 |
| གངས་ལྗོངས་དོལ་པོའི་དད་རྟེན་༸སྐྱབས་རྗེ་ཞི་བར་གཤེགས་པ་གྲུབ་ཆེན་དམར་སྒོམ་ཚེ་རིང་བཀྲ་ཤིས་རིན་པོ་ཆེ། |
གཞིས། །འགྱངས། །གཉེན། །བསྐལ། །བྱེས། །སུན། །ཡུལ། །དྲན། །
རྩོམ་པ་པོ། ཀུན་ཏུ་རྒྱུ།
སྔ་འགྱུར་བརྒྱུད་པའི་བླ་མ་རྣམས་ལ་ཕྱག་འཚལ་ཞིང་
ཚེ་རབས་ཀུན་ཏུ་སྐྱབས་སུ་བསྙེན་ནོ།།
དེ་ཡང་ལོ་སྔོན་མའི་ནང་དུ་སྔ་འགྱུར་རྙིང་མའི་ཞིབ་འཇུག་གི་དེབ་དང་པོ། རོང་ཟོམ་ཆོས་ཀྱི་བཟང་པོའི་རྣམ་ཐར་དང་། ཐེག་ཆེན་ཚུལ་འཇུག་ཞིབ་དཔྱད་ཞུ་དག དེའི་བརྗོད་བྱ་བརྗོད་བྱེད་ལ་བརྟག་པ། ཞེས་པའི་རྣམ་གྲོལ་གླིང་གི་མཁན་པོ་དང་སློབ་དཔོན་སློབ་དཔོན་མ་དག་གིས་མཛད་པ། དེའི་འགྲེམ་སྤེལ་བརྡ་འབྱོར་བ་ནས་བཟུང་ངང་སྒུག་བྱས་མོད། དེབ་དངོས་ནི་ད་དུང་ཡང་ལག་ཏུ་མ་འབྱོར། ཉིན་ཤས་སྔོན་འཕྲུལ་དེབ་(གློག་རྡུལ་དཔེ་དེབ།)ཅིག་བརྙེད་ཅིང་། དབུ་ནས་རོང་ཟོམ་གྱི་རྣམ་ཐར་ལ་བརྟགས་པ་ཆ་ཚང་མཇལ་བ་ཡིན་ལ། དོགས་སྣང་ཕྲན་བུ་རེ་ཡང་བྱུང་། དེའི་ནང་ནས་ཁོང་རྣམས་ཀྱི་ཞིབ་འཇུག་གི་གྲུབ་དོན་ཞིག་ཡང་དག་མིན་ངེས་སུ་འདུག་སྙམ་པ་ཡང་བྱུང་། དེ་ནས་རྒྱུ་ཆ་འགའ་ཡང་བཀླགས་ཤིང་། དེ་དག་གི་གྲུབ་དོན་ཞིག་ཡི་གེའི་ལམ་ནས་སྤེལ་འདོད་བྱུང་ངོ་།།
