རྩོམ་པ་པོ། དོལ་པོ་ནམ་སྟོད་པ་ཤེས་རབ་རྒྱལ་མཚན། (སྔ་འགྱུར་མཐོ་སློབ་ཆེན་མོ། ལོ་རིམ་དྲུག་པ།)
ཉིས་སྟོང་ཉི་ཤུའི་ལོ་ལ།།
དགུང་གྲངས་གྱ་ལྔར་ཕེབས་པའི།།
དབུ་ནག་བོད་ཀྱི་ལྷ་སྐལ།།
༧རྒྱལ་བ་ཡིད་བཞིན་ནོར་བུ།།
སྐུ་གཟུགས་བགྲེས་ཉམས་མི་འདུག།
སྟག་ཤར་ཤ་དར་ཁྲག་དར།།
བསྟན་དང་འགྲོ་བའི་དོན་དུ།།
ཐུགས་སྟོབས་བསྐྱེད་ནས་བཞུགས་ཡོད།།
གསུང་ངག་ལྡབ་ལྡིབ་མི་སྨྲ།།
གསལ་ལ་ངར་ཤུགས་ཆེ་བ།།
དམ་ཆོས་བདུད་རྩིའི་སྦྲང་ཆར།།
ཆད་མེད་འབེབས་ལ་ལྟོས་དང་།།
ཐུགས་བསྐྱེད་ཆེ་དང་མི་ཆེ།།
བྱང་ཆུབ་སེམས་དཔའ་དངོས་རེད།།
མཐོ་སྒང་བོད་ཙམ་མིན་པར།།
འཛམ་གླིང་ཞི་བདེའི་དེད་དཔོན།།
ནད་དང་དམག་འཁྲུག་གནོད་འཚེས།།
མུན་པ་རུབ་ཏུ་འཇག་ཀྱང་།།
མགོན་པོ་ཁྱེད་ཉིད་བཞུགས་པས།།
ཞི་བདེའི་འོད་སྣང་འཕྲོས་བྱུང་།།
བྱམས་དང་སྙིང་རྗེའི་རང་གཟུགས།།
འཕགས་མཆོག་ཕྱག་ན་པདྨོ།།
བསྟན་འགྲོའི་དོན་ཆེན་འགྲུབ་པར།།
རྟག་ཏུ་བཞུགས་སུ་གསོལ་ལོ།།
༠༦།༠༧།༢༠༢༠།
ཡོང་ཁུངས། རྩོམ་པ་པོ་ཉིད་ཀྱི་ངོ་དེབ་དྲྭ་བའི་མདུན་ངོས་ལས་བཤུས།
No comments:
Post a Comment
࿐ ལྷན་རྒྱས་ནས་འདི་ག་ངེད་དྲྭ་བའི་རྩོམ་ཡིག་ལ་མགུ་མཆན་དང་དཔྱད་མཆན་སོགས་འདེབས་ཆོག་ལ། མཐའ་ན་དགག་ལན་ཡང་གནང་ཆོག་པས་དེ་དག་ལ་ང་ཚོས་ཅིས་ཀྱང་དགའ་བསུ་ཞུ་བཞིན་ཡོད། ཡིན་ན་ཡང་གང་ཟག་སྒེར་པ་ལ་དམོད་ཚིག་བོར་བ་ལ་སོགས་པ་དང་མི་རིགས་པའི་གནས་ཚུལ་བཀོད་པ་ལ་སོགས་པ་བྱུང་ན། དེ་རིགས་ལ་ངེད་དྲྭ་བས་ངོས་ལེན་གཏན་ནས་ཞུ་ཐབས་བྲལ་བས་ཁྱེད་ཀྱི་མཆན་དེ་རིགས་འགོག་ཐབས་བྱེད་སྲིད།
ཁྱེད་ཀྱིས་མཆན་འདེབས་གནང་བའི་ཚེ། སོ་སོའི་མཚན་དང་། གང་འདེབས་རྒྱུའི་མཆན་རྣམས་ཡིན་ཅིག་བོད་ཡིག་ཐོག་བཀོལ་སྤྱོད་གནང་རོགས་ཞུ་རྒྱུ་དང་། དུས་རྒྱུན་དུ་ཁྱེད་རང་གི་མཚན་དང་གློག་འཕྲིན་ཁ་བྱང་རྣམས་གཅིག་གྱུར་ངང་བེད་སྤྱད་པ་ལ། ཁྱེད་ཀྱི་མཆན་བུ་དང་པོ་དེར་ལེགས་པར་བཀོད་ཡོད་ན། མཆན་བུ་རྗེས་མ་རྣམས་ལ་བསྐྱར་དུ་འབྲི་མི་དགོས་པར་རང་བཞིན་གྱིས་དྲྭ་བར་འཁོད་འགྲོ་བ་ཡིན་པས། དེ་དོན་དགོངས་འཇགས་གནང་རོགས་ཞུ། བཀའ་དྲིན་ཆེ།