རྩོམ་པ་པོ། དོལ་པོ་སྤྲུལ་སྐུ་འཆི་མེད་ཚེ་དབང་།
ཡོད་ནི་གདོད་མ་ནས་ཡོད་ཀྱང་།།
འབྱུང་ནི་འཁོར་འདས་ཐམས་ཅད་འབྱུང་།།
རྟོག་པས་འཛིན་སྟངས་ཙམ་ཞིག་ལས།།
ཐམས་ཅད་བསམ་ཡས་སྒྱུ་འཕྲུལ་དྲྭ།།
བརྟན་གཡོའི་མཛེས་སྡུག་ཐམས་ཅད་ཀུན།།
གཅིག་ཏུ་བསྡུས་ནས་ལྷ་མོར་ཤར།།
ལྷ་མོ་གཞན་དུ་འཚོལ་མི་དགོས།།
བུད་མེད་ཐམས་ཅད་ཤེས་རབ་མ།།
རྒྱལ་ཡུམ་ཕ་རོལ་ཕྱིན་མ་ཡིན།།
འཕགས་མ་སྒྲོལ་མ་དཀར་སྔོན་དང་།།
འོད་ཟེར་ཅན་དང་རིག་བྱེད་སོགས།།
གཟུགས་ཀྱི་སྐུ་ལ་གྲངས་ཚད་མེད།།
སོ་སོའི་མོས་པ་བཞིན་དུ་འཆར།།
ཡིན་ལ་ཡིན་པར་ཤེས་པའི་ངང་།།
རང་གི་མིག་ལ་སུ་མཛེས་ན།།
དེ་དག་རྟག་ཏུ་དྲན་པར་གྱིས།།
ཡིད་དུ་འོང་བ་ཐམས་ཅད་ཀུན།།
རྒྱལ་བའི་རྣམས་འཕྲུལ་ཡིན་པར་མོས།།
མངོན་རྟོགས་གསལ་བའི་དགོས་པ་ཡོད།།
འདུན་པ་མ་གཏོགས་འདོད་ཆགས་མིན།།
བལྟས་ན་རྟོག་ཚོགས་ཧད་ཀྱིས་འགག།
མྱོང་ན་ལས་རླུང་དབུ་མར་བསྟིམས།།
ཆགས་ལྡན་རྣམས་ལ་ཆགས་ཚུལ་གྱིས།།
ཆགས་མེད་ལམ་དུ་འཁྲིད་པ་སོགས།།
ཐབས་མཁས་མཛད་པ་བསམ་མི་ཁྱབ།།
གདུ་བུ་བརྡབས་པའི་སིལ་སྒྲ་སོགས།།
སྒེག་པའི་རྣམ་འགྱུར་རེས་རེས་ཀྱང་།།
མི་རྟོག་ཡེ་ཤེས་མངོན་དུ་བྱེད།།
སེམས་ཀྱི་འཛིན་སྟངས་འགལ་བ་ལས།།
འཁོར་འདས་ཞེས་བྱ་ལོགས་ན་མེད།།
ཉོན་མོངས་ཡེ་ཤེས་རྒུད་དུ་མེད།།
ད་ནི་འགལ་མེད་རྟོགས་པར་མཛོད།།
ཡོངས་ཁུངས། རྩོམ་པ་པོའི་ངོ་དེབ་དྲྭ་བ།
No comments:
Post a Comment
࿐ ལྷན་རྒྱས་ནས་འདི་ག་ངེད་དྲྭ་བའི་རྩོམ་ཡིག་ལ་མགུ་མཆན་དང་དཔྱད་མཆན་སོགས་འདེབས་ཆོག་ལ། མཐའ་ན་དགག་ལན་ཡང་གནང་ཆོག་པས་དེ་དག་ལ་ང་ཚོས་ཅིས་ཀྱང་དགའ་བསུ་ཞུ་བཞིན་ཡོད། ཡིན་ན་ཡང་གང་ཟག་སྒེར་པ་ལ་དམོད་ཚིག་བོར་བ་ལ་སོགས་པ་དང་མི་རིགས་པའི་གནས་ཚུལ་བཀོད་པ་ལ་སོགས་པ་བྱུང་ན། དེ་རིགས་ལ་ངེད་དྲྭ་བས་ངོས་ལེན་གཏན་ནས་ཞུ་ཐབས་བྲལ་བས་ཁྱེད་ཀྱི་མཆན་དེ་རིགས་འགོག་ཐབས་བྱེད་སྲིད།
ཁྱེད་ཀྱིས་མཆན་འདེབས་གནང་བའི་ཚེ། སོ་སོའི་མཚན་དང་། གང་འདེབས་རྒྱུའི་མཆན་རྣམས་ཡིན་ཅིག་བོད་ཡིག་ཐོག་བཀོལ་སྤྱོད་གནང་རོགས་ཞུ་རྒྱུ་དང་། དུས་རྒྱུན་དུ་ཁྱེད་རང་གི་མཚན་དང་གློག་འཕྲིན་ཁ་བྱང་རྣམས་གཅིག་གྱུར་ངང་བེད་སྤྱད་པ་ལ། ཁྱེད་ཀྱི་མཆན་བུ་དང་པོ་དེར་ལེགས་པར་བཀོད་ཡོད་ན། མཆན་བུ་རྗེས་མ་རྣམས་ལ་བསྐྱར་དུ་འབྲི་མི་དགོས་པར་རང་བཞིན་གྱིས་དྲྭ་བར་འཁོད་འགྲོ་བ་ཡིན་པས། དེ་དོན་དགོངས་འཇགས་གནང་རོགས་ཞུ། བཀའ་དྲིན་ཆེ།