དོལ་པོ་པདྨ་དགོས་འབྱོར།
ཅུང་ཟད་བྲེལ་ཟིང་ནམ་ཟླར།།
ཁྱར་ཁྱོར་སྙན་ངག་ལོ་མ།།
ལྷགས་པས་གར་བདས་མེད་འདྲའི།།
ཉན་ན་ཡ་རབས་ལུགས་བཟང་།།
གཏམ་གྱི་ཆུ་མོ་རྒྱུགས་འོང་།།
བལྟས་ན་འཇིག་རྟེན་སྲིད་པ།།
འགྲན་བརྩོད་ཡོ་ལང་འཚུབ་ཀྱི།།
ཐང་ལྷོད་རན་པོ་མིན་པའི།།
ས་གཞིའི་འཁོར་བསྐྱོད་གཞིགས་ན།།
རིང་མིན་མི་ཆོས་ལུགས་བཟང་།།
བར་སྣང་འཇའ་འོད་མིན་ནམ།།
མཁར་རྒན་འཚེར་བ་མེད་ཚོས།།
བུ་ཕྲུག་སྣང་མེད་གཏོང་གི།
མཛོད་བུ་རང་དགར་སྤྱད་རྗེས།།
བཀའ་བཀྱོན་གནང་བ་མི་འོས།།
ཇོ་མོ་གླང་མའི་མཁུར་མཚོས།།
རྔུལ་ཆུས་བརླན་འདུག་ཟེར་གྱི།།
མཐའ་ཡི་རྒྱ་མཚོ་ཆེན་པོས།།
སྐྱོ་བའི་དབུགས་རིང་འཐེན་ནམ།།
གནམ་ན་གནམ་གྲུའི་འུར་སྒྲ།།
ས་ན་སྣུམ་འཁོར་འུར་སྒྲ།།
གནམ་ས་འུར་སྒྲས་ཁེངས་དུས།།
འཇིག་རྟེན་འུར་གྱི་འཇིག་རྟེན།།
གླེང་ན་སྡེ་ཡི་གཏེ་བོ།།
མ་གླེང་འཇིག་རྟེན་གླེན་པ།།
འདིས་འགྲིག་དེས་ཆོག་དབེན་པའི།།
འཇིག་རྟེན་སྣལ་མ་ནོངས་པ།།
ཤར་གྱི་སྨིན་ལེགས་ན་ཟླ།།
ནུབ་ཀྱི་ཤོག་བུས་མ་བསླུ།།
ཉི་ཟླའི་དར་མཚོན་འོག་ནས།།
ཕ་མེས་ཟུངས་ཁྲག་བརླག་འོང་།།
པདྨ་དགོས་འབྱོར་པས་དུས་ཀྱི་འགྱུར་བ་ཁག་གཅིག་བློས་བླངས་ཐོག་བྲིས། ༡༡/༠༤/༢༠༢༡
_______________
རྩོམ་ཁུངས།: མཚོ་བྱུང་ཨུཏྤལ་ནེའུ་གསིང་ཟིན་བྲིས་དྲྭ་བ།
ཐུགས་སྣང་།: འདི་གའི་རྩོམ་ཡིག་བཤུ་སྤེལ་བྱེད་ཚེ་རྩོམ་ཁུངས་ངེས་པར་འགོད་རོགས་གནང།
རྩོམ་འདིའི་དྲྭ་ཐག: མཚོ་བྱུང་ཨུཏྤལ་ནེའུ་གསིང་།-བསམ་གཞིག
࿐ སྐུ་ཉིད་ནས་ངེད་དྲྭ་བར་རྩོམ་ཡིག་ཡག་པོ་རེ་བསྐུར་གནང་མཛད་པར་ཐུགས་རྗེ་ཆེ་ཞུའོ།།
No comments:
Post a Comment
࿐ ལྷན་རྒྱས་ནས་འདི་ག་ངེད་དྲྭ་བའི་རྩོམ་ཡིག་ལ་མགུ་མཆན་དང་དཔྱད་མཆན་སོགས་འདེབས་ཆོག་ལ། མཐའ་ན་དགག་ལན་ཡང་གནང་ཆོག་པས་དེ་དག་ལ་ང་ཚོས་ཅིས་ཀྱང་དགའ་བསུ་ཞུ་བཞིན་ཡོད། ཡིན་ན་ཡང་གང་ཟག་སྒེར་པ་ལ་དམོད་ཚིག་བོར་བ་ལ་སོགས་པ་དང་མི་རིགས་པའི་གནས་ཚུལ་བཀོད་པ་ལ་སོགས་པ་བྱུང་ན། དེ་རིགས་ལ་ངེད་དྲྭ་བས་ངོས་ལེན་གཏན་ནས་ཞུ་ཐབས་བྲལ་བས་ཁྱེད་ཀྱི་མཆན་དེ་རིགས་འགོག་ཐབས་བྱེད་སྲིད།
ཁྱེད་ཀྱིས་མཆན་འདེབས་གནང་བའི་ཚེ། སོ་སོའི་མཚན་དང་། གང་འདེབས་རྒྱུའི་མཆན་རྣམས་ཡིན་ཅིག་བོད་ཡིག་ཐོག་བཀོལ་སྤྱོད་གནང་རོགས་ཞུ་རྒྱུ་དང་། དུས་རྒྱུན་དུ་ཁྱེད་རང་གི་མཚན་དང་གློག་འཕྲིན་ཁ་བྱང་རྣམས་གཅིག་གྱུར་ངང་བེད་སྤྱད་པ་ལ། ཁྱེད་ཀྱི་མཆན་བུ་དང་པོ་དེར་ལེགས་པར་བཀོད་ཡོད་ན། མཆན་བུ་རྗེས་མ་རྣམས་ལ་བསྐྱར་དུ་འབྲི་མི་དགོས་པར་རང་བཞིན་གྱིས་དྲྭ་བར་འཁོད་འགྲོ་བ་ཡིན་པས། དེ་དོན་དགོངས་འཇགས་གནང་རོགས་ཞུ། བཀའ་དྲིན་ཆེ།