༄༅། །དོལ་པོ་སྐྱིད་སྡུག་མཉམ་སྦྲེལ་ཡར་རྒྱས་ཚོགས་པའི་ཚོགས་ཁང་གསར་བཞེངས་ལེགས་གྲུབ་བྱུང་བའི་དགའ་སྟོན་དང་འབྲེལ། སྐྱིད་སྡུག་ཚོགས་གཙོ་ཉི་མ་རིན་པོ་ཆེ་མཆོག་གི་མཛད་རྣམ་ཅུང་ཟད་བརྗོད་པ་དཔྱིད་ཀྱི་རྒྱལ་མོའི་མགྲིན་གླུ་ཞེས་བྱ་བ་བཞུགས་སོ།།
རྩོམ་པ་པོ། སྤྲུལ་འཆི་མེད་ཚེ་དབང་།
 |
གངས་ཅན་མངའ་རིས་དོལ་པོའི་ཡུལ་ཞེས་དགེ་བཅུ་ཕུན་སུམ་ཚོགས་པའི་གནས།།
མ་སྨད་འོད་གསལ་ལྷ་ནས་ཆད་པའི་མྱང་སྟོད་སྟག་རོང་རྒྱལ་པོའི་རྒྱུད།།
གབ་པ་ཞེས་བྱ་རིགས་ཀྱིས་མཐོ་བ་སཱ་ལའི་ལྗོན་ཤིང་ལྟ་བུ་ལས།།
དོལ་ཕྱོགས་སྤྱི་མཐུན་བསོད་ནམས་དཔལ་དུ་མཚན་དཔེའི་མེ་ཏོག་འདབ་སྟོང་བཞད།།
