པར་ལ་བལྟས་ནས་བློ་བུར་གྱི་ཐོལ་བྲིས།

རྩོམ་པ་པོ། དོལ་པོ་སྤྲུལ་སྐུ་འཆི་མེད་ཚེ་དབང་།

ཡོད་ནི་གདོད་མ་ནས་ཡོད་ཀྱང་།།

འབྱུང་ནི་འཁོར་འདས་ཐམས་ཅད་འབྱུང་།།

རྟོག་པས་འཛིན་སྟངས་ཙམ་ཞིག་ལས།།

ཐམས་ཅད་བསམ་ཡས་སྒྱུ་འཕྲུལ་དྲྭ།། 

གདན་གསུམ་ལྷ་ཡི་དཀྱིལ་འཁོར་ཡིན།།

ཆེ་མཆོག་ཆེ་ཚང་ཆེ་བརྗོད།

(འབྲི་གུང་ཆེ་ཚང་༸སྐུ་འཕྲེང་བདུན་པའི་འཁྲུངས་སྐར་ལྷ་གསོལ།)

རྩོམ་པ་པོ། འབུམ་རམས་པ་དགེ་བཤེས་ཆོས་འཁོར་ཚང་རིན་པོ་ཆེ།

འབྲི་གུང་སྐྱེས་ཆེན། །

གུང་གྲལ་བསྒྲིགས་ཚད། །

སྐྱབས་ཀྱི་འོག་ཏུ། །

མགོན་དེས་ཟུངས་ཤིག ། 

ཆེ་ཆེའི་ཡོན་ཏན། །

ཚང་ལ་མ་ནོར། །

ཆེ་ལོང་ཙམ་ཞིག །

ཚང་ཚད་བསྟར་རོ། །

བདག་ཉིད་གློ་བོར་ཆས་པའི་ཁ་སྐོང་ཞིག

 རྩོམ་པ་པོ། ཉི་གཞོན་སྐྱ་མདའ།

གློ་བོ་ནི། ཕྱི་སྣོད་ཀྱི་བཀོད་པ་མཛེས་ཤིང་། ནང་བཅུད་ཀྱི་ལྷག་བསམ་དག་པའི་ཆོས་ལྡན་གྱི་ཞིང་ཞིག་རེད་འདུག མ་ཟད་ལོ་རྒྱུས་སྟེང་གི་བོད་བཙན་པོའི་རྒྱལ་བརྒྱུད་ཡིན་པའི་མངའ་རིས་གུ་གེ་རྒྱལ་པོའི་གདུང་རབས་རིམ་བྱོན་འཁྲུངས་པའི་ཞིང་དང་། རྒྱལ་བརྒྱུད་ཆོས་བཞིན་བསྐྱངས་པའི་གནས་ཤིག་ཏུ་མཐོང་། 

«བླ་མ་མཆོད་པ།»

རྩོམ་པ་པོ། གངས་སེང་དཀར་མོ། 

སྤྱན་ཆེན་འོད་ཀྱིས་གང་བའི་ལྷ་བུ་དཀར་པོ།།

འཛན་གླིང་མུན་པ་སེལ་བའི་ཁྲི་གདུགས་ཉི་མ།།

འཛུམ་ཤ་འགྲོ་ལ་སྦྱིན་པར་ངལ་བ་མེད་པའི།།

དགེ་སློང་ཆོས་གོས་ཅན་པ་ཁྱེད་ལ་མཆོད་དོ།།

གློ་བོ་ལྷུན་གྲུབ་ཀྱི་སྙན་ངག་ཚན་པ་གསུམ།

ཤར་ཟླ་ནག་པོ།

མེ་ཏོག་ཐང་ལ་བབས་པའི་དེ་རིང་སྟེ།།

སེམས་པ་རྒྱང་ལ་གཏད་པ་ལན་གཅིག་མིན།།

རྣམ་ཤེས་ཤར་ལ་ལྡས་པའི་ཁ་སང་ཡང་།།

དེ་རིང་བསམས་ན་ཉུང་ཉུང་མིན་ཚོད་ཡིན།།

ལྷད་མ་བཞུགས་པའི་ཡ་སྔོན་གྱི་གྲོང་གསེབ་ཆུང་ཆུང་།

རྩོམ་པ་པོ། དིང་སྨྱུག

སྐྱ་གོག་གོག་གི་ཁང་པ་དེ་ཚོ།

རྡུལ་འཚུབ་འཚུབ་ཀྱི་ཁོར་ཡུག་དེ་དག

རྫས་སྦྱོར་གྱིས་ནང་ཁྲོལ་མ་རུལ་གོང་།

ཚུལ་འཆོས་ཀྱི་རི་མོ་མ་བྲིས་ཏེ།

དྭངས་ཤིང་གཙང་ལ་ཞིམ་ཞིང་རོ་བཅུད་ལྡན་པའི།

ཇ་སྲུ་མ་དང་སྦྲང་དཀར་རྩམ་པ་ཁོ་ནས་འཚོ་སྐྱོང་བྱེད་ཀྱིན་པའི།

ཡ་སྔོན་གྱི གོང་རོལ་གྱི།

གྲོང་གསེབ་ཆུང་ཆུང་དེ་དྲན་འོང་།

གཟིགས་པ་བརྒྱད་ལྡན་གྱི་སྟོན་མཆོག་ཐུབ་དབང་ལ་བསྔགས་པ།

རྩོམ་པ་པོ། དོལ་པོ་པ་སློབ་དཔོན་ཨོ་རྒྱན་དོན་གྲུབ།

 ༈ འཁོར་བ་མེ་ཡི་འོབས་སུ་གཟིགས། །

འདོད་ཡོན་ལྗན་ལྗིན་ཕུང་པོར་གཟིགས། །

རྒྱལ་སྲིད་རྩོད་པའི་རྒྱུ་རུ་གཟིགས། །

ཆོས་བརྒྱད་གཡོ་རྒྱུའི་ཐབས་སུ་གཟིགས། །