རྩོམ་པ་པོ། རོང་ཕྲུག (དོལ་པོ་འཇིགས་མེད་རྣམ་རྒྱལ།)
འཇིགས་རུང་བྲག་རིས་མཐའ་ནས་གཡོགས་པ།།
དྭངས་གཙང་ས་གཞི་ལེབ་མོའི་སྟེང་དུ།།
ཁང་ཁྱིམ་མཎྜལ་ཚོམ་བུ་བཀོད་པའི།།
ཡན་ལག་བརྒྱད་ལྡན་གངས་དཀར་ཏེ་སའི།།
ཆུ་མོའི་རྒྱུན་གྱིས་གཤམ་ནས་བསྐྱོར་བ།།
རིན་ཆེན་ཤུག་པའི་དྲི་ངད་འཐུལ་བའི།།
མཛེས་སྡུག་ལྡན་པའི་འཇང་གི་ཡུལ་ལྗོངས།།
རྔམ་བརྗིད་བྲག་རི་དཀན་གཟར་དེ་ལས།།
ཆིལ་ཆིལ་རྦབ་ཆུའི་ལྦུ་བ་དཀར་མོ།།
གཅིག་མཐུད་གཉིས་རྗེས་ཟད་མཐའ་མེད་པ།།
འདྲེན་བྱེད་མིག་ན་མཛེས་པའི་འཇང་ཡུལ།།
རི་ལུང་ནགས་ཚལ་སྨན་གྱི་ལྗོངས་ན།།
བཅོས་མིན་ལོ་རྟོག་ནོར་བུའི་བང་མཛོད།།
འབྲས་བུ་མེ་ཏོག་སྣ་ཚོགས་བཀྲ་བ།།
ཚ་དྲོད་སྙོམས་པའི་འཇང་གི་ཡུལ་ལྗོངས།།
༢༠༢༠/༡༠/༡༦ ཉིན་རང་ཡུལ་ནས།
རྩོམ་ཁུངས། རྩོམ་པ་པོའི་ངོ་དེབ་དྲྭ་བ།
No comments:
Post a Comment
࿐ ལྷན་རྒྱས་ནས་འདི་ག་ངེད་དྲྭ་བའི་རྩོམ་ཡིག་ལ་མགུ་མཆན་དང་དཔྱད་མཆན་སོགས་འདེབས་ཆོག་ལ། མཐའ་ན་དགག་ལན་ཡང་གནང་ཆོག་པས་དེ་དག་ལ་ང་ཚོས་ཅིས་ཀྱང་དགའ་བསུ་ཞུ་བཞིན་ཡོད། ཡིན་ན་ཡང་གང་ཟག་སྒེར་པ་ལ་དམོད་ཚིག་བོར་བ་ལ་སོགས་པ་དང་མི་རིགས་པའི་གནས་ཚུལ་བཀོད་པ་ལ་སོགས་པ་བྱུང་ན། དེ་རིགས་ལ་ངེད་དྲྭ་བས་ངོས་ལེན་གཏན་ནས་ཞུ་ཐབས་བྲལ་བས་ཁྱེད་ཀྱི་མཆན་དེ་རིགས་འགོག་ཐབས་བྱེད་སྲིད།
ཁྱེད་ཀྱིས་མཆན་འདེབས་གནང་བའི་ཚེ། སོ་སོའི་མཚན་དང་། གང་འདེབས་རྒྱུའི་མཆན་རྣམས་ཡིན་ཅིག་བོད་ཡིག་ཐོག་བཀོལ་སྤྱོད་གནང་རོགས་ཞུ་རྒྱུ་དང་། དུས་རྒྱུན་དུ་ཁྱེད་རང་གི་མཚན་དང་གློག་འཕྲིན་ཁ་བྱང་རྣམས་གཅིག་གྱུར་ངང་བེད་སྤྱད་པ་ལ། ཁྱེད་ཀྱི་མཆན་བུ་དང་པོ་དེར་ལེགས་པར་བཀོད་ཡོད་ན། མཆན་བུ་རྗེས་མ་རྣམས་ལ་བསྐྱར་དུ་འབྲི་མི་དགོས་པར་རང་བཞིན་གྱིས་དྲྭ་བར་འཁོད་འགྲོ་བ་ཡིན་པས། དེ་དོན་དགོངས་འཇགས་གནང་རོགས་ཞུ། བཀའ་དྲིན་ཆེ།