ཀུན་མཁྱེན་རོང་ཟོམ་པའི་ཆོས་འབྱུང་གསར་དུ་རྙེད་པ།

གོ་མུ་ཏིག་གམ་ཨོ་རྒྱན་བསྟན་འཛིན།

ཡོང་ཁུངས།: བོད་ཁུལ་འཕྲིན་སྟེགས།

ཀུན་མཁྱེན་རོང་ཟོམ་མ་ཧཱ་པཎྜི་ཏས་མཛད་པའི་ཆོས་འབྱུང་ཚིགས་བཅད་མ་ཞིག་ཡོད་པར། བོད་ཀྱི་མཁས་པ་སྔ་མ་དག་ལ་ཡོངས་གྲགས་སུ་གྱུར་འདུག་ཀྱང་། བར་སྐབས་ཤིག་ལ་རྒྱུ་རྐྱེན་སྣ་ཚོགས་པའི་དབང་གི གཞུང་དེ་ཉིད་འཇིག་བརྟེན་འདིར་ཡོད་མེད་དང་། ཡོད་རུང་གཞུང་གང་ཞིག་ལ་ངོས་འཛིན་དགོས་ཆ་མི་འཚལ་བའི་གནས་སུ་གྱུར་ཡོད། ཡིན་ཡང་བཙུན་པ་ཡོན་ཏན་ལྷུན་གྲུབ་དང་སོག་བཟློག་པ་སོགས་ཀྱི་ལོ་རྒྱུས་ཡིག་ཆ་རྣམས་སུ། རོང་ཟོམ་ཆོས་འབྱུང་གི་ཚིག་འགའ་རེ་ལུང་འདྲེན་བྱས་ཡོད་པ་དེ་དག་ལས་རྗེས་སུ་དཔག་ན། ཀུན་མཁྱེན་རོང་ཟོམ་པའི་ཆོས་འབྱུང་ཚིགས་བཅད་མར་གྲགས་པ་དེ་ནི། ལྡེའུ་ཆོས་འབྱུང་རྒྱས་པའི་རྩ་བ་འདི་ཉིད་ཡིན་པར་ར་འཕྲོད་ཐུབ་པར་སྣང་ཞིང་། དེའི་ཤེས་བྱེད་གཙོ་བོ་དེ་ཡང་ཡོན་ཏན་ལྷུན་གྲུབ་ཀྱི་ཆོས་འབྱུང་དེ་ཆགས་འདུག་པས། དེའི་སྐོར་ནས་རགས་ཙམ་ཞིག་གླེང་ན།

ཤག་ཤག་ཏུ་འཁྲོལ་བའི་རང་བྱུང་གི་རོལ་དབྱངས།

དོལ་པོ་ཤེས་རབ་རྒྱལ་མཚན། སྔ་འགྱུར་མཐོ་སློབ་ཆེན་མོ།

ཀླུ་དབང་རྒྱལ་པོས་རྒྱ་མཚོའི་རོལ་མོ་ཞིག་དཀྲོལ་ལམ།།

ཚངས་པའི་སྲས་མོས་མགྲིན་པའི་རྫ་རྔ་ཞིག་བརྡུངས་སམ།།

ཅིར་ཡང་མ་ངེས་ཅིར་ཡང་སྣ་ཚོགས་སུ་ཐོས་པ།།

ཤག་ཤག་ཤག་ཏུ་གྲག་པའི་རང་བྱུང་གི་རོལ་དབྱངས།།

༄༅། །ངར་འཛིན་ལྷན་སྐྱེས་ང་ཡིན་པའི་ལྟ་གྲུབ།

རྩོམ་པ་པོ། རྨིས་པ། བོད།

ཡོང་ཁུངས།: འོད་འཛིན་རྩོམ་སྟེགས།

དང་པོ། ང་ཞེས་པའི་ངོས་འཛིན་གཞན་ལ་དོགས་སློང་།

     ང་ཟེར་བ་གང་ཡིན་ནམ་ཞེས་པའི་དྲི་བ་དེའི་ལན་དུ། བོད་ཀྱི་མཚན་ཉིད་རིག་པའི་ཁྲོད་ཀྱི་རིགས་སྨྲ་བ་མང་ཙམ་ཞིག་གིས། ཕལ་ཆེར་མགྲིན་གཅིག་ཏུ་ཕུང་པོ་བཞི་དང་ཡང་ན་ལྔ་ཡི་ཚོགས་པ་འདི་ཉིད་ང་ཡིན་ནོ་ཞེས་པའི་ལྟ་གྲུབ་འཇོག་པར་བྱེད་ལ། ཕུང་པོ་བཞིའམ་ལྔའི་ཚོགས་པ་ཟེར་ན་ཡང་། དོན་དུ་གདོས་བཅས་ཀྱི་ལུས་པོ་དང་སེམས་གཉིས་ཀྱི་ཚོགས་པ་ཞིག་ལ་ངོས་འཛིན་མཛད་ཀྱིན་ཡོད། དེ་ལྟར་བྱས་ན། སྐྱེ་བ་འདིའི་ངར་འཛིན་དང་འབྲེལ་ཏེ། ང་ལ་དོགས་པ་འདི་འདྲ་ཞིག་འོང་སྟེ། གདོས་བཅས་ཀྱི་ལུས་སེམས་གཉིས་ཀྱི་ཚོགས་པ་འདི་མེད་ན་ང་མེད་དགོས་པ་དང་། འདི་འདྲའི་ཚོགས་པ་དེ་ལ་ངར་མི་འཛིན་ན་ངར་འཛིན་མི་འབྱུང་དགོས་པར་ཐལ། ང་ཞེས་པ་ནི་གདོས་བཅས་ཀྱི་ལུས་སེམས་གཉིས་ཚོགས་འདུག་པ་འདི་ཡིན་པ་དང་། ངར་འཛིན་གྱིས་ཀྱང་འདི་ཉིད་ང་ཡིན་པར་འཛིན་བཞིན་ཡོད་པས་སོ།།

མན་ཇུ་ཊི་ལའི་སྙན་ངག

[ཁ་རྩང་ཡང་སྐྱར་ལྡི་ལིར་སླེབས་དུས་གཞོན་ནུ་མ་ཁྱོད་སླར་ཡང་མཇལ།།]

(བཀྲ་ཤིས་ལྷ་མོ་ལ་ཕུལ་བ།)

བེ་རི་དགེ་བཤེས་འཇིགས་མེད་དབང་རྒྱལ།

དྷ་སར་ཐེངས་འགར་གཤེགས་པའི་འབབ་ཚུགས་མན་ཇུ་ཏྲི་ལའི་གྲོང་སྡེ་ན།།

ཐོག་བརྩེགས་ལྔ་ལྡན་ནོར་གླིང་མགྲོན་ཁང་སྡོད་ཞག་ཐེངས་འགར་བྱས་པའི་སྐབས།།

ཀཻ་ལཱ་ཤ་ཡི་ཟ་ཁང་ནང་དུ་ཐུག་པ་འཐུང་མཁན་ཐེངས་འགར་སོང་།།

གཟུཊ་མེད་ལས་དབང་བཙན་པོའི་གསེབ་ནས་གཞོན་ནུ་མ་ཞིག་མིག་ལམ་འཆར།།

༄༅། །རང་རིག་སྐོར་ལ་རགས་ཙམ་དཔྱད་པ།

མཁན་སྤྲུལ་དགེ་འདུན་རབ་རྒྱས། བོད།

རྒྱལ་གསུངས་ཆོས་ཚུལ་དྲི་མེད་ཐེག་མཆོག་མཚོ། །

གཅིག་ཏུ་འཐུང་ལ་སྤོབས་པའི་གཏེར་གྲོལ་བའི། །

འཇམ་དབྱངས་མི་ཕམ་རྣམ་པར་རྒྱལ་བའི་སྡེས། །

དུས་ཀུན་རྣམ་འབྱེད་ཤེས་རབ་སྣང་བ་སྩོལ། །

དེ་ལ་འདིར་རང་རིག་གི་སྐོར་ལ་རགས་ཙམ་དཔྱད་པ་ལ། རང་རིག་གི་ངོ་བོ་ངོས་བཟུང་བ་དང་། ཐེག་ཆེན་དབུ་སེམས་གཉིས་ཀའི་ལུགས་ལ་ཤེས་པ་ཡིན་ན་རང་རིག་ཡིན་པས་ཁྱབ་ཚུལ་བཤད་པ་གཉིས་ལས། དང་པོ་ནི། དབུ་མ་རྒྱན་ལས། བེམ་མིན་རང་བཞིན་གང་ཡིན་པ། །དེ་འདི་བདག་ཉིད་ཤེས་པ་ཡིན། །ཞེས་དང་། རྣམ་འགྲེལ་ལེའུ་གསུམ་པར། དེས་ན་ཉམས་མྱོངས་བྱ་གཞན་མེད། །དེ་ལའང་མྱོང་བ་གཞན་ཡོད་མིན། །དེར་ཡང་བརྩད་པ་མཚུངས་ཕྱིར་ཏེ། །དེ་ནི་རང་ཉིད་གསལ་བ་ཡིན། །ཞེས་གསུངས་པ་བཞིན། མྱོང་བ་གསལ་རིག་གི་ངོ་བོར་སྐྱེས་པ་རང་རིག་གི་མཚན་ཉིད། འདིའི་དོན་ནི་རང་ཉིད་ཆོས་གང་རུང་གི་རྣམ་པར་སྐྱེས་པ་ལ་གསལ་བ་དང་། དེ་ཉིད་རང་གིས་མྱོང་བ་ལ་རིག་པ་ཞེས་བྱའོ། །དེ་ལྟར་ཡང་། འཇམ་མགོན་མི་ཕམ་པའི་དབུ་མ་རྒྱན་གྱི་རྣམ་བཤད་ལས། དེས་ན་མྱོང་བ་གསལ་རིག་གི་ངོ་བོར་སྐྱེས་པ་ལ་རང་རིག་ཅེས་བཏགས་པ་ཡིན་པས། ཞེས་སོ།།

རི་རྩེའི་དགའ་བ།

རྟ་རབ་ཕུར་པ། སྔ་འགྱུར་མཐོ་སློབ་ཆེན་མོ།

རི་མགོའི་མཛེས་སྡུག་ལྟ་བའི་སྤྲོ་སྣང་ཞིག་དང་།།

འདྲིས་པའི་གྲོགས་པོའི་བར་གྱི་དགོད་སྒྲ་དེ་ཡིས།།

རྡོ་ཐེམ་སྟོང་གི་ཆོད་པའི་རི་རྩེར་སྐྱོད་དུས།།

གོམ་ཟུང་སྤོ་བར་ངལ་བའི་སྣང་བ་མ་བྱུང་།།

ཕྱི་རོལ་གྱི་མཛེས་པ།

སློབ་དཔོན་བསྟན་འཛིན་ཆོས་འཕེལ། གདན་ས་རྣམ་གྲོལ་གླིང་།

གཡུ་ལོ་ཐགས་སུ་བཀྲ་བའི་ལྗོན་པའི་ཚོགས།།

ཆར་རླུང་དྲག་པོས་གཡོས་པའི་སྟང་སྟབས་ལས།།

ཆབ་ཀྱི་ཟིལ་པ་རེ་ཡང་སྒེའུ་ཁུང་ནས།།

ནང་དུ་ཤུགས་ཀྱིས་གཏོར་བའི་སྣང་ཚུལ་འདིས།།

ཚོར་བས་བདུངས་པའི་སེམས་ཀྱི་སྙན་ངག་རེ།།

ཅིས་ཀྱང་འབྲི་བའི་ལག་སོར་སྐྱོད་པར་བྲེལ།།