འབྲི་གུང་སྤྲོ་ཚེ།
ཟླ་བའི་མཛེས་པ་འཕྲོག་བྱེད་དཀར་གསལ་གྱི་བཞིན་རས།།
འདས་མ་ད་གསུམ་གཟིགས་པའི་ཡེ་ཤེས་ཀྱི་སྤྱན་ལྡན།།
བྱང་སེམས་ཐུགས་ན་སྦྲུམ་པའི་དམ་ལྡན་གྱི་སྲུང་མ།།
དག་པ་མཁའ་སྤྱོད་ཞིང་ན་རྡོ་རྗེ་ཡི་ཕག་མོ།།
མི་མཇེད་འཛམ་གླིང་འདི་དུ་འབྲི་བསྟན་གྱི་སྲུང་མ།།
ནུས་ལྡན་རྣལ་འབྱོར་ཀུན་ལ་གསང་ཡུམ་གྱི་ལྷ་མོ།།
བླ་མ་ཡི་དམ་མཁའ་འགྲོ་ཀུན་འདུས་ཀྱི་ཨ་ཕྱི།།
མཛེས་སྡུག་དཔལ་གྱི་སྒེག་པའི་ཡིད་འཕྲོག་གི་ལྷ་མོ།།
མཐུ་རྩལ་རྨད་ཏུ་བྱུང་བའི་བསྟན་དགྲ་ཡི་སྲོག་བདག།
དཀར་ཕྱོགས་སྟོབས་ཀྱི་འདེགས་པའི་ནུས་ལྡན་གྱི་གྱད་མ།།
འཕྲིན་ལས་གློག་ལྟར་མྱུར་བའི་འབྲི་གུང་གི་ཨ་ཕྱི།།
རྐྱེན་ངན་ཆག་སྒོ་ངན་པའི་འཁོར་ལོ་དེ་བསྒྱུར་ཅིང་།།
ནད་གདོན་བར་ཆད་རྩུབ་པོའི་རྐྱེན་ངན་ལས་སྐྱབས་ནས།།
རྨད་བྱུང་བྱང་ཆུབ་སེམས་ཀྱི་གུར་ཁང་གི་ནང་དུ།།
ཞི་བའི་བདེ་བ་སྟེར་བའི་འབྲི་གུང་གི་ཨ་ཕྱི།།
ལས་འབྲས་ཚུལ་བཞིན་སྲུང་བའི་དམ་ལྡན་གྱི་རྣལ་འབྱོར།།
འབྲལ་མེད་མ་པང་བུ་བཞིན་དུས་ཀུན་ཏུ་ཉར་བཞིན།།
ཅི་འདོད་དངོས་གྲུབ་འབད་མེད་ལྷུན་གྲུབ་ཏུ་སྩོལ་བའི།།
རྒྱས་པའི་དངོས་གྲུབ་གནང་བའི་འབྲི་གུང་གི་ཨ་ཕྱི།།
ཕྱི་ཡི་ལྷ་འདྲེ་མི་གསུམ་དབང་འོག་བསྡུས་ཤིང་།།
ནང་གི་རྩ་ཐིག་རླུང་གི་བར་ཆད་དེ་སེལ་ཅིང་།།
གསང་བ་བདེ་གསལ་མི་རྟོག་རྟོགས་པ་དེ་བྱིན་པའི།།
དབང་གི་དངོས་གྲུབ་གནང་བའི་འབྲི་གུང་གི་ཨ་ཕྱི།།
བསྟན་གནོད་འགྲོ་ཀུན་འཚེ་བའི་དམ་ཉམས་ཀྱི་དགྲ་བོའི།།
བླ་ཚེ་སྲོག་ལུས་དབང་གསུམ་སྐད་ཅིག་ལ་བསྡུས་ཏེ།།
ལས་ངན་འཁོར་བའི་འཆིང་ཐག་དུམ་བུ་རུ་བཏུབས་པའི།།
དྲག་པོའི་དངོས་གྲུབ་གནང་བའི་འབྲི་གུང་གི་ཨ་ཕྱི།།
བསྟེན་ན་ཡིད་དམ་ལྷ་བཞིན་དངོས་གྲུབ་དེ་གནང་བཞིན།།
གསོལ་ན་མཁའ་འགྲོ་ལྟར་དུ་འཕྲིན་ལས་དེ་སྒྲུབ་ཅིང་།།
བསྐུལ་ན་མངའ་འབངས་བྲན་ལྟར་ལས་དོན་དེ་སྒྲུབ་པའི།།
ཡིད་བཞིན་བསམ་པ་སྒྲུབ་པའི་འབྲི་གུང་གི་ཨ་ཕྱི།།
ཚེ་རབས་ལས་སྐལ་ཕོག་པའི་འབྲི་གུང་གི་ཨ་ཕྱི།།
ཚེ་འདིར་དམ་ཚིག་མཐུན་པའི་འབྲི་གུང་གི་ཨ་ཕྱི།།
མ་འོངས་བྱང་ཆུབ་སྒྲུབ་གྲོགས་འབྲི་གུང་གི་ཨ་ཕྱི།།
ཨ་མ་ཆོས་ཀྱི་སྒྲོལ་མས་དུས་ཀུན་དུ་སྐྱོངས་ཤིག།
༢༠༢༡/༤/༤ སྤྲོ་ཚེས་སོ།།
_______________
རྩོམ་ཁུངས།: མཚོ་བྱུང་ཨུཏྤལ་ནེའུ་གསིང་ཟིན་བྲིས་དྲྭ་བ།
ཐུགས་སྣང་།: འདི་གའི་རྩོམ་ཡིག་བཤུ་སྤེལ་བྱེད་ཚེ་རྩོམ་ཁུངས་ངེས་པར་འགོད་རོགས་གནང།
རྩོམ་འདིའི་དྲྭ་ཐག: མཚོ་བྱུང་ཨུཏྤལ་ནེའུ་གསིང་།-ཨ་མ་ཆོས་ཀྱི་སྒྲོལ་མས་སྐྱོངས།
࿐ སྐུ་ཉིད་ནས་ངེད་དྲྭ་བར་རྩོམ་ཡིག་ཡག་པོ་རེ་བསྐུར་གནང་མཛད་པར་ཐུགས་རྗེ་ཆེ་ཞུའོ།།
No comments:
Post a Comment
࿐ ལྷན་རྒྱས་ནས་འདི་ག་ངེད་དྲྭ་བའི་རྩོམ་ཡིག་ལ་མགུ་མཆན་དང་དཔྱད་མཆན་སོགས་འདེབས་ཆོག་ལ། མཐའ་ན་དགག་ལན་ཡང་གནང་ཆོག་པས་དེ་དག་ལ་ང་ཚོས་ཅིས་ཀྱང་དགའ་བསུ་ཞུ་བཞིན་ཡོད། ཡིན་ན་ཡང་གང་ཟག་སྒེར་པ་ལ་དམོད་ཚིག་བོར་བ་ལ་སོགས་པ་དང་མི་རིགས་པའི་གནས་ཚུལ་བཀོད་པ་ལ་སོགས་པ་བྱུང་ན། དེ་རིགས་ལ་ངེད་དྲྭ་བས་ངོས་ལེན་གཏན་ནས་ཞུ་ཐབས་བྲལ་བས་ཁྱེད་ཀྱི་མཆན་དེ་རིགས་འགོག་ཐབས་བྱེད་སྲིད།
ཁྱེད་ཀྱིས་མཆན་འདེབས་གནང་བའི་ཚེ། སོ་སོའི་མཚན་དང་། གང་འདེབས་རྒྱུའི་མཆན་རྣམས་ཡིན་ཅིག་བོད་ཡིག་ཐོག་བཀོལ་སྤྱོད་གནང་རོགས་ཞུ་རྒྱུ་དང་། དུས་རྒྱུན་དུ་ཁྱེད་རང་གི་མཚན་དང་གློག་འཕྲིན་ཁ་བྱང་རྣམས་གཅིག་གྱུར་ངང་བེད་སྤྱད་པ་ལ། ཁྱེད་ཀྱི་མཆན་བུ་དང་པོ་དེར་ལེགས་པར་བཀོད་ཡོད་ན། མཆན་བུ་རྗེས་མ་རྣམས་ལ་བསྐྱར་དུ་འབྲི་མི་དགོས་པར་རང་བཞིན་གྱིས་དྲྭ་བར་འཁོད་འགྲོ་བ་ཡིན་པས། དེ་དོན་དགོངས་འཇགས་གནང་རོགས་ཞུ། བཀའ་དྲིན་ཆེ།