ཤེས་རབ་རྒྱལ་མཚན་གྱི་སྙན་རྩོམ་ཆེད་བསྒྲིགས།

⊰ ཉིན་ཐོ་ནི་ཅི་ཞིག་རེད། ⊱

རེག་ཟིག ~ ཟིན་ཐོ།

དབྱངས་དང་གསལ་བྱེད་གཉིས་ཀྱི་རྩིག་པ་བརྩིགས་པའི།།

ཉིན་ཐོའི་ཕ་མཁར་མཐོན་པོའི་ནང་ལོགས་བསྔོགས་ནས།།

འདི་ཕྱིའི་འཕྲལ་ཕུགས་ཀུན་ནས་ཀུན་ཏུ་ཕན་པའི།།

སྔོན་བྱོན་མཁས་གྲུབ་དུ་མའི་གླེགས་བམ་མཇལ་བྱུང་།།

དཔེར་བརྗོད་ཀྱིས་འཁྲུངས་སྐར་བསུས་པ།

པདྨ་རྒྱལ་མཚན། སྔ་འགྱུར་མཐོ་སློབ་ཆེན་མོ།

སྐུ་ལ་མཚན་དང་དཔེ་བྱད་རྒྱན་གྱིས་སྤྲས།།

གསུང་ལ་འགག་མེད་གསུང་དབྱངས་དྲུག་བཅུ་ལྡན།།

ཐུགས་ལ་མཁྱེན་བརྩེ་ནུས་པ་ཡོངས་གང་བའི།།

རྩ་བའི་བླ་མའི་ཞབས་ལ་གསོལ་བ་འདེབས།།

བཅོས་མིན་ཡིད་ཀྱི་གསོལ་འདེབས།

འཇིགས་མེད་རྣམ་རྒྱལ།(རོང་ཕྲུག) སྔ་འགྱུར་མཐོ་སློབ་ཆེན་མོ།

གཞི་ལ་གཞི་སྣང་ཤར་བའི་དུས་དེ་རུ།།

འཁྲུལ་བའི་དབང་གིས་རང་སྣང་མ་ཤེས་ཏེ།།

ཁམས་གསུམ་སྲིད་པ་འདི་ན་འཛད་མེད་དུ།།

སྐྱེ་འཆི་བུམ་ནང་སྦྲང་འབུ་བཞིན་དུ་འཁོར།།

སྐྱེ་འཆི་མེད་པའི་དབྱིངས་སུ་འཐིམ་པར་ཤོག།

ཀ་ར་མུར་བ།

ཉག་སྦྲང་ཆར། སྔ་འགྱུར་མཐོ་སློབ་ཆེན་མོ།

ཀ་ཁའི་དབྱངས་རྟ་གསེབ་ཀྱི་ཁོ་བོ་ཡིས།།

ཁ་བའི་འདབ་མ་གཡོ་བའི་སྣང་ཚུལ་ཞིག །

ག་བར་བལྟས་ན་རྨི་ལམ་བྲང་ཁར་ལྷུང་།།

ང་ཡིས་གང་བྲིས་སྟོང་པའི་ཀློང་ན་འཕུར།།

སླར་ཡང་དྲན།

མཁན་ཆེན་འཆི་མེད་རིག་འཛིན། སེར་རྟ་བླ་རུང་།

མཁན་ཆེན་འཇིགས་མེད་ཕུན་ཚོགས་འབྱུང་གནས། (༡༩༣༣-༢༠༠༤)

རྒྱང་རིང་མི་ཚེའི་ལམ་ལ་ཕྱིར་ལྟས་བྱས་ན།།

  འལ་འོལ་གཟུགས་བརྙན་མང་པོ་འཆར་རྒྱུ་འདུག་སྟེ།།
  ནམ་ཡང་བརྗེད་དུ་མེད་པ་འདྲེན་མཆོག་བླ་མའི།།
  དགྱེས་ཞལ་ཟླ་བ་དཀར་པོ་སླར་ཡང་དྲན་འདུག།

ཐོན་མིས་རྒྱལ་པོར་ཕུལ་བའི་ཡིག་ཕུད་ཀྱི་ཚིག་འགྲེལ།

ཡོང་ཁུངས།: ཀྲུང་གོ་བོད་ཀྱི་དྲྭ་བ།

སྤེལ་ཉིན།: ༢༠༡༩།༠༨།༢༠།

༡། ཡིག་ཕུད་ཤློཀ་དང་པོའི་འགྲེལ།

ཞལ་རས་གསལ་ལ་ངང་མདངས་གང་བ་བཟང་།།

གདམས་ངག་ཟབ་ལམ་མ་ཆད་ཐ་དད་རང་།།

ལས་ངན་བག་ཆགས་ཐམས་ཅད་བསལ་མཛད་པ།།

འཕགས་པ་མ་ཕམ་ཡང་དག་དམ་པ་ལགས།།

དྭགས་པོ་རིན་པོ་ཆེའི་ཆོས་བཞི་མདོར་བསྡུས་པ་བཞུགས་སོ།།

མཉམ་མེད་དྭགས་པོ་ལྷ་རྗེ། (༡༠༧༩-༡༡༥༣)

ན་མོ་གུ་རུ། ཆོས་ཆོས་སུ་འགྲོ་བ། ཆོས་ལམ་དུ་འགྲོ་བ། ལམ་འཁྲུལ་པ་སེལ་བ། འཁྲུལ་པ་ཡེ་ཤེས་སུ་འཆར་བ་ཞིག་དགོས་གསུང་།