དོལ་པོ་ལྷོ་རི་ཀརྨ་དབང་རྒྱལ། (ཧྥ་རན་སི།)
༄༅། །ན་མོ་གུ་རུ་བཛྲ་སཏྭ་ཡེ།
ཆོས་ཉིད་དོན་གྱི་རིག་པ་ཀུན་ཏུ་བཟང་།།
གནས་ལུགས་རང་ངོ་ཤེས་པའི་རང་བཞིན་དེ།།
ཁྱབ་བདག་དཔལ་མགོན་རྗེ་བཙུན་བླ་མ་ཡིན།།
རང་གྲོལ་རིག་པའི་ངང་དུ་གུས་འཕྱག་འཚལ།།
དེ་ཡང་ཇི་སྐད་དུ། སྒྲ་ཐལ་འགྱུར་ལས། །ལོ་རྒྱུས་དོན་གྱིས་མ་བཤད་ན། །གསང་ཆེན་ངེས་པའི་ཐེག་པ་ལ། །ཡིད་མ་ཆེས་པའི་སྐྱོན་དུ་འགྱུར། ཞེས་གསུངས་པའི་དོན་དྲན་པའི་ངང་ནས་འཆད་པར་བྱ་བ་ལ། དང་པོ་རིགས་རུས་དང་འཁྲུངས་ཡུལ་སོོགས་སྐུ་ན་གཞོན་པའི་སྐབས། བར་དུ་གདན་ས་དང་བཤད་གྲྭ་ཁག་ཏུ་ཐོས་བསམ་ཇི་ལྟར་གནང་བའི་ཚུལ། ཐ་མར་འཁོར་བའི་ཆོས་ཉིད་མི་རྟག་པ་དང་། མི་བརྟན་པ། ངེས་པ་མེད་པ་བཅས་གསུམ་གྱི་རྐྱེན་གྱིས་སྒོམ་དང་སྒྲུབ་པ་ལ་ཡང་གཞོལ་གནང་ནས། མཐར་མྱང་ངན་ལས་འདས་པའི་ངོ་མཚར་བཅས་ས་བཅད་གསུམ་གྱི་ཐོག་ནས་ཞུ་བར་བྱའོ།།
