བོད་ཀྱི་ཡུལ་སྐད་དང་རིག་གནས་ལོ་རྒྱུས་ཀྱི་འབྲེལ་བའི་སྐོར་རགས་ཙམ་བརྗོད་པ།

རྩོམ་པ་པོ། སུམ་བྷ་དོན་གྲུབ་ཚེ་རིང་།

ནང་དོན་གནད་བསྡུས། མི་རིགས་ཤིག་གི་རིག་གནས་ལ་བྱེ་བྲག་ཏུ་ལེ་ལག་གྱེས་སྟངས་མི་འདྲ་བ་བྱུང་བ་དང་བསྟུན་ནས། སྐད་བརྡ་ལའང་བྱེ་བྲག་ཏུ་ཡུལ་ལུང་གི་སྐད་ཀྱི་དབྱེ་བའམ་ཁྱད་པར་ཇི་སྙེད་ཅིག་བྱུང་ལགས་ན། འདིར་ཡུལ་སྐད་དང་རིག་གནས་ལོ་རྒྱུས་ཀྱི་སྤྱིའམ་བྱེ་བྲག་པའི་འབྲེལ་བ་དང་། རིག་གནས་དང་འབྲེལ་བའི་ཡུལ་སྐད་ཀྱི་སྣང་ཚུལ་དང་། དེའི་བརྟག་ཐབས་སོགས་ཞིབ་རྒྱས་སུ་སྤྲོས་ནས། བོད་ཀྱི་རིག་གནས་ཀྱི་ལེ་ལག་དང་ཡུལ་སྐད་དབར་གྱི་ལྟོས་གྲུབ་ཀྱི་འབྲེལ་བའི་སྐོར་ལ་དཔྱད་ཞིབ་བྱས་ཡོད།

བརྡ་ཆད་གཙོ་བོ། བོད་རིགས། རིག་གནས་ཀྱི་ལེ་ལག ཡུལ་སྐད། འབྲེལ་བ།

ལྷ་སྲས་གཞོན་ནུ།

རྩོམ་པ་པོ། དོལ་པོ་ས་འདང་བ་པདྨ་རྒྱལ་མཚན། (སྔ་འགྱུར་མཐོ་སློབ་ཆེན་མོ།)

ཤར་ཕྱོགས་རི་བོའི་རྩེ་ནས།།

སེམས་ཀྱི་ཟླ་བ་བཞད་བྱུང་།།

མ་བཅོས་ཟླ་བའི་རང་མདངས།།

རྒྱལ་ཁམས་ཡོངས་ལ་ཁྱབ་སོང་།།

མཁན་ཆེན་པདྨ་ཤེས་རབ་མཆོག་ལ་བསྔགས་པ་གསེར་སྦྲང་ཁྱེད་ལ་འཛུམ་གྱི་བསུས་མ་ཞིག

རྩོམ་པ་པོ། སློབ་དཔོན་འཆི་མེད་ནོར་བུ་དོལ་པོ། 

གླིང་བཞིའི་ཕུན་ཚོགས་མ་ལུས་བཟླུམས་པའི་དཔྱིད།།

བརྒྱུད་གསུམ་རིག་འཛིན་བླ་མས་བསྔགས་པའི་ཡུལ།།

དམར་སེར་ངུར་སྨྲིག་ཅན་རྣམས་དགའ་བའི་གྲོང་།།

གནས་འདིར་ཁྱེད་ལ་མོས་པའི་དད་ལྡན་མང་།། 

ཕྱི་ནང་གསང་གསུམ་གྱི་ཐེག་པ་རིམ་དགུ།

རྩོམ་པ་པོ། དྲང་ཐིག (བོད་ནང་།)

༡ ཉན་ཐོས།

སྐྱོ་ཤས་ངེས་འབྱུང་མགྲིན་གླུ་རང་དོན་དུ་འགུག་བཞིན།།

བདེན་བཞི་མེ་ཏོག་བཀྲ་བའི་དགའ་ཚལ་དུ་རྩེན་པའི།།

ཚུལ་གནས་ཐོས་པའི་གཤོག་ཟུང་ལྷབ་ལྷུབ་ཏུ་རྐྱོང་མཁན།།

ཉན་ཐོས་བུང་བའི་ཚོགས་ཀྱིས་སྒོམ་པ་ལའང་འབད་དོ།།

མགོན་པོ་དར་རྒྱས་ཀྱིས་བརྩམས་པའི་རང་གི་བླ་མ་རྗེས་སུ་དྲན་པའི་གདུང་དབྱངས་བསྟོད་ཚན་གསུམ།

༼བསྟོད་ཚན་དང་པོ།༽

རྣམ་དག་ཆོས་སྐུའི་ཀློང་ལ་ཡེ་ཟད་དུ་གདལ་ཡང་།།

རང་ངོར་རིག་པའི་རྩལ་ལ་འགག་མེད་དུ་ཤར་བའི།།

སྐུ་གསུམ་ཞིང་ཁམས་མ་འདྲེས་འཇའ་ཚོན་ལྟར་སྣང་བ།།

སྤྲུལ་བའི་སྤྲུལ་བ་སྐུ་གསུམ་སྟོན་པ་དེ་མཁྱེན་ནོ།།

བསྔགས་པ་གླུ་མ་འབུམ་གྱི་མགྲིན་བཟང་ནས་དྲངས་པའི་དབྱངས།

 རྩོམ་པ་པོ། དོལ་པོ་ཀ་རང་བ་པདྨ་རྒྱལ་མཚན། 

ཇི་ལྟར་འོ་མའི་མཚོ་ནས་བླངས་ལྟའི་སྐུ།།
ཞལ་གྱིས་སྟོན་ཀའི་ཟླ་བའི་དཔལ་དེ་འཕྲོག།
པདྨའི་དབུས་ནས་དྲངས་འདྲའི་དགྱེས་པ་མཛེས།།
ཨ་ཧོ་མཐོང་གྲོལ་མཇལ་འདི་སྐལ་བ་སྦོམ།།

མངའ་རིས་སྒྲ་སྙན་ལ་གཤོག་པ་འཛུག་མཁན།

རྩོམ་པ་པོ། གངས་སེང་དཀར་མོ། 

མངའ་རིས་སྒྲ་སྙན་གན་ད་ལོ་གནམ་ལ་འཕུར།།

གཤོག་པ་འཛུག་མཁན་ལ་ཕོ་སར་དྭངས་མ་ཞིག།

ལག་པའི་སོར་རྩེ་ཡི་སྒྱུ་འཕྲུལ་ཉམས་བརྒྱ་དེས།།

གངས་རིའི་འཇིག་རྟེན་གྱི་རི་ཆུ་ཤིག་ཤིག་བསྒུལ།།

མུན་ནག་ནས་མཆེད་པའི་མར་མེ་རྐང་གཅིག

རྩོམ་པ་པོ། ཚེ་རིང་བླ་མ།

ཨེ་མ་སྨྲ་བསམ་བརྗོད་མེད་དེ་རིང་གི་དུས་ཚོད།།

རྒྱ་མཚོའི་ཆུ་ཐིགས་འཐུང་བའི་ཉི་མ་འདི་བཟང་བ།།
བསྐལ་པ་བརྒྱ་རུ་བསགས་པའི་བསོད་ནམས་ཀྱི་ཕུང་པོས།།
དེ་རིང་མུན་པའི་གླིང་ནས་འོད་སྟོང་ཞིག་འགྱེད་བྱུང་།།

ངོ་ཚ་ཞེ་ཁྲེལ་མེད་པར་ཐེག་ཆེན་དུ་རློམ་པའི་སློབ་གསོའི་རང་གཟུགས།

རྩོམ་པ་པོ། མཁས་དབང་ར་སེ་དཀོན་མཆོག་རྒྱ་མཚོ།

ཁ་བྱང་འདི་ལྟར་འདོགས་དོན་ནི། རང་རེ་གདོང་དམར་བའི་རིགས་འདི་ཉིད་རང་བཞིན་གྱིས་ཐེག་པ་ཆེན་པོའི་རིགས་ཡིན་རབས་ཤོད་བཞིན་དུ། དོན་དངོས་སུ་རང་རིགས་གདོང་དམར་བའི་རིགས་ལ་རིགས་རུས་མཆོག་དམན་གྱི་ལྟ་ངན་རྒྱུན་ཆགས་སུ་སྤེལ་བར་བྱས་ནས། མགར་བའི་ལས་རིགས་དང་། བཤས་པའི་ལས་རིགས་དང་བུད་མེད་སོགས་མི་གྲལ་དུ་མི་འཇོག་པའི་མཐོང་ཆུང་ཚད་མེད་བྱེད་ཅིང་། དུས་ད་ལྟའང་དེ་རིགས་གུ་ཡངས་མི་གཏོང་བའི་མི་གཤིས་ཀྱི་གདོང་འབགས་གསལ་པོར་རིག་ཐུབ་པའི་ཆེད་དུ་ཡིན་ནོ།།

«སྙན་ངག་སྨྲ་བའི་རི་ཁྲོད་པ།»མགྱོགས་བྲིས་མ།

རྩོམ་པ་པོ། གངས་སེང་དཀར་མོ། 

ས་འཕྱོངས་རྒྱས་ཀྱི་ཞིང་ལ་ལོ་ཐོག་འཁྲུངས།།

ཆོས་སྙིང་ཏིག་གི་བསྟན་ལ་ཚངས་ཐིག་གདབ།།

སྨན་དབྱངས་ཅན་མའི་བརྩེ་བ་ཞུགས་ས་ནས།།

གཞུང་རྒྱ་མཚོ་ཙམ་སྙན་པའི་དབྱངས་སུ་ཕབ།།

འཇང་གི་ཡུལ་ལྗོངས།

རྩོམ་པ་པོ། རོང་ཕྲུག (དོལ་པོ་འཇིགས་མེད་རྣམ་རྒྱལ།)

འཇིགས་རུང་བྲག་རིས་མཐའ་ནས་གཡོགས་པ།།

དྭངས་གཙང་ས་གཞི་ལེབ་མོའི་སྟེང་དུ།།

ཁང་ཁྱིམ་མཎྜལ་ཚོམ་བུ་བཀོད་པའི།།

སུམ་རྩེན་མཚུངས་པའི་འཇང་གི་ཡུལ་ལྗོངས།།

མི་རྟག་པ།

རྩོམ་པ་པོ། པད་བཀོད་བསྟན་འཛིན་ལེགས་གྲུབ། (སྔ་འགྱུར་མཐོ་སློབ་ཆེན་མོ།)

ཧ་ཧ་ལྷན་དུ་བགད་པ་མདང་གི་གྲོགས། །

མི་རྟག་འཆི་བ་བདུད་ཀྱིས་ད་ནང་བཅོམ། །

ད་ལྟ་མཐོང་དུ་མེད་ཅིང་གཏན་དུ་ཡལ། །

འདུས་བྱས་རང་མཚང་དྲན་ན་སྙིང་རྩ་འདར། །

ཉི་བསམ་དོལ་པོའི་སྙན་ངག་ཚན་པ་གསུམ།

     འཁོར་བ།

ལོ་ཟླ་རྒས་སོང་། ཉི་འོད་རྒས་སོང་། 

ས་དང་གནམ་གྱི་དབར་ནས་མི་ཁོ་ན་ལུས་འདུག

རླུང་བུ་དེས་ཅི་ཞིག་ལ་གཡོབ་བཞིན་འདུག་ཨང་། 

ལོ་རྒྱུས་བརྟག་ཞིབ་ཀྱི་ངོས་ནས་ཧི་མ་ལ་ཡའི་ལྷོ་རྒྱུད་བལ་ཡུལ་གློ་དོལ་ཕྱོགས་ཀྱི་བོན་གྱི་ཤེས་རིག་སྐོར་གླེང་བ།

རྩོམ་པ་པོ། རྨེ་རུ་ཡུལ་ལྷ་ཐར།

    ནང་དོན་གནད་བསྡུས། གློ་བོ་དང་དོལ་པོའི་ཕྱོགས་འདི་གནའ་བོའི་དུས་སུ་བོད་ཀྱི་ཤེས་རིག་ཁྱབ་ཁོངས་དང་བོད་ཀྱི་རྒྱལ་རབས་རིམ་བྱུང་གི་མངའ་ཁོངས་ངོས་གཙང་ཡིན་པའི་སྟེང་།  བལ་པོའི་མངའ་ཞབས་སུ་བསྡད་རྗེས་ཀྱང་སྟོད་མངའ་རིས་ཕྱོགས་དང་འབྲེལ་ལམ་མང་ཙམ་བྱུང་སྟེ་དུས་ད་ལྟ་ལ་ཐུག  དེ་སྔ་ཡུལ་འདིར་བོན་གྱི་ཤེས་རིག་དར་ནུབ་བྱུང་བའི་བརྒྱུད་རིམ་ཁག་ལོ་རྒྱུས་ཡིག་ལམ་དུ་འཁོད་པ་ཕུད།  གནའ་ཤུལ་ངག་རྒྱུན་དང་དེང་དུས་ཡུལ་མིའི་འཚོ་བའི་ཁྲོད་ཀྱང་མང་དུ་མཐོང་རྒྱུ་མཆིས།  ཡུལ་དངོས་རྟོག་ཞིབ་ཀྱི་རྒྱུ་ཆ་གཞིར་བཟུང་ཞིང་གནའ་བོའི་ལོ་རྒྱུས་ཡིག་ཚང་ལ་ཁུངས་བཅོལ་ཏེ་བལྟས་ན།  གློ་དོལ་ཕྱོགས་ཀྱི་བོན་པོའི་ཤེས་རིག་གི་ལོ་རྒྱུས་དང་གནས་སྟངས་ལ་ངེས་ཤེས་རོབ་ཙམ་འདྲོངས་ནུས་ཤིང་།  དེ་ལ་བརྟེན་ནས།  བོན་གྱི་ཤེས་རིག་གིས་ཧི་མ་ལ་ཡའི་རི་རྒྱུད་མི་རིགས་ཁག་དང་བོད་གཉིས་བར་ལ་གཅོད་ཐབས་མེད་པའི་ལོ་རྒྱུས་རིག་གནས་ཀྱི་འབྲེལ་བ་གྲུབ་ལུགས་ཀྱང་རྟོགས་ཐུབ་བོ།།

བརྡ་ཆད་གཙོ་བོ།  ཧི་མ་ལ་ཡ།  བལ་ཡུལ།  གློ་དོལ།  བོན།

ས་སྐྱའི་ཞེན་པ་བཞི་བྲལ་གྱི་གནད་འགག་མདོར་བསྡུས།

 

མཛད་པ་པོ། དོལ་པོ་བླ་མ་ཤཱཀྱ་རིན་པོ་ཆེ།

ཇི་ལྟར་འབྱུང་བའི་ཁུངས།

༄།  །བླ་མ་ས་སྐྱ་པ་ཆེན་པོ་དགུང་ལོ་བཅུ་གཉིས་བཞེས་པའི་ཚེ།    །འཕགས་པ་འཇམ་པའི་དབྱངས་ཀྱི་སྒྲུབ་པ་ཟླ་བ་དྲུག་མཛད་པས།    དུས་གཅིག་གི་ཚེ་འོད་ཚོགས་ཀྱི་དབུས་ན་རིན་པོ་ཆེའི་ཁྲི་ཞིག་གི་སྟེང་ན་རྗེ་བཙུན་འཇམ་དབྱངས་དམར་སེར་ཆོས་འཆད་ཀྱི་ཕྱག་རྒྱ་ཅན།    བཟང་པོའི་སྟབས་ཀྱིས་བཞུགས་པ།   འཁོར་བྱང་ཆུབ་སེམས་དཔའ་གཉིས་གཡས་གཡོན་དུ་གནས་པ་མངོན་སུམ་དུ་གཟིགས་ཏེ་གཙོ་བོའི་ཞལ་ནས།        

ཚེ་འདི་ལ་ཞེན་ན་ཆོས་པ་མིན། །ཁམས་གསུམ་ལ་ཞེན་ན་ངེས་འབྱུང་མིན།།

བདག་དོན་ལ་ཞེན་ན་བྱང་སེམས་མིན། །འཛིན་པ་བྱུང་ན་ལྟ་བ་མིན།།

ཞེས་གསུངས་པའི་དོན་ལ་དཔྱད་པས།    ཕ་རོལ་ཏུ་ཕྱིན་པའི་ལམ་གྱི་ཉམས་ལེན་ཐམས་ཅད་ཞེན་པ་བཞི་དང་བྲལ་བའི་བློ་སྦྱོང་དུ་འདུ་བར་དགོངས་ཏེ། ཆོས་ཐམས་ཅད་ལ་ངེས་ཤེས་ཁྱད་པར་ཅན་འཁྲུངས་པ་ཡིན་ནོ།།

ལས་དབང་ཞིག་གིས་རྒྱ་བལ་བསྐོར་བའི་ཟིན་ཐོ།

རྩོམ་པ་པོ། སློབ་དཔོན་འཆི་མེད་ནོར་བུ་དོལ་པོ།

 

ང་ཚོ་དོལ་པོ་ནི་མི་འབོར་གྱི་གྲང་འབོར་ཁྲི་གཅིག་ཟིན་མ་ཟིན་ཞིག་ཡིན་ལ།  སྐད་དང་རིག་གཞུང་ནི་བོད་ཀྱི་མེས་པོ་དར་མ་ཞིག་གི་ཁྱིམ་ཚང་ཡིན་ཞུས་ན་ཡང་ཧམ་པ་ཆེས་སྐྱོན་མེད།  ཆོས་ལུགས་ལ་བསམ་ན་གནའ་ཆོས་བོན་གྱི་རིང་ལུགས། བར་དར་སྔ་འགྱུར་གྱི་རིང་ལུགས། ཕྱི་དར་གསར་མའི་རིང་ལུགས་རྣམས། དབྱར་ལང་ཚོའི་མཛེས་མཆོར་བཞིན་དུ་དར་ན་དར་མཉམ་རྒུད་ན་རྒུད་མཉམ་གྱི་ཚུལ་དུ། བོད་ཁམས་ཧྲིལ་པོའི་འགྱུར་འགྲོས་ལྟར་དུས་དབང་གི་བབས་དང་བསྟུན་ནས་ཆགས་པ་ཞིག་ཡིན། 

ཧི་མ་ལ་ཡའི་ན་གཞོན་ཚོ་དཔོན་ཞིག་གི་གཏམ་རྒྱུད།

 «ཧྥ་རན་སིས་དཔེ་སྐྲུན་བྱས་པའི་ཧི་མ་ལ་ཡའི་གཏམ་རྒྱུད་ཀྱི་སྒྲུང་དཔེ།»

དོལ་པོ་བའི་ཚྭ་སྐྱེལ་ཚོང་འགྲུལ།

གཏམ་རྒྱུད་འདི་ནི་དོལ་པོའི་ཡུལ་ནས་བྱུང་བ་དང་། ཡུལ་དེ་ནི་བལ་པོའི་རྒྱལ་ཁོངས་ཀྱི་ནུབ་བྱང་རྒྱུད་ཀྱི་ཧི་མ་ལ་ཡའི་དབེན་གནས་ཤིག་དུ་ཆགས་ཡོད། ཡུལ་དེར་གྲང་རླུང་ལྡིང་བ་རྒོད་ཅིང་། རྩི་ཤིང་དང་ལོ་ཏོག་མི་སྐྱེས་པའི་ཐང་རྒོད་ཞིག་ཡིན། ས་ཆ་དེ་གར་ས་རྒྱུ་ཞན་པ་དང་ཆར་བ་འབབ་ཚད་ཉུང་བ། འདེབས་འཛུགས་ཀྱི་དུས་ཚོད་ཐུང་བ་སོགས། འཚོ་བའི་ཆ་རྐྱེན་ཛ་དྲག་ཡོད་པ་བཅས་ཀྱི་ནས་འདེབས་འཛུགས་ལ་བརྟེན་ནས་འཚོ་བ་སྐྱེལ་བ་ནི། ས་གནས་དེའི་མི་རྣམས་འཚོ་གནས་བྱེད་པའི་འགྲན་སློང་ཞིག་ཏུ་གྱུར་ཡོད་པ་དང་། ནས་ནི་ཡུལ་དེའི་རྒྱུན་ཟས་གཙོ་བོ་ཡིན། ཁོ་ཚོས་ད་དུང་ནོར་ནག་འཚོ་བ་དང་། བོངས་ཚད་ཆེ་ལ་ལུས་ཡོངས་སུ་སྤུ་ཡིས་ཁེངས་པ་དང་འགུལ་སྟངས་དལ་བ། བློ་བརྟན་འགྱུར་མེད་དང་ཨུ་ཚུགས་ཆེ་བའི་སྲོག་ཆགས་དེ་འདྲ་ཞིག གྲང་ངར་ཆེ་ལ་རྩྭ་རྩི་ཤིང་ཉུང་བ་དང་། ཀྱག་ཀྱོག་ཆེ་ལ་མཁའ་རླུང་དཀོན་པའི་རི་ཁུལ་དུ་འཚོ་གནས་བྱེད་ཐུབ་པར་མ་ཟད། ཁོ་ཚོས་ནོར་གྱི་རྩིད་པ་དང་ཁུ་ལུ། ཀོ་བ། ཞོ་སོགས་འཚོ་བའི་མཁོ་ཆས་འདོན་སྤྲོད་བྱེད་ཐུབ་པར་མ་ཟད། ད་དུང་ལྕི་བ་སྐམ་རྗེས་བུད་ཤིང་ཡང་བྱས་ཆོག