ཚེ་རིང་བླ་མ། དེ་རཱ་དཱུན།
ངུར་སྨྲིག་གོས་འདི་ཀླུབ་མཁན་མང་ན་ཡང་།།
བསྟན་པ་ངོ་མ་གར་སོང་མི་ཤེས་པས།།
ཤིན་ཏུ་རྒུད་པའི་དུས་ངན་ཤར་མཚམས་འདིས།།
ཕྱི་རུ་དགོན་པ་རྫིག་པོ་མང་ན་ཡང་།།
ནང་དུ་སྡེ་སྣོད་གསུམ་ལ་མཁས་པ་ཡི།།
དགེ་འདུན་ཧ་ཅང་ཉུང་བའི་དུས་ཚིགས་འདིས།།
དམར་ཆུང་སྙིང་ལ་ན་ཟུག་བཏང་བྱུང་ངོ་།།
ཕྱི་ཡི་མི་ལ་གུས་འདུད་བྱེད་མཁན་མང་།།
ནང་དུ་ཉུང་ཟད་ཡོད་པའི་དགེ་འདུན་ལའང་།།
གུས་བཀུར་མེད་པའི་དུས་ཀྱི་ཀྱོག་མཚམས་འདིས།།
དམར་ཆུང་སྙིང་ལ་ན་ཟུག་བཏང་བྱུང་ངོ་།།
ཤིན་དུ་ཟབ་པའི་གསང་བའི་ཉམས་ལེན་ལ།།
མཁས་པ་རྣམས་ཀྱིས་བསྲུང་བ་མི་བྱེད་པར།།
ཁྲོམ་བསྒྲགས་བྱེད་པའི་ཉེན་ཁའི་བྱེད་སྟངས་འདིས།།
དམར་ཆུང་སྙིང་ལ་ན་ཟུག་བཏང་བྱུང་ངོ་།།
སྟོན་མཆོག་བཀའ་དྲིན་ཅན་གྱི་བསྟན་པ་ཡི།།
ཆོས་ཀྱི་སྒོ་རུ་བཞུགས་པའི་དགེ་འདུན་ཚོས།།
ཆེ་ཆུང་བར་ལ་གུས་ཞབས་དཀོན་པ་དེས།།
དམར་ཆུང་སྙིང་ལ་ན་ཟུག་བཏང་བྱུང་ངོ་།།
ནང་དུ་རང་སེམས་གང་ཡིན་མི་དཔྱོད་པར།།
ཕྱི་རུ་ཁྲ་ཁྲའི་ཚོགས་ལ་ཧ་ཅང་གཡེང་།།
ཆོས་དང་འཇིག་རྟེན་བསྲེ་བའི་འཆལ་སྤྱོད་དེས།།
དམར་ཆུང་སྙིང་ལ་ན་ཟུག་བཏང་བྱུང་ངོ་།།
ལས་ངན་སྣ་ཚོགས་གསོག་པའི་ལག་རྗེས་འདིས།།
ད་དུང་བཟོད་དཀའི་སྡུག་བསྔལ་འདྲེན་དོགས་པས།།
སྨྲ་ཤེས་དོན་གོའི་འདོད་རྔམས་ཆེ་བ་དེས།།
དམར་ཆུང་སྙིང་ལ་ན་ཟུག་བཏང་བྱུང་ངོ་།།
༢༡།༠༡།༢༠༢༠།
ཡོང་ཁུངས། རྩོམ་པ་པོའི་ངོ་དེབ་དྲྭ་བ་ལས་བཤུས།
No comments:
Post a Comment
࿐ ལྷན་རྒྱས་ནས་འདི་ག་ངེད་དྲྭ་བའི་རྩོམ་ཡིག་ལ་མགུ་མཆན་དང་དཔྱད་མཆན་སོགས་འདེབས་ཆོག་ལ། མཐའ་ན་དགག་ལན་ཡང་གནང་ཆོག་པས་དེ་དག་ལ་ང་ཚོས་ཅིས་ཀྱང་དགའ་བསུ་ཞུ་བཞིན་ཡོད། ཡིན་ན་ཡང་གང་ཟག་སྒེར་པ་ལ་དམོད་ཚིག་བོར་བ་ལ་སོགས་པ་དང་མི་རིགས་པའི་གནས་ཚུལ་བཀོད་པ་ལ་སོགས་པ་བྱུང་ན། དེ་རིགས་ལ་ངེད་དྲྭ་བས་ངོས་ལེན་གཏན་ནས་ཞུ་ཐབས་བྲལ་བས་ཁྱེད་ཀྱི་མཆན་དེ་རིགས་འགོག་ཐབས་བྱེད་སྲིད།
ཁྱེད་ཀྱིས་མཆན་འདེབས་གནང་བའི་ཚེ། སོ་སོའི་མཚན་དང་། གང་འདེབས་རྒྱུའི་མཆན་རྣམས་ཡིན་ཅིག་བོད་ཡིག་ཐོག་བཀོལ་སྤྱོད་གནང་རོགས་ཞུ་རྒྱུ་དང་། དུས་རྒྱུན་དུ་ཁྱེད་རང་གི་མཚན་དང་གློག་འཕྲིན་ཁ་བྱང་རྣམས་གཅིག་གྱུར་ངང་བེད་སྤྱད་པ་ལ། ཁྱེད་ཀྱི་མཆན་བུ་དང་པོ་དེར་ལེགས་པར་བཀོད་ཡོད་ན། མཆན་བུ་རྗེས་མ་རྣམས་ལ་བསྐྱར་དུ་འབྲི་མི་དགོས་པར་རང་བཞིན་གྱིས་དྲྭ་བར་འཁོད་འགྲོ་བ་ཡིན་པས། དེ་དོན་དགོངས་འཇགས་གནང་རོགས་ཞུ། བཀའ་དྲིན་ཆེ།