༸སྐྱབས་རྗེ་གྲུབ་དབང་ཡིད་བཞིན་ནོར་བུའི་ཡང་སྲིད་མཆོག་དགུང་གྲངས་དགུ་པར་སོན་པའི་འཁྲུངས་སྐར་རྟེན་འབྲེལ་བསུ་བའི་སྙན་ངག་ཆེད་བསྒྲིགས་«མཐུན་པ་སྤུན་དྲུག་གི་ཚོམས།»

༼༡༽

པདྨའི་རྒྱལ་ཚབ་བླ་མའི་ཡང་སྤྲུལ་དང་།།

ཁོ་བོའི་རེ་སྨོན་གྲུབ་པ་ལྷན་ཅིག་འཁྲུངས།།

ཚངས་སྲས་མ་ཡི་རྒྱུད་མངས་རོལ་དང་ལྷན།།

སྒོ་གསུམ་གུས་པ་ཆེན་པོས་འཁྲུངས་སྐར་བསུ།།

༸སྐྱབས་རྗེ་གྲུབ་དབང་པདྨ་ནོར་བུའི་ཡང་སྲིད་རིན་པོ་ཆེ་མཆོག་སྐུ་འཁྲུངས་ནས་དགུང་གྲངས་དགུ་རུ་ལོན་པའི་བསྟོད་རྩོམ་སྙན་ངག་ཆེད་བཀོད། སྡེ་ཚན་གཉིས་པ།

འདི་ག་ངེད་དྲྭ་བས། ད་ལན་ཡང་སྤྲུལ་རིན་པོ་ཆེའི་འཁྲུངས་སྐར་ཉིན་མོར། ༸སྐྱབས་རྗེ་གང་གི་འཁོར་སློབ་མཁན་སློབ་དགེ་བའི་བཤེས་གཉེན་དང་སྐྱ་སེར་དུ་མས། རང་ངོས་ཀྱི་ངོ་དེབ་དྲྭ་བ་སོགས་སུ་འཁྲུངས་སྐར་རྟེན་འབྲེལ་བསུ་བའི་ཤིས་ཚིག་གི་སྙན་ངག་དགའ་རབ་བྲིས་གནང་འདུག་པས། དེ་དག་ལ་རྩོམ་སྤུས་ཡག་སྡུག་གི་ཤན་མ་ཕྱེས་ནས། ཕལ་ཆེ་བ་འདི་གར་འགོད་ཨེ་ཐུབ་བལྟས་ཏེ། གཙོ་བོ་བསླབ་པ་གོ་རིམ་གྱིས་བསྒྲིགས་ཡོད་པས། ལྷན་རྒྱས་དགྱེས་གཟིགས་གནང་རོགས་ཞུ།

___________________

«འཁྲུངས་སྐར་བཀྲཤིས་བདེ་ལེགས།»

སློབ་དཔོན་པདྨ་དབང་ཕྱུག

རྣམ་དཀར་དགེ་ལེགས་སྟོང་གིས་བསྐྲུན་པའི་སྐུ། །

དམིགས་མེད་ཐུགས་རྗེས་འགྲོ་ཀུན་རྗེས་སུ་འཛིན། །

སྐྱོན་བྲལ་ཚུལ་ཁྲིམས་རྒྱན་གྱིས་རབ་མཛེས་པ། །

དཔལ་ལྡན་བླ་མ་ཀུན་གྱི་གཙུག་ན་རྒྱལ། །

༸སྐྱབས་རྗེ་གྲུབ་དབང་པད་མ་ནོར་བུའི་ཡང་སྲིད་རིན་པོ་ཆེ་མཆོག་སྐུ་འཁྲུངས་ནས་དགུང་གྲངས་དགུ་རུ་ལོན་པའི་བསྟོད་རྩོམ་སྙན་ངག་ཆེད་བཀོད། སྡེ་ཚན་དང་པོ།

འདི་ག་ངེད་དྲྭ་བས། ད་ལན་ཡང་སྤྲུལ་རིན་པོ་ཆེའི་འཁྲུངས་སྐར་ཉིན་མོར། ༸སྐྱབས་རྗེ་གང་གི་འཁོར་སློབ་མཁན་སློབ་དགེ་བའི་བཤེས་གཉེན་དང་སྐྱ་སེར་དུ་མས། རང་ངོས་ཀྱི་ངོ་དེབ་དྲྭ་བ་སོགས་སུ་འཁྲུངས་སྐར་རྟེན་འབྲེལ་བསུ་བའི་ཤིས་ཚིག་གི་སྙན་ངག་དགའ་རབ་བྲིས་གནང་འདུག་པས། དེ་དག་ལ་རྩོམ་སྤུས་ཡག་སྡུག་གི་ཤན་དེ་ཙམ་མ་ཕྱེས་ནས། ཕལ་ཆེ་བ་འདི་གར་འགོད་ཨེ་ཐུབ་བལྟས་ཏེ། གཙོ་བོ་བསླབ་པ་གོ་རིམ་གྱིས་བསྒྲིགས་ཡོད་པས། ལྷན་རྒྱས་དགྱེས་གཟིགས་གནང་རོགས་ཞུ།

____________________________

«བཅུ་གཉིས་སོ་གཅིག»

ཡར་འབྲོག་མཁན་པོ་ཐུབ་བསྟན་ཡེ་ཤེས།

དེ་རིང་བཅུ་གཉིས་སོ་གཅིག་རེད།།

ཡང་སྲིད་གཞོན་ནུའི་འཁྲུངས་སྐར་ཡིན།།

རྒྱལ་བསྟན་སྣང་བས་ཁྱབ་པའི་ཉིན།།

དགའ་སྤྲོའི་འཛུམ་གྱི་མཆོད་དུས་ཡིན།།

༸སྐྱབས་རྗེ་གྲུབ་དབང་པདྨ་ནོར་བུའི་ཡང་སྤྲུལ་ཡིད་བཞིན་ནོར་བུ་མཆོག་སྐུ་འཁྲུངས་ནས་དགུང་གྲངས་དགུ་པར་ཕེབས་པའི་འཁྲུངས་སྐར་རྟེན་འབྲེལ་གྱི་གཞས་གསར།

______________________

འཁྲུངས་སྐར་བཀྲ་ཤིས་བདེ་ལེགས།

«༸སྐྱབས་རྗེ་གྲུབ་དབང་པདྨ་ནོར་བུའི་ཡང་སྲིད་རིན་པོ་ཆེ་མཆོག་ལ་སྨོན་ཚིག་ཏུ་ཕུལ་བ་བཀྲ་ཤིས་ཆོས་དུང་དཀར་པོའི་རང་སྒྲ།»

ཚིག:  གོ་ཇོ་བུ་ཅུང་། (མཁན་པོ་བཀྲ་ཤིས་ཚེ་བརྟན།)

དབྱངས།:  འབྲུག་པའི་དམངས་ཁྲོད།

གཞས་པ།:  བསོད་ནམས་དབང་འདུས་དང་ཚེ་རིང་དབྱངས་སྐྱིད།

རོལ་ཆ་སྒྲིག་འགོད།:  བཀྲ་ཤིས་དབང་འདུས།

༸ཆོས་རྗེ་དམ་པ་མཁན་ཆེན་ཡིད་བཞིན་ནོར་བུ་འཇིགས་མེད་ཕུན་ཚོགས་མཆོག་དགོངས་པ་ཆོས་དབྱིངས་སུ་གཤེགས་ནས་ལོ་ ༡༧ འཁོར་བའི་རྗེས་དྲན་སྙན་ངག་གསུམ།

«བསྟན་པ་གསོ་བའི་རུ་དར།»མགྱོགས་བྲིས་མ། 

རྩོམ་པ་པོ། གངས་སེང་དཀར་མོ། (སློབ་དཔོན་ཚུལ་ཁྲིམས་ནོར་བུ།)

དབེན་ས་རི་ལུང་དོག་མོ་ཆོས་ཀྱིས་བཙོ་མཁན།།

གསེར་རིའི་ཕྲེང་བ་འདྲ་ཞིག་གྲལ་དུ་སྒྲིག་མཁན།།

འཁོར་ཚོགས་འདུས་པ་རྒྱ་མཚོས་ལྷ་བཞིན་བཀུར་ས།།

ཁ་སང་མཚན་སྨག་བརྒལ་བའི་འོད་ཟེར་ཅན་ནོ།།

སེམས་པས་མ་ཁྱག་པའི་ལོ་ནག

རྩོམ་པ་པོ། མཆོག་བཀྲ་ཤིས། (སྔ་འགྱུར་མཐོ་སློབ་ཆེན་མོ།)

སེམས་པ་ལྷོ་ལ་ཕྱོགས་ནས་ལོ་གཅིག་སོང་།།

འཕུར་ཡ་འཕུར་ཡ་ཟེར་ནས་ལོ་གཅིག་སོང་།།

བསླེབ་ས་འབྱོར་ས་མེད་ནས་ལོ་གཅིག་སོང་།།

ཟླ་རེ་གྲངས་ཀ་བརྩིས་ནས་ལོ་གཅིག་སོང་།།

ངག་འཁྱལ་ཞིག

རྩོམ་པ་པོ། དོལ་པོ་སྤྲུལ་སྐུ་པདྨ་ཚེ་མཆོག་རྡོ་རྗེ།

ལས་དབང་བསམ་མི་ཁྱབ་པའི་སྒྱུ་འཕྲུལ་གར།།

མིག་གི་ལྟད་མོར་གྱུར་ནས་ལན་མང་སོང་།།

ལྟ་བཞིན་ལྟ་བཞིན་རང་རྒྱུད་དགའ་སྐྱོས་བརླན།།

སེམས་ལ་བརྗོད་དུ་མེད་པའི་ཚོར་སྣང་ཞིག།