདྲ་པར་དེ་བཞག་འདུག་པར་སྙན་ངག་རེ་བྲིས་ཤོག་ཟེར་བར་མཆན་བཏབ།

                                  

རྩོམ་པ་པོ་པདྨ་དགོས་འབྱོར།

གཞུང་ལམ་ཨ་ཀྱོག་པ་ཀྱོག།

ནུབ་ཁའི་ཉི་མ་མོག་པོ།།

འགྲུལ་མཚམས་བོར་བའི་འཇིག་རྟེན།།

སུ་ལ་གསང་བའི་གྲོས་ཞིག།

དཔེ་ཀློག་གི་ཉིན་མོར་དཔེ་ཆ་ཅི་ཞིག་བཀླག

རྩོམ་པ་པོ། གྱི་ལིང་འཇིགས་མེད།

    སང་ཉིན་འཛམ་གླིང་དཔེ་ཀློག་གི་ཉིན་མོ་རེད། དེ་ནི་འཛམ་བུ་གླིང་གི་མི་རྣམས་ལ་དཔེ་ཆ་ནི་བདེ་སྐྱིད་ཀྱི་ནོར་བུ་སྤུངས་པའི་བང་མཛོད་ཅིག་དང་འདྲ་བའི་རྒྱུ་མཚན་དེ་ཤེས་སུ་འཇུག་ཕྱིར་ཡིན་པ་ལས། ལོ་གཅིག་གི་ནང་ནས་གཏན་འཁེལ་གྱི་ཉིན་གཅིག་བུར་དཔེ་ཆ་བཀླགས་པ་ཞིག་གིས་ཅི་ཞིག་འཁྱོངས། དཔེ་ཆ་ནི་ང་ཚོའི་ཉིན་རེའི་འཚོ་བ་དང་ཁ་འབྲལ་ཐབས་མེད་པའི་ལོངས་སྤྱོད་ཅིག་སྟེ། ལུས་གསོ་བ་ལ་ཉིན་རེ་བཞིན་ཟས་ཟ་དགོས་པ་བཞིན་ནང་བསམ་བློ་གསོ་བ་ལ་ཉིན་རེ་བཞིན་མིག་དཔེ་ཆ་དང་འབྲལ་མི་རུང་། དེ་བས་དཔེ་ཀློག་གི་ཉིན་མོ་ནི་དྲན་སྐུལ་གྱི་ཉིན་མོ་ཞིག་ཡིན། 

དཔེ་ཀློག་བརྗེད་བྱང་། ༤༽ གླ་བོ་དྲིན་དུ་བཅགས་པ།

རྒྱལ་སྤྱིའི་དཔེ་ཀློག་ཉིན་མོར། མཁན་ཚུལ་ཁྲིམས་བློ་གྲོས།

འགུལ་རིས་གློག་བརྙན་གྱི་ཡབ་ཆེན་དུ་འབོད་པ་ཞིག་འདས་གྲོངས་སུ་ཕྱིན།

གསར་འགོད་པ། སངས་རྒྱས་དཀོན་མཆོག

འཛམ་གླིང་ནང་སྐད་གྲགས་ཅན་གྱི་འགུལ་རིས་གློག་བརྙན་ཙི་ཙི་དང་ཞི་མི་ཡི་འཁྲབ་ཁྲིད་པ་སྐུ་ཞབས་རྗན་དྷེ་ཆི་ལགས་རང་ལོ་ ༩༥ ཐོག་འདས་གྲོངས་སུ་ཕྱིན། ཁ་སང་རྒྱལ་སྤྱིའི་གསར་འགྱུར་བརྒྱུད་ལམ་ཁག་ཏུ་གནས་ཚུལ་ཐོན་པ་ལྟར་ན། ཨ་རིའི་འགུལ་རིས་རི་མོ་བ་དང་འགུལ་རིས་གློག་བརྙན་བཟོ་སྐྲུན་པ། འགུལ་རིས་གློག་བརྙན་འཁྲབ་འཁྲིད་པ་གྲགས་ཅན། འཛམ་གླིང་ཡོངས་སུ་ཆེས་གྲགས་ཆེ་བའི་བྱིས་པའི་འགུལ་རིས་གློག་བརྙན་ཙི་ཙི་དང་ཞི་མི་ (Tom and Jerry) ཡི་འཁྲབ་འཁྲིད་པ་སྐུ་ཞབས་རྗན་དྷེ་ཆཱི་ (Gene Deitch) ལགས། དགུང་ལོ་ ༩༥ སྟེང་ཅེཀ་སྤྱི་མཐུན་རྒྱལ་ཁབ་ཀྱི་རྒྱལ་ས་ཕལ་གྷོའི་ (Prague) རང་ཤག་ནས་འདས་གྲོངས་སུ་སོང་ཡོད་འདུག

ཏོག་དབྱིབས་ནད་ཡམས་ཀྱི་དོན་རྐྱེན་འོག་བལ་ཡུལ་ལས་རྒྱ་གར་གྱི་གནས་སྟངས་སྐྱོ།

རྩོམ་པ་པོ། པདྨ་དགོས་འབྱོར།

ཏོག་དབྱིབས་ནད་ཡམས་ཀྱི་དོན་རྐྱེན་འོག་དེང་སྐབས་ས་ཁུལ་གང་སར་དཀའ་ངལ་ཆེན་པོ་འཕྲད་མུས་རེད། དམིགས་བསལ་རྒྱ་གར་ནང་དཀའ་ངལ་ཆེན་པོ་འཕྲད་མུས་རེད་འདུག དེ་ནི་མུ་གེ་རེད། མི་མང་པོས་བལ་གཞུང་སྐྱོ་རབས།  དམིགས་བསལ་ད་ལམ་གནས་སྟངས་འདིའི་འོག་བལ་གཞུང་ངོ་ཚས་མྱོས་རྒྱུ་དང་། མང་ཚོགས་ལ་ཟ་ཅའི་དཀའ་ངལ་ཆེན་པོ་འཕྲད་ངེས་ཀྱི་སྡོམ་ཚིག་སྔ་མོ་ནས་བཀོད་མོད། འོན་ཀྱང་། ད་ལམ་བལ་གཞུང་དེ་ལྟར་མིན་པར་གང་ཐད་ནས་རང་མགོ་ཐོན་པ་གནང་ཡོད། འདི་ནས་མང་ཚོགས་ལ་ཟ་ཅའི་དཀའ་ངལ་ཕྲན་བུ་ལས་མེད། ངས་ང་རང་གི་རྒྱལ་ཁབ་ལ་ཆེ་མཐོང་དང་གུས་བརྩི་ཞུ་རྒྱུ་ཡིན།

རྒྱ་གར་ལ་མཚོན་ན་ཉིན་རེའི་ངལ་རྩོལ་ལ་བརྟེན་ནས་འཚོ་བ་སྐྱེལ་མཁན་བརྒྱ་ཆ་སུམ་ཅུ་ཙམ་ཡོད་སྐད། ད་དུང་སྡོད་སའི་གནས་ར་མེད་པའི་གྲངས་ཀྱང་ཧ་ཅང་མང་པོ་རེད། ཆབ་སྲིད་ནི་ཆབ་སྲིད་རང་རེད། ཆོས་སྐྱོང་རང་མགོ་མི་ཐོན་ལ། མགོ་ནག་མིའི་སྲོག་སྐྱོབ་བྱེད་ཁུལ་སྟེ། སོ་སོའི་མང་ཚོགས་ལྟོགས་ཤི་ཐེབས་ལ་ཁད་པ་ཚོ་སྣང་མེད་དུ་བཞག་ཏེ་རྒྱལ་ཁབ་གཞན་ལ་རོགས་སྐྱོར་གྱི་སྐད་ཆ་ཤོད་ཀྱི་ཡོད། 

རང་རྒྱལ་གྱི་ངོས་སྦྱོར་ལག་འཁྱེར་དུ་མིང་མཐར་དོལ་པོ་ཞེས་ཅི་ཕྱིར་མ་སྤྱད་པ་ཡིན་ནམ།

རྩོམ་པ་པོ། པདྨ་རང་གྲོལ།

ང་ཚོའི་སྤྱི་ཚོགས་སུ་ཡང་ཡང་གླེང་བའི་གཏམ་ཞིག་ལ་ངའི་དགོད་བྲོའི་ཆོབ་སྨོས་ན། དེ་ནི་རང་རྒྱལ་གྱི་ངོས་སྦྱོར་ནང་དུ་མིང་མཐར་དོལ་པོ་ཟེར་རྒྱུ་མེད་པར་ཅི་ཕྱིར་བླ་མ་དང་འགུ་རུང་ཟེར་རྒྱུ་བྲིས་པ་ཡིན་ནམ་བྱུང་པ་ཡིན་ཟེར་ནས་སྐད་འཕྲིན་ཚོགས་པའི་ནང་དང་། དུས་རྒྱུན་མི་རྣམས་སྐར་སྐར་དང་སྐོར་སྐོར་བྱས་ནས་གཏམ་གླེང་ནན་པོ་བྱེད་པ་མཐོང་། དེ་ལ་ངས་ཆོབ་གཅིག་སྨྲས་ན།

སྔོན་རྒྱལ་པོ་འབི་རན་དྷ་རས་སྤྱང་དྲུང་ལྡན་པའི་གཞུང་ཞབས་གཉིས་འདེམས་བསྐོད་མཛད་ནས་མཐའ་འཚམས་ས་ཁུལ་དུ་ཡོད་པའི་མི་རྣམས་ལ་ངོས་སྦྱོར་བཟོ་རུ་འགྲོ་དགོས་པར་བཀའ་གནང་། ཁོང་གཉིས་ལ་རང་གི་ཡབ་རྒྱལ་པོར་དབྱིན་འཇི་རྒྱལ་པོས་ཕྱག་རྟགས་སུ་ཕུལ་བའི་པར་ཆས་སྤུས་ལེགས་པར་ད་ལྟ་རྒྱབ་ནས་སྐར་ཆ་ཁ་ཤས་རྗེས་ལ་ལྟ་རྒྱུ་ཡོད་པ་གཅིག་ཡོད་པ་དེ་དང་། ངོས་སྦྱོར་འབྲི་ས་དེང་དུས་ཀྱི་ཞལ་འདེབས་དཔྱད་སྡེབ་འདྲ་བ་ཁག་གཅིག་བསྐུར། དེ་ནས་ཁོང་གཉིས་རི་ལུང་བགྲོད་ནས་དོལ་པོར་བསླེབས།  སྐབས་དེ་དུས་དོལ་པོར་བལ་སྐད་ཤེས་མཁན་དཀོན་པོ་ཡིན། འགའ་རེས་ཤེས་ཀྱང་སྐད་ཆག་གྲུམ་ཤོར་བ་དང་སྒྲ་མ་དག་པ་མགོ་མཇུག་ནོར་བ་མ་གཏོགས་མི་ཤེས། དེ་དག་གི་རྒྱུད་ནས་རང་གི་མིང་འདི་ཡིན་ཟེར་ཤེས་པ་ཙམ་བྱུང་།

གྲོང་ཆོག་གི་ངོ་བོ་དང་འགྱུར་བ།

རྩོམ་པ་པོ། དྷཱིཿབུ་བློ་བསྟན།

ཧ་ལམ་ཁ་བྱང་འདི་དང་འབྲེལ་ཏེ་གཏམ་གླེང་བྱས་ན་ཕལ་ཆེར་ཁ་བྱང་འདི་དང་འབྲེལ་ཡོད་ཀྱི་མྱི་མང་པོ་ཞིག་མྱིག་རྩ་དམར་པོར་ཆགས་ཤིང་ནང་སེམས་ལ་ཞེ་སྡང་ལངས་སྲིད་ལ་ཡང་ཁ་ཅིག་ཁོང་དགོད་དང་བཅས་ཏེ་དེང་སང་གི་སྐད་ཆ་ལ་མ་རྩ་མེད་རབས་བཤད་སྲིད། ཡིན་ཀྱང་སྲིད་ལ་གཅིག་ཅེ་ན་ངའི་སྐད་ཆ་འདིར་བསམ་གཞིགས་ཀྱི་རིན་ཐང་མེད་པས་ཁྱེད་ཀྱི་དུས་ཚོད་མང་པོ་ཞིག་ཤོར་ལྷག་ཏུ་གཏོང་སྲིད་པས་ཁྱོས་མ་ཉན་ན་ཆོག་ལ་མ་བལྟས་ནའང་ཆོག་མོད། སྐད་ཆ་ཞིག་ལ་འདི་འདྲ་ཞིག་ཡོད། འདི་ལ་ཉན་འདོད་མེད་ཀྱང་བཤད་ན་འདོད་ཟེར་བ་ལྟར་ངས་ཀྱང་བཤད་ན་འདོད་སོང་། ལོས་ཡིན་ངས་བཤད་ན་ལོས་འདོད་ང་ཁོར་ཡུག་འདིར་སྐྱེས་བའི་མྱི་ཡིན། ང་ཁོར་ཡུག་འདིར་གོམས་ཤིང་ཁོར་ཡུག་འདིས་འཚོས་ཡོད། ངས་རང་གི་ཁོར་ཡུག་འདིའི་དབྱར་ཟླ་གསུམ་གྱི་མཛེས་པ་དང་དགུན་ཟླ་གསུམ་གྱི་གྲང་རླུང་ལག་པས་ཚོར་ཤིང་མིག་གིས་མཐོང་ཡོད། དེ་བས་ང་དང་ང་ལྟ་བུས་བཤད་ན་ད་བཟོད་བཤད་པའི་རིན་ཐང་ཡོད་ལ་དྲང་བདེན་ཡང་ཡིན། འདི་ནི་ངས་རང་ཉིད་ཀྱི་མིག་མཐོང་ལག་ཟིན་དང་རང་ཉིད་ཀྱི་བསམ་གཞིག་གི་ནུས་རྩལ་ལས་བཏོན་པ་ཡིན་ཙ་ན་མ་དག་པ་དག་པར་སྦྱང་མཁན་དང་ཐམས་ཅད་དག་སྣང་དུ་ལྟ་མཁན་རྣམས་ལ་དགོངས་འཆར་བསྩོལ་བའི་རེ་བ་ཅང་མེད།

ཏོག་དབྱིབས་ནད་དུག་རྗེས་ཀྱི་འཛམ་གླིང་། (རྒྱལ་སྤྱིའི་གྲགས་རྩོམ།)

བསྒྱུར་བ་པོའི་གཏམ།

བསྒྱུར་བ་པོ། རྫ་ཚེ་རིང་བཀྲ་ཤིས།

དེ་ཡང་རྩོམ་ཡིག་འདི་ནི། སྐད་ཡིག་བཞི་བཅུ་ཞེ་ལྔར་བསྒྱུར་ཡོད་པའི་འཇིག་རྟེན་ན་སྙན་གྲགས་ཆེ་བའི་དེབ་«འགྲོ་བ་མིའི་ལོ་རྒྱུས་མདོར་སྡུས་»ཀྱི་རྩོམ་པ་པོ་ཡོའུ་ཝེལ་ནོཝཱ་ཧཱ་ར་རིས་ཀྱིས་བརྩམས་ཤིང་། བདུན་ཕྲག་སྔ་མའི་མཇུག་ཏུ་ (2020/4/5) དཔལ་འབྱོར་དུས་བབ་ཏུ་བཀོད་པའི་རྒྱལ་སྤྱིའི་གྲགས་ཅན་རྩོམ་ཡིག་ཅིག་སྟེ། ད་ཐེངས་ཀྱི་ཏོག་དབྱིབས་ནད་དུག་དང་འབྲེལ་བའི་བསམ་གཞིག་གལ་ཆེན་ཞིག་ཀྱང་ཡིན། དེའི་ནས་ད་ཐེངས་གུས་པས་དུས་ཚོད་ཅུང་ཟད་བཏང་ནས་རྒྱ་ཡིག་ནས་བོད་ཡིག་ཏུ་བསྒྱུར་བ་ཡིན། ངས་བསམ་ན། ཁོང་གི་འཆར་སྣང་དང་དགོངས་ཚུལ་འདི་དག་ད་ལྟའི་ཆར་ང་ཚོ་ལ་གལ་ཆེན་པོ་ཆགས་ཀྱི་ཡོད།

དེ་ཡང་བླ་མ་སྤྱན་རིས་གཟིགས་ཀྱིས། ང་ཚོའི་དུས་ཀྱི་སྐྱོ་གནས་མཐའ་དག་སྤྱི་ཡོངས་ཀྱི་ཆ་ནས་ཕན་མེད་ཅིག་མིན། ཞེས་གསུངས་པ་དང་། དམ་པའི་ཆོས་རིན་པོ་ཆེའི་བསླབ་བྱ་དག་གི་ནང་དུའང་། རྐྱེན་ངན་གྲོགས་སུ་ཤར་བ་དང་། འགལ་རྐྱེན་ལམ་དུ་སློང་བ་ཞེས་ཡང་ཡང་འབྱུང་བ་དེའང་ཉམས་ཉེན་གོ་སྐབས་སུ་བསྒྱུར་ནས་བཟང་ཕྱོགས་ཀྱི་མ་འོངས་པ་ཞིག་ལ་རེ་བ་དང་གྲ་སྒྲིག་གི་ཆོད་སེམས་དང་ངོས་འཛིན་ཡོད་དགོས་པའི་དོན་ལོས་ཡིན།

གངས་རིའི་སྙན་ངག་པ།

ཁུ་འཕངས་ཀྱིས་བརྩམས་པའི་«གསང་གཏམ་དམར་པོ་»ཡི་གླེང་བརྗོད།

འབུམ་རམས་པ་ཆོས་འཁོར་ཚང་ཉི་མ་འོད་ཟེར།

༼གཟུགས།༽

བརྒྱ་ཕྲག་བཅུ་དགུ་པའི་ལོ་རབས་དགུ་བཅུར་ (༡༩༩༠) གཞི་ནས་བྱེས་འབྱོར་བོད་མིའི་ཁྲོད་ཀྱི་སྒྱུ་རྩལ་རྩོམ་རིག་པའི་སྨྱུག་ཁ་ལ་ངར་ཤུགས་རྒྱས་པ་ཤིན་ཏུ་མད་ཅིང་། ངར་ཁ་དེའང་ཧི་མ་ལ་ཡའི་རི་རྒྱུད་ཀྱི་ཕར་ངོས་ནས་གསར་དུ་ཕེབས་པ་རྣམས་ཀྱིས་བླུད་པ་དེ་བས་ཀྱང་བདེན། འོན་ཀྱང་། རང་བསྟོད་རང་ལ་མི་འཚམ་པས། གནད་དོན་འདི་དག་གསར་རྙིང་གང་དུའང་མི་ཐེ་བའི་དོལ་པོ་བ་བདག་གིས་གླེང་ན་འོས་སུ་འཚམས།

ལོ་དེར་འདི་གའི་༸དཔལ་གཤེན་བསྟན་སྨན་རིའི་གླིང་ལ་མཚོན་ན། <<བོན་སྒོ་>>ལོ་དེབ་འདོན་ཐེངས་བཞི་པར་སླེབས་ཡོད་པས། རྩོམ་རིག་གི་བྱ་བཞག་ལ་ཞབས་འདེགས་མི་དམན་ཙམ་ཞུས་ཟིན་ལ། ད་དུང་འདི་ནས་སྒྱུ་རྩལ་རྩོམ་རིག་གི་དྭ་ཕྲུག་འཚོ་སྐྱོང་དང་། གསར་སྐྱེས་རྩོམ་པ་པོ་སྐྱེད་སྲིང་ཡང་གང་འཚམས་མཛད་དང་མཛད་མུས་ལས་”ཁུ་འཕངས་“ནི་སྐབས་བབ་ཀྱི་མཚན་གཞི་ཡིན། 

ཏོག་དབྱིབས་ལམ་འཁྱེར་གནད་ཀྱི་གདམས་པ།

ངེས་པ་དོན་གྱི་མཁས་བཙུན་གྲུབ་པའི་རྣལ་འབྱོར་བ་སྐྱབས་རྗེ་བླ་མ་གཟན་དཀར་མཆོག་གིས་མཛད་པའི་《ཏོག་དབྱིབས་ལམ་འཁྱེར་གནད་ཀྱི་གདམས་པ།》(མཚན་འདི་རྫ་ཚེ་རིང་བཀྲ་ཤིས་ཀྱིས་གསོལ་བ་ཡིན།)འདི་ཀུན་གྱིས་ཐུགས་དམ་དུ་མཛད་པར་ཞུ།

ནད་འདིས་ང་རྒྱལ་རི་བོ་བཅོམ། །
ནད་འདིས་འདོད་ཆགས་ཧམ་སེམས་བསད། །

ནད་འདིས་གཏི་མུག་གཉིད་ལས་སད། །
ནད་འདིས་ངེས་འབྱུང་སྐྱོ་ཤས་དྲན། །

ནད་འདིས་འཆི་བ་མི་རྟག་དྲན། །
ནད་འདིས་དགེ་སྡིག་བླང་དོར་ཤེས། །

ནད་འདིས་བསགས་སྦྱང་མཚམས་བསྙེན་འགྲུབ། །
ནད་འདིས་སྙིང་རྗེ་བྱང་སེམས་དྲན། །

ནད་འདི་དགེ་བའི་བཤེས་དང་འདྲ། །
ནད་འདི་དམ་པའི་ཆོས་དང་འདྲ། །

ནད་འདི་དྲང་པོའི་ཁྲིམས་དང་འདྲ། །
ནད་འདིས་གཙང་སྦྲ་འཕྲོད་བསྟེན་ཤེས། །

བོན་ཞེས་པའི་ཡིག་འབྲུའི་གོ་དོན་སྐོར་གླེང་བ།

རྩོམ་པ་པོ། ཁྲ་འཛུམ་དགའ། ལྷོ་རོང་། 

༡༽ གདོད་མའི་བོན་ངོས་འཛིན་ཚུལ།

གདོད་མའི་བོན་ནི་གང་ཟག་ཆེ་གེ་མོས་སྲོལ་གཏོད་ལས་བྱུང་བ་མ་ཡིན་པར་རང་བྱུང་ཆོས་ལུགས་ཀྱི་སྣང་ཚུལ་ལས་རིམ་བཞིན་གདོད་མའི་མི་རྣམས་ཀྱི་བསམ་བློའི་ཆོས་ལུགས་ཤིག་ཏུ་འགྱུར་བར་བཤད་ཡོད། དེ་ཡང་གདོད་མའི་རང་བྱུང་ཁམས་ཀྱི་སྣང་ཚུལ་སྣ་ཚོགས་ཏེ་ཉི་ཟླའི་འཁོར་སྐྱོད། དུས་བཞིའི་འགྱུར་ལྡོག ཆར་འབབ་སྤྲིན་ལྡང་། གཅན་གཟན་གྱི་གདུག་པ་ལ་སོགས་པས་རྐྱེན་གདོད་མའི་མི་རྣམས་བསམ་གཞིགས་ཀྱི་ནུས་པ་ཆེས་ཞན་པས་འཇིགས་སྣང་གི་སྣང་ཚུལ་དེ་དག་རང་བྱུང་ཁམས་ཀྱི་ཆོས་ཉིད་ཅིག་ཡིན་པར་རྟོགས་མ་ཐུབ་པར་དེ་ལས་བརྒལ་བའི་སྟོབས་ཤུགས་ཤིག་ཡིན་པར་འདོད་དེ་ལྐོག་འགྱུར་གྱི་ལྷ་དང་འདྲེ་རུ་བརྩིས་ནས་དད་མོས་མཆོད་གསོལ་བྱེད་དེ་རང་བྱུང་གི་རི་ཆུ་ལ་དད་པ། སྐྱེ་དངོས་ལ་དད་པའི་སྣང་ཚུལ་སོགས་བྱུང་བར་བཤད། 

ཕྲག་དོག་གི་གནོད་པ་ཆེན་པོ་བརྒྱད།

ཕྲག་དོག་ནི་གནོད་པ་ཤིན་ཏུ་ཆེ་བའི་སྤྱོད་ངན་ཞིག་རེད། ཕྲག་དོག་གིས་འཚོ་བ་དང་མི་ཚེ། ད་དུང་བྱ་གཞག་དང་ལས་དོན་སོགས་ལ་གནོད་པ་བཟོ་སྲིད། དེ་བས་ཕེའུ་ཀན་ལགས་ཀྱིས་གསུངས་རྒྱུར། ཕྲག་དོག་ནི་གནོད་པ་ཆེ་བའི་གདོན་འདྲེ་ཞིག་དང་འདྲ་བར་མི་ཡུལ་གྱི་བདེ་སྐྱིད་ལ་གཏོར་སྐྱོན་ཆེན་པོ་བཟོ་སྲིད། གཤམ་དུ་ཕྲག་དོག་གི་གནོད་པ་ཆེན་པོ་དྲུག་རེ་རེའི་བཞིན་ངོ་སྤྲོད་བྱའོ།། 

དམར་གཙང་བྲག་ནས་དམར་གཡོ་གཙང་གསུམ་མཇལ་བ།

སེར་ཚང་པ།  ནང་ཆེན།

ཉིན་འགའ་ཡི་སྔོན་དུ་དགེ་རྒན་རིན་པོ་ཆེ་ནང་ཆེན་བསོད་ནམས་མཆོག་དང་གྲོགས་པོ་འཇམ་དབྱངས་ཕུན་ཚོགས་གཉིས་ཀྱི་ལྷན་དུ་དམར་གཙང་དགོན་པར་མཇལ་སྐོར་དུ་འགྲོ་གྲབས་བྱས་ཏེ་ཟི་ལིང་མེ་འཁོར་འབབ་ཚིགས་སུ་སོང་བ་ཡིན།   ཉིན་དེར་མཁན་པོ་ཚུལ་ཁྲིམས་རྣམ་རྒྱལ་ཡང་ངེད་ཚོའི་མཉམ་དུ་འགྲོ་རྒྱུར་བྱུང་བས་མགྲོན་འཁོར་སྟབས་བདེ་ཞིག་ཏུ་བསྡད་དེ་དམར་གཙང་དགོན་པའི་ཕྱོགས་སུ་སོང་།  སྤྱིར་ལྗོངས་རྒྱུར་འགྲོ་བ་ནི་དགའ་འོས་པའི་དོན་བཟང་ཞིག་ཡིན་པར་མ་ཟད། ལྗོངས་རྒྱུར་འགྲོ་བ་ནི་རིག་གནས་འཚོལ་ཞིབ་ཏུ་འགྲོ་བ་རེད།  ང་ལ་མཚོན་ན་གནའ་ཤུལ་མང་པོ་ཞིག་མཇལ་བ་ནི་ངག་སྨྲ་མི་ཤེས་པའི་གླེགས་བམ་འཐུག་པོ་ཞིག་ཁ་ཕྱེས་པ་དང་གཉིས་སུ་མེད།  ད་ཐེངས་ཟི་ལིང་དུ་ཅུང་འདུག་ཡུན་རིང་བ་དང་།  བདག་སྔ་མོ་ནས་དམར་གཙང་དགོན་དུ་འགྲོ་འདོད་ཆེ་བར་མ་ཟད།   དམར་གཡོ་གཙང་གསུམ་གྱི་མཛད་རྗེས་ཕྱོགས་རེ་བ་ཞིག་མཐོང་ཐོས་མྱོང་བས་ལུས་ངག་ཡིད་གསུམ་གྱིས་དམར་གཙང་དགོན་པ་མཇལ་འདུན་སྐྱེས།  ཉིས་སྟོང་བཅུ་དགུའི་ཟླ་བ་བཅུ་པའི་སྟོད་ཀྱི་རྒྱལ་སྟོན་དུས་ཆེན་སྐབས་སློབ་གྲོགས་ཞིག་དང་མཉམ་དུ་དམར་གཙང་དགོན་དུ་འགྲོ་རྒྱུ་ཐག་བཅད་ཀྱང་།  གནས་ཚུལ་དམིགས་བསལ་བ་ཞིག་གིས་ཕྱིར་འགྱང་མི་བྱེད་ཀ་མེད་བྱུང་།   སྐབས་དེར་སློབ་གྲོགས་མང་པོ་ཞིག་གིས་དམར་གཙང་དགོན་ཟེར་བ་ཞིག་གོ་མ་མྱོང་ལ།  དམར་གཙང་དགོན་པ་ནི་ཅི་ཞིག་ཡིན་པའང་ཤེས་ཀྱི་མི་འདུག  །འོན་ཀྱང་ཁོ་ཚོས་བཤད་རྒྱུར་ཟི་ལིང་དུ་འཕྱིན་རན་སྐབས་ཁ་ཆེའི་དགོན་པ་མང་པོ་ཞིག་མཐོང་ཡོང་ལ་དེ་དག་སྔོན་མ་ནང་པའི་དགོན་པ་རེད་ཅེས་བཤད་ཀྱི་འདུག  །

བལ་ཡུལ་ནི་ཡ་ཐོག་གི་རྒྱལ་ཕྲན་སིལ་མའི་གྲས་ཡིན་ཚུལ།

རྩོམ་པ་པོ། ར་སེ་དཀོན་རྒྱམ།

ད་ལྟའི་ཆར་བལ་ཡུལ་ནི་མི་རིགས་གཞན་གྱིས་དབང་བསྒྱུར་བའི་རྒྱལ་ཁབ་ཅིག་དང་། བོད་དང་ས་འབྲེལ་ཡིན་པས་ཚོང་འབྲེལ་ཟབ་པའི་ཡུལ་གྲུ་ཅིག་དང་། ནང་ཆོས་ཀྱི་ཐད་ནས་བོད་ལ་འབྲེལ་བ་ཟབ་པ་ཙམ་ལས། བོད་རིགས་དང་བོད་ཀྱི་ས་ཁོངས་ལ་འབྲེལ་བ་གཏན་ནས་མེད་པ་ལྟ་བུར་ཆགས་ཡོད། རང་རེའི་ལོ་རྒྱུས་ལ་གཟིགས་ཚེ་བཙན་པོ་སྲོང་བཙན་སྒམ་པོས་དམག་དཔུང་མངགས་ནས་དབང་བསྒྱུར་མཛད་དེ། རྒྱལ་པོ་གསར་པ་བསྐོས་པ་དང་ལོ་ལྟར་དཔྱ་འཇལ་དུ་བཅུག་པ་དང་། ཕྱིས་སུ་བཙན་པོ་འགའ་ཤས་དགུན་ལྟ་བུར་བལ་ཡུལ་དུ་བཞུགས་ཚུལ་ཏུན་ཧོང་ནས་ཐོན་པའི་བཙན་པོའི་རབས་ཀྱི་སྐོར་རྣམས་ཡང་ཡང་ཐོན་ཡོད་པས་ན། ལོ་ངོ་བརྒྱ་ཕྲག་ལྷག་བོད་ཀྱི་མངའ་འོག་ཏུ་གནས་འདུག་ཅེས་དེང་རབས་ལོ་རྒྱུས་སྨྲ་བ་དག་གིས་ཀྱང་ཡང་ཡང་གླེང་བ་འདི་བྱུང་འདུག

ང་ཚོ་ཚང་མས་ཤེས་དགོས་པའི་ཚེ་ཚད་ཇེ་རིང་དུ་གཏོང་ཐབས་ཉི་ཤུ་ཐམ་པ།

གཅིག གཞས་གཏོང་བ།  

ཨ་རིའི་རྒན་རྒོན་ཞིབ་འཇུག་ལྟེ་གནས་ཀྱིས་ཞིབ་འཇུག་ལས་ཤེས་རྟོགས་བྱུང་བར་ལྟར་ན། གླུ་གཞས་ལ་མཁས་པའི་སྙིང་ཁམས་ནུས་པ་མི་དཀྱུས་མ་ལས་འཕར་ཤུགས་ཆེ་བར་ཡོད་པ་དང་། གླུ་བཏང་ན་ཚེ་རིང་དུ་འགྲོ་གིན་ཡོད་ཚུལ་ཤེས། 

གཉིས། རྒྱུག་ཤར་གློད་པ།   

ཨ་རིའི་ཉིའུ་ཡོག་དུས་དེབ་ནང་བཀོད་པ་ལྟར་ན། ཉིན་ལྟར་རྒྱུག་ཤར་གློད་པའི་གོམས་གཤིས་ཡོད་མཁན་གྱི་མིའི་ཚེ་ལོ་གསུམ་གྱིས་རིང་དུ་འགྲོ་གིན་ཡོད་པ་དང་། ཉིན་ལྟར་སྐར་མ་ལྔ་རྒྱུག་ཤར་གློད་པའི་གོམས་གཤིས་རྒྱུན་འཁྱོངས་ཐུབ་ཚེ་གཟུགས་གཞི་བདེ་ཐང་ཡོང་ཐུབ། ​

ཐོན་ལ་ཉེ་བའི་དེབ་གསར་གསལ་བརྡ།

སྔ་འགྱུར་རིག་མཛོད་རྩོམ་སྒྲིག་གི་ངོ་དེབ་དྲྭ་བ་ལས་བཤུས།

༈ རྒྱ་ཆེའི་གཟིགས་པ་པོ་ཡོངས་ལ་ཆེད་དུ་ཞུ་རྒྱུར།

       འདི་ག་སྔ་འགྱུར་མཐོ་སློབ་མདོ་སྔགས་རིག་པའི་འབྱུང་གནས་གླིང་འདི་ནས་བསླབ་པ་མཐར་སོན་པའི་མཁན་སློབ་དགེ་བའི་བཤེས་གཉེན་བརྒྱ་ཕྲག་ལྔ་ལྷག ལོ་རེར་མཐོ་སློབ་ཆེན་མོ་འདིས་གཙོས་པའི་འཛམ་གླིང་གི་ཡུལ་གྲུ་གང་སར་བཤད་སྒྲུབ་ཀྱི་བསྟན་པ་རྒྱ་ཆེར་སྤེལ་མུས་སུ་ལགས་ཤིང་། ཁོང་རྣམ་པའི་བཤད་པའི་ཁྲིད་དང་ལུང་གི་བརྒྱུད་པ་དེ་འདི་གའི་མཐོ་སློབ་ཆེན་མོའི་རྩ་བ་དང་ཡན་ལག་གི་སློབ་ཚན་མདོ་སྔགས་རིག་གནས་དང་བཅས་པའི་ཁྲིད་དང་ལུང་གི་བརྒྱུད་ཚུལ་ལ་རག་ལས་པས། དེ་ཡང་ཕུགས་དེད་ན་ཆུ་འགོ་གངས་ལ་ཐུག་པ་ལྟར་གཙོ་བོ་མཁན་ཆེན་རྣམ་གསུམ་ལ་ཐུག་གི་ཡོད་སྟབས། ད་ལྟ་མཁན་ཆེན་རྣམ་གསུམ་དངོས་སུ་ཞལ་བཞུགས་པའི་གོ་སྐབས་བཟང་པོ་འདི་དང་བསྟུན་ནས། ང་ཚོས་སྤྱིར་སངས་རྒྱས་ཀྱི་བསྟན་པ། ཡང་སྒོས་གསང་ཆེན་སྔ་འགྱུར་རྙིང་མ་བ་དང་། ཁྱད་པར་དུ་མཐོ་སློབ་ཆེན་མོའི་དགེ་སློབ་ཡོངས་ལ་དམིགས་ནས། མཐོ་སློབ་འདིའི་མདོ་སྔགས་རིག་གནས་དང་བཅས་པའི་ཁྲིད་དང་ལུང་གི་བརྒྱུད་ཚུལ་ཞིག་ཁ་གསལ་དགོས་ངེས་ཆེ་བར་མཐོང་ནས། འདི་ལོའི་དགུན་ཁའི་གུང་གསེང་དང་སྟབས་བསྟུན་ནས་«སྔ་འགྱུར་མཐོ་སློབ་མདོ་སྔགས་རིག་པའི་འབྱུང་གནས་གླིང་གི་རྩ་བ་དང་ཡན་ལག་གི་སློབ་ཚན་རྣམས་ཀྱི་ཁྲིད་དང་ལུང་གི་རྒྱུན་མཁན་ཆེན་རྣམ་གསུམ་བར་ཇི་ལྟར་བརྒྱུད་ཚུལ་འདོད་འབྱུང་ནོར་བུའི་ཕྲེང་བ།»ཞེས་པའི་དཔེ་དེབ་འདི་ཉིད་རྩོམ་སྒྲིག་ཞུས་པ་ལགས་ན། རྒྱ་ཆེའི་གཟིགས་པ་པོ་ཡོངས་ཀྱི་སྤྱན་སྔར་མི་རིང་བར་ཐོན་ལ་ཉེ་བས་དགྱེས་གཟིགས་གནང་ཆོག 

སྔ་འགྱུར་རིག་མཛོད་རྩོམ་སྒྲིག་ལྷན་ཁང་ནས། སྤྱི་ལོ་ ༢༠༢༠ ཟླ་བ་ ༠༤ ཚེས་ ༠༦ ཉིན།

ཏུན་ཧོང་ཡིག་ཚགས་ P.T.996 པ་དང་འབྲེལ་ཏེ་གནུབས་ནམ་མཁའི་སྙིང་པོའི་ལོ་རྒྱུས་ལ་གསར་དུ་དཔྱད་པ།

འཇམ་རྐང་གསང་བདག་ཚེ་རིང་།

ནང་དོན་གནད་བསྡུས། དཔྱད་རྩོམ་འདིར་ཏུན་ཧོང་ཡིག་ཚགས་ P.T.996 པར་བྱུང་བའི་མཁན་པོ་ནམ་མཁའི་སྙིང་པོའི་ལོ་རྒྱུས་གཙོ་གནད་དུ་བཟུང་སྟེ། ཕྱིས་བྱུང་ཆོས་འབྱུང་དེབ་ཐེར་ལས་བྱུང་བའི་གནུབས་ནམ་མཁའི་སྙིང་པོ་དང་ཕན་ཚུན་ཞིབ་བསྡུར་བྱས་པ་བརྒྱུད། དེ་གཉིས་གང་ཟག་གཅིག་ཡིན་ཚུལ་གྱི་སྡོམ་ཚིག་བཞག་ཡོད་ལ། ཞོར་དུ་བོད་བཙན་པོའི་དུས་སྐབས་ཀྱི་གནུབས་ཀྱི་རུས་རྒྱུད་ལས་འཁྲུངས་པའི་སྐྱེས་ཆེན་སྐོར་ཞིག་ངོ་སྤྲོད་བྱས་པ་དང་སྦྲགས། གནུབས་ཀྱི་རུས་རྒྱུད་དེ་མདོ་སྨད་ཙོང་ཁ་དང་ཁྲི་ཀའི་རྒྱུད་དུ་ཇི་ལྟར་དར་ཚུལ་སྐོར་ལ་དཔྱད་ཡོད།

བརྡ་ཆད་གཙོ་བོ། P.T.996 གནུབས་ནམ་མཁའི་སྙིང་པོ། ཙོང་ཁ། ཁྲི་ཀ 

གླེང་གཞི།

གནུབས་ནམ་མཁའི་སྙིང་པོ་ནི་བོད་བཙན་པོའི་རྒྱལ་རབས་དུས་མཇུག་སྐབས་ཀྱི་ཆོས་ཕྱོགས་ཀྱི་མི་སྣ་གལ་ཆེན་ཞིག་ཡིན་ལ། བོད་དར་བསམ་གཏན་ཆོས་ལུགས་དང་ལྷག་པར་དུ་མདོ་སྨད་ཕྱོགས་ཀྱི་ཆོས་སྲིད་གནས་བབ་ཁྲོད་གོ་གནས་ངེས་ཅན་ཞིག་བཟུང་ཡོད། ཁོང་གི་ལོ་རྒྱུས་དང་མཛད་འཕྲིན་མདོར་བསྡུས་ཤིག་ཏུན་ཧོང་ཡིག་ཚགས་ P.T.996 པར་བྱུང་ཡོད་པར་མ་ཟད། ཕྱིས་བྱུང་ཆོས་འབྱུང་དང་དེབ་ཐེར་ཁག་གི་ཁྲོད་དུའང་ཉུང་ཙམ་རེ་བྱུང་འདུག་ལ། དེའི་སྐོར་གྱི་དཔྱད་འབྲས་ཀྱང་རེ་གཉིས་ཙམ་འདུག ཡིན་ནའང་བརྗོད་ལུགས་དེ་དག་ཕན་ཚུན་བསྡུར་ཅིང་དཔྱད་ན། ཁ་མི་མཐུན་ས་དང་འཐུས་མི་ཚང་ས་སོགས་མང་བས། ཁུངས་བཙུན་གྱི་ཡིག་ཚང་ལ་རྒྱབ་བརྟེན་ཅིང་ཡུལ་དངོས་རྟོག་ཞིབ་ཀྱི་ཐབས་སྤྱད་ནས། ཕན་ཚུན་གཤིབ་བསྡུར་གྱི་ཚུལ་གྱིས་ལོ་རྒྱུས་གུང་བསྒྲིགས་ཏེ་ཕྱོགས་ཡོངས་ནས་གནུབས་ནམ་མཁའི་སྙིང་པོར་ཞིབ་འཇུག་བྱ་རྒྱུ་ནི་རིན་ཐང་ཆེ་བར་འདོད།