རྨ་འབྲོག་འཁྱམས། སྔ་འགྱུར་མཐོ་སློབ་ཆེན་མོ།
དད་པའི་ལུང་དང་ཡུ་བ།།
གཟུང་ས་འཇུ་ས་ཡོད་ན།།
བླ་མ་དམ་པའི་གམ་དུ།།
ཡིད་ཆེས་དར་ཐག་ནར་མོ།།
སྲ་ཞིང་བརྟན་པ་ཡིན་ན།།
དག་ཞིང་གཞན་ན་མེད་དེ།།
རང་སེམས་གཞལ་ཡས་ཁང་རེད།།
འཇིག་རྟེན་སྣང་བ་ནག་ནོག།
ཞེན་པ་སྡོམ་ཐག་བསླས་མ།།
སེམས་པས་བྱས་པ་ཟེར་ན།།
སྣང་བ་འགྲོ་ཤོས་ཡིན་རེད།།
འོད་མདངས་རི་མོ་ཅན་གྱི།།
སྐུ་གདུང་མཆོད་རྟེན་ཆེན་མོ།།
བག་དྲོད་ལྷང་ངེ་འདི་ཡང་།།
བླ་མའི་བྱིན་རླབས་ཡིན་རེད།།
སེར་དང་རིན་ཆེན་རིགས་ལ།།
སྣང་བ་ཕྱིན་སོང་མ་རེད།།
དགའ་དད་རྣོ་སོའི་ཁ་ལ།།
ཞེ་སྣེ་ཐོགས་སོང་ཡིན་རེད།།
བརྐོས་པའི་འབུར་དོད་རེ་ན།།
གཟི་འོད་འཇའ་ཚོན་འཕྲོས་པ།།
རྒྱ་ཆ་ཡག་སོང་མ་རེད།།
ཟོལ་མེད་དམ་ཚིག་བརྡ་རེད།།
ཡང་དང་སྐྱར་དུ་ལྟོས་དང་།།
ཁྲ་ཁྲ་ཟིང་ཟིང་མ་རེད།།
སེམས་པའི་གཏིང་མ་ཞིག་ནས།།
དྲོད་དང་རླན་ཞིག་སྦྱིན་རེད།།
༢༨།༠༡།༢༠༢༡
ཡོང་ཁུངས། རྩོམ་པ་པོའི་ངོ་དེབ་ལས་དྲངས།
No comments:
Post a Comment
࿐ ལྷན་རྒྱས་ནས་འདི་ག་ངེད་དྲྭ་བའི་རྩོམ་ཡིག་ལ་མགུ་མཆན་དང་དཔྱད་མཆན་སོགས་འདེབས་ཆོག་ལ། མཐའ་ན་དགག་ལན་ཡང་གནང་ཆོག་པས་དེ་དག་ལ་ང་ཚོས་ཅིས་ཀྱང་དགའ་བསུ་ཞུ་བཞིན་ཡོད། ཡིན་ན་ཡང་གང་ཟག་སྒེར་པ་ལ་དམོད་ཚིག་བོར་བ་ལ་སོགས་པ་དང་མི་རིགས་པའི་གནས་ཚུལ་བཀོད་པ་ལ་སོགས་པ་བྱུང་ན། དེ་རིགས་ལ་ངེད་དྲྭ་བས་ངོས་ལེན་གཏན་ནས་ཞུ་ཐབས་བྲལ་བས་ཁྱེད་ཀྱི་མཆན་དེ་རིགས་འགོག་ཐབས་བྱེད་སྲིད།
ཁྱེད་ཀྱིས་མཆན་འདེབས་གནང་བའི་ཚེ། སོ་སོའི་མཚན་དང་། གང་འདེབས་རྒྱུའི་མཆན་རྣམས་ཡིན་ཅིག་བོད་ཡིག་ཐོག་བཀོལ་སྤྱོད་གནང་རོགས་ཞུ་རྒྱུ་དང་། དུས་རྒྱུན་དུ་ཁྱེད་རང་གི་མཚན་དང་གློག་འཕྲིན་ཁ་བྱང་རྣམས་གཅིག་གྱུར་ངང་བེད་སྤྱད་པ་ལ། ཁྱེད་ཀྱི་མཆན་བུ་དང་པོ་དེར་ལེགས་པར་བཀོད་ཡོད་ན། མཆན་བུ་རྗེས་མ་རྣམས་ལ་བསྐྱར་དུ་འབྲི་མི་དགོས་པར་རང་བཞིན་གྱིས་དྲྭ་བར་འཁོད་འགྲོ་བ་ཡིན་པས། དེ་དོན་དགོངས་འཇགས་གནང་རོགས་ཞུ། བཀའ་དྲིན་ཆེ།