ངའི་དྲིན་ཆེན་རྩ་བའི་བླ་མའི་རྣམ་ཐར་ཕྱོགས་ཙམ་བརྗོད་པ་དྲི་མེད་ནོར་བུ།

སློབ་དཔོན་པདྨ་ནོར་བུ།

ཕྱི་ལྟར་འདུལ་ཁྲིམས་རྩ་ལག་མིག་ལྟར་གཅེས།།

ནང་ལྟར་བྱང་སེམས་འགྲོ་ཀུན་བུ་ལྟར་སྐྱོང།།

གསང་བ་ཆོས་ཀུན་དག་མཉམ་ཐིག་ལེར་རྫོགས།།

གསུམ་ལྡན་རྡོར་འཛིན་དཔལ་ལྡན་བླ་མར་འདུད།།

འཆི་བ་མི་རྟག་པ་སྟོན་པའི་མགུར།

གླུ་བའམ་སྒྲུང་པ་པདྨ་རིག་འཛིན་གྱིས་བརྩམས།
ཡོང་ཁུངས།: ཐོས་པ་དགའ་བའི་མི་སྒེར་འཕྲིན་སྟེགས།
སྤེལ་ཉིན།: ༢༠༡༨/༠༦/༡༡

བསླུ་མེད་གཏན་གྱི་སྐྱབས་གཅིག་བླ་མ་རྗེ། །

སྐྱིད་སྡུག་གང་བྱུང་ཁྱེད་ལས་རེ་ས་མེད། །

རིགས་དྲུག་འཁོར་བའི་སྡུག་བསྔལ་རྒྱ་མཚོ་ལས། །

བསྒྲལ་ནས་ཐར་བའི་སྐམ་སར་ད་དྲོངས་ཤིག །

མྱི་ལྡོམ་པོའི་སྙན་ངག་ཁག་ལྔ།

ཡོང་ཁུངས།: རྩོམ་རིག་པའི་གཞིས་ཀ

༡. དྲན་པའི་འཕག་འཚག

སྤྲིན་ནག་ལྡིང་ཞིང་གནམ་གཤིས་ནག་ནོག་འདི།།

ཁེར་རྐྱང་ས་མཐར་རྒྱུ་བའི་ལས་དབང་ཡིན།།

འབྲུག་སྒྲ་སྒྲོགས་ཤིང་སེར་རྒོད་བབས་སོང་ན།།

མཐོངས་ལ་མིག་ལོག་བལྟ་ནས་མ་གཤེ་ཞིག།

ཤས་བཟང་སྙན་ཚོམ་ཐང་གཞལ།

(དབལ་ཟེར་གྱི་སྙན་ཚིག་སུད་པ་ཚོམ་བུར་བསྡེབས་པའི་རྩོམ་དེབ་«སྒེར་ཚུགས་»ཞེས་པའི་འགོ་བརྗོད་དུ་གླེང་པའི་མྱོང་འཆར།)

འབུམ་རམས་པ་དགེ་བཤེས་ཆོས་འཁོར་ཚང་རིན་པོ་ཆེ། (ཡུ་རོབ་གླིང་།)

ཐང་ཐུང་སད་སུད་ཀྱི་སྙན་རྩོམ་ཚོ་ཚོ་ཐུན་ཐུན་རེ་རེ་བརྒྱུད་མར་བསྟུད་དེ། ཀློག་རིང་ཐུང་སྣང་དང་ཉུང་ཚོར་ཞིག་སྟེར་ན། དོན་དངོས་སུ་ཐུང་རུང་ཐུང་བ་དེའང་ཡོན་ཏན་རང་སྟེ། ཚིག་གི་སྙན་ཆས་སྙིང་འཆུ་ཞིང་། དོན་གྱི་རླིང་ཆས་ཡིད་སྐྱོམ་པས། རེ་འདོད་ཀྱིས་རྔམ་པའི་སེམས་པ་དེ་བློ་ཁ་མ་འཚེངས་ཤིང་ཆོག་ཀྱང་མ་ཤེས་ནས། ད་དུང་ཅི་ཞིག་ལ་ཧབ་ཧམ་སྐྱེ་རུ་འཇུག་པ་ནི། རྩོམ་བྲན་དེ་དག་འཇེབས་དྲགས་པའི་ནུས་རྩལ་ལོས་ཡིན། འདི་ནི་«སྒེར་ཚུགས་»བཀླགས་པའི་ཆེས་ཐོག་མའི་འཆར་སྒོ་ཞིག་ཁྱེད་ཅག་གི་སྙན་དུ་ཐིངས་ན་སྙམ།

བཀའ་བསྟན་ཁྲོད་ནས་རྫོགས་ཆེན་གྱི་ཐ་སྙད་བཞུགས་ཚུལ་གླེང་བ།

ར་སེ་དཀོན་མཆོག་རྒྱ་མཚོས་བརྩམས།

བོད་ནང་གི་འཕྲིན་སྟེགས་ཤིག་ལས་བཤུས།

རྒྱལ་བ་འབྲི་གུང་པའི་མཁས་དབང་ར་སེ་དཀོན་མཆོག་རྒྱ་མཚོ།

   བོད་ཀྱི་བཀའ་འགྱུར་དང་བསྟན་འགྱུར་ཞེས་པ་ནི། རྒྱ་གར་སྐད་དུ་བཞུགས་པ་གཙོ་བོར་བྱས་པ་བོད་སྐད་དུ་བསྒྱུར་བས། བོད་ཡིག་ཏུ་འགྱུར་བའི་འཕགས་ཡུལ་བའི་ཡིག་ཆ་ཤ་སྟག་དང་། དེ་ཡང་དུས་རབས་རིམ་བྱུང་དུ་དག་བསྒྲིགས་བྱས་པ་ཤ་སྟག་ཡིན་ཞིང་། དཔར་གཞི་ཡང་མི་འདྲ་བ་འགའ་ཤས་བྱུང་མྱོང་ཡོད། རང་རེའི་ཡུལ་དུ་དར་བའི་ལྟ་གྲུབ་ལ་དབུ་ཕྱག་རྫོགས་གསུམ་མམ། ཕྱག་རྫོགས་དབུ་གསུམ་གྱི་ཡ་གྱལ་རྫོགས་པ་ཆེན་པོ་ཞེས་པ་འདི་ཉིད་ཀྱི་ཐ་སྙད་ནི། སྔ་དུས་སུ་མཁས་པ་འགའ་ཡིས་རང་རེའི་བཀའ་བསྟན་གཞུང་ན་མ་གྲགས་པར་བཤད་པ་དང་། བོད་ཀྱི་རང་བཟོ་ཡིན་པར་འདོད་པ་དང་། རྒྱ་ནག་ནས་བྱུང་བར་འདོད་པ་སོགས་ཅི་རིགས་པ་ཡོད་ནའང་། ད་ཡོད་ཀྱི་བཀའ་བསྟན་གྱི་གཞུང་ན་ཐ་སྙད་གསལ་བར་བཞུགས་པ་འགའ་གླེང་བར་འདོད་དོ།།

དོལ་པོ་ཚེ་རིང་བླ་མའི་སྙན་ངག་ཁག་ལྔ།

༡. བླ་སློབ་བར་གྱི་འབྲེལ་ལམ།

ལམ་དང་འབྲས་བུའི་འཁོར་འདས་དབྱེར་མེད་འདི།།

གཅིག་ཏུ་བསྲེས་ནས་ཉམས་སུ་ལེན་པའི་སྲོལ།།

བསྟན་པའི་ཀ་ཆེན་འཛིན་པའི་སྔགས་འཆང་པ།།

༸སྐྱབས་མགོན་ཁྲི་ཆེན་ཞབས་ལ་སྤྱི་བོས་འདུད།།

ཨ་རི་བ་བླ་མ་དཀར་པོ་བཀླགས་པའི་རགས་ཟིན།

ལྷོ་གོ་ཆ། སྔ་འགྱུར་མཐོ་སློབ་ཆེན་མོ།

༡༽ ཐིའུ་སི་ལ་བཀའ་དྲིན་ཆེ་ཞུ། 

     དེབ་འདི་མ་བཀླགས་གོང་དཀར་ཆག་ཞིབ་ཉུལ་ཞིག་གིས་ནང་དོན་རགས་རིམ་ཞིག་འཆར་སྲིད་ལ།  མཚར་སྣང་དེས་མཇུག་མ་གྲུབ་པའི་བར་དུ་ཀློག་པའི་སྤྲོ་སྣང་ཞིག་འདྲེན་ཡོང་།  དེ་ནི་དེབ་འདིའི་དཀར་ཆག་དང་བརྗོད་བྱ་གཅིག་འདྲེས་ཀྱིས། དཀྱུས་གཅིག་ཏུ་བབ་ཐུབ་པའི་ཁྱད་ཆོས་ཤིག་ཀྱང་ཡིན་པ་འདྲ། ལྷག་ཏུ་དུམ་ཚན་དང་པོའི་ཤོག་ངོས་ ༡༠ ནས་དེབ་འདིའི་བརྗོད་བྱ་ཉིང་བསྡུས་ཤིག་བྲིས་ཡོད་པ་དེ།  དེབ་འདིར་འགུགས་པའི་ལྕགས་ཀྱུ་ལྟ་བུར་སེམས་ལ། སྤྱིར་དེབ་འདི་ཨ་རི་བ་ཐིའུ་སིའི་ལོ་རྒྱུས་ལྟ་བུ་ཡིན་ནའང་།  མགོ་ནས་མཇུག་བར་ཧི་མཱ་ལའི་ཕར་ཚུར་གྱི་དུས་རབས་ཉི་ཤུ་བའི་སྟོད་ཀྱི་བོད་ཀྱི་མི་རིགས་ལ་འགྲུལ་བཞུད་ཅིག་ལས་མ་འདས་པ་ཚོར། ལྷག་ཏུ་དེའི་སྐབས་ཀྱི་དབྱིན་བོད་དང་བོད་རྒྱ་སོགས་ཀྱི་བར་གྱི་གནས་ཚུལ་གང་འཚམས་རེའང་། མེ་ལོང་ལ་གཟུགས་བརྙན་གྱིས་ཚུལ་དུ་བཀོད་འདུག

ཤེར་ཕྱིན་བཀླགས་པའི་ཉིན་རེའི་བརྗེད་བྱང་།

དོལ་པོ་ཚེ་དབང་ནོར་བུས་བརྩམས།

ཡོང་ཁུངས། རྩོམ་པ་པོའི་ངོ་དེབ་དྲྭ་བ།

དོལ་པོ་ཚེ་དབང་ནོར་བུ། སྔ་འགྱུར་མཐོ་སློབ་ཆེན་མོའི་སློབ་གཉེར་བ།

གཙོ་བོ་སངས་རྒྱས་ཆོས་དང་འཕགས་པའི་དགེ་འདུན་སྡེ།།

ཁྱད་པར་རྨད་བྱུང་རྒྱ་བོད་པཎ་གྲུབ་བརྒྱ་རྩ་སོགས།།

ལྷག་པར་འདི་ཕྱིའི་སྐྱབས་གནས་གྲུབ་དབང་བླ་མ་རྗེ།།

དུས་ཀུན་མཆོད་དོ་བློ་དམན་བདག་ལ་དགེ་ལེགས་སྩོལ།།

འདི་ནས་ཡར་ལ་རྩིས་པའི་ལོ་ངོ་བདུན་ཙམ་གྱི་རིང་ལ། ༸གྲུབ་དབང་བླ་མའི་ཐུགས་རྗེའི་གྲིབ་བསིལ་ཉག་ཅིག་གི་འོག་ཏུ། ནང་ཆོས་ལ་སྤྱོད་པའི་གོ་སྐབས་བླ་མེད་རེག་ཀྱང་། ཕྲན་ནས་ད་དུང་ཤུན་ལྤགས་ཙམ་ལས་མ་མྱོང་བའི་བདེན་རྟགས་སུ། རང་སེམས་འདི་ནི་ཉོན་མོངས་སྡུག་གསུམ་ཇེ་ཆེར་ལས་ཉུང་དུ་བུད་མེད་པ་དེས་ཤེས། ད་དུང་ཞིབ་ཅིང་བསམ་ན། དྲྭ་ངོས་སུ་གྲུབ་དབང་བླ་མའི་བཀའ་སློབ་བཤམས་སུ་ཟིན་ཀྱང་། རང་གི་བྱེད་སྟངས་ནི་འགལ་བ་ཇེ་མང་དུ་སོང་འདུག་པས་ན། ད་ནི་གནོང་འགྱོད་དྲག་པོས་ཐོལ་ཞིང་བཤགས་ཏེ། དེ་རིགས་གང་ཐུབ་ཇེ་ཉུང་གཏོང་བ་དང་མ་ཟད། ངའི་བར་སེང་གི་དུས་ཚོད་དེ་ཚོའང་སྐབས་བབ་གཞུང་གི་བརྗེད་བྱང་འབྲི་རྒྱུ་ལ་ཕྱོགས་པར་བྱེད་སྙིང་འདོད། ༠༨/༠༦/༢༠༢༠

དཔེ་ཀློག་དང་སློབ་ཆེན།

ཆིན་ལེ་ཆོན་གྱིས་བརྩམས། 

ཨ་རིན་གྱིས་བསྒྱུར།

གངས་རྒྱན་འཕྲིན་སྟེགས་ལས་བཤུས།

༡. དཔེ་ཀློག་ཇི་ལྟར་བྱེད་དགོས།

      མཚམས་འདི་ནས་ཤེས་བྱ་ཇི་ལྟར་འཚོལ་བ་དང་། དཔེ་ཀློག་ཇི་ལྟར་བྱེད་པའི་གནད་དོན་གླེང་བར་བྱ། དེ་ཡང་དཔེ་ཀློག་ལ་ལུའུ་ཞུན་དང་ཀྲོའུ་ཙུའོ་རེན་སྤུན་མཆེད་གཉིས་ཀྱིས། བསམ་ཡུལ་ལས་འདས་ཤིང་ནང་དོན་གྱིས་ཕྱུག་པའི་དཔེ་ཞིག་བླངས་ཡོད་དེ། ལུའུ་ཞུན་ན་རེ། དཔེ་ཀློག་ནི་ཤོ་རྩེ་བ་དང་འདྲ་ཞེས་ཟེར། དེ་ནི་དེ་རིང་གི་ཤོ་རྩེ་བར་དགའ་བའི་མི་དང་འདྲ་སྟེ། ཉིན་མཚན་རེ་རེར་དང་། ཉིན་མཚན་འཕྲོར་མཐུད་ནས་བསྟུད་མུར་རྩེ་ཞིང་། མཚམས་རེར་སྤྱི་བདེ་མི་སྣས་བཟུང་ནའང་། གློད་བཀྲོལ་བཏང་རྗེས་མུ་མཐུད་དུ་ཤོ་རྩེ། དེ་ལས་ཤོ་རྩེ་བའི་ངོ་མཚར་ནི་ཤོ་སྦག་རེ་རེའི་འགྱུར་ལྡོག་སྣ་ཚོགས་ཤིང་། དཔེ་ཀློག་ཀྱང་དེ་དང་འདྲ་བར། ཤོག་གྲངས་རེ་རེའི་ངོས་སུ་རོལ་མྱོང་གི་བྲོ་བ་ཕུན་སུམ་ཚོགས་པ་ཡོད་པ་དེའོ། །དོན་དམ་པའི་ཤོ་རྩེ་མཁན་ཞིག་ཡིན་ཚེ། ཤོ་ཡི་རྒྱལ་ཕམ་ལ་སྣང་དོགས་མི་བྱེད་ཅིང་། གལ་ཏེ་སྒོར་མོའི་ཆེད་དུ་ཤོ་རྩེ་བ་ཡིན་ན། རྒྱན་པོ་འགྱེད་མཁན་ཁྲོད་ཀྱི་“ཐ་མར་”བརྩི། དེ་བས་རྒྱན་པོ་འགྱེད་མཁན་ནང་གི་ཤོ་རྩེ་མཁན་ནི། ཤོ་ཡི་ཆེད་དུ་ཤོ་རྩེ་བ་སྟེ། ཆེད་དུ་ཤོ་རྩེ་སར་སོང་ནས། དེའི་ཁྲོད་ཀྱི་བདེ་བ་རོལ་མྱོང་བྱེད་པ་དེ་ཡིན། དཔེ་ཀློག་ཀྱང་དེ་དང་འདྲ་སྟེ། དཔེ་ཀློག་གི་ཆེད་དུ་དཔེ་ཀློག་བྱེད་ཅིང་། ཁེ་ཕན་ལས་འདའ་འགོངས་བྱེད་དགོས། དེ་བས་དཔེ་ཀློག་དེ་ཡང་རྩེད་མོ་སྐྱིད་པོ་ཞིག་ཏུ་བསམ་ན དཔེ་ཀློག་གི་སྨྲ་བསམ་བརྗོད་འདས་ཀྱི་རོལ་མྱོང་གི་ཆ་དེ་སྙེག་པའོ།།