སྐྱོན་བརྗོད་ལ་མི་བཟོད་ན་གྲག་འགུལ་མེད་པར་སྡོད།‍

ཕྱི་ལོ་ ༢༠༢༢ ཟླ་བ་ ༦ ཚེས་ ༡༧ ཉིན་བསླབ་པ་ཀུན་བཏུས་ཀྱི་བཀའ་ཆོས་ཀྱི་ཞོར་འཕྲོས།

གསུང་བ་པོ།: མཁན་ཆེན་ཚུལ་ཁྲིམས་བློ་གྲོས།

ཟིན་ཕབ་པ།: ཚྭ་ནག་གདུང་སེལ།

ཅི་ཞིག་འཇིག་རྟེན་གྱི་ཆོས་ཉིད་ཡིན་པ་རེད་ཟེར་ན།  རྒྱ་བོད་ཧོར་གསུམ་གྱི་ས་ཆ་སྟོད་སྨད་གང་ཞིག་ལ་ཡོད་པ་ཡིན་ན།  ཚོགས་པ་ཞིག་ཡིན་ན་འདྲ། མི་སྒེར་ཞིག་ཡིན་ན་འདྲ། ཡང་ན་ཆོས་སྡེ་ཞིག་ཡིན་ན་འདྲ།  མདོར་ན་གང་ཞིག་ཡིན་ན་གྲག་འགུལ་རྩ་བ་ནས་མེད་པ་ཞིག་ཡིན་ན། དེའི་ཐོག་ལ་སྐྱོན་བཤད་ཡོང་མཁན་གཅིག་ཀྱང་ཡོད་མ་རེད།

གླིང་རྗེ་གེ་སར་དཔའ་བོའི་ལོ་རྒྱུས།

སློབ་དཔོན་ཕྲིན་ལས་མཐར་ཕྱིན།

གླིང་རྗེ་གེ་སར་འཁྲུངས་ནས་ལོ་ངོ་ ༩༨༦ ལོན་པའི་དུས་དྲན་བསུ།

གཏམ་གྱི་འགོ།

འཛམ་གླིང་འདིར་མི་རིགས་སོ་སོར་ལྟོས་པའི་ལོ་རྒྱུས་སྣ་ཚོགས་ཡོད་ཆོག་ལ། ལོ་རྒྱུས་ཀྱི་ཐོག་ནས་མི་རིགས་དེའི་གཤིས་ཀ་དང་འཚོ་བ། རིག་གཞུང་དང་གོམས་སྲོལ། ཐུན་མིན་གྱི་ཁྱད་ཆོས་དང་སྐད་ཡིག་སོགས་དཔོག་ཐུབ་པས། འཛམ་གླིང་རྒྱལ་སྤྱིའི་ཤེས་རིག་ཚན་རྩལ་རིག་གཞུང་གི་མངོན་མེད་ཤུལ་བཞག་རིག་གཞུང་གི་ཐོ་ཁོངས་སུ་ཚུད་པའི། གླིང་སྒྲུང་སྟེ་གླིང་རྗེ་གེ་སར་རྒྱལ་པོའི་གཏམ་རྒྱུད་ཀྱང་གླིང་གེ་སར་རྒྱལ་པོ་དང་སྐབས་དེའི་སྤྱི་ཚོགས་ཀྱི་གནས་བབ། ཡུལ་སྲོལ་གོམས་གཤིས། བསམ་བློའི་འཁྱེར་སྟངས། ཆོས་དང་རིག་གཞུང་སོགས་བརྗོད་གཞིར་བཟུང་བའི་སྒྲུང་གཏམ་མམ། སྙན་ངག ཡང་ན་དཔའ་བོའི་རྟོགས་བརྗོད་ཀྱི་སྒྲུང་རིང་ཤོས་དེ་ཡིན། གླིང་སྒྲུང་རིང་མོའི་བརྗོད་དོན་མི་སྣ་གཙོ་བོའང་ཕྱིའི་དགྲ་བཞི་དྲག་པོས་བཏུལ་ཞིང་། ནང་གི་འབངས་སྡེ་བྱམས་ཀྱིས་བསྐྱངས་པའི་གླིང་གེ་སར་རྒྱལ་པོ་དེ་ཉིད་ཡིན། དོགས་པ་ལར་ནས་མི་དགོས་སར་གླིང་གེ་སར་དེ་ཉིད་དངོས་བྱུང་གི་མི་སྣ་ཞིག་གམ། རྟོག་བཟོས་བསྐྲུན་པའི་སྒྲུང་གཏམ་གྱི་མི་སྣ་ཡིན་མིན་བཅས་སུ། རི་བོང་གནམ་རྡིབ་ཀྱི་སེམས་ཁྲལ་བྱེད་མཁན་རེ་ཟུང་བྱུང་ཡང་། རྣམ་དཔྱོད་གཞུ་ལྟར་འཁྱོག་པ་དང་། བསམ་བཞིན་ལོ་རྒྱུས་ནག་སུབ་བྱེད་འདོད་པ་ཞིག་མ་ཡིན་ན་དེ་ལྟར་སྨྲ་སྲིད་དོན་མེད། དེང་རབས་ཀྱི་ཞིབ་འཇུག་པས་དཔྱད་བརྗོད་བྱས་པའི་གནའ་དེང་གི་ལོ་རྒྱུས་སོགས་སུ། ལྷ་སྒྲུང་ཀླུ་སྒྲུང་ལྟ་བུའི་རྟོག་བཏགས་ཀྱི་སྒྲུང་ཅི་འདྲ་ཡིན་ཡང་། དེའི་ནང་ནས་ལོ་རྒྱུས་ཀྱི་ས་བོན་རེ་རག་ཐུབ་པའི་ལྟ་ཚུལ་ཡོད་པ་བཞིན། མ་མཐའ་ཡང་གླིང་སྒྲུང་ལས་གླིང་གེ་སར་ཟེར་བ་མི་དཔའ་བོ་གཞན་དང་མི་མཚུངས་པ་ཞིག་ཡོད་པ་དཔོག་ཐུབ། ཧྲིལ་ལེན་ཧྲིལ་འདོར་གྱི་ལྟ་གྲུབ་འོག་རང་རེའི་སྤྱི་ཚོགས་སུའང་འུད་ཀྱིས་བཀང་བའི་ཚེ། གཡམ་རྒྱུག་གམ་ཅལ་འདྲོགས་ཀྱིས་ཕྱོགས་སུ་ལྷུང་བའི་འུར་གཏམ་མང་པོ་ཞིག་ནི། སྤང་ནས་ཤ་མོང་བརྡོལ་བ་ལྟར་གཅིག་རྗེས་གཉིས་མཐུད་དུ་འབྱུང་ཞིང་། དེ་དག་གི་ཁྲོད་ནས་འགའ་རེ་སྨུག་པའི་ནང་ཝ་སོང་བ་ལྟར་ཕྱོགས་གང་ཞིག་ཏུ་ཡོད་མེད་ཀྱང་མི་ཤེས་པར་མགོ་འཐོམས་འགྲོ་ཡང་། གླིང་གེ་སར་རྒྱལ་པོ་དེ་ཉིད་དངོས་བྱུང་གི་མི་སྣ་ཞིག་ཡིན་པར་ཡིད་གཉིས་དགོས་དོན་མེད་དེ། ཁོང་གི་ལག་རྗེས་དང་། རྗེས་ཤུལ་གྱི་དངོས་རྫས། ཕ་ཡུལ། མི་རྒྱུད། མི་སྡེ་དང་བཅས་པ་ད་ལྟ་གསལ་པོར་ངོས་བཟུང་དུ་ཡོད་པས་སོ། །དེས་ན་བླུན་པོ་ཆུ་སྣ་གར་ཁྲིད་ཀྱི་མི་དག་ལ་རང་ཚུགས་དང་ལྟ་གྲུབ་མེད་པས་གཏམ་གང་ཞིག་བཤད་ནའང་རྔོ་མི་ཐོགས་ཀྱང་། གཟུ་བོར་གནས་ཤིང་ཤེས་འདོད་ཅན་གྱི་མི་འགའ་ལ་གྲོས་རེ་བཏབ་ན་དགེ་མཚན་ཕྲན་བུ་འབྱུང་བའི་རེ་བ་ཡོད་པས། འདིར་གླིང་གེ་སར་རྒྱལ་པོ་ཞེས་པའི་མཚན་སྙན་ཡོངས་སུ་གྲགས་པའི་སྐྱེས་བུ་དེའི་སྐོར་ཉུང་བསྡུས་ཤིག་བྲི་བར་བྱ།

བླ་མ་ཉི་མ་རིན་པོ་ཆེ་མཆོག་གི་མཛད་རྣམ་ཅུང་ཟད་བརྗོད་པ་དཔྱིད་ཀྱི་རྒྱལ་མོའི་མགྲིན་གླུ།

༄༅། །དོལ་པོ་སྐྱིད་སྡུག་མཉམ་སྦྲེལ་ཡར་རྒྱས་ཚོགས་པའི་ཚོགས་ཁང་གསར་བཞེངས་ལེགས་གྲུབ་བྱུང་བའི་དགའ་སྟོན་དང་འབྲེལ། སྐྱིད་སྡུག་ཚོགས་གཙོ་ཉི་མ་རིན་པོ་ཆེ་མཆོག་གི་མཛད་རྣམ་ཅུང་ཟད་བརྗོད་པ་དཔྱིད་ཀྱི་རྒྱལ་མོའི་མགྲིན་གླུ་ཞེས་བྱ་བ་བཞུགས་སོ།།  

རྩོམ་པ་པོ། སྤྲུལ་འཆི་མེད་ཚེ་དབང་། 

གངས་ཅན་མངའ་རིས་དོལ་པོའི་ཡུལ་ཞེས་དགེ་བཅུ་ཕུན་སུམ་ཚོགས་པའི་གནས།། 

མ་སྨད་འོད་གསལ་ལྷ་ནས་ཆད་པའི་མྱང་སྟོད་སྟག་རོང་རྒྱལ་པོའི་རྒྱུད།། 

གབ་པ་ཞེས་བྱ་རིགས་ཀྱིས་མཐོ་བ་སཱ་ལའི་ལྗོན་ཤིང་ལྟ་བུ་ལས།།

 དོལ་ཕྱོགས་སྤྱི་མཐུན་བསོད་ནམས་དཔལ་དུ་མཚན་དཔེའི་མེ་ཏོག་འདབ་སྟོང་བཞད།།

གྲུབ་པའི་དབང་ཕྱུག་མི་ལ་རས་པ་ལ་བསྟོད་པ།

མཁན་པོ་བསྟན་འཛིན་རྣལ་འབྱོར།

མཁས་གྲུབ་མར་པའི་སློབ་མ་ཡིན།།

དྭགས་པོ་ལྷ་རྗེའི་བླ་མ་ཡིན།།

སྒྲུབ་བརྒྱུད་བསྟན་པའི་ཤིང་རྟ་ཡིན།།

རྗེ་བཙུན་མི་ལ་རས་པ་ཡིན།།

ང་ཡི་ཕ་ཡུལ།

དོལ་པོ་པ་ཤེས་རབ་རྒྱལ་མཚན།

སྔ་འགྱུར་མཐོ་སློབ་ཆེན་མོ།

དཀར་གཙང་ཁ་བའི་འདབ་མ་ལྷབ་ལྷུབ་ཏུ་ཉིལ་དུས།།

ཕྱི་ནས་ཁ་ཁྱི་ཟུག་པའི་སྐད་སྒྲ་དང་ལྷན་དུ།།

ནང་ནས་དགུན་ཀའི་མཚན་གཞུང་གནའ་སྒྲུང་དང་འགྲོགས་ཡོད།།

ནམ་ཡང་བརྗེད་ས་མི་འདུག་དུང་མདོག་གི་ཕ་ས།།

ཐེག་མཆོག་རྫོགས་ཆེན་ཐེག་པའི་ཉེ་ལམ་ནས། །བློ་འདས་ཡེ་ཤེས་བློ་ལ་འཆར་བར་སྨོན། །

རྩོམ་པ་པོ། དོལ་པོ་པ་སློབ་དཔོན་ཨོ་རྒྱན་དོན་གྲུབ། 

༈ གང་མཚན་དྲན་པས་གཉིས་སྣང་ཕྲ་རགས་ཀུན། །

དག་ཆེན་ཡེ་ཤེས་ཆེན་པོར་བཟླུམ་མཛད་པ། །

འཕོ་ཆེན་དྭངས་མའི་སྲོག་བརྙེས་གྲུབ་དབང་རྗེའི། །

གསང་གསུམ་བྱིན་མཐུས་ས་གསུམ་ཁེབས་གྱུར་ཅིག །

མཆོག་སྤྲུལ་པདྨ་རིག་རྩལ་རིན་པོ་ཆེའི་མཛད་རྣམ་མདོར་བསྡུས།

སྤྲུལ་སྐུ་འཆི་མེད་ཚེ་དབང་དོལ་པོ།

     ཨོ་རྒྱན་གྱི་སློབ་དཔོན་ཆེན་པོ་པདྨ་སཾ་བྷ་ཝའི་རྒྱལ་ཚབ་གཏེར་ཆེན་༸ཁྲག་འཐུང་བདུད་འཇོམས་གླིང་པའི་ཐུགས་སྲས་ཀྱི་ཐུ་བོ་འཇའ་ལུས་གྲུབ་པ་བཅུ་གསུམ་གྱི་ཡ་གྱལ། ༸གྲུབ་དབང་པདྨ་བདེ་བའི་རྒྱལ་པོའམ་བདེ་རྒྱལ་རིན་པོ་ཆེ་མཆོག་སྟོད་མངའ་རིས་སུ་ཕེབས་ཏེ། གངས་ཏི་སེའི་ཉེ་འདབས་རྨ་བྱ་ཁ་འབབ་ཀྱི་ཆུ་མགོར། དཔལ་བྲག་དམར་ནམ་མཁའ་ཁྱུང་རྫོང་ཞེས་པ་ཕྱག་བཏབ་ཅིང་། ཞལ་སློབ་གཙོ་བོ་སྐུ་ཞབས་གསེར་རྟ་རིན་པོ་ཆེའམ་པདྨ་ལུང་རྟོགས་རྒྱ་མཚོ་ཞུ་བ་གང་ཉིད། དོལ་པོ་དང་། མུ་གུམ། ཀརྨ་རོང་། འུམ་ལྷོ་སོགས་སུ་ཕེབས་ནས། བདུད་འཇོམས་གཏེར་གསར་ཐོག་མར་སྤེལ་བས། སྟོད་དར་ནམ་མཁའ་ཁྱུང་རྫོང་ལུགས་ཞེས་པ་དེ་བྱུང་། གསེར་རྟ་རིན་པོ་ཆེའི་སྲས་བདེ་རྒྱལ་སྐུ་ཕྲེང་གཉིས་པ་པདྨ་འཇིགས་མེད་རྣམ་རྒྱལ་མཆོག་ནི། ༸སྐྱབས་རྗེ་བདུད་འཇོམས་རིན་པོ་ཆེ་འཇིགས་བྲལ་ཡེ་ཤེས་རྡོ་རྗེའི་ཐུགས་ཀྱི་སྲས་སུ་གྱུར་ཅིང་། བལ་བོད་ཀྱི་ས་མཚམས་འུམ་ལྷོ་རོང་དུ་སྐུ་ཚེ་ཧྲིལ་པོར་སྒྲུབ་ལ་གཞོལ་ཏེ། ནམ་མཁའ་ཁྱུང་རྫོང་གི་བསྟན་པ་མི་ཉམས་གོང་འཕེལ་མཛད།