དོལ་པོའི་བླ་མའི་རྣམ་ཐར་ཁག་མཇལ་བའི་སེམས་ཚོར་མགྱོགས་བྲིས་མ།

སློབ་སྤྲུལ་འཆི་མེད་ཚེ་དབང་། 

࿐ མི་སུ་ཡིན་ནའང་ཕ་ཡུལ་ལ་ཤ་ཞེན་མེད་པ་ནི་ཧ་ལམ་མི་སྲིད་པས། བདག་ཀྱང་ཕ་ཡུལ་གྱི་དབུ་འཕང་མཐོ་ན་དགའ་བ་དང་། དམའ་ན་སྐྱོ་མཁན་ཞིག་ཡིན་སྟབས། གནའ་བོའི་དཔེ་རྙིང་ཁྲོད་ཀྱི་སྐད་ཆ་འདི་དག་མཐོང་དུས་སེམས་རྩ་དྲོད་ཀྱིས་ཁེངས་ཡོང་། འདི་ནས་བརྩིས་པའི་མི་ལོ་བརྒྱ་ཕྲག་སྔོན་གྱི་ཕ་ཡུལ་ནི་སྐྱ་བོ་གཡོ་ཆུང་། སེར་མོ་ཆོས་བཟང་བས་རྒྱལ་ཁམས་དཀར་འབྱམས་ཡུག་ཅིག་གིས་ཁྱབ་ཡོད་ཚོད་འདུག  ལྷག་པར་དུ་བླ་མ་ཆོས་པ་ཕལ་ཆེ་བ་ཆོས་ལ་ཕྱོགས་རིས་མེད་པར་དོན་དམ་པའི་རིས་མེད་ངོ་མ་ཤ་སྟག་བྱུང་བ་ནི་སྤོབས་པ་མི་སྐྱེ་རང་སྐྱེ་རེད། གཏམ་དཔེ་ལའང་། བོན་ཆོས་ལ་དབྱེ་བ་མེད། ཆོས་སྐུ་ལ་རྒྱབ་མདུན་མེད། ཟེར་སྲོལ་ཡོད་པ་ལྟར། དོན་དངོས་ལའང་ལུང་པ་ཁ་ཤས་ན། ལྷ་ཁང་གི་ནང་ལོགས་ཕྱོགས་གཅིག་ཏུ་བོན་པོའི་ལྷ་སྐུ་དང་། ཕྱོགས་གཅིག་ལ་ཆོས་པའི་ལྷ་སྐུ་བཞེངས་པ་དང་། ཚོགས་པ་ཡང་ཆོས་བོན་གཉིས་གྲལ་གཡས་གཡོན་བྱས་ནས་ང་ཁྱོད་མེད་པར་ཚོགས་སྲོལ་ཡོད་འདུག 

དབུ་མ་རྒྱན་ནི་ཐར་གླིང་བགྲོད་པའི་ལྡེ་མིག་ཅིག་ཅི་ལ་མིན།

ཆོས་དབྱིངས་བླ་མ། སྔ་འགྱུར་མཐོ་སློབ་ཆེན་མོ།

སེར་རིའི་ཕྲེང་བ་ནང་ནས་ཁྱད་འཕགས་པ།།

ས་འཛིན་ལྟ་བུའི་མཁན་ཆེན་ཞི་འཚོ་ཡི།།

ལས་སྐལ་ཐོབ་པའི་གུས་པས་རྗེས་འབྲངས་ནས།།

དད་པའི་འདབ་མ་སོར་བཅུ་ཁྱེད་ལ་འབུལ།།

འགྲོན་པོ་ཁྱོད་ག་ལེར་ཕེབས་ཨ།

བསྟན་པ་ཚེ་རིང་། སྔ་འགྱུར་མཐོ་སློབ་ཆེན་མོ།

འགྱུར་མེད་ལས་དབང་བཙན་པོ།།

དབང་ཆེན་དཔོན་པོའི་བཀའ་རེད།།

དང་དོད་སེམས་ལ་མེད་ཀྱང་།།

བཀའ་ལས་ལྡོག་ཐབས་མི་འདུག།

དེང་གི་སྤྱི་ཚོགས་རང་བཞིན།

རག་བཙུན་དྲུང་ཉི། སྨན་རི་གླིང་།

མཁས་པའི་གོ་ས་འབྱོར་ལྡན་ཕྱུག་པོས་འཛིན། །

ཤེས་ཡོན་ལྡན་པའི་ཉམས་ཆུང་སྤྲང་དུ་ལུས། །

མཐོ་སློབ་ཕྱག་འཁྱེར་རིན་ཆེན་ནོར་གྱིས་ཉོས། །

དོན་གཉེར་སྐྱེས་བུ་མི་ཡི་བྲལ་ནས་བུད། །

རླངས་པ་རྔུབ་ན་ཁྱེད་རང་ཏོག་དབྱིབས་གཉན་སྲིན་ལས་སྐྱོབ་ཐུབ་བམ།

དགེ་བཤེས་ཡར་ལོངས།

༄༅། །ཆབ་སྐོལ་ཚ་པོ་བཞེས་པ་དེས་ཁྱེད་རང་གི་མིད་པ་ལ་ཕན་ཐོགས་ཧ་ཅང་ཆེན་པོ་ཡོད། འོན་ཀྱང་ཏོག་དབྱིབས་གཉན་སྲིན་ནི་ཁྱེད་རང་གི་སྣ་རུས་ཀྱི་རྒྱབ་ཏུ་ཉིན་བཞི་ནས་ལྔ་བར་གབ་ནས་སྡོད་ཀྱི་ཡོད་སྟབས། ཆབ་སྐོལ་ཚ་པོ་བཞེས་པ་དེ་གནས་དེར་སླེབས་ཐུབ་ཀྱི་མེད། ཏོག་དབྱིབས་གཉན་སྲིན་སྣ་རུས་ཀྱི་རྒྱབ་ཏུ་ཉིན་བཞི་ནས་ལྔའི་བར་གབ་ནས་བསྡད་རྗེས་གློ་བའི་ནང་སླེབ་ཀྱི་ཡོད། དེས་དབུགས་འབྱིན་རྔུབ་བྱེད་པར་འགོག་རྐྱེན་བཟོ་ཡི་ཡོད། དེར་བརྟེན་རླངས་པ་རྔུབ་རྒྱུ་དེ་ཧ་ཅང་གལ་ཆེན་པོ་ཆགས་ཀྱི་ཡོད། རླངས་པ་དེ་ཁྱེད་རང་གི་སྣ་རུས་ཀྱི་རྒྱབ་ཏུ་ཡང་སླེབ་ཐུབ་ཀྱི་ཡོད།

མི་རྟག་པ།

སློབ་སྤྲུལ་ཚེ་རིང་དབང་འདུས།

 

སྐྱབས་གནས་བསླུ་མེད་གསུམ་དང་དངོས་རྒྱུད་ཀྱི།།

ཕྱག་བྱར་གུས་པས་བཏུད་ཅིང་ཚེ་སྲོག་གི།

རྡུལ་ཕྲན་ཕྲ་མོ་མེ་ལྕེ་ལྷབ་ལྷབ་ཀྱི།།

ཞལ་དུ་མ་བསྟིམ་བར་དུ་ཆོས་ཕྱོགས་ཤོག།

«དཔེ་ཀློག་གི་རྒྱུན་ཤེས།» དཔེ་ཀློག་གི་ཉིན་མོ་རྗེས་དྲན་བྱེད་པ།

ཨ་འདུས་སྐལ་བཟང་རྒྱ་མཚོ།

ཉིན་རེ་བཞིན་དཔེ་མཛོད་ནས་ལས་ཀ་ཚར་རྗེས་ནང་དུ་ཐོན་པ་དང་། ཁ་པར་བསྔོགས་རྒྱུ་ནི་ཉེ་ཆར་ངའི་འཚོ་བའི་གྲུབ་ཆ་ཞིག་ཏུ་གྱུར་ཡོད། འོན་ཀྱང་། ངའི་སྡོད་ཤག་ཏུ་དྲ་ཤུགས་ཀྱིས་མི་སྙོབས་པས་ལས་དོན་ཆུང་ཙག་རིགས་ཀྱི་སྐབས་ང་སྡོད་ཤག་གི་ཁྱམས་རིའི་ངོགས་སུ་དྲ་ལམ་འཚོལ་བར་འགྲོ་བཞིན་ཡོད། ངའི་སྡོད་ཤག་ནི་ཐོག་བརྩེགས་བཞི་བའི་སྒང་ཡོད་པས། དེ་ནས་རྒྱབ་མདུན་གྱི་ཕྱོགས་མང་པོ་ཞིག་སྒེའུ་ཁུངས་བརྒྱུད་ནས་ཐད་ཀར་མཐོང་ཐུབ། ང་སྒེའུ་ཁུངས་འགྲམ་དུ་ལངས་ཏེ་དྲ་ལམ་བཙལ། དེ་རིང་ཡང་སྔར་རྒྱུན་བཞིན་དྲ་ཤུགས་མྱུར་པོ་ཞིག་མི་འདུག་པས་ང་ཡིད་ཐང་ཆད་ཆད་བར་དུ་ངང་སྒུག་བྱས།