རྐང་ཐང་དུ་སྐྱོད་ན་འདི་འདྲའི་ཕན་ནུས་མང་།

དམངས་ཁྲོད་ཀྱི་ངག་རྒྱུན་དུའང་འགུལ་སྤྱོད་ཀྱི་རྨང་གཞི་ནི་རྐང་ཐང་དུ་བགྲོད་པ་ཡིན་ཟེར་བ་ལས་རྐང་ཐང་ལ་འགྲོ་པའི་ཕན་ནུས་རྟོགས་ཐུབ།     རྐང་ཐང་དུ་ཕྱིན་ན་སྙིང་དང་གློ་བའི་ནུས་པ་བསྐྱེད་ནུས་པར་མ་ཟད།   རྐང་ཐང་དུ་སྐྱོད་ཚེ་ལུས་པོའི་ཚ་ནུས་ཟད་གྲོན་གཏོང་ཐུབ་སྟེ། ལུས་སྟེང་གི་ཚིལ་ལུ་ཞུ་ནུས་ཤིང་ཤ་རྒོད་ཆགས་ཐུབ་པ་སོགས་ཁྱད་མཚར་གྱི་ནུས་པ་མང་པོ་ལྡན།   འཛམ་གླིང་འཕྲོད་བསྟེན་རྩ་འཛུགས་ཀྱིས་རྐང་ཐང་དུ་བགྲོད་པ་ནི་འཛམ་གླིང་གི་འགུལ་སྤྱོད་ཡག་ཤོས་ཡིན་པར་ངོས་འཛིན་བྱས་ཡོད།   གྲངས་རྩིས་བྱས་པ་ལྟར་ན།   རྐང་ཐང་དུ་གོམ་པ་གཅིག་སྤོས་པ་དེས་མིའི་ལུས་སྟེང་གི་ཁྲག་རྩ་དང་ཤ་རྒོད་ཀྱི་བརྒྱ་ཆའི་༥༠འགུལ་སྐྱོད་བྱེད་ཐུས་པས་གཟུགས་པོ་སྤྱི་ལ་ཕན་ནུས་ཆེན་པོ་བསྐྲུན་ཡོད།    གཤམ་ནས་ང་ཚོ་ཚང་མས་ལྷན་དུ་རྐང་ཐང་ལ་ཕྱིན་པའི་ཕན་ནུས་རེ་རེར་ཞིབ་ཏུ་གཟིགས་ཆོག

ཏུན་ཧོང་གསང་བའི་བྲག་ཕུག

ཏུན་ཧོང་བྲག་ཕུག་འདི་ཆགས་ཡུལ་གྱི་ཐོག་མ་ནི་གནའ་བོའི་སྐབས་འདི་ལ་མཛེས་སྡུག་ལྡན་པའི་བྱེ་ཐང་གི་གླིང་ཞེས་བརྗོད་ཀྱི་ཡོད། སྤྱི་ལོ་སྔོན་གྱི་ ༡༡༩ ལོར་ཧན་རྒྱལ་རབས་ཀྱི་གོང་མ་ཧན་ཝུས་ཏིས་ (汉武帝) རྨ་ཆུའི་ནུབ་བརྒྱུད་དབང་དུ་བསྡུས་རྗེས། ཁུལ་དེར་ཡུལ་མི་འབུམ་ཕྲག་འགའ་ཤས་གནས་སྤོས་ནས་ཐེངས་དང་པོ་རྒྱའི་མངའ་ཁོངས་སུ་ཚུད། ཡ་གླིང་གི་དབུས་དང་ནུབ་རྒྱུད་ལ་སྐྱོད་སའི་དར་གོས་ཚོང་ལམ་ (丝绸之路 Sik Road) གྱི་སྒོ་ཐོག་མར་འབྱེད། དེ་ནི་རྒྱ་ནག་ཧྲན་ཤི་ནས་ཡིན་པའི་རྒྱལ་པོའི་གསེར་ཡིག་ཀྲང་ཅན་ཞེས་པས། སྤྱི་ལོ་སྔོན་གྱི་ ༡༣༩-༡༢༦ དང་ ༡༡༩-༡༡༥ བཅས་སྔ་རྗེར་སོ་སོར་དབུས་ཨེ་ཤེས་ཡའི་ནང་དུ་གཞུང་འབྲེལ་ལས་དོན་བྱེད་པར་བསྐྱོད་དེ། སླར་ལམ་བུ་དེ་རང་བརྒྱུད་དེ་ཁྲང་ཨན་དུ་ཚུར་ལོག་ཡོང་བས་ལམ་དེ་གསར་དུ་དོད་པ་ནས་བྱུང་བ་ཡིན། དར་གོས་ཚོང་ལམ་དེ་སྒོ་འབྱེད་པ་ནས་ཨེ་ཤི་ཡ་ནང་གི་ཚོང་དང་རིག་གནས་བརྗེ་རེས་བྱ་སའི་འདུས་མདོ་གལ་ཆེན་ཞིག་ཏུ་གྱུར་ཏེ་ཚོང་ལས་དར་རྒྱས་ཆེན་པོར་སོང་།

སྲོང་བཙན་སྒམ་པོ་ནས་བཟུང་བོད་བཙན་པོ་རྣམས་ཀྱིས་གནའ་བོའི་དར་ལམ་འདུས་མདོའི་ཚོང་རའི་ས་ཚིགས་གལ་ཆེན་དེ་འཕྲོག་ཆེད་རྒྱ་ནག་ཐང་རྒྱལ་རབས་བར་ལ་དམག་འཁྲུག་རབས་རིམ་བྱུང་ནས་སྤྱི་ལོ་དུས་རབས་བརྒྱད་པ་ཙམ་ལ་ཏུན་ཧོང་སོགས་ལི་ཡུལ་རྣམས་བོད་ཀྱི་མངའ་ཁོངས་སུ་འཛུད་ཐུབ་པ་བྱུང་ཞིང་། ལི་ཡུལ་མཐོང་ཁྱབ་ཁྲི་སྡེ་ལྔ་ཞེས་པ་ཞིག་བཙུགས་རབས་ཏུན་ཧོང་ནས་ཐོན་པའི་རྒྱལ་རབས་དེ་དང་ལི་ཡུལ་གྱི་རྫོང་རྙིང་ཁག་ནས་རྙེད་པའི་གནའ་བོའི་ཁྲལ་བསྡུའི་བྱང་བུ་ཁག་ཅིག་ལས་གསལ།

༸གྲུབ་དབང་པད་ནོར་ཡང་སྲིད་རིན་པོ་ཆེའི་ཞབས་བརྟན་གསོལ་འདེབས།

༸སྐྱབས་རྗེ་རྡོ་གྲུབ་ཆེན་སྐུ་ཕྲེང་བཞི་པས་མཛད།

ཨོཾ་སྭསྟི།

ཕྱོགས་བཅུའི་རྒྱལ་བ་སྲས་བཅས་རབ་འབྱམས་དང་།།

རིགས་བརྒྱའི་ཁྱབ་བདག་ཨོ་རྒྱན་ཐོད་ཕྲེང་རྩལ།།

ཁྱད་པར་འཆི་མེད་ཚེ་ལྷའི་བྱིན་མཐུ་ཡིས།།

མགོན་ཁྱོད་བསྟན་འགྲོའི་དཔལ་དུ་འཚོ་གཞེས་གསོལ།།

དཔེ་ཀློག་ལ་ཟིན་བྲིས་བརྗེད་མི་རུང་།

རྩོམ་པ་པོ། བཞག་སྲས།

འབུམ་ལྷ་སྲས་བོད་ཡིག་འཕྲིན་སྟེགས་ལས་བཤུས།

“དཔེ་ཆ་ནི་མིའི་རིགས་ཡར་རྒྱས་ཀྱི་ཐེམ་སྐས་ཡིན།” འཚོ་བའི་ནང་དུ་དཔེ་ཆ་མེད་ན། ས་ཆེན་པོར་ཉི་འོད་མེད་པ་དང་འདྲ་ཞིང་། བྱེའུ་ཆུང་ཞིག་ལ་གཤོག་ཟུང་མེད་པ་དང་མཚུངས། དཔེ་དེབ་བཟང་པོ་དེ་བཤེས་གཉེན་དམ་པ་ཡིན།   ཁོས་ང་ཚོའི་ཤེས་རིག་འཕེལ་རྒྱས་དང་གོ་རྟོགས་ཇེ་ཟབ་ཏུ་གཏོང་བ་མ་ཟད། ང་ཚོ་ལ་རྣམ་ཤེས་གསར་བ་ཞིག་བཞེངས་སྐྲུན་བྱེད།

དཔེ་ཆ་ཀློག་སྐབས་ཟིན་བྲིས་འདེབས་རྒྱུ་བརྗེད་མི་རུང་། ཟིན་བྲིས་འདེབས་པ་དེ་དཔེ་ཀློག་གི་ཐབས་ཤེས་གལ་ཆེན་ཞིག་ཡིན་ལ། དཔེ་ཀློག་སྐབས་སུ་མེད་མི་རུང་བའི་ཆ་ཤས་ཞིག་ཀྱང་ཡིན། 

སློབ་གཉེར་པ་ཞིག་ལ་མཚོན་ན། ཟིན་བྲིས་འདེབས་པ་དེ་དཔེ་ཀློག་ལ་དགོས་ངེས་ཀྱི་གོ་རིམ་ཞིག་ཡིན་ཏེ། དཔེ་ཀློག་སྐབས་སུ། མིང་ཚིག་དང་སྦྱོར་བ་ལེགས་པར་འཕྲད་ཚེ་འཕྲལ་དུ་བཤུ་འབྲི་བྱེད་ཅིང་། སྐབས་དེའི་སེམས་ཀྱི་འགྱུར་བ་ཅི་ཡོད་ཟིན་བྲིས་སུ་བཏབ་ན། བག་ཆགས་ཟབ་མོ་འཇོག་ཐུབ་པ་དང་། ཤེས་རིག་གསོག་འཇོག་བྱ་བར་སྨན་པ་མ་ཟད། རྗེས་ཆར་དཔྱད་གཞི་སྟབས་བདེ་རུ་གྱུར་ཏེ། གསར་རྩོམ་སློབ་གཉེར་ལ་རྨང་གཞི་བརྟན་པོ་འདིང་ངོ་།། གནའ་བོའི་དཔེ་ཀློག་པ་རྣམས་ལ་ཟིན་བྲིས་མང་དུ་འདེབས་པའི་གོམས་སྲོལ་ཡོད་ཅིང་། རིག་གནས་ཡོན་ཏན་ཀྱང་ནམ་རྒྱུན་ཟིན་བྲིས་ཀྱི་ཀློང་ནས་རྙེད་དོ།།

དོལ་པོ་ཤེལ་རི་མཆོག་སྤྲུལ་གྱི་སྐུ་ཕྲེང་རིམ་བྱོན་རྣམ་ཐར་སྙིང་བསྡུས་དད་དམ་མ་རིག་མུལ་སེལ།

རྩོམ་པ་པོ། དགེ་སློང་གསེར་མིག

ཤེལ་རི་མཆོག་སྤྲུལ་མཆོག་གི་སྐྱེས་རབས་བརྩི་ཚུལ་གཞན་ཞིག་ཡོད་ཀྱང་བསྟན་འགྲོར་མཛད་འཕྲིན་དབང་གིས་སྐུ་ཕྲེང་དང་པོ་རྗེ་བཙུན་བསྟན་འཛིན་རས་པ་ནི། གློ་བོ་མོན་ཐང་གི་དཔོན་རྒྱུད་ཡབ་འབྱོར་ར་རྒྱ་མཚོ་དང་ཡུམ་དཔལ་འདྲེན་བཟང་མོར་དུས་རབས་ ༡༧༤༥ ཤིང་བྱ་ལོར་འཁྲུངས། ཐོས་བསམ་སྒོམ་གསུམ་སྟོད་གུང་ཐང་། ལ་སྟོད་དང་ཙ་རི། དྭགས་ཀོང་དང་བལ་པོ་སོགས་སུ་མཛད། ཤེལ་རི་གསུམ་མདོ་དགོན་དང་གླིང་མགོ་དགོན་སོགས་ཕྱག་གཏབ།

སྐུ་ཕྲེང་གཉིས་པ་གོང་མ་སངས་རྒྱས་བསྟན་འཛིན་ནི། དོལ་པོ་ཤེལ་བདེ་བ་ཉིད་གདུང་གི་བརྒྱུད་པ་ཡབ་ཀརྨ་ཁམས་གསུམ་དབང་འདུས་དང་ཡུམ་སྦྱིན་འབེབས་གཉིས་ཀྱི་སྲས་སུ་སྐུ་འཁྲུངས།  གོང་མི་ངོས་འཛིན་དང་ཐོས་བསམ་མཛད་ཚུལ་ཡབ་༼ཀརྨ་ཁམས་གསུམ་དབང་འདུས་ཀྱི་རྣམ་ཐར་༽ནང་གསལ་སྙམ།༽

སེམས་ཀྱི་སྨྲེང་གླུ།

༼གསེར་ལྗོངས་བླ་མ་རུང་ལྔ་རིག་ནང་བསྟན་སློབ་གླིང་གི་གོད་ཆགས་མཐོང་རྗེས།༽

རྩོམ་པ་པོ། དོལ་པོ་སྤྲུལ་འཆི་མེད་ཚེ་དབང་།

གསེར་གྱི་རྟ་ཕོ་འཚེར་བའི་གནས་མཆོག་ན།།

གཡུ་ཡི་མཎྜལ་བཤམས་པའི་འགྱིང་ཁུག་དེར།།

བྱུ་རུ་ཐང་མར་བརྡལ་བའི་ཚོམ་བུ་ལ།།

རྐྱེན་ངན་བེར་ཀས་གཏོར་བའི་གཏམ་ངན་ཐོས།།

འདི་ནས་མི་ལོ་བཅུ་ཕྲག་འགའ་ཡི་སྔོན།།

དཔུང་པ་ལྕགས་ལས་གྲུབ་པའི་རྒད་པོ་ཞིག།

ཕྱོགས་བཞི་འུབ་ཀྱིས་བསྡུས་ནས་འདིར་སྤུངས་པས།།

དགོན་པ་དགོན་པའི་གྲོང་ཁྱེར་འཁྱིལ་བར་བྱས།།

མི་ཕམ་རྒྱ་མཚོའི་གསང་ཚིག་མ་གཏོགས་པར།།

མཁས་མཁས་འཇོན་འཇོན་ཕལ་གྱི་ལབ་རྡོལ་ལ།།

ཡིད་རྟོན་མི་བྱེད་ཟེར་བའི་བུ་ཕྲུག་ཚོས།།

གནས་ལྔའི་ཁོག་པ་དབྲལ་བ་ངོ་ཐོག་རེད།།

ནུབ་ཀྱི་བེམ་པོར་བརྟག་པའི་མགོ་སེར་དང་།།

ཤར་གྱི་ཤེས་པར་དཔྱོད་པའི་གོས་སེར་གཉིས།།

འགལ་བའི་སེར་ཀ་མཐུད་པའི་འབྱར་རྩི་ཅན།།

འདི་ན་ཡོད་པར་གྲགས་པའང་ཕྱེད་ཙམ་བདེན།།

རིག་པའི་གཤོག་རྩལ་རྒྱས་པའི་རྒོད་པོ་ཁྱུ།།

ས་ཆེན་ཤེད་ཀྱིས་སྐོར་བའི་ལམ་བར་དུ།།

བཙན་གཡེམ་འོག་གི་དབྱངས་གསལ་སོ་བཞི་བོར།།

འདྲ་མིན་བུ་ཕྲུག་སྐྱེ་ལ་ངོ་རྒོལ་བྱས།།

ཁྱུང་ཆེན་མཁའ་ལ་ལྡིང་བའི་ཉམས་འགྱུར་ལ།།

མ་བཟོད་ཤོག་སྒྲོ་སྔ་སར་གཏུབས་ཚར་མོད།།

ད་དུང་ལྗོན་པའི་ཡལ་འདབ་བཅག་གྱུར་ན།།

བྱེའུ་ཆུང་མཇོལ་མོའི་གནས་ཚང་གང་དུ་འཚོལ།།

སེམས་ཀྱི་དག་པའི་ཞིང་ལ་ཐལ་འཚུབ་དང་།།

དགྱེས་བྲལ་ངུ་ཤུམ་བྱེད་པའི་སྣང་ཚུལ་དག།

མ་བསམ་སྒོ་ལྔའི་བུ་གར་འཚངས་བྱས་པས།།

མི་བདེན་ཟེར་ན་བླུན་པོའི་རང་མཚང་ཙམ།།

སྲམ་ལ་གྲོགས་པོ་འཆོལ་བའི་འུག་རྒན་འགའ།།

རིགས་མཐུན་སྤུན་ལ་ཁྲེལ་དགོད་བྱེད་སྲིད་ཀྱང་།།

ཉི་འོད་མཐོང་ལ་དགའ་བའི་ལྷ་བྱ་ཀུན།།

སྨག་རུམ་འཐིབས་པོར་སྐྱོ་བ་ཅིས་མི་སྐྱེ།།

གཞན་སེམས་འཁྲུག་པའི་ཁྱེམ་བུ་མི་དགོས་སོ།།

རང་ཚུགས་ཁ་ཕོ་ནང་དུ་བསྡམས་བྱས་ཏེ།།

གང་དུ་འགྱེལ་ས་དེ་ནས་ལོངས་ཤོག་དང་།།

ཁྱེད་ཅག་མདུན་ན་རྒྱལ་ཁའི་འོད་སྣང་ཡོད།།

ལོ་མཐའི་ཙན་དན་དགའ་ཚལ་སྐྱིད་མོད་ཀྱང་།།

བྱང་གི་ཤུག་སྡོང་འགྱེལ་བའི་ཆོོབ་སྒྲ་ལ།།

མ་བཟོད་ཚོར་བ་གཟུགས་སུ་བགྱིས་པ་འདི།།

ཆོས་དང་རིགས་རྒྱུད་གཅིག་པའི་ལ་རྒྱ་ཡིན།།