ཁོང་སྐུ་གཤེགས་ནས་ལོ་ ༦༩ འཁོར་བར་རྗེས་དྲན་དུ།
རྩོམ་པ་པོ། དོལ་པོ་རྟ་རབ་པ། ཕུར་པ། (སྔ་འགྱུར་མཐོ་སློབ་ཆེན་མོ།)
མུན་པའི་སྨག་རུམ་འཐིབས་པའི་ནམ་ཟླ་ཞིག་ལ།།
གངས་ལྗོངས་ཁ་བ་དཀར་པོའི་རི་སུལ་ཞིག་ན།།
རྨོངས་པའི་གྲིབ་ཡོལ་འབྱེད་མཁས་བློ་མིག་ལྡན་པ།།
བུ་ཆུང་ནར་ལ་སོན་རྗེས་ཆོས་རར་འགྲིམས་དུས།།
རིག་པས་དངོས་པོའི་གཤིས་ལ་བརྡར་ཤ་བཅད་དེ།།
གོང་མའི་གསུང་རབ་ཡན་ལ་མཚང་འབྲུ་བྱས་པས།།
ཁ་བའི་རྟོག་གེ་རྒན་པོ་ཡ་མཚན་སྐྱེས་འདུག།
གཡོགས་པའི་རས་གཟན་དམར་པོ་ཕྲག་ནས་ཕབ་ཏེ།།
དམིགས་པའི་ཕུགས་བསམ་རིང་མོ་རྒྱང་ལ་བསྲིངས་ནས།།
དཔྱོད་ཤེས་བློ་མིག་སྐོར་བཞིན་རྒྱལ་ཁམས་འགྲིམས་པས།།
སྙན་པའི་གྲགས་པ་རྒྱལ་ཁམས་ཡོངས་ལ་ཁྱབ་སོང་།།
འཇིག་རྟེན་རྒད་པོ་ཕལ་ཆེར་གཉིད་ལ་ཡུར་དུས།།
ཁྱེད་ཀྱིས་རྨོངས་མུན་སེལ་བའི་སྐྱ་རེངས་བསུ་ནས།།
བདེན་པའི་དཔའ་ངར་སྒྲོག་བཞིན་སྒོ་གླེགས་བརྡུངས་པས།།
རྒད་པོས་ཁྱེད་ཉིད་བཙོན་ལ་དམ་དུ་བཏགས་སྐད།།
སྐྱོ་གླུ་ལེན་བཞིན་གཤིན་རྗེའི་གྲོང་ལ་ཕྱིན་རྗེས།།
མཛད་པའི་ཤུལ་ལུས་རྐང་རྗེས་རབ་རིབ་གསལ་བས།།
བློ་གསལ་གཞོན་ནུ་ཚོགས་དག་ཕངས་སེམས་བྱེད་བཞིན།།
ཁ་བའི་རི་ལུང་སྐྱོ་བའི་སྡུག་སྐད་བཀང་སོང་།།
རྩོམ་ཁུངས། རྩོམ་པ་པོའི་ངོ་དེབ་དྲྭ་བ་ལས་བཤུས།
No comments:
Post a Comment
࿐ ལྷན་རྒྱས་ནས་འདི་ག་ངེད་དྲྭ་བའི་རྩོམ་ཡིག་ལ་མགུ་མཆན་དང་དཔྱད་མཆན་སོགས་འདེབས་ཆོག་ལ། མཐའ་ན་དགག་ལན་ཡང་གནང་ཆོག་པས་དེ་དག་ལ་ང་ཚོས་ཅིས་ཀྱང་དགའ་བསུ་ཞུ་བཞིན་ཡོད། ཡིན་ན་ཡང་གང་ཟག་སྒེར་པ་ལ་དམོད་ཚིག་བོར་བ་ལ་སོགས་པ་དང་མི་རིགས་པའི་གནས་ཚུལ་བཀོད་པ་ལ་སོགས་པ་བྱུང་ན། དེ་རིགས་ལ་ངེད་དྲྭ་བས་ངོས་ལེན་གཏན་ནས་ཞུ་ཐབས་བྲལ་བས་ཁྱེད་ཀྱི་མཆན་དེ་རིགས་འགོག་ཐབས་བྱེད་སྲིད།
ཁྱེད་ཀྱིས་མཆན་འདེབས་གནང་བའི་ཚེ། སོ་སོའི་མཚན་དང་། གང་འདེབས་རྒྱུའི་མཆན་རྣམས་ཡིན་ཅིག་བོད་ཡིག་ཐོག་བཀོལ་སྤྱོད་གནང་རོགས་ཞུ་རྒྱུ་དང་། དུས་རྒྱུན་དུ་ཁྱེད་རང་གི་མཚན་དང་གློག་འཕྲིན་ཁ་བྱང་རྣམས་གཅིག་གྱུར་ངང་བེད་སྤྱད་པ་ལ། ཁྱེད་ཀྱི་མཆན་བུ་དང་པོ་དེར་ལེགས་པར་བཀོད་ཡོད་ན། མཆན་བུ་རྗེས་མ་རྣམས་ལ་བསྐྱར་དུ་འབྲི་མི་དགོས་པར་རང་བཞིན་གྱིས་དྲྭ་བར་འཁོད་འགྲོ་བ་ཡིན་པས། དེ་དོན་དགོངས་འཇགས་གནང་རོགས་ཞུ། བཀའ་དྲིན་ཆེ།