ས་འདང་པདྨ་རྒྱལ་མཚན།
རེད་ཡ།དེ་རིང་དུང་ཟླ་བཞད་པའི་དུས།ཐོ་རེངས་སྐར་ཆེན་ཡང་བསུ་མ་བྱེད།ལྡུམ་རའི་པདྨ་ཡིན་ཡང་འཛུམ་མུལ་ལེ།དབྱངས་ཅན་ལྷ་མོ་ཡིན་ཡང་སྙན་ངག་གྱེར།གཞན་ཅི་ཡང་མ་རེད།ཟླ་དཀར་བཞད་པའི་དུས་བཟང་རེད།ཤར་གྱི་རི་བོའི་རྩེ་ནས།རྟ་བདུན་དབང་པོ་འཆར་བ་རེད།སྐུ་ཉིད་འཁྲུངས་པའི་ཉིན་བཟང་རེད།དེ་ལ་དར་དཀར་གྱི་རྟེན་འབྲེལ་ཞུ།ཁྱེད་དང་གཤིབས་ནས་ལོ་མང་སོང་།དུས་ལ་འགྱུར་བ་ཡོད་ཀྱང་།ཁྱེད་ཀྱི་ཐུགས་སྤྱོད་ནི།
ཉིན་གཅིག་གི་ཐུགས་རྒྱུད་ལ་ཁེངས་རློམ་མེད་པ།
ཤེས་རིག་ལྡན་ཀྱང་། དྲེགས་པ་མི་ལྡན།མིག་དཔེ་ལྟ་སའི་ཡུལ་ཅི་ནས་ཀྱང་མཆིས།དེ་རིང་ཁྱེད་ཀྱི་འཁྲུངས་སྐར་ལ།འབྱོར་བ་ཆེན་པོའི་ཁྱོས་མ་མེད་རུང་།སྙིང་ཆུང་དམར་པོ་འདི་རུ།གྲོགས་པོའི་བརྩེ་སེམས་བཅངས་ནས།ཚིག་རྐང་གཉིས་གསུམ་ལྷས་མ་བསླས་ཏེ།རྟེན་འབྲེལ་ཞུ།སྐུ་ལ་ན་ཚ་མི་མངའ་བའི།གསུང་ལ་འགག་པ་མེད་པ།ཐུགས་ཀྱི་ཅི་དགོངས་འགྲུབ་པ།མཛད་འཕྲིན་རྒྱས་པ་བཅས།སྨོན་ལམ་ཚིག་གསུམ་འདེབས།
༠༧།༠༢།༢༠༢༡ ཉིན་གྲོགས་ཀྱི་མིང་ཙམ་འཛིན་པ་པདྨ་རྒྱལ་མཚན་ནས་ཕུལ།
_______________
རྩོམ་ཁུངས།: མཚོ་བྱུང་ཨུཏྤལ་ནེའུ་གསིང་།
ཐུགས་སྣང་།: འདི་གའི་རྩོམ་ཡིག་བཤུ་སྤེལ་བྱེད་ཚེ་རྩོམ་ཁུངས་ངེས་པར་འགོད་རོགས་གནང་།
རྩོམ་འདིའི་དྲྭ་ཐག: མཚོ་བྱུང་ཨུཏྤལ་ནེའུ་གསིང་།-སྐུ་ཉིད་ཀྱི་འཁྲུངས་སྐར་ལ་རྟེན་འབྲེལ་ཞུ།
No comments:
Post a Comment
࿐ ལྷན་རྒྱས་ནས་འདི་ག་ངེད་དྲྭ་བའི་རྩོམ་ཡིག་ལ་མགུ་མཆན་དང་དཔྱད་མཆན་སོགས་འདེབས་ཆོག་ལ། མཐའ་ན་དགག་ལན་ཡང་གནང་ཆོག་པས་དེ་དག་ལ་ང་ཚོས་ཅིས་ཀྱང་དགའ་བསུ་ཞུ་བཞིན་ཡོད། ཡིན་ན་ཡང་གང་ཟག་སྒེར་པ་ལ་དམོད་ཚིག་བོར་བ་ལ་སོགས་པ་དང་མི་རིགས་པའི་གནས་ཚུལ་བཀོད་པ་ལ་སོགས་པ་བྱུང་ན། དེ་རིགས་ལ་ངེད་དྲྭ་བས་ངོས་ལེན་གཏན་ནས་ཞུ་ཐབས་བྲལ་བས་ཁྱེད་ཀྱི་མཆན་དེ་རིགས་འགོག་ཐབས་བྱེད་སྲིད།
ཁྱེད་ཀྱིས་མཆན་འདེབས་གནང་བའི་ཚེ། སོ་སོའི་མཚན་དང་། གང་འདེབས་རྒྱུའི་མཆན་རྣམས་ཡིན་ཅིག་བོད་ཡིག་ཐོག་བཀོལ་སྤྱོད་གནང་རོགས་ཞུ་རྒྱུ་དང་། དུས་རྒྱུན་དུ་ཁྱེད་རང་གི་མཚན་དང་གློག་འཕྲིན་ཁ་བྱང་རྣམས་གཅིག་གྱུར་ངང་བེད་སྤྱད་པ་ལ། ཁྱེད་ཀྱི་མཆན་བུ་དང་པོ་དེར་ལེགས་པར་བཀོད་ཡོད་ན། མཆན་བུ་རྗེས་མ་རྣམས་ལ་བསྐྱར་དུ་འབྲི་མི་དགོས་པར་རང་བཞིན་གྱིས་དྲྭ་བར་འཁོད་འགྲོ་བ་ཡིན་པས། དེ་དོན་དགོངས་འཇགས་གནང་རོགས་ཞུ། བཀའ་དྲིན་ཆེ།